火水爐冰室火鍋

营业中

休息中

第一次黎食，上網見到介紹呢度花膠雞湯好正，滿心歡喜黎到叫左最貴個$279牛小排任食餐湯底上抬原本好期待個花膠，但係見到竟然係疑似魚肚甘樣，大家可以睇圖片，我唔知係咪我孤陋寡聞啦個湯又唔濃郁，真係好失望未見過咁肥既牛小排，無牛味又韌，豬肉片又係韌到呢完全唔知咩事。加錢叫左$38/4隻日本廣島蠔同$38/4隻北海道帆立貝，真係點都估唔到會係雪藏狀態咁上枱，我認為最起碼都要先溶雪先攞出來俾客人吧成餐最好食係粟米同墨魚丸，粟米好甜好新鮮。魚皮餃都伏，其他野就不過不失吧。應該唔會再去了，真係大跌眼鏡。