火間土 (已結業)

和民價錢同味道 高級日本餐廳位置格局🤨位於尖沙咀北京道一號 地理位置方便易搵 地鐵站出口直上就係餐廳位於高層 對正維海 景觀唔錯 浪漫👍🏻 裝修和式 每一枱私隱度高 好似有間專屬房咁 如果4-6人想傾計傾成晚 都係一個唔錯選擇😚亦有情侶海景位 私隱度高 但有minimum chargemenu選擇十分多 係日式加西式食物為主 有d似和民賣相方面唔錯 味道方面不過不失 份量亦ok 叫多幾層多人share除返開都唔貴海膽忌廉意粉 $98 / 燒魚餅 $68

今日同朋友中午黎左火間土，地點係尖東站L5出口上面，相當方便。壽司+白汁炸薯餅+烏冬定食（$98）壽司+天婦羅+刺身+豬肉定食（$128）呢兩個set 嘅壽司款式都係一樣，基本上啲魚生夠新鮮，飯嘅口感都不錯。烏冬湯底係鰹魚湯，味道不算出眾，勝在烏冬夠彈牙。薯餅外皮炸得夠香夠脆，裡面香甜嘅薯泥薯香十足。另外仲有個小甜品，香濃嘅芒果味，甜甜酸酸，加上少少奶油香，十分美味。另外一set豬肉肉質比較硬，味道一般，相反天婦羅蝦肉彈牙，皮炸得又脆，唔止蝦，連塊炸冬菇都好好食。茶碗蒸裡面有少量海鮮同菇，夠嫩滑之餘亦夠鮮味。雖然另外收加一服務費，但尖沙咀黎講，中午食日本野仲要有呢啲質素，服務亦都唔錯，其實算幾抵，見到隔離台食燒牛肉定食好似好好味，我下次會再同朋友黎試下其他lunch set。

食晚飯，冇訂位。有個眼鏡東菇頭短髮男侍應帶入。當時有好多窗邊位，只是隨便地問了一句，窗邊位坐唔坐得? 佢惜字如金: 500蚊。 我同朋友當場呆左，要比500蚊先可以租個party room咁坐? 但以我地高強嘅理解力，估佢應該話要叫夠500蚊野食先坐得嘅。我地冇睇過餐牌，就話咁算啦。食物質素一般，正常野。偏油偏咸，有叫野飲食完都好口乾。薄餅不夠脆。芭菲2/3都只是忌廉，不行 。隨便叫，餐牌嘅食物唔係特別平，最後都600幾蚊。食物一般，但最不行的是那500蚊。跟朋友講開這經歷，才知他也受過一樣的氣。不建議去，我也絕對不會再去。

今日食個hea lunch，揀咗北京道一號嘅火間土，全因呢個無敵海景。呢度裝修時尚雅緻，樓底夠高，又有seaview，環境不俗。午飯時間有好多Lunch set選擇，大部份百零蚊已經有交易，比我想像中便宜。我揀嘅係海鮮三味天婦羅便當定食$128，份量十足十，有沙律、刺生、魚生飯、壽司、天婦羅、蒸蛋、麵豉湯同餐飲，好在今日戰鬥力不俗，可以完全KO成份午餐。若果係食量比較少嘅女士，我諗可以两個人share一份。好友揀咗燒鯖花魚配豬肉生姜燒定食$88，賣相不俗，除咗燒鯖魚同豬肉之外，套餐仲配咗蘿蔔薯仔、滑豆腐、麵豉湯，都算相當豐富。食物質素有相當水準，魚生刺身都夠新鮮，鯖魚同豬肉生姜燒嘅味道都唔錯。咁嘅環境配咁嘅食物質素，賣咁嘅價錢，我個人認為性價比相當高，去TST揾食，呢度都算係一個不俗嘅選擇。

芝士美食一試難忘, 無視膽固醇, 每年必到, 有時候焗得唔夠乾, 今次焗得幾乾身, 就是帶的酸味重了點~另外的壽司飯套餐就KEEP住質素, 當然就不及日本的鮮味哦~

