火水爐冰室火鍋

营业中

休息中

第一次黎食，上網見到介紹呢度花膠雞湯好正，滿心歡喜黎到叫左最貴個$279牛小排任食餐湯底上抬原本好期待個花膠，但係見到竟然係疑似魚肚甘樣，大家可以睇圖片，我唔知係咪我孤陋寡聞啦個湯又唔濃郁，真係好失望未見過咁肥既牛小排，無牛味又韌，豬肉片又係韌到呢完全唔知咩事。加錢叫左$38/4隻日本廣島蠔同$38/4隻北海道帆立貝，真係點都估唔到會係雪藏狀態咁上枱，我認為最起碼都要先溶雪先攞出來俾客人吧成餐最好食係粟米同墨魚丸，粟米好甜好新鮮。魚皮餃都伏，其他野就不過不失吧。應該唔會再去了，真係大跌眼鏡。

最近舊同事提議食火鍋聚一聚，我就想起這家火水爐冰室火鍋，一來位置方便我們，二來裝修極具復古的香港風格，打卡一流。我們點了安格斯牛小排花膠火鍋跟麻辣花膠雞煲湯底，因為朋友們都是食肉獸，這個套餐可以任食五款靚牛！醬汁的配料多，還有我最愛的花生醬，火鍋配料和飲品的選擇都好多，我就最欣賞餐廳有冬瓜茶，而且還是罐裝的～點好湯底後，餐廳隨即送上餐前小食，有炸燒賣及魚蛋，令肚餓的我們舒緩一點😋雞煲點了中辣，好惹味之餘不會過辣，而且份量好多，雞件滑嫩，花膠厚身彈牙。惹味的雞煲又怎能不配啤酒呢～這個餐廳是用戰鬥碗飲啤酒的～好有氣勢啊。響鈴分別有原味及紫菜味，我就全都要。紫菜味比原味更出色～ 韮菜餃&魚皮餃餐廳的餃子都不錯，皮薄料足。另外還有午餐肉、蟹柳等等基本配料，但最特別是有鵝腸提供，而且質素不錯，口感爽口。黑毛豬肉片 有驚喜！有咬口而且口感鬆軟，有濃濃的肉味。另外不得不提餐廳的牛肉質素非常好！新鮮粉嫩。食肉獸將四款肉都試了，包括有安格斯牛小排、特選牛頸脊、穀飼牛板腱及美國肥牛。我最喜歡的莫過於安格斯牛小排和牛頸脊，牛小排脂肪比例平均，切得薄薄的，享受到牛油味又不至太油膩。而牛頸脊比牛小排瘦，但更加彈

今晚同男友來旺角間「火水爐」，以懷舊風格裝潢，四處都見以前的舊物，令人懷念。圓形大枱，一看d紋就諗起兒時食飯的情境，仲有一排火水爐。火鍋套餐放題有3款價錢，由$228-328，我地揀左最貴且有優惠的$279套餐，安格斯牛小排花膠火鍋放題任食90分鐘。有8款湯底，我地食濃厚花膠雞湯鍋，先飲湯再食火鍋，個湯果然好濃花膠味，有雞湯清香，唔會過咸，暖胃滋補。花膠亦超厚身同大塊，質感彈滑重膠質，雞肉亦嫩腍。飲品有8款罐裝選擇，亦可加錢要其他飲品，啤酒也很受歡迎。等待準備火鍋時，可以調好醬料，另外，仲可以點雞蛋，一陣用牛肉沾生蛋醬油。店員仲俾左炸燒賣及魚蛋俾我地食，懷舊小食味道都幾正。主角 安格斯牛小排，脂肪分佈平均，入口肉嫩多汁，味道濃郁肉質細膩。沾醬汁生蛋，更香滑更滋味。美國肥牛，油脂豐富，充滿牛脂香，由於脂肪位多，入口比較彈，配金菇同食最正。特選牛頸脊，肥瘦相間，肉質扎實，但入口嫩滑腍身，味道鮮而不羶。穀飼牛板腱，較少脂肪，肉質細緻，牛味突出且有肉香，柔軟好咬。配料有30多款，非常豐富。牛柏葉爽口，水魷彈牙，蜂巢豆腐吸盡湯汁好正。蔬菜有20多款，賣相吸引且新鮮乾淨，蔬菜解膩又吸湯，粟米更是

