潮福蒸氣火鍋 (已結業)

今日行黃金商場買遊戲碟，行吓行吓唔覺行到天都黑，就近近哋去咗這間潮褔打個邊爐。其實尖沙咀嗰間N年前都食過，但深水埗呢間就第一次喇。一上到去裝修唔錯，係深水埗區嚟講叫高級，有好多卡位，中間的大圓枱仲好闊落，D椅唔會背頂背咁，坐得好舒服，一家大細或二人世界都好適合。因為太肚餓嘅關係，馬上叫個湯底先，見到有個叫“冬瑤海貝鍋” ，唔知咩嚟？？原來係冬瓜加瑤柱元貝，清清哋消暑一流。火鍋就唔少得嚟個自選海鮮大什會啦，我哋叫咗8两生猛海中蝦，上到碟都仲識郁，好大隻，非常新鮮。食落仲勁彈牙，鮮味十足。仲有我老婆最愛的美國桶蠔，好大隻又肥美，仲要食落無沙。海鮮又點會無鮑魚呢，小小哋每人一隻，size都唔細，大過隻瓷匙，彈牙又唔痴牙，好鮮味！！即炸鮮腐皮特別香脆，豆味好重，火煱中必選。叫咗碟白菜，因為個湯底已鮮味無窮，加上白菜勁新鮮，吸曬D海鮮湯汁，仲有本身湯底嘅冬瓜，真係精華所在，回味無窮。烏冬低食，一碟有2舊，麵身好爽，彈牙。其實這間潮福還有蒸氣火煱，都好多人食，下次一定要試試。

潮福好食既野，真係要一食再食！早幾日興祝女朋友個爸爸生日，帶佢去食一次潮福蒸氣煱！今次我地係深水埗潮福酒家食，係黃金商場一樓！地鐵站出來行10分鐘唔使就到！其實每一次食蒸氣煱都會俾到人唔同既感覺！首先係海鮮的種類！有啲人食貝殻類有啲人硬係唔肯食！不過好在今次大家都係乜都食！所以試左咁大個仔都未試過的象拔蚌！嘩！都不足以形容呢度的象拔蚌！海鮮的鮮甜味，口腔內翻滾的aftertaste，同埋彈牙的肉質感！笨唔係一般經過長途運送後的海鮮可以keep到的！除左必然食的象拔蚌，仲有必然食的龍蝦！講到龍蝦，唔好以為我講緊梁前特首果個！我係講緊真正的龍蝦！係啖啖肉，口感勁juicy的龍蝦！一睇啲成隻手咁大隻的龍蝦大哥，就知道咩叫落足本錢，正所謂，做得出色，食得招積！佢地的蒜香龍蝦清得黎味道濃！龍蝦鮮味滲透得淋漓盡致！一個字講哂: 連uncle都話正！

星期六（8/6/17）同朋友行街經過去食，上到去環境寬敞，選擇左388既蒸氣海鮮，乳鴿正常，個湯夠熱，味道都偏向淡（老黃瓜燉唐排），龍蝦煮完好鞋，唔離殻，蜆仔好鹹，但唔似海水味，其他海鮮完全冇鮮味！全部都淡茂茂！任食既每樣都有點，d丸每樣都好大粒，差唔多成個桌球咁既size，雞既調味算最正算，但其他味道都係好普通，都最後個粥底同白粥係冇分別！埋單每人要450，一d都唔低食！同我之前食過既相比，最多值280左右！到差唔多埋單時，見到d廚師用筲箕拎住d海鮮入廚房，d水係緊流落地下，完全冇人理⋯（海鮮位係入口處，要經過食客位置先入廚房）

父親大人生日，帶佢同媽媽去試特色蒸氣鍋潮福蒸氣鍋有任飲仼食, 爸爸可以暢飲啤酒深水埗潮福地鐵站出見到黃金商場轉左行到尾就係，好易搵爸媽見到個蒸鍋造型已經係咁影相，表示好特別有濕紙巾，公筷好體貼食六點半，都唔係好多食客先來滋潤燉湯，姫松茸燉螺肉足料清甜滋潤每位送3款小食，海鮮我地揀左脆皮乳鴨，貝殼盛盒，生猛龍蝦龍蝦超鮮甜！乳鴨當餐前小食自選海鮮每人揀4款生猛大元貝，北韓象拔蚌，蘇格蘭聖子皇，北韓鮮鮑魚食完哂幾款海鮮已經夠哂飽最後以一個鮮甜粥品完滿左今日嘅生日飯任飲都有好多選擇樂天飲品有5款汔水有3款啤酒有朝日同嘉士伯當然唔少得竹庶水

