火山燒 (已結業)

銅鑼灣日本食肆林立，而且很多幢大廈都全層餐廳，選擇很多，最深得我喜愛，今次和媽媽經過L square ，便直接從地下廣告牌選了火山燒，因為它賣點活水產燒烤串燒＋放題！到達時，現場和座位旁邊都有一幅幅色彩繽紛日式圖騰壁畫，感覺好有活力！因為已經Full Booking,所以店員只能安排非燒烤位置 ，即是下單後，直接讓廚房燒好出來。雖然不能自己玩玩bbq會失望，但後來覺得不用沾上燒烤味亦不錯。飲品（＋$20/位） 推介！可以＋30選擇兩款日本麒麟和朝日啤酒，但我選擇更抵的$20非酒精飲料任飲 ！除了汽水，竟然還有健康工房原枝飲品，真係飲兩枝都回本，而且最適合燒烤，可以清清熱氣！點了山楂蘋果和竹蔗芽根海底椰，好飲！櫻之貝海鮮盤（另加$96/位）媽媽喜歡燒海鮮，所以便加了海鮮拼盤，份量都不少，包括鮑魚、翡翠螺、扇貝、青口、蜆、蚝。整體中等、但我最喜歡燒鮑魚，因為夠大隻，好厚肉，啖啖肉呀！其他水產燒烤上碟時熱騰騰，又香口又鮮甜。 可惜未能坐燒烤位，因為見到鄰座的海鮮是以海鮮船奉上，全部海鮮會放在冰塊上面，保持新鮮之餘很特別。肉類我們放題的主打，主要分宮崎牛肉、鹿兒島豚肉、土佐雞肉。相比豚肉，我覺

見到好評如潮, 咁岩又係咁有團購, 所以買左2張團購non peak hour 去試下所謂non peak 要一至四5~7pm 去, 基本上唔請假都食唔到😂😂 但計埋加一都要2百幾蚊位呢度既特色係用燒熱黑色石頭(火山石?)燒串燒🍢🍡, 枱上provide 3款竹桶裝住既醬-蜜糖, 燒汁&辣醬, 一路燒一路掃醬都幾好玩😁除左串燒宮崎牛肩肉, 牛柳粒, 鹿兒島豬頸肉, 玉子燒, 煙肉車厘茄....仲有水產生蠔青口... 肉還好, 其中牛柳粒算係比較出色 (但要比d 耐性等佢熟😂😂)但水產就真係麻麻, 蠔燒完細到都無咩好食,青口唔新鮮, 所以都係食左一件就停手lu值得一提係佢地既雛雞, 燒得外脆內嫩, 幾好食~😋👍 但可能因為透過熱石溫度會無咁高🔥🔥,燒野食, 特別係大舊小小既肉都要等多一陣先熟... Overall 無人講得咁好食, 選擇比一般放題少, 正常時間peak hour 要$298 位再加一, 值唔值就見人見志啦。 但對我來講,都係試一次就夠

今晚同bb走左去causeway bay行街！bb話食餐好既黎慶祝白色情人節，真係有心思Bb簡左間叫火山燒既餐廳"故名思義當然係食串燒啦！！入到餐廳內！牆上既壁畫好有日本feel, 畫功好靚！畫得好有心思，火山燒係任飲任食的..所以岩哂d大胃王黎大吃大喝！想同大家介紹有幾樣一定要試呀！分別係鮑魚，已經幫你整好！入口口感豐富，醬汁濃郁令無味既鮑魚錦上添花！之後有越南海嫘勁大隻！第一次食咁大隻嫘而且鮮味十足，燒蠔雖然燒後縮哂水，無蠔味仲好鮮！新鮮貨色之後有牛舌心，牛脂油份適中唔會食落成口油咁！岩哂唔喜歡食太油礦既朋友，之後有燒菠蘿！酸酸甜甜非常開胃，另外蒜蓉法包！燒到香香脆脆！食到索索聲，蒜容包正呢！總括今餐白色情人節非常滿足，多謝bb!!