同朋友要傾啲嘢就book咗呢間嚟食啦 餐廳非常有特色 想營造70 80年代大排檔嘅感覺 計張枱都係傳統大排檔嘅圓枱 下面拉個拖把配個電磁爐就打邊爐非常raw 強勁音樂令你一入到黎就精神晒 同街道強烈對比-------------花膠雞湯非常清嘅一煲湯 打邊爐前先飲一碗 花膠超大塊 雞味略嫌比較少 不過不失叫左好多餸 點評幾樣最好食既牛小排: 肉味香 脂肪比例好 入口時牛味同口感一次過沖擊口腔 好好食韭菜餃 十新鮮既韮菜 仲係鮮綠色 煮完後同瘦肉好夾其他d 都好食 但最驚喜係呢兩樣下次會再黎食 試多d 餸

火水爐冰室火鍋 - 老香港情懷今日嚟到旺角一間主打港式火鍋的專門店，這裏的裝修設計非常有特色，以70年代的香港為主題，五光十色的霓虹燈管，懷舊的碗具、餐桌。安格斯牛小排花膠放題我們選了牛小排套餐，除此之外，還有牛頸脊或牛板腱套餐。濃厚花膠雞湯鍋指定套餐才可以選的湯底，清甜的雞湯，內裡有著嫩滑雞件，厚度十足的花膠，膠質滿滿，超級滋補。火鍋肉類五款任食肉類，推介安格斯牛小排，油花靚，油脂豐盈；另外特選牛頸脊牛味濃郁。火鍋配料雲吞水餃一應俱全，而且是手包的，餡料滿滿；丸類亦多選擇，牛丸和陳皮魚蛋都有水準；還有必食的紫菜響鈴！

懷舊風情，睇波勝地。七八十年代既昔日佈置，仲有大電視有酒水有邊爐，夠氣氛，約埋三五好友黎聚腳食住前菜小食，慢慢睇慢慢揀。牛小排花膠火鍋放題套餐 $328 （星期一至四晚有85折就$279）叫左濃厚花膠雞湯，先飲湯再打邊爐，湯底無得頂，除左濃郁仲好清甜帶幽幽雞骨味，補身又養顏。花膠非常有厚度，爽口且唔潺唔溶。4牛1豬，任君選擇，有肥有瘦，有濃有淡，有硬有軟，但我最愛既都係牛小排，夠哂牛味。一般火鍋放題既野呢到都會有，不過呢到連鵝腸都有，好鮮好爽。魚皮餃都好與別不同，大大粒，魚皮爽脆，裡面既肉又唔會勁肥。

懷舊的香港風，一班老死敘舊好地方！濃厚花膠雞湯鍋 - 一定要試滑雞，老闆安排左雞髀肉，滾4 分鐘食時間岩岩好，兩大塊花膠，同碗size 岩岩一樣大。滿足感100 分肉類選擇 - 鐘意肉肉既朋友如我，呢到既選擇唔算多，但質素有保證，我本人鍾意食有咬口嘅肉，呢五款都試過，心中排名：特選牛頸脊，安格斯小牛排，黑毛豬肉片，美國肥牛，穀飼牛板腱。素菜類 - 如果有素食者嘅朋友，呢到既選擇真係不得了，大概有20款可以選擇，份量適中， 兩個人可以叫好多款，咩都試到😁總結：佢呢個地方遠離旺街，一班朋友想搵地方落腳食飯吹水，呢到好岩，樓上鋪 + 懷舊裝修 + 任食+ 有波睇，呢個價錢可以再encore 🍺😝

打邊爐真係冇分季節😆 今日去咗「火水爐」食餐飽😆 餐廳充滿懷舊風格，裝修特別，播放的歌曲都係懷舊金曲，別有風味👍🏻 我地決定食「安格斯牛小排花膠火鍋任食放題」🤩優惠時段每人$279，可以任食5種靚肉😋 我地叫咗「濃厚花膠雞湯鍋」，有半隻雞喺入面😍 雞肉嫩滑，味道好👍🏻 花膠超級大塊！🤩 雞湯冇味精，放心飲，正！😋 5款肉包括：安格斯牛小排、精選牛頸脊、牛板腱、美國肥牛，同黑毛豬～ 個人推介推牛小排同牛頸脊，肉質鮮嫩，牛味濃👍🏻 除咗肉，其他配料都好正，紫菜響鈴、炸魚片、鮮腐竹、雲吞、等，都好味😋 我地又叫咗日本廣島蠔、海虎蝦、帆立貝食，都唔錯～ 飲品都係任飲，有好幾款選擇👍🏻 值得一讚係職員的服務態度非常好👍🏻 不過幫我地換碟，上菜速度好快，服務周到😊 有時間會再去～

