火間土 (已結業)

今晚係一個特別既日子，友人預約了這間位於尖沙咀北京道一號的餐廳慶祝。只需要能夠食滿$800，便可以坐在欣賞海景的2人包廂，私隠度都幾高!我對上一次食已經係好多年前了，能夠再次黎到呢間靚海景既餐廳食飯真係好開心!侍應非常熱情招待，坐低後望住維港夜景十分興奮!呢個時候要點野食啦!餐牌上有好多款食物可選擇，簡直眼花撩亂，終於揀到幾款叫啦!生榨西柚蘋果酒、荔枝酒，兩者中蘋果酒較有酒味，不過酒味也不多，飲落似飲蘋果梳打。而荔枝酒偏甜，沒有酒味，似飲緊道X牌既荔枝玉露!竹筒冷酒，係清酒來的，有淡淡既竹味，幾特別!蟹蓋蒸蛋，味道不錯，蒸蛋上有蟹味既汁，非常鮮甜，而且蒸蛋中還有兩隻蟹鉗，啖啖肉!牛油果蟹肉沙律，係用半個牛油果盛著，牛油果同蟹肉加入沙律醬同少少wasabi，感覺好清新!超特級刺身，含有7種刺身，個人覺得當中三文魚、赤貝同埋海膽較為鮮甜!已當天我地食既吞拿魚較為多筋!肥美海鰻卷，呢個我就覺得麻麻地，芝麻味搶哂鰻魚的味道!枝豆，較多鹽，好食!燒魷魚筒，不算太大條，但佢既醬汁味道不錯!加上薑蓉一齊食，味道鮮甜!東京牛肉鍋，睇圖以為唔大鍋，黎到發現其實都幾大!湯底係壽喜燒既味道，牛肉好大塊，好嫩

人生未試過望住文化廣場吃飯，總要去試一回。訂了坐窗邊位，有min charge $400, 不過4百蚊吃日本餐是很容易達到的。壽司還不錯葱吞拿魚丼，幾好吃好味芥末八爪魚，新鮮不錯吃燒牛舌串燒很好吃，忍不住再叫多串傾計飲酒首選，燒鷄泡魚魚乾，很好吃，燒得不錯，不過我本身喜歡再軟d，朋友覺得很喜歡。雪芭不推，很普通如果要吃甜品，這款聖代更好吃，雪糕加Cream加栗米片，邪惡又好吃整體感覺不錯，雖然不算十分出色，但有海景，價錢不貴，算最很好了。

景幾靚 望到海景點餐速度都快但耐何上餐速度奇慢點左串燒牛舌同雞翼都可以但魚生飯完全唔得首先一間日本餐廳 用玻璃碗同鐵匙羹食魚生飯已經唔岩feel壽司飯唔凍又唔熱 唔知想點魚生唔夠新鮮另外點左好多人推介既燒牛肉飯又係唔得用鐵板上碟 以為有幾熱 一摸 凍既冷飯冷肉 食到胃都痛埋著西裝似係經理既物體 行過我張台兩三次都唔會主動添茶明明餐廳好多位 就硬係安排陌生人搭台大家都食得唔開心上餐慢 但收錢埋單就出奇地快Encore? 免費也不了!

今日媽媽生日，我請左假，下午去尖沙咀，搵間靚靚地嘅餐廳同佢慶祝。12點到達餐廳，被帶位入座，安排坐到窗口位，望到維港景色，剛好今日藍天白雲，心情大喜。點餐花了一點時間，因為有太多選擇。價錢由$70-150都有。點了2份午餐，原來還配有飲品。首先，來了壽司、天婦羅、刺身、豬肉定食賣相很好，感覺很豐富，味道也不錯，我最喜歡的是汁煮豬肉😍之後來了我的迷你三文魚、蟹籽、帶子定食，配烏冬和前菜，烏冬好滑，好好食。這餐午餐好滿足，又豐富又有美景。又抵食，早結帳還有85折，兩人連加一都唔洗200蚊。

環境好服務好，尋晚9點去到，不用等，坐窗邊位景色很美，但有最低消費，兩位是$500。所以我們沒有坐窗邊位。叫了魚生飯，質數不錯，服務員的服務是超好，給我們加了3，4次茶。