甫踏入店子就被這裏的東瀛彩繪深深吸引，看得出來店方很用心設計店內的裝潢；沒有多餘的名貴裝飾和擺設，牆身清一色以傳統日式手繪刻畫出各種日本風景、建築物及人物，就連洗手間也不會忽略。加上稍微昏暗的燈光，更制造出一種傳統古舊中又略帶神秘的日式風尚。其中一間8-10人房更畫上一隻栩栩如生的老虎，令進餐者尤如走進密林中，簡簡單單做出風格和特色。近年香港人有一股放題熱，就連吃串燒也想要無限任吃，故此這種經營方式很能滿足我們這些貪吃又不想錯過任何款式的食客。但我也不致於是飢不擇食，常常提醒自己肚皮的空間是有限的，即使是任吃也必需分優次盡量把空間留給較優質的食品。由於友人和我都是海鮮迷，故此先吃味道較清新的海產類，繼而才品嚐這裏的招牌和牛。雖然要額外付費，但難得第一次見識富士山火山石燒，感覺還是值得的。以火山石代替平常的炭作燃料，外觀和實際上都更整潔而又更能保持穩定温度，煙霧也不算多。即使直接把海產放在石頭上，也不會弄黑食物，而且更容易保留海鮮中的水份和鮮味。只需簡單放一點海鹽調味，便能吃到鮑魚和貴妃蚌等新鮮海產的鮮甜爽嫩肉質和味道，可謂原始而又真實的美味﹗新西蘭鮮蠔大小很適中，蠔殼跟火山石走在一起可

今日同朋友晚飯, 朋友帶Vi黎呢間火山燒, 話有得自己燒仲要任食, 聽落幾吸引, 餐廳佔左9同10樓, 每層唔係好大, 但牆上面就畫滿公仔, 好有特色~呢度係任食既, 主要係串燒同肉類, 其餘仲有D冷面同前菜, 比較特別既係, 呢度唔係用炭爐, 而且用火山石做燃料, 聽講燒出黎會均勻d同好味d~枱上面有3款汁, 一款係燒汁, 另一款係甜甜地既蜜糖汁, 最後一款係有小小辣既汁~我地仲每人加左$88要左呢個和牛海鮮盛, 有1串和牛粒, 1隻鮑魚, 1隻螺同1隻大蝦, 賣相好吸引~店員細心咁幫我地燒呢個和牛海鮮盛, 其實Vi都係中意人地燒埋比我食XDXD燒到香噴噴, 呢隻大蝦真係好大隻, 個頭有好多膏, 而肉質亦彈牙, 食得出食材幾新鮮, 而個螺都好甜好爽口, 反而鮑魚就普通d~野食方面選擇都有好多, 我地亦叫左好多, 先講下肉類, 牛同豬都有唔同部位選擇, Vi就最中意牛肩肉,牛舌同豬腩片, 牛肩肉同豬腩片都十分薄切, 燒完之後好香, 而Vi就覺得沾燒汁係最好味~而串燒類Vi就比較推介墨魚嘴, 好彈牙, 都係加燒汁最正XD而其他肉類串燒仲試左牛柳粒, 豬頸肉, 雞腎, 雞軟骨等, 其實所有

