潮福蒸氣火鍋 (已結業)

深水埗潮福分店以後都唔會再幫襯，從來未請過咁受氣，仲要係男人職員😡😡😡😡😡位都已經冇帶我地過去，仲要大大聲俾說話我地聽，不知所謂！！！仲可以叫客人唔好食囉，走啦！！！真係態度極極極差！呢啲咁嘅集團一定唔會再幫襯，包括集團其下所有相關分店，亦會叫身邊親友唔好幫襯，免得貼錢買難受！！！

今晚約左個朋友仔去深水埗食晚飯，悶悶地想試下新野，經過黃金商場，見到潮福有蒸氣海鮮。一坐低就有得就送龍蝦，仲有得自選4款海鮮，緊係揀鮑魚，大元貝之後叫手切和牛粒，手剁鮮蝦丸，和牛粒真係抵食，肉質鮮嫩又唔硬。蝦丸夠鮮夠彈咬！最抵讚係員工服務態度好，可能我同朋友太生手，全程佢地幫我地計時同蒸，真係一種享受，有機會都要再食！

我不嬲都唔寫食評，但呢次我為左寫食評，註冊開新的了。先講，服務態度差（叫人給碗，佢話用碟就得了。我跟佢講不好意思，我都係想要碟。佢好像左耳入，右耳出咁，沒來給我地碗用。）😓😓環境不衛生（碟，叉，刀都有一點點黑，髒！）😑😑食物也都唔新鮮，仲要咁貴！四個人要$1388，即係每個人都要$347，去食放題有些都唔駛$350，仲都好過呢間，去呢間要受氣，食物唔新鮮又唔好食！好心勸你地不好去呢間食，不值得你地幫襯！一去到，覺得幾舒適。揀左第一個湯也唔怎特別，有排骨，但夠味，ok la我最愛的乳鴿，但上碟時已涼了，外不夠脆，失望！看起來唔錯，幾期待呢！但最後。。吃起來沒有鮮味然而也沒咩心情影相，龍蝦是我地加叫，要幾百蚊，都係好細隻！也唔夠鮮味！牛肉粒係好軟，但唔似牛肉，沒牛肉味😩😩😩蟹也唔夠鮮味，反正就係海鮮都唔好食！仲有更離譜的！我好肯定馬拉糕放左好耐啦！一入口就覺得好酸，變壞了！！

成班朋友12個人食咩好？食中菜就最好喇！一大班人坐圓枱食野又可以傾到計！奄仔蟹套餐$888 4位用鮑魚餐$1188 6位用兩個餐除左鮑魚同蟹唔一樣，其他都大同小異。乳鴿：熱辣辣，唔乾身，肉質都幾嫩滑食海鮮前，侍應姐姐會放白米先，最後蒸完海鮮既汁會滴到鍋底變成好好味既海鮮粥美國石蠔：每位都送一件生蠔，蒸蠔真係好少食，味道唔錯，保留到蠔既鮮味蒜蓉蒸元貝：有粉絲墊底，加埋豉油蒜食一流！奄仔蟹：本身我哋對蟹都有啲抗拒，個個都話要食鮑魚，但都見到啲蟹咁靚之後，大家又搶住食！蟹果然好唔錯！肉質鮮嫩而橙黃既蟹膏非常吸引，食落甜中帶咸，好香！馬拉糕又係另一推介：蒸到剛剛好既馬拉糕份外香軟又不失彈性，就算食到飽飽地仲可以食到2件！

