潮州合成甜品

营业中

休息中

有次來食糖水, 好多人來食, 樓下無位要上二樓, 試左重薑味蓮子百合蕃薯糖水, 擂沙湯圓。重薑味蓮子百合蕃薯糖水真係勁重薑味, o岩o西好似我咁鍾意薑既人, 愈食愈辣, 愈食愈興, 但真係好香, 好好味, d蕃薯都煲得好好味, 碗糖水仲好大碗, 鍾意薑味and 蕃薯糖水既人就不容錯過喇!!擂沙湯圓係幾粒芝麻湯圓上加左d好粗粒既花生粉, 芝麻湯圓好濃芝麻香, 好味!!

下午六點鐘到...相信因為食飯時間客人唔多,可以慢慢坐唔洗趕!good...叫個綠荳邊蓮子百合, 凍!...呢度逢係凍糖水都係落冰花而唔係預先雪定, 所以d 料雖然仲有少少暖, 但保證新鮮...同埋d冰花都好夠凍,已經滿足我呢d唔食熱人了...hehe其實今次並非第一次叫呢款糖水, 但今次竟然問我落唔落煉奶wo!咁我即管試下啦...的確唔錯!味道比起平時用糖水更甜...令碗糖水無咁寡...總之好味!!!

到合成食糖水，最好不要看menu，那些有無限不個組合的榶水，只要你喜歡說得出的都會給你﹗我當然是蓮子和柿餅的fans，只要有這兩款材料就ok﹗不過真的很貴，因為材料都不是貴的材料，但起碼都要十多二十元一碗﹗

超好味....好過宜家市面上流行過d新派糖水好多....又夠潤....正~~~~

o係飯堂(富威)食完晚飯,一行5個人就開車去九龍城合成食糖水~叫左:連子百合綠豆沙,連子綠豆沙,腐竹加湯丸x2 (芝麻餡)綠豆邊意米連子清心丸款款都好正....我男朋友話:"呢d先係糖水黎架麻!"..夠classic窩...=)多謝$102..

差唔多每次食完清真就過隔離的合成食糖水，或者等位未到，就先過合成食碗先...通常提議食的人都一定唔係我，因為我對甜呢方面唔係好"好"....但去合成食的糖水....總比去口甜舌滑...我喜愛多d~哈哈....可能因為是潮洲人的情意結....合成的無咁common...唔會咁容易就食到...

叫左個蓮子綠豆沙清心丸, 綠豆沙同食開既唔同, 水還水渣還渣, 但依然好味, 糖水凍冰冰加埋清心丸爽爽地, 食完真係成個人爽晒, 乜野煩野都暫時唔記得晒lu

香港小數o既潮式糖水舖,蓮子比較出名,所以個餐牌大部分糖水都有蓮子成分.叫個綠豆邊蓮子薏米百合糖水.潮式糖水特色正如潮洲粥唔會煲到口感軟綿一樣,潮式糖水都唔會將D豆煲到"起沙",全部材料都保留原有形狀.而綠豆邊即係冇皮綠豆,將綠豆分為兩邊而得名,整個糖水如綠豆邊,蓮子,薏米同百合o既大雜會一樣,蓮子幾大粒及飽滿,百合爽脆,唔錯.整個糖水分量相當多,size足一般糖水鋪一倍有多.加了花奶,口感多左重香滑感,再加冰碎作凍食,在這個秋涼季節分外感到滿足.

香港小數o既潮式糖水舖,蓮子比較出名,所以個餐牌大部分糖水都有蓮子成分.叫個綠豆邊蓮子薏米百合糖水.潮式糖水特色正如潮洲粥唔會煲到口感軟綿一樣,潮式糖水都唔會將D豆煲到"起沙",全部材料都保留原有形狀.而綠豆邊即係冇皮綠豆,將綠豆分為兩邊而得名,整個糖水如綠豆邊,蓮子,薏米同百合o既大雜會一樣,蓮子幾大粒及飽滿,百合爽脆,唔錯.整個糖水分量相當多,size足一般糖水鋪一倍有多.加了花奶,口感多左重香滑感,再加冰碎作凍食,在這個秋涼季節分外感到滿足.

昨晚食完潮州打冷之後就過咗來食甜品，本人唔係潮州甜品既擁戴者，不過叫咗個腐竹清心丸，都幾好，我尤其鐘意佢地唔太甜。可能幾大碗既關係，要成24蚊都幾貴。

平時食一碗,病就食兩碗當dinner要左一碗川貝蓮子雪耳燉木瓜($30)好淡(唔知係咪因為病,冇晒味覺)木瓜食得出有d清甜,幾好但蓮子就太淋喇...我鐘意有d咬口雪耳都唔錯,十分多料^^黎多碗冰花馬蹄沙($14)有蓮子---好彩唔係淋0既~可能係因為之前果碗燉左好耐,所以淋晒呢碗馬蹄沙都算幾多蓮子,馬蹄份量一般,多d會好d馬蹄好正,我就係鐘意脆口0既口感兩碗都係淡淡的,病左食多碗都唔驚but$30一碗...太貴喇~adjust下好wor~

外賣兩款糖水回家吃，雪耳薏米馬碲沙- 清甜蓮子綠豆沙- 多料非常好味！

食完清真牛肉館, 隔離就係合成. 在九龍城講傳統糖水, 我覺得合成是第一家.今日下午黎到, 只得我一枱人, 大慨因為天氣太熱關係, 大家都不選擇熱糖水.唔理咁多, 一於要回蓮子紅荳蛋, 唔熱唔好食.紅荳沙夠晒甜, 好正, 蓮子是這裡的鎮店之寶, 合成是用上等湘蓮, 一咬即開, 夠晒鬆化, 因為個心都挑得得乾淨, 所以沒有苦味感覺.閱回店內訪問報導, 原來起家是在深水埗, 今日我想大多數人都以為是在九龍城.店內原來亦有柿餅糖水款式, 我未試過, 有機會一試.店內其實有凍食, 不過要加一蚊. 傳統糖水始終要夠熱才夠香, 應該熱食加一元才對.雖然食完滿頭大汗, 但亦很滿足離去. 值得推薦.

自己其實對d咁飽肚既糖水無乜好感, 但由於有人無啦啦話想食合成, 所以響尖東食完飯, 就一齊打的落去食. 記得幾年前初初幫趁果陣, 真係覺得蓮子好正好鬆化, 呢度係我唯一會叫蓮子黎食既地方. 但之後好似差左少少, 雖然都比一般食肆好, 但已經無最初咁鬆化了. 隨後移情別戀紅豆沙, 鍾意佢既紅豆腍得黎有咬口, 糖水又唔會杰撻撻, 又無咁飽肚. 但近排已食過兩次, 今次想試第樣, 於是叫左冰花紅豆蓮子雪耳. 食完飯已經幾飽, 見到碗野上檯簡直呆左一呆, 大堆頭到呢...... 不過比起朋友們叫果d什麼清心丸綠豆爽柿餅湯丸大雜燴, 仲飽過兩碗飯果d, 我呢碗已經算輕量級.味道就其實無乜好講, 都係果d野, 紅豆粒依然軟硬適中, 不過我唔多鍾意加奶, 所以下次都係叫番熱紅豆沙好d~~次次去親合成都飽到反肚, 真係唔係辦法......

豬潤米粉料很多, 湯很鮮甜, 食完唔會口乾, 不過, 實在很燙口, 吃時要小心! 另外, 馬蒂沙都好好味, 食完整番碗, 正! PS. 他們播的歌幾得意!