火山燒，好多朋友都去過，話又正又抵食。今日悶悶地想出街食飯，就決定去試下，食番D好嘢，個人自然會開心番。見到張點菜紙，都幾多嘢食，樣樣都想食，唯有每樣都叫少少試下，因為D食物本身係無經過調味，所以每張檯都有蜜糖、燒汁同辣醬，隨你自己鍾意去調配自己嘅口味， 另外仲有七味粉、鹽同埋黑椒，真係幾齊全。D肉好快送到離，嗱嗱聲即刻放上爐燒，不過，等咗好耐，個樣都好似無乜氣色，唔理啦太肚餓，食咗先講，而且牛肉生生地，都無咩問題，嘩！咬一啖， 原來好熱㗎！只不過因為見唔到有火嘅關係，覺得佢好似無料到咁！跟住放埋D雞翼、牛肩肉、羊肉、黑豚肉一次過燒，好香，特別係牛肩肉，又腍又有肉味。食完一輪肉之後，想食D海鮮，就加咗每人$48，有鮑魚，帶子、大蜆、青口同翡翠螺，呢D海鮮，全部都由店員幫手燒， 佢地首先攞起個網，直接將D海鮮放喺火山石面，然後冚蓋，等咗5分鐘， 鮮味十足嘅海鮮即刻有得食，燒完D海鮮真係超級好味，唔洗點汁，已經覺得好鮮味。食完，要食番D蔬菜，清爽下先，叫咗車喱茄、秋葵、四季豆、茄子，仲有冬菇，D蔬菜燒完感覺乾乾哋，要搽番D蜜糖，等佢濕濕哋會好食好多。因為，我朋友係菠蘿怪，所以一次過叫咗10

又到星期五 上去火山燒 食餐勁既先！每位＄298加一罕見串燒放題 如果有得燒埋仲過癮 話哂放題 當然要比心機揀野食啦第一round 有菜有肉 正呀～～有我最鐘意既翠玉瓜同雞脾"姑" 鮑魚係最好味 新鮮！ 扇貝亦都算大粒 唔錯既不過有部份海鮮燒得乾左d仲有我最愛既雞皮～～ 芝士魚餅同雞翼最好味每一張枱都會有三款特製醬汁燒汁 辣汁同蜜糖 燒雞翼就當然係要搽蜜糖啦！餐廳裝修非常和風抽氣系統亦做得十分好 食得舒服整體ok啦～ 希望下次坐到燒爐位T_T 

位置與環境火山燒的位置很方便，銅鑼灣地鉄站過來只須兩分鐘，然後在L square等𨋢上樓就到，佔地兩層。先說說環境，基本上與一般自助燒烤店的格局差不多，每枱都有一部抽油煙機，確保通風系統良好，不會煙霧瀰漫。裝修方面都頗有日本特色，全間鋪頭嘅牆身都會畫咗一啲日本嘅著名景點建築物，最令我驚喜嘅係個廁所，估唔到咁靚，係以櫻花下的京都做背景，視覺效果一流！本店亮點-火山石頭、櫻花汁朋友介紹來呢間燒烤店，因為佢係標榜用日本運送過嚟火山石頭來燒烤食物。店員話呢啲火山石頭可以加熱去到三百幾度，認真誇張！咁樣燒出嚟的食物，嗰種個香味係與別不同嘅。另外，店員同我地講其中一種汁係用櫻花瓣做出來的，的確巧特別！店長推介-櫻之貝本身我其實主打想食海鮮食少啲肉，所以店長推介左新推出嘅「櫻之貝」併盤（鮑魚、元貝、翡翠螺、胭脂蚌、沙白蜆），惠顧放題只需要每人加$48就可以食到，認真超值！我自己最鍾意嘅就係胭脂蚌同埋翡翠螺，肉質鮮嫩彈牙，鮮味無窮，值得推介！反而鮑魚同元貝燒完後肉質就比較乾實，但係都幾好味和口感豐富！主菜單個人推介：前菜（蒜油冷麵、枝豆）蒜油冷麵個汁非常開胃、枝豆屬健康之選，食完令自己冇咁強嘅罪疚感宮