有親戚從外國到訪，一家大細又係時候聚一聚😁今夜有別往年，決定試下係蒸氣火鍋擺一圍。一行12人，剛剛好👍第一次食蒸氣鍋，起初還怕手忙腳亂，原來會有一位姐姐服務我們，從預備至掌握蒸煮時間一手包辦，我們只管坐著等食即可，有這服務真心☺️點了一個鮑魚餐和奄仔蟹餐，餐廳送美國石蠔，飲品任點。蒸氣餐開動之前先來一人一盅湯和一疊脆皮燒乳鴿。燉湯鮮味，而且當中有我最喜愛的松茸菇，非常滋味。乳鴿也是我的最愛，所以一定要認真品嚐，乳鴿皮脆肉嫩，非常香口👍鮑魚餐：鮑魚用蟲草花一起蒸，爽口彈牙，原來清蒸的鮑魚能如此鮮味無窮，南非鮑魚肉質很實，有嚼口😋奄仔蟹餐：望住poster介紹話d裏面有佈滿蟹膏，真想一探虛實。奄仔蟹一上，先開蟹蓋，左右兩邊一拗，果然全是蟹膏，頗鮮甜。石蠔蒸完更顯鮮味，蠔汁飽滿，送的也很有驚喜。兩個套餐的其他菜式還有很多，不能盡碌。清蒸和牛粒亦讓我驚喜萬分，想不到這裏也能吃到優質的和牛，牛汁濃，入口嫩。還有很多貝殼類海鮮如各大小品種的蜆，保留著海鮮鮮味。吃粥前還有馬拉糕，馬拉糕不會太甜，熱騰騰軟軟的，很美味。最後食粥，海鮮的各種鮮甜和精華全在這粥底，軟綿綿，鮮甜，為這餐畫上歡樂的句號。

一直都有聽過蒸氣火鍋，不過食都係第一次。有朋友食過推薦我哋試呢一間朝福，所以今日就黎試吓。上到去，發覺有任食海鮮餐或者套餐揀，我哋一班人都唔係好大食，所以最後揀咗一個奄仔蟹六人套餐同埋一個鮑魚六人套餐，不過嘢飲都係任飲。一開始上咗個老火湯，之後就見佢將啲米倒落個鍋底度然之後上面擺咗啲蜆，就開始蒸。d蜆好新鮮，就算唔使點豉油都夠味。佢仲有送啲乳鴿，亦都非常之嫩滑。之後有粉絲帶子，蒸鮑魚，龍躉，奄仔蟹，全部海鮮都非常新鮮。食完海鮮之後仲有雞肉同牛肉，個牛肉蒸完之後估唔到都幾好味亦都好嫩。最尾個粥吸收晒啲精華之後，就變成左睇落好濃好入味嘅粥，但係食落之後又發覺唔係太夠味。不得不提係最後個馬拉糕，蒸得非常鬆軟。下次約埋啲大食嘅人就可以試吓個任食蒸氣火鍋。

友人約了一大群朋友食飯，邀請我一起出席。要跟陌生人一起吃飯，怕醜的我本來是拒絕的，但蒸鍋太吸引了，因此我從我的comfort zone 踏出了一小步。我們點了的是鮑魚餐，套餐食物種類頗多。燉湯有非常濃郁的菇味，較多油，但清甜、香濃。乳鴿很嫩滑，味道適中，每人半隻，使人十分滿足。海鮮類的食物很多，都是貝殼類的。鮑魚不會韌，尚算鮮甜。蒸蔬菜，好汁甜美。食粥前還有蔗糖馬拉糕，不是太甜，十分鬆軟。最後的粥，都是海鮮的精華，不錯。蒸鍋適合一群朋友一起去，這天認識了幾位新朋友，真高興！

很久沒有十多人一起吃火鍋，這次更特別在一起吃蒸氣火鍋。朋友們選了潮福因為它是蒸氣火鍋的代表吧！遲到的我一坐下就馬上能品嚐香脆的紅燒乳鴿。同時看到旁邊的「海鮮山」，期待着接下來的美食。套餐中的海鮮款式很多：簡單如蜆貝類，鮮甜無比。大元貝肉厚又入味。套餐贈送的石蠔也絕不遜色，肥美圓渾。最欣賞的是鮑魚和奄仔蟹。鮑魚煮得很軟，輕輕咬開可以感受到豐富的肉汁。奄仔蟹有點像大閘蟹的感覺，蟹膏很多、而且味濃香。蟹肉也結實而有鮮味。肉類方面，套餐配上牛肉和雞肉。個人比較欣賞牛肉，設成細件的牛肉蒸起來很嫩，肉汁也沒有過分流失。而蔬菜類當中南瓜比較好吃，很甜。套餐當中還有一個項目很值得一讚，就是馬拉糕。這個馬拉糕味甜而不膩，最重要的是質感很鬆軟，是難得的好吃。當然粥底也是令我們讚不絕口的鮮甜美味因為它是一切精華的所在。飲飽吃醉也是每位兩百，很化算。