先講下環境先, 環境就唔算話裝修好靚,反而有小小懷舊風味既大排檔feel!張台都算大, 放到野, 所以都算舒服.醬料正正常常, 如果有埋辣個邊既醬會更好, 例如沙爹醬, 沙茶醬.我地叫左花膠沙爹湯同花膠豬肚湯,值得一提既野係沙爹湯要定期搞一搞佢, 如果唔係會焦的,湯底算好濃, 有落足料, 味道好.呢到既最大特色係會有d小食比你食下先, 熟食黎, 可以即食!值得一提既係d牛小排, 牛味本身就肉味好濃岩晒用黎打邊爐,火鍋本身就岩肉味濃小小既牛, 反而和牛個d油花味太重個d唔太岩用黎做火鍋料.牛本身口感彈牙, 牛味濃唔洗特別點醬都好好食.質素算高的.值得一讚既係呢到有稻庭烏冬, 基本上其他配料都無咩問題整體係高質素既配料都會有.整體我覺得呢到食物質素咩都滿意, 同偏高, 湯底都滿意, 所以價錢都合理既!

整間店懷舊裝修，門口已充滿八十年代風味店內也放置了很多舊式的真火水爐，以及牆身有很多香港舊電影的海報星期一至四做緊85折，而任食時間有90分鐘最後點了安格斯牛小排花膠火鍋套餐八款湯底最後點了，麻辣鴨血花膠湯底有幾件大大件花膠，跟嫩滑鴨血，湯底香辣惹味免費任飲飲品，有罐裝汽水跟楊協成，其他飲品就要另外加錢先送上餐前小食有炸燒賣跟炸魚蛋，點上泰式辣醬非常惹味用來過一下口癮真不錯，也可以追加任食都不外乎肉類，海鮮，餃子，丸類，蔬菜等等先點上，安格斯牛小排，特選牛頸脊，穀飼牛板腱，美國肥牛每款都有其特色，雪花好均勻，個人最愛牛頸脊，牛肉味重黑毛豬肉片亦有水準，吃起來也不會太柴其他配料也不錯，皮蛋，鵝腸，炸響鈴，炸魚皮，金菇等等任食邊爐CP值幾高，食肉獸最愛

之前就喺屯門店食完之後，對佢個牛頸脊同牛小排套餐一直都念念不忙🤤，所以呢次休息就特登去旺角再會一會佢😆一坐低大概都已經決定好食$328嗰個套餐，因為呢個先有牛頸脊任食🤑但今次就唔食雞煲，主力食牛肉🤣🤣湯底叫咗沙嗲拼麻辣鴨血鍋，兩款都有厚厚既花膠，招牌果然係招牌，大大塊，充滿骨膠原既味道😚😚沙嗲香濃而細滑，麻辣湯就夠晒勁度，而且再唔少藥材，味道更有層次感👍🏻小食：炸燒賣&炸魚旦，一開就已經送，兩樣都脆卜卜，加埋啲泰式辣醬，夠哂開胃👍🏻，唔夠就可以再encore牛小排：質素同之前一樣，夠哂大塊又吸👀，望落以為柴柴地但其實好爽口，牛味夠哂濃，點啲豉油捲埋啲蒜食，滋味加倍😂牛頸脊：雪花分明，拖兩拖已經食得，肉質相當嫩滑，同牛小排比多一份油香，係我最喜愛嘅食物，有佢已經值回票價了🤩🥳黑毛豬肉片：係今次既驚喜，嫩到以為食緊雪花牛，夠哂清爽，非常適合點醬油一齊食😋😋最後真係不得不讚呢度服務，佢哋真係非常落力，見到佢地不斷走嚟走去，而且仲會主動幫我地執碟加湯，較細個火吖，真係令我食得好開心🥳

第一次係Openrice寫食評，未試過食野食到咁嬲。琴晚朋友book左6:45，但因為搵路，所以我地遲左幾分鐘，餐廳係6:50打比我朋友，對方電話入面態度已經唔太好，皆因佢地搞錯左我地book枱既時間做6:30，朋友已經好聲好氣解釋係book左6:45，並且講左唔好意思盡量趕快到，對方係講左句：「我呢到係寫6:30喎，咁而家你都係遲到阿！」我地知自己遲到所以都無同佢嘈。去到餐廳，某位戴眼鏡短髮女服務員一開始態度好好，介紹我地食最貴個餐，但我地就揀咗中價位$288一位既餐。但全程都食到好趕，食左一個鐘就last order，我地都有再點多轉野食。去到最後半個鐘，個位戴眼鏡短髮女服務員好似用催我地既態度話：「你地後面仲有啲野食喎！」但其實我地一直好急咁食緊，好似將所有野倒落個鍋到一鍋熟，完全唔似打緊邊爐。其實呢個價錢，得一個半鐘，仲要醬料額外收費，食物款式少（好多都要另外收費），質素一般，真係唔抵。重點係去到最後，一夠鐘服務員就會過黎叫你執野走架啦，一秒都唔會比多你，趕你走咁。用呢個價錢我諗有大把其他更好既選擇，好彩一開始無揀到最貴個餐。總之呢間野無論食物、店員方面，都有好大既改善空間，真