尖沙咀好多好野食，係呢邊返工近近地就去左係北京道既火間土食日本野。裝修日本風味，單係大門望入去已感覺到濃濃既日本味。中午等位唔算耐，職員安排左我地入房仔，六個人自成一角食飯吹水都好舒服。入房前到除鞋，同日本一樣啦，坐位空間都好闊。中午套餐平均百幾蚊，我就叫左個壽司套餐。壽司新鮮既，味道唔錯。烏冬沙律都係水準貨，但附送既甜品就好麻麻地，失曬分！整體上服務同環境都係水準之上，晚上黎應該仲靚，有些位置可睇住個靚景同另一半或一班好友共進晚餐。中午食完仲會送九折優惠卷添。有機會都會再黎既

甜品細細哋 精緻的骰 又幾有quality過 好驚喜 最recommend係石燒格餅伴雪糕 正.!火間土紅茶布甸伴雪糕$43士多啤梨芭菲$58抹茶丸子雪糕$42熱!熱!石燒格餅伴雪糕$43📍尖沙咀

今星期係公司叫外賣食足4日，真心唔想再咁對待自己。比一餐食得好少少可唔可以搞搞之下揾多2件一齊出發去食好西臨出發前都擾攘咗好耐，究竟食咩好 ,最終就黎左呢度啦~~原來呢度都有好多Lunch Set，價錢都唔算好貴，可以接受。 燒鯖魚+豬肉生姜燒定食($88)OK喎 條魚煎得好香口，碟生姜豬肉亦都好入味，呢個價位算係咁架喇~ 特選牛排定食($98)熱辣辣用小鐵板上枱，師傅已經切好晒細細舊，夾起入面仲有少少粉紅肉 有咬口但唔韌 雜錦鍋燒烏冬壽司定食($95)石鍋上夠熱，不過烏冬麻麻地，唔彈牙，仲有d粉粉地 希望店家跟進一下，成舊水個餐都唔平喇~比d咁既質數比食客總括黎講，話晒尖沙咀區，價位係高少少，但都希望煮得好d喇~ 其他食材都尚可。坐位都舒適有獨立空間，可成班朋友聚一聚。

hello☀️is Weekday lunch🍢🍣🍙🍱🍴let's enjoy the beautiful day with happy lunch❤️..最開心係望見天空放晴。✨✨💛 好天氣`就有好心情。對 我承認係一個容易受天氣影響既人哈哈。總覺得一頓好午飯 能讓我在忙碌既工作中得到抒懷。望著藍天白雲配上迷人維港既景致 美得像幅畫。再吃個美好的午餐 會讓我忘卻早上工作的煩惱呢。平常除了在海港城吃飯，這裡會是我另一處既飯堂。這幢大廈已經差不多吃過晒了，而這家會是我其中一間喜歡的又常去既日式飯堂。呢度既日式定食種類不少，有刺身`丼物`前菜`沙律`麵豉湯`定食`小碟`麵食`刺身飯等等，真的可以因應當天不同既心情 揀選不同既餐點呢。好了唔講住。。我要專心吃飯了🍱🍴🍶好好享受一下 當下午飯的時光呢。未吃飯的你 也快點去吃個午飯吧💙

性價比高既《火間土》食物質素高，價錢合理（朋友話：和民價錢）用咁既價錢再配埋咁既景，火間土十分值得推薦！提前book左位，被安排坐係靠近窗邊既四人位，可以望到維港夜景！食物：魚生勁新鮮甜品：大約$50一份（港女之愛搽茶雪糕甜品）*每張枱都有個「鐘仔」，每次搵個侍應，落單都要㩒個鐘仔，d侍應吾會冇啦啦走過黎望住你食野都幾好！ 食完坐低傾下計都吾錯 侍應吾會趕人走地理位置：餐廳既位置有d難搵，一入到餐廳覺得間野好黑好暗