潮福蒸氣海鮮鍋係我食過最好食嘅蒸氣海鮮鍋，今日我帶同一班朋友去食，佢地都聽我講到咁正，終於約到時間去食啦。一到步，店員服務好好，問我地要乜茶要開茶俾我地，原本我地選了較細嘅枱，店員反而建議我地更大嘅枱，我覺得好好丫，而且順便讚埋，佢地蒸氣鍋吾係一般酒樓自己蒸自己教時間，佢地係會幫我地蒸，同分埋俾我地食，真係好貼心服務。海鮮係自己選擇喜歡嘅海鮮，龍蝦同硯就每人都已包送嘅，仲有燉湯同乳鴿都係送，而選擇嘅海鮮，我地選了帶子，蠔，蚌，鮑魚等。全部都好新鮮，真係大家都覺得好正，樣樣都咁好，同埋咁樣蒸嚟食，先食到佢原汁原味，更加健康。食完海鮮，就到肉類菜類等，肉丸係手打丸嚟，各種丸都好食，特別推介蝦丸，彈牙，蝦味香。和牛同蟲草雞都好食，一上碟都幾多，要注意不好浪費食物，食到好飽，店員仲問我地要吾要再加任食，哈哈，好好丫，不過我地夠啦，所以佢就開左粥俾我地食，粥好正，全部精華係晒度，食吾晒太飽，今日各朋友都話正，仲話會再推介俾佢地朋友，哈哈，我咪幫佢搵左好多客，不過有正野係要分享嘅，哈哈！

舊同學飯局聚舊吹水，同吃者都建議火鍋，小弟獨排衆議，說吃火鍋不如吃蒸鍋，結果同學們皆同意，晚飯地點當然是用料新鮮優質的潮福蒸氣火鍋，今晚選了位於深水埗黃金電腦商場分店用餐。蒸食物前放入白米及煲粥材料是指定動作。有高質炖湯供應，選了姫松茸炖螺肉，菌香四溢，鮮甜味美。下圖的乳鴿、貝殼盛盤、生猛龍蝦、大扇貝、蟶子、鮑魚及龍躉片等都是限點一份的項目，不是任食。同是潮福的半任食自選餐，每家的海鮮配撘用料都有所不同，貝殼盛盤內有花螺、貴妃蚌、油甲及珍珠貝，跟上次在旺角道店所吃的完全不同，上回吃的是青口、鑽石蜆、沙蜆及黃貝，不過各有各精彩，同樣爽甜鮮美。今晚提供的不是蒸鍋必吃的南非龍蝦，有點失望，問了一下究竟，原來昨日提供的都是南非龍蝦，不過剛好沒貨，惟有供應波士頓(如果換的是澳龍會更開心)。雖然是波士頓龍蝦，也吃得出是靚貨，鮮美彈牙多肉汁！今晚飯腳個個大男人，當然少不了隊啤，平均計每人都龫掉了两瓶大啤，小弟還喝了蘆薈汁及忌廉汽水，光是酒水錢，在普通菜館每人都要HK$70-80了，任吃任喝對我等麻甩一族確是相當經濟！特別一提任喝的啤酒並非那些平價的獅威、冰啤，而是大牌子青島啤及Asahi 呢！任食項

蒸鍋同打邊爐都一向啱口味，因為兩種食法都能夠食倒食物最真最直接嘅味道。友人吹雞晚飯，話蒸鍋任飲任食HK$400有找有海鮮，咁抵點可以錯過，大家約埋深水埗潮福試呢個餐。攞起餐牌，原來任食係指非海鮮類別，海鮮類同乳鴿都限點一份，雖然同之前理解嘅有啲唔同，但依然感覺抵食，因為包左一份貝類海鮮，又有半隻龍蝦或者刺身拼盤，七款海鮮中有鮮鮑魚、大蟶子、大元貝及龍躉魚等高價海鮮，下面幾幅圖大家可以感受倒海鮮類幾咁新鮮。貝類海鮮彈牙，蒸完全部開口，正野！扇貝爽口，龍蝦彈牙多汁，鮑魚鮮果，自己去街市真係未必買倒咁揀手靚野。和牛片係任食嘅！有好靚油花，肉汁非常多，比某啲日本料理所聲稱嘅和牛好味太多了，我地每人食左十片以上呢！其他如肉丸、蟲草花雞、馬拉糕等等都冇話因為任食而用料差左，全部都有水準，幾款都係中上水準之作。汽水啤酒任飲，呢個都係我好欣賞項目，唔止汽水，韓國果汁類飲品，名牌啤酒都係任飲，相當抵讚。買單位HK$390，心情愉快，唔會喊揼！