 之前都有食過火間土，喺尖沙咀可以望到海景嘅地方價錢都十分之平，所以就今次下午同朋友一齊過嚟食午餐。來到時陽光都幾普照，所以坐得都幾舒服，今次我哋就帶咗定食以我叫的食係壽司+白汁炸薯餅+烏冬定食。大約10分鐘都不用定食就來到了，首先食咗個沙律沙律菜都新鮮，而且都有唔同嘅材料入邊，所以口感都唔錯。烏冬仲以為好細碗，但係原來都幾足料，海帶好味道，而且烏冬口感非常之彈牙，湯底味道都不錯。壽司一邊有五件都好鮮甜，唔會話十分之細。還有這裏仲好窩心，有埋壽司姜可以俾我哋食。整體這個價錢都十分之抵，而且服務態度都不錯，有時都會倒茶俾我哋。

首先, BOOK 檯時話有張海景檯既房間，但最低消費 $800 TOTAL, 好啦姑且一試。入到去坐低L型梳化, 唔可以前後移動, 食野都要坐到好前, 唔舒服。最慘係個海景...如圖所示...那有海?? 得D維港射燈....其次係野食, 同 和X 差唔多味道, 所以D人會話咁貴都係食個海景, 可惜海景都食唔到。服務態度正常。同我初時 expectation 差好遠，因為講到話海景枱，又要最低消費，估唔到係咁。所謂比間房我，其實只係間出黎既一個角落。

今晚男朋友來接我放工，帶我去食呢間日本野裏面間格頗別緻，有部分是一格格的榻榻米，一邊是看到海景的，還有二人房（只要消費滿800再加一）我們計算過應該夠800,於是轉入二人房，相對安靜及有私人空間。我們order了天婦羅烏冬，芒果三文魚卷，雜錦壽司特上，兩隻生蠔，兩串汁燒蚝，炸雞軟骨，竹筒酒和抺茶pancake兩個人total 食左797,haha 差3蚊800，食到超飽，好滿足👍🏼👍🏼👍🏼仲有個蝦天婦羅，忘了拍照，天婦羅皮不夠脆

這裏的商務午餐十分抵吃，窗口位加個大海景，一個午餐是100多200元，可以在這裏享受一個寧靜的下午。看賣相已經知道這裏的鰻魚飯一定不簡單，饅魚非常大塊，充滿油光，上邊亦淋滿了饅魚汁，是我喜歡重口味的鰻魚飯。鰻魚燒得表面脆脆的，而且肉質非常肥美，夠厚身，配上煙煙韌韌，粒粒分明的珍珠飯吃，非常好吃。魚生飯也是落足料，魚生新鮮，只是魚生飯的飯有點煮得太淋身，令我有點失望。幸好帶子和三文魚的份量尚算充足，旁邊還伴有一點海膽，也算是一碗鮮味十足的魚生飯。

我地幾個女士想食得舒服又可以坐得耐些，朋友建議火間土，話環境清靜，就試試啦😄本來想訂𥦬口位置，但要限時，因為大家放工時間不一，唯有坐遠小小，但都睇到出面風景🤗未齊人都叫住食先，早到都坐了半小時，都有些唔好意思😅 點了海膽三文魚腩卷，好味道😋 齊人時再加追多一碟😆 串燒都不錯，有set同散叫，我地選擇散叫；但個燒魚餅就非常失望，感覺似普通魚蛋，燒牛肉飯D飯好味，但牛肉比我心目中硬，可能凍咗，玉子燒都可以，食物不過不失，價錢都不太貴，每人大約二百多些，我們坐了大約三小時多；侍應不多，行過都幫我地加水，有禮貌👍🏻

