火山燒 (已結業)

sogo感謝週又殺到黎，約上班姊妹一齊行銅鑼灣，搵餐廳時被poster所吸引。我們是5pm入座，有8折，所以選擇了加88的和牛海鮮盛。海鮮盛食法很特別，將所有海鮮放在岩燒石上，再用蓋上蒸一段時間，因為是清蒸食法，所以保留了海鮮的鮮味。燒海鮮時店員會幫手，而且會好細心的同我們講解。螺肉非常之彈牙，裡面的湯汁好鮮。馬刀貝勁juicy，而元貝也超級大隻，鮮味十足。和牛串都要俾個like，肉質鮮美，油脂亦分佈得好匀，燒果陣可以見到啲油bi出來，燒到七成熟最口感正。所有的海鮮都很大份，追加呢set真係超值。燒物方面一般，燒生蠔好細隻，燒燒下隻蠔都唔見埋。燒雞皮其實係炸雞皮，食起身好似豬油渣，麻麻地。燒薯蛋好味，燒得好粉好綿，入味即融。肉類切得薄身，方便燒，因為唔係提前淹定，可以依自己喜好落調味，多蜜糖一定無錯^_^很多細節都能够睇出呢間餐廳的用心之處，服務態度亦好，雖然價格不便宜，不過一試難忘。

跟友人約好來到銅鑼灣一家最近大熱的串燒店,火山燒,看看有什麼過人之處吧餐廳擺設相當有特色點餐紙相當豐富先來一個大蝦,燒的過程較耐,但味道十分可口,蝦肉嫩滑腫軟骨是全晚最值得讚揚的,咬口一流,味道香豔海鮮拼盤,店家推介,不錯之選和牛粒也是相當可口,肉質軟熟菠蘿不夠多汁,唯一失望之處吃了十分多呢

放左學去銅鑼灣行街前當然要醫肚先啦搵openrice搵到呢間幾特別用炭燒 仲有海鮮食6點幾去到可能時間早都幾多位店員好有禮貌介紹右邊可以放有殼既海鮮中間放串燒左邊可以放串燒去烘乾d先食醬料有黑胡椒 海鹽 燒汁 蜜糖等好豐富😍😍又大隻😍店員會攞開個架 將海鮮直接放上炭燒放少少調味料再用蓋焗佢一陣全部海鮮都食得岀好新鮮落左少少海鹽更加帶岀鮮甜味生蠔都幾肥美😛😛燒和牛😍脂肪是我的朋友😂😂另外我覺得燒雞翼同玉子好正燒烤tips: 加多多蜜糖 岀面脆脆地😍去得燒烤店一定會吸到全身油煙味 臨走前店員會幫我地噴除味劑👍🏻

睇完夜宵磨介紹，好似好吸引喎！即刻打電話book左同個frd嚟食。火山燒係食串燒放題，限時135分鐘。坐底見到個燒烤爐，以為要燒炭咁激動！睇真d原來係火山石LOL…唔怪得呢度叫火山燒啦！仼食的食物都唔少，牛豬羊海鮮乜乜乜，平價貴價食物都有。但吸引我既係每人另外加$88的海鮮盛！海鮮盛有每人一隻虎蝦，一隻巨型帶子，一隻胭脂蚌（見openrice其他人係鮑魚，不過今日冇），翡翠螺同一串和牛。呢碟一睇就知唔係一般放題貨色，加＄88其實都抵。（好似4人以上有得送㖭⋯可惜我地只得2個人）最好食係隻胭脂蚌，粒肉粉粉地色，有d似北寄貝,好鮮味！帶子同翡翠螺都好巨型，好新鮮。反而個蝦雖然大大隻，但肉質唔係好彈牙。和牛粒都唔錯，不過我地overcook左小小…其實呢個火山爐有d tricky,火力好似好弱咁但一唔留神d野食又會熟得濟。建議一開始問左店員點用先，免得燒窿野（不過最好緊係店員自己主動介紹翻點用啦）。我地兩個人，like Facebook page有得送個豚肉火鍋，呢個唔錯因為夠多菜，少油夠健康，可以抵消下啲罪惡感！其他野食我推薦牛肩肉，牛柳粒。用的是宮崎牛，雖然唔係好肥入口即溶果種，但有牛味