再次來到火山燒，食物食舊保持水準，今次終於都吃到生蠔了。桌上放了一個長方形的燒爐，一邊沒有擺放鐵網，我們都主要擺放一些沒有竹籖的食物如海鮮。另一邊加設有鐵網的，我們都用來用來擺放有竹籖的食物如肉類。燒爐用的是黑媽媽的碎石，這個碎石相當厲害，經過加熱後會產生370度的高熱，食物高速燒熱而不致變焦，而且能夠鎖住食物的肉汁。食物都很快就來了，不消一會整張桌子都放滿食物。桌上的醬料有幾款，分別是玫瑰蜜糖汁、酸辣汁和燒汁，由應個人喜好適量添加！ 這個和櫻之貝是$88（兩位起），既然一場黎地，況且番工咁大壓力當然要獎勵一下自己，所以我們決定追加一人一份。櫻之貝包括了兩隻肥大肉厚的鮑魚、兩隻超級size的大扇貝、翡翠螺和四隻青口。鮑魚肉質肥厚，海鮮味道非常突出，翡翠螺肉質爽口吃完非常滿足的櫻之貝後，開始燒其他的食物。 食物選擇種類也頗多的，包括了前菜、宮崎牛肉類、鹿兒島豬羊類、土佐雞類、水產類野菜類和其他類別，我們都差不多點勻了，把menu上八成以上的食物都吃過一遍。蒜油冷麵，酸酸地好開胃。枝豆，味附筍也不錯。 肉類的我也非常滿意，肉質鮮嫩，調味得宜。牛肩肉、和風牛仔腸、牛舌心、牛仔肉、牛柳粒黑豚腩

今天跟朋友去到一間放題店燒下燒下, 而今次這店是燒熱火山石來整熱D燒物, 不同平時去食開的~好特別, 另外佢地既抽油煙機真係好大個...D煙完全唔會飄到我地塊面到, 呢個值得一讚火山石入面唔會有火, 但熱度真係超高, D野好快就熟...真係睇唔出~XDDD而佢地的食物種類都幾多, 尤其係係串燒同肉類...燒生蠔時, 我特別咩調咪都無落, 但食落口都已經好鮮好甜, 我忍唔住食左好多隻啦~ 另外, 呢到竟然有我最愛的玉子, 講真平時出面的串燒店係無咁大個玉子黎燒的...燒到外表燶燶地, 再加少許鹽, 正!!另外呢個漢堡扒串燒有入味, 唔洗搽汁燒都得啦~仲好大件添...XDDD另外, 我地再點左櫻之貝有鮑魚、大蜆、大元貝、翡翠螺、藍青口、沙白貝大元貝同大蜆一食就知好新鮮, 好鮮甜....哈哈~今餐真係食得好開心, 店員又好貼心...值得下次再黎食啦..XDDD

一入門諗住會聞到濃濃燒烤味，點知冇喎，就知道呢道抽風做得幾好。一埋位填緊住食紙仔之際，店員已經捧上大盤和牛海鮮盛，即刻試左先啦！和牛到半熟都要啲時間，另外爐既另一邊可以燒住海鮮先。虎蝦大隻肉質厚實，食落唔痴殼又彈牙。鮑魚同蜆非常鮮甜！和牛粒咬落去juicy，牛味濃。紙仔仲有大量野食任食，半隻春雞仔可以自己燒，如果驚難搞可以交比廚房燒。特別一提呢個冷麵好出色！酸酸地又開胃又清新，encore左幾次！滿足離場！

有個旅遊飲食節目，男主持每集到不同地方，嘗盡當地美食，再就地取材，煮幾道菜跟當地人分享。除了食材新鮮，烹調方法亦層出不窮。有次在火山堆起芭蕉葉，生火做菜，背景是冒煙的火山口，想必是個畢生難忘的經歷。未有機會，甚至不會有機會，做同樣的事，但銅鑼灣的火山燒，用燒熱的火山石燒串燒，也是個不錯的選擇。牆上的畫充滿日本漫畫風格，甚有氣勢。店面不大，座面和餐桌卻十分寬敞，坐得舒適，即使貪心地點了大量食物，都毫無擠逼的感覺。桌上除了放滿火山石的爐，還有鹽、胡椒、七味粉和三種調味醬，蜜糖、燒汁和辣醬。爐上的抽氣系統夠強，爐很熱，但看不見白煙，聞不到煙味。由於有個櫻之豚肉涮涮鍋，先點少少，邊燒邊吃邊等。漁夫沙律新鮮生菜配微咸的日式醬油，清新開胃。八爪魚碎彈牙但味淡。枝豆／蒟蒻凍在我而言，吃枝豆最重要是豆夾上的鹽。把豆夾含在口中，第一樣吃到的必是鹽份的鮮，然後才擠出枝豆，讓其被鹽的咸輕輕調味，跟豆味混和。因此鹽必須恰到好處。這個枝豆，算是不錯。蒟蒻凍則太淡，調味不夠。秋葵冷麵秋葵只出現在最頂，帶來一丁點的黏滑。餘下的冷麵雖然味道可以，但腍得過份，完全沒有冷麵應有的彈牙。玉子燒／雞軟骨／札幌八爪魚飯整夜的所