星期五晚同大學同學聚會每逢哩d聚會要揀地方都好苦惱因為哩個人又唔食哩樣個個人又唔食個樣最後我地揀左最多人鍾意既日本野見openrice 都幾多好評就不疑有詐餐廳既裝修幾別緻打造到好似日本居酒屋咁但係d位堅焗 食左個半鐘流哂汗火炙三文魚 入口即溶 唔錯沙津軟殻蟹卷好大舊飯軟殻蟹一d都唔脆 感覺唔新鮮 有d苦個人覺得元氣既軟殻蟹好味好多海鰻芝麻卷味道正常和牛磨菇意大利粉意粉幾彈牙同學形容得幾好：廟大燈籠細得幾片可憐既和牛仲有食燒魷魚 鰻魚飯 三文魚芒果卷 三文魚腩海膽卷 味道都正常食完我地打算食蛋糕侍應過黎收一收碟咁坐得比較入既朋友聽唔到侍應叫佢遞野出黎坐起出面既朋友聽到個侍應執完一半野係咁講粗口鬧我地仲有一半既碟就hae起度唔執服務態度差到咁其實成餐飯見d侍應都係冇咩表情我都唔expect要人下下笑口saisai serve住但係咁樣鬧客人真係好惡劣囉出去問人廁所起邊個waitress 係可以直行直過扮聽唔到其實一間餐廳既服務態度好影響一餐飯既氣氛我覺得哩間餐廳管理層好需要反省下員工既士氣問題以及如何提升服務質素結論係 雖然食物質素唔算太差 但真係唔會再幫襯

火間土開咗咁多年，仍然屹立不倒，當然有佢原因，第一位置佳，有啲位有無敵海景位置又就腳；第二食物質素有水準，唔可以算好好食，但食物係中上質素；第三價錢唔算貴，尖沙咀日本菜價錢可以好離譜，火間土有海景又出名，成日比人好貴既印象，但一打開餐牌，其實同出面一啲連鎖日本餐廳差唔多價錢我地5個人去食，叫咗好多野，最估唔到既係，最好食係個韓式石鍋燒牛肉飯！熱辣辣既飯加上燒到啱啱好既牛肉，燒汁夠香再加少少生蛋，哈哈，人大咗真係鍾意食熱野多過生冷野其餘啲魚生、壽司等都新鮮，不過唔驚喜嗱，寫得食評，預咗要還，我不嬲唔太飲凍野，但為咗寫食評，就試下呢杯咁特別，色彩繽紛既飲品，其實係橙汁加碎冰，面頭加cream再加一啲彩色，好似粟米片咁既脆波波，可以算好飲，但對我黎講太凍...其餘食物都唔錯5個人，埋單一人都係$255蚊，我地坐無海景既房位，無限時同最低消費，坐足4個鐘，都幾抵

對上一次來火間土日本餐廳，已經是10多年了，員工話他們開業已有15年😝依然屹立不倒，犀利犀利😝今次我並沒有打來book枱，所以窗邊位置，已經給坐滿了，而窗邊位是有最低消費的😁如果二人枱最低消費是$550！我最喜歡的是牛肉飯，有少許蔥花在牛肉上面，而飯底亦有很多牛肉汁❤️我將牛肉和飯撈在一起非常野味👍🏻我媽媽認為鰻魚飯是最好味，鰻魚汁甜甜的， 而鰻魚又夠厚身，有口感😍鯖魚上面的魚皮燒到卜卜脆，加上檸檬汁，酸酸的，魚肉不是太滑身，但是重魚味，食到不停口

中午同同事食飯，今次嚟咗火間土食午飯。顧客唔算好多，我黎過幾次，鍾意餐廳嘅裝修。裝修很大方，深色主調，低沈高雅，而且環境寧靜，談心一流。加上就算兩個人都會有包間，仲可以望到180度海景。景觀幾開揚，望住個海景都覺得心曠神怡。但係呢度嘅食物質素，唔應該期望太多，百幾蚊一個午餐，唔算好貴，但質素真是極度普通，不過見到無極大海景已經超值。豬肉比較韌，調味唔夠，失落好淡口。魚套餐就稍微好小小，伴菜有好幾樣，煎魚煎一煎條魚就食得。豆腐都幾滑，整體黎講過得去。

朋友同我補祝生日 來到火間土想食日本料理 入面既環境絕對係一流 夜晚仲可以望住維港海景 店員亦好服務食物質素唔錯 牛肋骨味道好 配個汁都好好味好好味既peach芭菲 食完仲想食一個不過日本壽司 刺身都係價錢高少少 但氣氛非常好 每人食左$200-300