成班人一齊食飯,總有朋友特別喜愛食放題~我從來都唔認為自己係能夠'回本'果個~不過一班朋友都係自在傾傾講講~今次的放題就係串串串串燒喇~燒野食其實我都幾在行架~最喜歡落超多蜜糖的呢~!~!調味有蜜糖、燒汁同辣醬~仲有黑椒、鹽同七味粉~爐內的是火山石,店員介紹了燒烤的方法,最左邊是最熱的,最右邊就是保溫的~加左$88要個海鮮+牛柳粒, 仲加埋$20任飲~好大隻蝦呀,蝦肉有彈性又有蝦味~海鮮係店員主理的~鮑魚同螺都剛熟剛好~牛柳粒都係加鹽同黑椒燒,夠油花所以燒出來好香又夠淋~各式的肉類~牛仔肉、黑豚腩片、牛肩肉、羊肉(我唔食的)~仲叫左金菇肥牛同雞肉串~牛仔肉同牛肩肉都好有牛味,薄薄的一片好快熟,輕輕加D鹽同黑椒調味就已經好足夠~燒過的黑豚腩片唔會覺得太肥膩~金菇肥牛在我心中係好好的配搭,冇得輸~而雞呢,比較難入味,所以要加勁多燒汁及七味粉先得~尾聲就係我最喜歡的燒蔬果環節喇~人大左,肉食唔到好多,反而尾聲燒下蔬果感覺juicy又夠fresh, 很喜歡~燒蔬果最緊要一路燒一路加得夠多'水',咁先唔會太乾~我就一路燒一路加蜜糖或燒汁~放心,火山燒的燒汁唔咸,不停加都唔怕~火山燒的蔬果夠新鮮唔

不知不覺，已經陀b第9個月嘞，介左口咁耐，早幾日終於忍唔住約咗班朋友去食放題，今次揀咗呢間高檔燒烤放題，叫做火山燒。一入到間餐廳就覺得佢充滿住日本風，裝修簡約，牆上d壁畫畫得好靚，大肚婆可以一路漢冷氣一路燒嘢食真係超地正。餐廳原來用咗火山岩冷卻嘅石頭做燒烤石，所以係鋪頭叫做火山燒，啲石頭係發熱線上面傳熱快，可以好平均咁樣將食物煮熟，但又不會太大油煙，起碼食完唔會全身BBQ味。呢度只係＄298就可以任食，加$20任飲，我哋加左每人＄88有海鮮拼盤，每人有一隻虎蝦、鮑魚同埋海螺，大件又新鮮。餐廳職員超nice，幫我地燒埋海鮮，又教我地點燒，加咩醬好味，值得一讚嘅係佢哋啲醬料同埋七味粉都係自製，有玫瑰花蜜糖、燒汁、辣味燒汁3種，如果唔落都可以，食到食物嘅鮮味，落左就惹味好多，個七味粉真係通街嗰啲有啲同，香好多！其實佢食物嘅種類都算多，特別在有燒菠蘿，蒜蓉包，i like it!! 食豪d可以再order海鮮，佢啲海鮮都係堅新鮮同靚料，因為大肚嘅關係所以今次唔叫咁多海鮮了，老闆推介我叫左個牛肉鍋，等我唔使食得咁熱氣。呢間鋪頭成日都有做Facebook promotion，而家好似做緊四個人就送

現在香港的年輕人後最喜歡放題，日韓放題已沒有新鮮感，這間開在銅鑼灣食廈的放題店，是將日本「爐端燒」的變成自家燒放題，特別在每枱設置了一個岩燒石烤爐，岩燒石是日本富士山熔岩冷卻而成的石頭，加熱後會慢慢釋出熱度燒熟食物，最高溫度能達至370℃。爐是長方形設計，分兩邊，一邊沒有擺放鐵網，主要用來放上有硬殼的燒生蠔。另一邊加設有鐵網的，便用來擺放串燒，肉類，蔬菜.......。而店内牆身貼上日本的鬼的画報及日本海浪作装飾。雖然是免費， 但絕不欺人一樣大件頭，加上冬菇及香草蒜片燒，鮮甜惹味😋虎蝦新鮮弹牙鮮味， 翡翠螺不韌還軟身，不会到嘴巴也倦還在咀嚼，和牛味濃脂肪分佈剛剛好，鮑魚略為遜色。三文魚膠骨膠原豐富 ，手羽燒可惜自己燒過籠😂 三色椒清甜， 日本蕃薯仔甜美軟糯，冬菇肉厚菇香滿溢，毛茄爽脆。黑豚腩片燒到微焦搽上燒汁入口溶化，黑豚柳片和牛脷稍嫌薄，可再切厚些，牛仔肉稍燒一下就可入口，牛肉味濃👍， 雞腎燒到脆卜卜加少許鹽，惹味非常。放題分時段👆