終於有機會來到全城大熱的火山石燒了! 有個很煩的女人每天都在說要去試一下...聽說是把火山加熱至370 C, 還隔著鐵網, 隔空又沒有火竟然可以把食物燒熟? 我抱著懷疑的態度訂了位, 就來試一下場內播著很熱鬧的沖繩音樂, 雖然聽不明白, 但也覺得好像去了沖繩的酒吧一樣, 興奮莫名旁邊的位置放著一支大吟釀, 一支上善如水...的盒子, 拍起來蠻有氣勢的侍應解釋道火爐的中間最熱, 右邊用作翻熱, 左邊放殼類海鮮, 非常分明, 但一次能放的東西絕對不多3個盛器分別放著蜜糖, 燒汁跟辣醬, 另外還有鹽跟黑椒大部分的肉都沒有調味, 所以大家必須要自行調味啊~因為火爐很慢, 所以先來點些前菜, 荀尖沒有渣, 口感順滑非常好吃~玉子是本來就熟的東西, 放右邊慢爐就好, 甜得來沒有雪味, 實在不錯中間白色的是芝士年糕, 完全沒有味道, 記緊要加一些醬或鹽, 才能吊出芝士的那種發酵味道他們把豬頸肉切得薄薄的, 很方便我們燒, 但也小心不要生的就上碟超巨大的一盤櫻之貝拼盤, 每人只需加$48, 相當抵食必須留意海鮮附有海水, 所以已經有咸味, 不用再加鹽!姻脂蜆跟沙巴蜆的件頭可說非常大, 脫了殼之後還有手

貪吃的小鬼頭經常大嚷要吃甚麼自助餐，同時他又甚喜歡吃串物。故此來到光顧這裡的任點任食串物放題，一次過便能滿足哂他兩個願望，實在是一舉兩得也....吃這一類串燒放題，個人最關心的必然是店內的抽風設備是否完善，不然的話食完後弄至全身油煙那就不妥了....幸好這裡的設備還算可以....這兒的其中一個賣點是用上燒得炙熱的火山石來烘熟食物。初時看到評論說要花很長時間才能弄熟東西，但不斷地吃著時卻發現沒有太大問題，火山石帶來的熱力倒是OKAY的....點了一大堆海鮮、肉及菜蔬。初時還有些擔心會吃不完，但怎知是夜一家三口皆胃口大好，最後一點都不浪費將全部東西一掃光，連我自己也有些訝異呢....肉類方面個人認為以雞及豬較出色。當然牛肉亦是一定會點的但今天只點了幾款如牛肩肉、牛舌心及牛仔肉，且總體上亦只屬普通的水準，感覺上是未太肥美之餘肉質亦稍覺韌牛味也偏淡泊；豚肉方面當以黑豚腩片為最佳，入口油香十足肉香也濃。叉燒則相反只是和抹上少許叉燒醬上去的肉粒無異，味超淡口的絕未夠惹甜。豚肉漢堡的肉太鬆散但勝在有一點洋蔥碎在內因而增加了甜度。豚排實際上醃味和叉燒是一樣的，分別只在於一件是肉粒而另一件是肉排而已。白