潮州合成甜品

营业中

休息中

幾乎次次黎九龍城食飯都要黎合成食糖水，今次我終於試到湯丸喇！我食左馬蹄沙湯丸，馬蹄沙係水準之作，芝麻湯丸好正！！！！有四粒，皮薄餡靚好軟熟！勁好味呀！好難得食到如此薄皮既湯丸！那個甚麼椰皇燉海底椰的東東，好滋潤，but貴左少少，$35。

Good, but the price is little bit expensive. If the price can decrease $5-$9. is better.

昨晚食完飯後選了這裡嘆甜品,因朋友說此舖強蓮子,故要試。看到menu有成90款組合,花多眼亂,最後同友人一樣叫蓮子百合清心丸。糖水好清甜,清心丸煙"un",百合有咬口。蓮子好鬆化,略嫌它比糖水煨/浸得甜小小另外友人叫蓮子龍眼肉燉雪烚糕和蓮子黑糯米,看似不俗

又到合成食糖水, 今次簡簡單單叫左一個凍薏米馬蹄沙, 馬蹄爽, 蓮子林, 薏米有咬口, 甜甜地又清清地, 潤下喉嚨, 一個字正呀!!! ^_^

次次去九龍城食飯，最後都一定要去合成食糖水。最愛清心丸馬蹄沙，小弟屬燥熱底，馬蹄沙消暑清熱，啱晒小弟。清心丸煙煙韌韌，口感一流。身為潮州人，一定捧場。

食到飽飽地．都仲要去合成食番碗潮式糖水．潮式糖水我真係第一次食．好好味呀．．我要左蓮子腐竹清心丸．蓮子有口感．唔會太淋．有咬口．好香蓮子味．好得．．腐竹又唔會太爛．仲有一塊塊．好有口感．．好好味．．清心丸好好味．幾彈牙．原來潮式糖水係咁好味．．下次來九龍城一定要再食！仲有個老細好好味..好細心介紹食物..幾十蚊生意都咁有HEART..真係抵讚!

都說日本人是嗜甜的民族，吃完創發，雖然大家都在嚷飽。但當問她們有沒有興趣再去吃中式甜品，她們又立即舉手叫好，無符。就近近地，走兩條街來了這裡。這裡選擇不少，友人望著我，要逐樣解釋。正當一頭汗的講解雪蛤膏及鹹檸檬時，好在牆上有不少的日文報導，幫我慳了不少氣力。她們分別要了紙上推介~燉蓮子雪蛤及川貝蓮子百合燉木瓜，真配服她在這個情況下，們還可以吃這麼多的蓮子，我只能吃得下馬蹄沙，又在她們的要求下，追加了麻蓉湯丸4粒。熱辣辣，當然要了凍的馬蹄沙。拍散的馬蹄吃落透心涼，加點蛋花的蓮子糖水亦很清香，蓮子吃了兩三粒，都不太鬆化，很多人說這裡的蓮子耍家，但其實拍馬也追不上源記；燉雪蛤的雪蛤膏都不少，在跟她們略說了雪蛤的功效後，確令她們是很「安樂」的成盅吃完；川貝百合蓮子都幾夠火侯，不過味道就麻麻，木瓜不甜也有點硬硬地，有點不鹹不淡的。不過在解釋過其潤肺止咳的功效後，也很快結喝過碗底朝天；最後來的四粒湯丸是她們特別要求要追加的，我連燒福果也吃不來，當然舉手投降，而﹝看來﹞她們也吃得很滿意。埋單八十七蚊，吃得開心，店主見是東洋顧客，也來插科打諢一番，很高興。

老公訓醒後....我問食甜品好唔好...佢話不如換個地方...但又一城又無食糖水既地方, e.g. 滿記...於是我就話最近既九龍城可能係一個好地方! 於是我地揀左呢間....合成, 因為我好鍾意食清心丸! 老公叫左個蓮子百合清心丸, 我就叫左個冰花蓮子雪耳腐竹清心丸! 清心丸煙煙un un ....蓮子好鬆化...雪耳又腍....糖水唔太甜! 好食過口甜舌滑....我會推介呢間!