喺Openrice book左18:45 同朋友上去打邊爐因為餐廳位置有少少難搵 兜左路所以遲左 全程勁趕咁用google map搵路 所以都忘記左打俾餐廳講聲會遲5-10分鐘🤦🏻‍♀️18:52 餐廳一個女人打黎問-佢：請問你地係咪黎緊架我：係呀係呀唔好意思呀 我地趕緊黎大概2分鐘就到佢：咁你快啲喎 你地book左6點半架喎(把聲已經係好唔滿意)我：下唔係喎我book左6點9 不過我地都趕緊過黎架喇 就黎到啦佢：但我見到你係book左6點半喎 我：但我真係book左6點9... 佢：咁你快啲啦 咁你都係遲到丫(把聲勁系)-明白依家生意難做 所以遲左少少我地都唔係幾好意思 已經勁趕咁去緊 但唔明點解個女人咁堅持係都要話我地book左6點半 電話中態度仲要幾差下 但其實check返openrice個record 我地真係book 6點9 未去到餐廳已經咁樣 之後更精彩上到餐廳 因為我地係6個人所以要分兩張檯我地就問個女人(就係打電話俾我嗰個 睇佢應該係老闆娘/經理黎) 我地可唔可以拍近少少🤏🏻方便講下野 心諗如果唔得就算佢當時都仲好有禮貌咁話 唔可以主動幫我地拍 但我地都唔可以太近 都要隔

打邊爐♨️係香港人精神，速食文化更加係不知不覺地鍛煉左出嚟，火水爐嘅90分鐘放題，一個價錢封頂，食盡高質靚牛🥩絕非一般塞飽你貨色，盞鬼場景好似時光倒流，識得睇嘅重拾回憶📹🎥，唔識睇嘅都會覺得夠麻甩，幾過癮咁😎麻甩啱我呀，特意揀勁多芫茜☘️🍀湯底，貪佢清熱下火呀，加埋大大件嘅花膠，靜食呢煲湯已經抵曬喇，肉類主打都係牛，安格斯牛小排，牛頸脊，殼飼牛板鍵，全部叫一round 先，我唔客氣啦😍😍😍啱啱先調好醬料，服務員就送上餐前小食，係炸陳皮魚蛋同燒賣呀🍢🥟，卜卜脆熱辣辣配埋泰式醬料，過下口癮真係唔錯, 鍾意食呢個都可以追加架🍡。主攻嘅牛肉🥩果然名不虛傳，色澤光亮，切片溫度剛好而且厚薄適中，筷子🥢輕鬆的起，稍為淥一淥♨️已經食得，嘩、呢度嘅牛堅靚呀，三兩下已經清左牒，即刻加單冇甩底，第二轉、第三轉，啲牛一樣咁靚，肉味香濃，肉汁豐富，係上品🥩👍👍👍食牛🐮已經食都夠，其他配料已經唔得閒兼顧，點都叫啲重點配搭，雲吞、魚蛋、水魷魚、豬紅、牛栢葉，擺牒企理🦑🥬🥟🍢，質量一絲不苟，唔會係將貨就價，叫到一枱都係，服務員自動自覺，不時清理一下枱面，成個過程食得非常舒適。密密點密密食，唔使一個鐘⏱已經捧住個肚，放慢步

一早就聽過呢間懷舊裝修既火鍋店，前幾日朋友約我去，即刻好開心咁應承左🤣係樓下已經感受到80年代既風情，上到去既裝修都令人有時空穿越既感覺🐷我地揀左$328既安格斯牛小排任食火鍋套餐🙈湯底有八款選擇，每款都係有花膠的，超正咯😨款款都好吸引，掙扎左好耐都係試返招牌麻辣花膠雞煲先😂😂😂雞好入味，麻辣十足，花膠份量都好慷慨，有幾大塊，彈牙又有膠質🥺🥺食完雞煲，就加湯打邊爐啦，估唔到加完湯個湯底都咁有味，就算唔點醬料都完全OK，好掂👍🏻安格斯牛小排好高質，雪花好均勻，勁好味！其他配料都好唔錯，比起貴價單點果d火鍋店都完全唔會輸😦推薦響鈴、皮蛋、鵝腸、牛柏葉，吸收曬湯底之後好好食😋飲品方面都係d罐裝飲品，不過楊協成既真心驚喜，尤其係冬瓜茶，好似出面三十幾蚊杯既嘢飲咁，唔知邊度有得買呢🤔🤔總括黎講呢間火鍋的確唔錯，湯底好食，配料又高質，選擇都算多，呢個價錢絕對超值🙈