上次響西灣河食過呢間潮福海鮮蒸氣石鍋，覺得好好食，今次同朋友黎食，潮福都有唔少分店，去深水埗呢間試下。今次都係食「任揀任食任飲蒸氣海鮮餐」，包括粥、燉湯，乳鴿、龍蝦、貝類、刺身任選三款，自選海鮮任選四款，仲有任食食品同任飲飲品。滋潤燉湯姬崧茸燉螺肉湯，有雞、瘦肉、姬菘茸、螺肉等，好足料， 味道清甜滋潤。脆皮乳鴿乳鴿色澤紅亮，肉質飽滿肥厚，鮮香細嫩。貝殼盛盆蜆殻類海鮮好新鮮，特別係蜆肉，味道好鮮甜，青口都好大隻好食。生猛龍蝦龍蝦真係好生猛，好新鮮仲有膏，大大隻啖啖肉，加蒜蓉蒸，更加帶出鮮味。美國桶蠔桶蠔好大隻肥美，加薑片、蔥花蒸，完全唔會有腥味，鮮香味美。生劏龍躉件龍躉魚肉非常有質感，大塊魚肉，滑得黎彈牙，魚肉鮮美嫩滑。任食食品有好多選擇，蟲草花蒸雞、豬頸肉、和牛肉、蝦丸、牛丸、魚丸、蔬菜、糕點等等。百花釀花菇、手剁鮮蝦丸、肉鬆釀涼瓜馬拉糕非常香甜好味！

今晚去左深水埗陪男友睇玩具又睇下電腦野，估吾到係黃金商場都有潮福，男友又升左職，一於去食餐好啦，哈哈，佢請。入到去，人客都好多，不過吾洗等位，選好粥底同海鮮後，就等食啦，係有人serve嫁，蒸埋分埋放係碟上，服務一流，仲常換碟，吾洗怕食到成碟骨，講返食物，海鮮好新鮮，有好多海鮮選擇，見到店內仲有魚池，見到d魚丫鮑魚等，好新鮮大隻，有客人即去選海鮮，好新鮮，吾知咩價錢呢，下次一家人先選，我同男人都係食返任食海鮮餐，海鮮可以選鮑魚，龍躉，蠔，元貝，等等，全部都超級新鮮，仲送了龍蝦，同大盆硯類。任飲任食方面，飲可以嗌佢開茶，又可以飲汽水，竹庶茅根，仲有啤酒，都係任飲，食就係肉類為主，雞，牛等，仲有不少肉丸，仲有豆卜，瓜菜等，要讚馬拉糕，蒸完真係好鬆軟熱辣辣好好食。最後食埋一早鍋底煲嘅粥，煲到好棉，好香濃味，有全部海鮮肉等精華，冇加味精，真正味道，好食。

上次食過新浦崗果間潮福蒸氣鍋，海鮮新鮮，又有任食套餐，真係一次愛上，今次就番表弟，黎到深水埗呢間潮福。深水埗呢間潮福原來就響高登隔離，好易搵呀，一條扶手電梯就上到去，超級方便，地方好大，裝修得唔錯，環境舒適。任飲任食套餐真係好抵食，有燉湯、乳鴿、龍蝦、貝殼盛盆、自選海鮮、任點菜式、粥、任飲啤酒汽水。豉油醬料都係去自助醬油區自己調配，蒜蓉、辣椒、蔥花等配料任攞。燉湯-姬菘茸燉螺肉湯，材料十足，味道清甜，滋潤又好飲。乳鴿燒得好靚，睇見已經流口水，咬落外脆內軟，肉質鮮香細嫩。貝殼盛盆份量好多，青口、蜆、花蛤，全部都好鮮甜。龍蝦、美國桶蠔、象拔蚌、龍躉件，好豐富呀！龍蝦大隻又新鮮，起到好大舊肉，肉質鮮美，每人半隻好滋味。大元貝放置得好靚，味道鮮甜，加左蒜蓉粉絲落去蒸，粉絲吸收左蒜蓉元貝精華，非常好食！亦叫左好多任點食物，手切和牛肉最正，厚度適中，色澤紅潤，雪花紋清晰，非常新鮮。最後食嘅瑤柱淮山粥，亦係非常足料，食到瑤柱同淮山，比上次更加清甜夠味，可能因為蒸嘅時間比上次長。食物真係好新鮮美味，服務亦都周到，同上次一樣全程唔駛自己落手落腳蒸，有店員服務。

大胃嘅我，最喜歡任食嘅餐廳，食得放題多都厭，今次食潮福海鮮蒸氣鍋，有海鮮又有得任飲任食，吾錯。先選粥底要乜粥，放在鍋底，冇加水嘅，係用一陣蒸嘅倒水嚟煮，就咁聽都覺得超正啦碗粥，上面就一碟碟咁放上去蒸，店員會幫我地選了蒸海鮮嘅次序同時間，我食左龍蝦，青口，硯，鮮鮑，桶蠔，象拔蚌，帶子等等，超正，龍蝦我覺得最好食，開左邊好方便食，一起就成舊肉食，啖啖肉，彈牙，新甜，仲有膏，好味丫。食晒海鮮，仲未完，店員就嗌我地點任食menu，嘩，仲有牛，肉丸，雞，珍珠雞，包卷，等等都有，想吾飽都難啦，不過其他食完海鮮都已有六七成飽了，不要忘記仲有精華粥啊，所以任食冇點咁多，食左肉丸，蝦丸等，嗌了雜菜籃，食下菜好舒服，最後食埋碗粥，飽到暈，不過好幸福，好滿足，冇記得好似三百幾蚊超值。