朋友知道我鍾意食串燒, 特意帶我去位於銅鑼灣的火山燒食飯.原來這是串燒放題, 平日放題食得多, 以串燒為主的放題則是首次, 幾有新鮮感.這裡是每張枱一個爐, 而大枱的話就每張枱兩個爐.而這裡的賣點是首創岩石燒.每位入座者更送海產一客, 每日也不同, 今日是送扇貝.扇貝都幾大隻, 入口味道也不錯.另外, 每位加88蚊, 便可以選和牛海鮮盛一份, 我地當然也要點來試下.和牛海鮮盛上枱, 當中包括翡翠螺, 鮑魚仔, 大蝦和和牛.第一時間先燒海鮮.三款海鮮也夠大隻, 而且又夠新鮮, 入口彈牙, 當中最愛食翡翠螺. 而和牛串肉質夠腍身, 即使食全熟的我, 入口時也不覺得乾身.值得一讚是這裡的茶好夠熱, 用來沖玄米茶一流. 因為我自己飲茶是鍾意飲熱茶, 但好多時餐廳的茶就是不夠熱.這裡串燒的款式也有不少.我地點了其中一些款式.落完單後, 店員奉上三款醬汁俾客人在燒的過程中加入, 客人可以因應自己的喜好而搽上醬汁.由於我地不太食辣, 所以以落蜜糖和燒汁為主.食了和牛串, 加上想食下其他款式, 所以今次點少了牛, 點了牛肩肉和牛仔肉, 我最愛的牛舌心就一定要試下.這裡的牛舌是薄身, 但我自己較鍾意食厚

甫坐下眼見店內魚缸空空如也，正在疑惑之際，老闆連忙衝過來解釋說本店經常也會清洗魚缸，可見店家對衛生之著重。接著老闆立馬推介我們這隻士多啤梨味啤酒，本人雖好酒但自問對果味酒一向麻麻，但被這支顛覆了對果味酒的偏見，入口果味傾瀉，滑溜順喉，唯獨微微偏甜了一點，若然能on個rock就更佳。菜還未點，侍應已端來每人一只扇貝，大小適中，火喉掌握得剛好。店內充滿日本風情..畫。燒蜜辣，以燒加蜜同用最為對味。前菜。其中蒜味冷麵酸酸甜甜，十分開胃。推。紫洋葱極其鮮甜，萬勿錯過。任食燒蠔，個子不少。加了每位88元的海鮮盛，計有鮑魚，大蝦，螺，扇貝及牛柳粒共五款，夫復何求。芝魚丸口感獨特，外層那個“魚”跟一般包心丸很不一樣，口感有點像潮州魚蛋，但更更更鬆化了，像棉花糖一樣柔軟，跟內層那個流心的“芝”，很溫柔，很配。糯米雞肉捧索滿燒與蜜，成為是晚安哥之作。以燒菠蘿完美作結，菠蘿新鮮清甜，正。食畢，並沒有如前人所述一身燒味。侍應服務超卓，老闆熱情如火。

秋風起，一大班朋友最好來個燒烤聚會都不怕熱。以前在學生時期，最喜歡是大家夾手夾腳一起買炭買食物往郊區，然後努力地研究怎樣開爐。不過人大了，忙碌的事自然多了，講到約食飯，最緊要都是方便又快捷，要透爐買東西去燒野食似乎難以成事。幸好，最近小妹物色了一間既可滿足燒野食，又可以在室內涼住冷氣，又不用煩著透爐的餐廳。小妹已是第三次光臨，對上的二次都與朋友在這裡聚會燒烤，對環境及服務都有很高評價，故這次便帶媽媽再次體驗一番。位於銅鑼灣The L square的火山燒，餐廳分別在該大廈的9和10樓。小妹提早致電預約留位，到該天會再有員工致電核實預約及通知層數，完全令客人安心。從電梯一出就是餐廳的全貌，牆身油上形形色色的日本武士、雷神等、風雲色起，用色鮮豔，眼神凌厲，令人肅嚴。座位與座位之間間隔寬敞，枱面的位置面積也相對較大，就算多放兩碟也不用怕沒有空位。座位多以卡座長沙發為主，坐得十分舒適。其中在十樓，只要客人超過八個，則可預約一間私人廂房，只此一間，要約實就要趁早了。再要介紹一下燒烤爐的設計，成長方形的燒爐，分設兩邊，一邊沒有擺放鐵網，主要用來放上有硬殼的燒生蠔。另一邊加設有鐵網的，便用來擺放一串