今晚，是我同老公慶祝結婚週年紀念日。提前兩星期已訂位，我們訂了海景位，最低消費要500蚊，但這裏環境不錯，可以飽覽維港的景色，相當浪漫。我們已很快落單，餐牌的收費價錢不貴，有前菜，主食，鍋同甜品等。而且服務不錯。我們一共叫了三至四樣主食，有櫻花蝦薄餅，有set的串燒，有燒生蠔，牛油果卷，牛肉火鍋。

今日同同事去食晏~~~因為其中一位外國同事，所以揀左呢間有view睇下!!一坐低到落單外國同事都好滿意。我哋一行7人被安排見到窗嘅位，其中兩位同事痴牆座，果到嘅空間都窄，男經理捧住餐嚟問位邊嫁？一聽到係最入邊嘅同事即刻反晒眼，黑晒面，好似想我哋傳去咁，平時我哋都無所謂，但佢嘅態度實在太差，我哋唔理佢只係讓位比佢，佢迫於無奈自己捧。到第二個餐，又係最入面同事，今次黑面都算，行到我後面竟然太聲嘆氣，好唔想做咁!!!其實唔想serve呢啲位，你可以同公司反映改過啲seating，北京道一號唔係大排檔，我唔會except咁嘅services!!!其他人都好nice好好，好有笑容，係果位男經理好有問題!!!

今日約左真 朋友係tst食飯，但好不幸地係街撞到一個，自小學畢業，就冇見冇contact既小學同學。。真係 司馬昭之心，路人皆知！佢仲話，「你同其他小學同學係咪好耐冇聯絡啦？不如我幫你約佢地出黎啦！」好彩呢個時候我既真 朋友到附近，催我過去jet。。真係好唔明點解會有d咁怪既人。。今晚友人話去北京道一號食飯，靚view，但價錢唔貴，甚至可以話係平！一上到去，就見到大大個落地玻璃窗，維港景色盡收眼底！如果坐window seat，應該更加不得了！不過今日2條友，就食唔到window seat既最低消費$800打開menu，見到樣樣都好吸引，好colourful，我地分別叫左:三文魚腩卷海膽$98海膽味道濃郁，搭配三文魚腩一齊食，相得益彰。櫻蝦薄餅$85薄餅烤得香脆可口，烤過既櫻蝦好香，係成個pizza既靈魂。薄餅風玉子燒$43長方形既玉子燒就見得多，但圓形既就比較小，味道方面都係甜甜地，個汁鹹鹹地海鮮意大利粉$98最後呢個意大利粉都好好味，玉子都好正！份量又夠！總結而言，呢間餐廳要view有view，要好味有好味，性價比好高！趕走哂我內心既不愉快！

今日午膳離群獨個兒，只想享受獨處的了歡愉。走到尖沙咀火間土，我點了定食，望暑滂沱大雨的海景，內心有一種說不出來寧靜。賣相七彩繽紛，頓時食慾大增，烏冬口感極滑，醬油湯底伴隨蔥花，單吃也相當美味。小鰻魚飯，鰻魚切成小塊，沾了甜甜的鰻魚醬汁，醬汁恰如其份，伴著粒粒分明的珍珠飯，吃時嚐到鰻魚的魚鮮和油香，那是最辛福的丼飯。小吃有炸蠔，是廣島蠔吧，咬下香脆中爆出蠔汁，真美味。作結的沙律甚有誠意，沙律菜，粟米，青瓜還有紅腸，清新又健康。

在尖沙咀吃午餐，可平可貴，豐儉由人，今日去的是位於北京道道1照8樓的火間土。它的環境優美，部份座位可欣賞維港景色，別以為有這個靚境，它的收費一定很貴，午市套餐原來只不過要一百元左右，有湯，有前茶，有主食，有飲品，相當為之豐富，今次點了燒雞扒定食和石頭牛肉定食，燒雞扒定食七十八元，雞扒size 不算大，但煎很不錯，有幾條蔬菜拌碟，賣相又不錯，而石頭牛肉定食的石頭上枱還很熱，牛味濃郁，醬汁又惹味，令人愈食愈想食。整體來說，要在尖沙咀用一百元既吃環境又吃食物質素，火間土是一個不錯的選擇。