潮福蒸氣火鍋一啲都唔陌生，估唔到今次一大班舊同學約食飯又約咗潮福，但今次食的是深水埗店。今次朋友仔冇揀到任食，反而揀咗套餐。之前都冇留意到，原來蒸氣火鍋套餐圍起每人只係＄200左右，價錢比飲食相宜得多。第一次咁多人食，店員一開始就到左好多米落去煮粥啊！蒸氣鍋未準備好之際，我哋先飲湯同試吓佢地的招牌乳鴿。即製的燉湯好暖胃。潮福的招牌乳鴿確係冇得輸，皮脆肉嫩，味道恰到好處。蒸氣鍋一開始就係貝殼盛，貝殼多到一次過都蒸唔晒，要分開蒸。最鍾意食細細粒嗰隻，味道比較重。海鮮當中我最鍾意食蒸元貝，因為加上蒜蓉比較惹味，而且粉絲可以吸收晒海鮮的精華。龍躉件亦係我好鍾意的一款，鍾意食龍躉因為貪佢有魚味得來口感好特別，膠質好重。席間見到店員準備我哋的食材，實在非常誇張！除咗海鮮之外，蒸和牛都係呢晚的亮點。冇諗過牛肉蒸都可以做到咁好食，肉質好嫩，肉汁又多，仲好夠牛味添。最後當然係鮮味十足的粥底啦！味道好鮮、好香、好濃。再食潮福發現點套餐都幾好，分量剛剛好唔會過飽，價錢亦好相宜。

香港人一向喜歡食海鮮，近年蒸氣火鍋盛行，一方面用蒸的方法可以食到海鮮真正的鮮味，二來為健康著想，小吃一點肉，海鮮自然成了主流，Nosir的哥哥早前來了潮福嚐他人生第一次蒸氣火鍋，一試難忘，大力向我們推薦，所以今晚近近地就走來試試⋯上到潮福原來店舖頗大，而且還有很大的魚缸及飼養著超多種類的海鮮⋯任飲任食的蒸氣火鍋不多，一般都會按人頭給予一定分量，而這裡的任飲任食蒸氣海鮮餐不單指定食物可以添食，本身的餐單也很豐富﹗啤酒汽水無限任飲，不過啤酒超大枝啊﹗粥底我們選了瑤柱鮮淮山粥，另外吃海鮮前還有脆皮乳鴿一隻，皮脆肉滑，非常香口⋯而且還有2款燉湯：老黃瓜燉唐排及姬松茸燉螺肉，這個天時飲老黃瓜湯可以去濕熱，姬松茸燉螺肉非常清甜，吃海鮮前飲碗熱辣辣的燉湯，真的滋潤上心頭⋯醬料有自助區可以自行混醬，蒸氣海鮮包括：蘇格蘭蟶子皇、生猛龍蝦、北韓鮮鮑魚、生猛海中蝦及貝殻盛盆海鮮都頗新鮮蟶子皇及鮑魚有咬口，海中蝦彈牙，蜆肉嫩滑沒有沙⋯龍蝦啖啖肉好鮮味﹗任食的火鍋配料我們點了牛肉手切和牛肉及和牛粒、蟲草花清遠雞、順德污槽雞、手打梅菜豬肉丸、手剁鮮蝦丸、自製鮮牛丸和馬拉糕，最後粥底當然吸收了所有香鮮及蒸肉的精華，

已經係第三次食潮福蒸氣鍋可以講係迷上了！5月食完2次，7月又再食，忘了忘不了了佢個蒸鍋真係好特別，友人形容好似蚊帳四個人去俾左張大圓枱, 好闊落！先黎滋潤螺肉燉湯, 潤潤喉，好清甜，無味精脆皮乳鴨每人半隻，都真係好脆皮，當前菜，過下口癮貝殼盛盒同龍蝦係每次必叫！每次都唔會失望！夠哂新鮮，自選海鮮4款元貝，象拔蚌，聖子皇，鮑魚根據頭兩次經驗，對潮福嘅海鮮係好有信心！象拔蚌第一次食，都好彈牙完左海鮮round 都已經飽飽地任食任點方面叫左清遠雞，手切和牛，蝦丸，釀豆卜友人們第一次食都忍唔住話要約定下一次食潮福！仲有啤酒汽水任飲