對上星期家姐去左旅行，所以今星期先食父親節飯，爸愛海鮮，佢自己話要食返潮福，二話不說大家都贊成啦。呢個任食套餐真係超正，又平又多選擇，又新鮮，仲有任食任飲，真係最平最抵食最好食呢間。選了龍蝦，好味新鮮，肉質彈牙結實，每人一開邊，都有成隻碟咁大隻，好正。另外仲有蠔，大大隻，好肥美，蒸嘅時間岩岩好，吾會老，仲保留到蠔汁，一咬就流出嚟，回想都好正。仲有象拔蚌，鮑魚等貴價海鮮，同樣美味新鮮，冇得彈。任食方面，有不少肉丸，和牛，雞等，我就比較喜歡食返條菜同瓜等，都有好多選擇，菇，涼瓜都有。食到好飽，正丫，好味，家人食飯首選。

講到蒸氣火鍋，就會諗起海鮮同粥底，首先海鮮要新鮮，個粥底到最後先會好食，但通常新鮮既海鮮蒸氣火鍋價錢都唔平，而我就發現呢間朝福性價比極高既蒸氣火鍋。首先一黎到，店員就介紹俾我地知，係海鮮自選四款然後其他肉類，丸類，菜個啲就任食，而且每人仲送一碗湯同乳鴿，好多野食，岩哂大食既人。而且全程都有人服侍，店員會幫忙蒸，計時，然後送到你碟上，正。食物質素屬於中上，而且地方好寬敞，坐得幾舒服，當日既經理仲好好招呼，值得再來。

有老公湊嘅日子真係幸福，話說返工返到十點，全日最期待就係放工果下可以馬上衝去老公身邊同佢食返餐飽飯先回家，今日佢約我去深水埗打邊爐，深水埗比我嘅感覺係一個麻甩嘅區域，仲要係任食嗰種打邊爐，心諗一定係唔多掂啦……但係沿扶水電梯上去之後，現場環境同我想像中有好大反差，中式打茶樓來講都算幾stylish，啲燈好型，一個個籠咁，而且冷氣好夠，一定唔會食到出晒汗，望落去果場幾闊闊落，裝修都幾新添。千挑萬選之後我哋選擇咗滋補醉雞鍋！前排食得多重口味野，但係我有不甘於食清湯，於是揀咗醉雞鍋，反正好耐都冇食呢個湯底。呢個湯底煮滾嘅時候，傳出好香嘅藥材味同少少酒香，而且碟雞肉，擺得都幾靚仔的。雖然係做火鍋任食，但係佢會包你自選四款海鮮（我哋揀咗美國筒蠔、大元貝、蘇格蘭蟶子皇、北海道北寄貝），，同埋三款正嘢，包括極尚安格斯肥牛，刺身拼盤，仲有貝殼盛盤。估唔到今晚來打邊爐，啲嘢滾熟之前都可以嘆個刺身拼盤，好耐冇食過希靈魚刺身，好鍾意佢黃色嗰個位好爽好甜，其他幾款刺身都正常， 幾鍾意嗰個八爪魚刺身片，𡁻下𡁻下咁，好得意。打邊爐當然唔少得叫勁多勁多金菇，勁多勁多肥牛，同埋適量嘅午餐肉啦。用醉雞湯底帶有少少甘甜，

星期六的晚上跟家人來到深水埗 本來打算吃雞煲 但媽媽怕辣 所以便決定吃火鍋 這間潮福聽說海鮮不錯 抱了期望來嘗嘗內裡空間挺大 座位也多 一進去 有位黑色衫短頭髮的女士 應該是部長吧 就幫我們安排了座位 她很好笑容 態度很好 很有耐性介紹餐牌剛好我和妹妹都想吃刺身 雖然爸媽反對😂意想不到這裡的刺身很鮮甜 跟在放題餐廳吃的沒有太大分別😋蟶子皇 非常大的一只 很新鮮 鮮甜 配上粉絲跟蒜容很好吃 很香口鮑魚連殼一起上 代表是新鮮的Size也等於一個手掌心 也很鮮甜大元貝果然非常大😂 雖然切薄了兩片 但還是看得出很厚身 肉質爽口彈牙 鮮甜味美其他的火鍋配料都很新鮮蝦膠很好吃 很彈牙足料還有稻庭烏冬是真的稻庭烏冬😂 很Q彈