話說我在 instagram見到我啲朋友post左一間食串燒的店，那些相片實在吸引，所以立刻問了地步就速了上去。店名也很特別，叫火山燒。佔地兩層規模也挺大，我們刻意避開繁忙時段，成9點幾才進場，所以客人也不多。這裡主打岩燒石來燒烤，形式是串燒放題，這時間是每位298元再加一這樣子，大約兩小時的放題。最抵食是零晨12:15分進場，燒到兩點才238元加一。沒有見到火，只見到好多石頭爐面，小心那圍爐的金屬，也挺熱的。我們還額外加了88蚊一人一份和牛海鮮盛~和牛海鮮盛當然有和牛啦！海鮮方面有一隻長花竹蝦，一隻鮑魚和一個翡翠螺。原本燒呢啲硬殼類海鮮都頗花時間的，燒得來都“蚊瞓“，火光都不見的火出岩石上更費時吧？！但原來這裡很不一樣，只見店員着我們放下海鮮，再下鹽巴和小少黑椒，再把蓋蓋上，不消5分鐘光景，已經熟透食得！正！而且食材新鮮，單靠簡單的黑椒鹽已經好好食！品嚐到原汁原味的海洋滋味就已經好好食~蠔就略為遜色了，看到都無曬胃口啦，了無生氣的樣子都幾“趕客“囉！實在有待改善呢！牛肉方面也叫了兩款來試，上面一款是牛肩肉，下面一款是牛仔肉。牛肩肉沒人醃過，肉質的組織較緊密，但容易遇火變韌，最好一開始

銅鑼灣有一間燒烤放題，名叫火山燒。原來這裡真的用火山熔岩冷卻的石頭才作燒烤石，原因是因為火山石傳熱快，食物能夠更均勻地燒，不會將食物弄焦之餘亦不會有太大油煙！看看，這些火山石是有氣孔的！只要＄298 便可任食，加＄88每人可得海鮮拼盤，加＄20可任飲⋯⋯即加埋一，每人都只是＄450左右，在銅鑼灣是差不多了！先來看看海鮮拼盤吧！我們一行有6個人，所以是一個很大的拼盤，有虎蝦，鮑魚同海螺，還有和牛串⋯⋯還有已經熟了的扇貝。因為要將這一大盤海鮮放在爐中一起燒，店員是一定會幫手的！砌好後，加蓋焗著溫度⋯⋯只要一陣，海鮮便食得了！虎蝦，鮑魚同海螺都十分鮮味爽口，虎蝦又夠大隻！燒埋個和牛，和牛粒牛味重，內裡Juicy！這樣一個拼盤，十分超值。當然我們還點了很多不同的食物啦，有前菜，有蔬菜，有不同肉類。肉類中推介這個宮崎牛肩肉，肉味香濃，沒有根，很好吃的！而蔬菜，還是會推介這個每人都不停口的燒菠蘿，加上蜜糖來燒，特別好吃！喜歡這裡是因為這裡所有東西是不會預先醃製⋯⋯只會配上不同醬汁讓客人一邊燒一邊加味。好像我，只喜歡加蜜糖，這裡大大地滿足了我的個人喜愛。還有燒汁，辣汁，7味粉，黑胡椒粒供大家選擇⋯⋯

朋友係要嚟講義氣, 上山下海在所不計的.今天友人叫我上火山, 唉……會不會燒死架??原來友人有好介紹, 去食火山燒, 咁好介紹一於奉倍.位於銅鑼灣地鐵附近商厦內, 方便易找. 共二層, 装潢特別, 牆身上繪畫了充滿日本浮世繪味道壁畫.每張檯中間, 有一長形燒烤爐, 內裡放了火山石, 據稱耐熱力均勻持久.魚池裡還有朝氣勃勃的海鮮游來游去.放題時間共有四段時間:-第一段時間由5pm - 7pm, 價錢是 $238第二段時間由7:15pm - 9:30pm, 由於黃金時段, 所以價錢稍為貴點$298第三段時間由9:45pm - 12:00pm, 都係黄金時間, 價錢是$298而最抵食的當然係夜鬼時段由12:15pm - 零晨2am, 價錢只是$238小童和持咭長則均一價只是 $180以上價錢須加一服務費啊隨了任食放題, 我們追加了「和牛海鮮盛」, $88/位.店員來了一大木桶, 令人垂涎的海鮮舖在碎冰上, 有鮑魚, 大虎蝦, 翡翠螺, 扇貝和和牛串. 由於我倆不是烹飪高手, 咁貴價食材不想浪費, 於是乎要求店方代勞.不一會, 美味海鮮就續一端上.鮑魚用了七味粉調味, 辣度接受得來又醒胃, 有