在高地吃罷中中庸庸的飯局後,眾人下山到Inverness,由highland回到平地.(同蘇格蘭的Inverness不謀而合.)徒步到九龍城,似遠還近.八個飯局的"少年",來到這段落只得七勇士,集合在路邊.下一步會食甜品,有人話地茂館,有人話合成,二揀一唔使擲毫,都係去合成.每一次龍城飯局後吃甜品.十居其十都係合成.穩穩陣陣.多年來,來來去去都係吃果幾味,今次要2號,腐竹蛋蓮子.最平果個.不約而同,其他朋友的雞蛋,同我碗的蛋一樣大.有人話會否是鵝蛋?似係基因突變多.店內背景音樂,先來雙關的"兩忘煙水裏",再來的有寶珠姐"女殺手",和譚炳文的"舊歡如夢"..大大超越我的認受範圍.無錯古老的確當時興,如果播披頭四或者Rolling Stone,我諗我會開心一點.聽住Brown Sugar吃蓮子,唔會啞子吃黃蓮.

約了朋友在九龍城區晚飯，飯後想找糖水食，想來想去也只有兩間比較好一點，而這間又比較出色一點。我選擇了綠豆沙湯丸，因最近比較熱氣，綠豆可以幫助清一清底，湯丸就因之前食得唔夠飽，用來增加飽肚感覺的。綠豆煲得幾腍，可惜沒有什麼臭草味，總感覺像少了點什麼似的，湯丸都算幾大粒，而且很熱，餡內的芝麻糊，都算幾好味，但就唔多夠芝麻的香味，如不是相信會更加好。

其實之前都o黎過幾次,分別試過-蓮子百合糖水-芝麻糊-芒果奶-蓮子燉雪蛤整體都幾不錯,去開九龍城開飯之後好多時都會幫襯.老闆強調佢既蓮子最掂.

食飽飯去食埋個湯水令到個晚餐更為圓滿。我要左個蛋花蓮子雪耳西米露，好失望既一個甜品。蛋花以為系會好似馬蹄露0甘會有0的蛋白（廚師會一路煮一路落蛋白同一路攪），誰知一點兒蛋既材料都無，0甘蛋花究竟系0羊呢？當晚另一個發現系煮既湯水同燉既系唔同，煮既系每樣材料分別煮好，撈埋上碗，而燉既就所有材料一起煲。好似蓮子雪耳西米露0甘，蓮子還蓮子煮，雪耳還雪耳煮，西米露還西米露煮，最後加湯水，上臺。因此，煮既湯水系非常唔好味架。

綠豆邊蓮子百合苡米清心丸: 好好好好味, 雖然主要係綠豆邊多, 其他都只係得兩,三粒, 不過都巳經好滿足, 樣樣料都好粉, 好正, 好新鮮, 又唔太甜, 真係乎合晒我既心意呀, 以後一有機會就會去食~雖然今晚食到好飽, 但係真係好開心!

唔係第一次嚟食啦﹗證明係ok先至會返轉頭。潮州糖水一般都比我哋食開甜，所以有d人唔係咁鐘意。我個人推介係綠豆邊清心丸糖水。清心丸本身冇味，所以變相碗糖水唔會太甜。男朋友話唔鐘意綠豆邊個口感，所以叫咗碗綠豆沙蓮子清心丸俾佢，點知佢又話太甜﹗如果大家真係食唔慣甜嘢就唔好試潮州糖水，但係間舖都有其他港式糖水provide，食唔到咪食大路d既嘢囉﹗

我食綠豆蓮子清心丸..唔知係咪樣樣都係個隻糖水底...不過真係幾潤好清...宜家好少呢d糖水鋪...不過好少蓮子...唔夠食..d綠豆就好到死