呢排食既都係好野，感恩，今次又有朋友帶我食好西！話說早兩日去完黃金商場買game，朋友話想食蒸氣海鮮煱！咁就上左一樓既潮福酒樓食喇！潮福有好多海鮮揀不過會先有個頭啖湯！無論是龍蝦、像拔蚌同蟶子，仲有扇貝、鮑魚，都係小弟愛好的碟中物！好野唔使多，靚既幾款就夠！呢度有最靚既和牛俾你任叫任食！唔好以為清蒸龍蝦就一定乏味，個蒜香同龍蝦既甜味夾到岩岩好！龍蝦的身啖啖肉！加埋一齊就有種但暢快的感覺！蟶子到！口感爽脆得黎有𡁻口，滑得黎唔汕，加埋清蒸的清新感覺俾到人好舒服的感覺！像拔蚌加粉絲，口感同蟶子相似，但有粉絲襯埋無屚的感覺！鮑魚有𡁻口！但唔硬！原隻鮑魚，睇得出佢落本既！扇貝大大隻，隻隻手掌咁大，包你食得招積！和牛啖啖肉，入口即溶是常識吧！可以encore!!粥底都係個必食的部分，鮮味濃！

今晚又打邊爐,同老公行電腦商場行到倦，經過這間潮福火鍋專門店，心想都一段時間沒有食火煱， 就決定入去滾兩滾。這間酒樓挺大間，座位很多很闊落，有圆檯又有大量卡位，坐得好舒服，啱哂食火煱慢慢坐。調味料選用自助形式湯底要清，所以叫了個滋潤清湯鍋，好清甜滋潤，啱哂食火煱之用。而火煱配料分別點了極品黑豚肉、美國桶蠔、 生猛海中蝦、美國肥牛和日本烏冬。極品黑豚肉有少少肥膏夾雜，令口感更爽口，而肉味香濃，滾一陣即食都好好食。美國桶蠔有5大隻咁多，隻隻都十分肥美，肉質嫩滑，好鮮甜呀！生猛海中蝦雖然較貴，但好新鮮好大隻，肉身食落彈牙，非一般基圍蝦可比較，好甜好爽好彈牙！美國肥牛牛肉味重，肉脂分佈平均，肉質滑嫩，不錯。而日本烏冬不要滾太耐，否则淋過頭。而我则滾不到2分鐘，烏冬好彈身，加上索哂湯汁，不需點任何醬已好好食

上一次食完，心思思，決定再戰一次脆皮乳鴿，果然冇令我失望，外脆內嫩姬崧茸燉螺肉非常足料，味道濃郁，喜歡飲老火湯的朋友一定要嚐嚐扇貝，龍蝦，聖子、元貝利用蒸的方法，可以完全體現海鮮的甜味，再小小醋，或醬油，更把海鮮的鮮味升高一個層次。海鮮的份量都足夠為不大食既我飽肚🙈🙈食量大的朋友還可以任食食品，有雞，有牛，有丸，有瓜，有菜，蝦丸好彈牙、爽口☺️☺️最後是壓軸的粥，完全吸收海鮮的鮮味，再加小小蔥花就非常完美.值得稱讚是最後有西瓜送，解暑良品☺️☺️

之前已經食過一次e間蒸氣火鍋，今次經過深水埗就試吓依間分店😚😚今次就揀咗象拔蚌、龍躉、聖子及北寄貝☺️而粥底就揀咗排骨粥😚有調味料俾我哋自己調🙈有乾料例如炸蒜、蔥花，醬料例如XO醬、豉油老黃瓜燉唐排湯好淸，飲得出係冇加味精😀燒乳鴿上次食過已經一試難忘😍果然今次都冇令我失望，真係又嫩又多汁蒜蓉蒸龍蝦蒸得啱啱好，配上少許蒜蓉既唔會蓋過龍蝦嘅鮮味，而又增加左龍蝦嘅風味😝 聖子同北寄貝連同蒜蓉粉絲一齊蒸，粉絲吸晒海鮮嘅鮮味，而兩款海鮮嘅肉都爽口彈牙😍上次食過蝦丸同豬肉丸覺得好食，所以今次又encore，蝦丸好彈牙，豬肉丸配埋梅菜特別得來但唔奇怪☺️排骨粥好鮮甜，可惜我食唔到太多🙈😭