潮州合成甜品

营业中

休息中

昨晚去食糖水,冇乜人,食咗個熱清心丸,太大粒,要食好耐先食晒成碗,可以話都ok咁囉！而男朋友就食咗個凍雪耳糖水,都係一般.

住呢頭﹐當然成日去呢道食糖水啦~~~~~~~~話佢舊式糖水鋪又唔係﹐因為佢好新潮﹐真係“合成”糖水囉﹐咩都搭得﹐你見個menu果d配答都知lu~~~~但話佢新式又唔係﹐一睇裝修就知係有番咁上下歷史的老店﹐又日日播d老歌﹐成日有鄧麗君﹑羅文﹑許冠傑﹑周旋﹑靜婷﹑甄妮﹑李香琴+譚炳文﹑陳寶珠等等等等老一輩歌手陪你食潮式糖水﹐咪話唔得意~~~~~~~~個人推介﹕任何有清心丸的糖水(如果你食的話)﹐煙韌有口感﹐特別綠豆邊/蓮子配清心丸(熱食好d)~~~~~eg. 綠豆邊意米蓮子清心丸~~~~~蓮子係呢度一絕﹐我阿嫲果d都唔夠佢黎~~~~~eg. 蓮子百合綠豆沙~~~~~~馬蹄沙同紅/綠豆沙都好正的﹐幼滑都不得了~~~~~~~價錢﹐$1x至$2x不等﹐叫唔叫抵睇一個個人﹐同覺得好唔好食啦~~~~

之前個禮拜差唔多日日陪女友大家姐一家食飯，食咗好多餐，琴日忽然醒起漏食咗依間鋪，sorry sorry...自己嚟呢度大大話都差唔多幾年，每次响九龍城食完飯後都會嚟，都有一排無嚟lor..一行七人，叫咗好多嘢，自己之前响金麥泰食飽飽，唔想食咁多，就叫咗個蓮子百合綠豆(加冰加奶)，話唔食咁多，份量都好多。大致上水準保持，蓮子之前浸過糖水，依然係大大粒，非常清甜，加埋百合及綠豆，大大碗，直頭可以當飯食。美中不足係蓮子分量比以前少，不過都已經夠飽，no problem la..

尋晚食完晚飯, 心思思想食甜品添..heehee!!於是決定去九龍城走一轉.. 掛念合成呢!! ^^一去到.. 問阿老闆介紹d 燉o既甜品o黎.. 佢好細心介紹3個比我... 又講埋入面d 味道... 仲話有一個係甘甘地添.. 叫我有定準備... =) 阿老闆真係好好人!!於是我選另一個紅"早"蓮子海底椰(熱)...好好食呀真係.. 好潤呀.. 同埋唔係好甜.. 蓮子一咬落去好粉.. 夠林...海底椰都好林.. 好好食..我仲order 左一個芝麻湯丸添.. 大大粒..皮都夠薄喎.. 而且芝麻餡好多呀.. 一咬開而且爆出o黎..hee!! 但係個汁就唔係好似其他甜品鋪用薑湯.. 所以個汁我都冇飲到.. 太甜喇..

之前,聽人話馬蹄沙好好食,又聽到合成有咪去試下囉..!我一去到就叫左個馬蹄沙綠荳蓮子+清心丸(凍).....叫完之後再睇下份menu o下D凍野要加一蚊..咁奇怪..!!到上枱...原來係張D熱糖水加冰...咁就叫凍糖水...奇怪奇怪...但本人覺得始終唔夠凍...算啦..!!D糖水加左冰搞到水汪汪咁..淡晒...無咩特別...可能潮式糖水要熱先好食呢. ..算..下次再食熱先..但係佢D清心丸就...重以為佢到會用D靚野..(因為清心丸本身係潮洲食品)點知都係用D平價貨...但係蓮子就真係好好食...好正!! 好香夠甜...最後買左個蓮子椰汁黑糯米+湯丸..OK喇..!!不過不失...

清心丸同蓮子係我個人推介。除糖水外，合成粉麵都唔錯，推介豬潤米。烏冬就麻麻啦，不用試。

就係上個禮拜之麻, 我同我老公諗住咁多人話合成出名,又咁啱係隔離清真牛肉館食完啲味精鬼咁口喝,即刻走入去食碗糖水,嗰個肥老闆介紹食腐竹蛋加碎冰,話係潮式喎,我老公就食什麼紫米加雪糕,腐竹蛋加碎冰嗰Ｄ碎冰多到遮晒個碗面,老公話佢嗰個普普通通啦,食完埋單見到煮糖水個位濕淋淋,成地冰好唔衛生.返到屋企就大件事,出出入入廁所起碼8次,嚇成到老公話送我去醫院,我好驚,最後食左2粒喇叭牌頂住,先好返Ｄ.我成諗來諗去先發現有様野係我一個食過,我老公無食,就係腐竹蛋加碎冰.....以後都係不要貪新鮮食糖水都係中式好過潮式諗起都怕怕

同班食友在和味館飲飽食醉，見時間尚早，又拉隊來這裡吃糖水。跟上次吃完泰苑之後來的一樣，大伙兒又上了樓上，坐了在角落的大圓檯。花多眼亂，老闆上來推介一輪，大家懶得去諗，都紛紛要了他推介的，而我選的就是蓮子百合蕃薯薑糖水。說明了是夠「薑」的，來時聞一聞，薑味真的夠濃郁。吃落也真不錯，不過T兄還說如果再「薑」一點更好，而我就覺得已差不多，但就嫌其甜了一點。蕃薯當造，當然夠軟腍香甜。蓮子幾鬆化，但不及源記的功力，未去到「舌尖一頂就散開」的至高境界，看這裡用蓮子掛帥，還需努力！百合就不夠粉，吃落片片都爽爽的，跟成碗糖水不太合襯。不過蓮子加百合加蕃薯，樣樣澱粉質重又夠飽肚，之前已十成飽，所以縱使自己喜歡吃，最後也剩下了一小碗蕃薯。埋單29蚊，唔算平，但都算是幾好。

蓮子雪耳湯圓糖水雖然d蓮子真係入口即溶, 但係入口果一下好失望, 全部材料的味道係分開的, 好似車仔面咁, 三樣野分開整, 再加d糖水落去, 因為d糖水完全冇蓮子雪耳味, 早知唔鬼食~重有我男朋友叫左個牛肉窩面, 勁難食也~

如果大家成日去九龍城，都會知區內o既食肆變更同易手都好快，呢頭食完o個頭就執笠，轉個頭又開，永遠都冇可能食哂九龍城所有o既食肆。而合成糖水，就係九龍城其中一間屹立不倒o既老店，近年仲開o左新店。呢度o既潮式糖水，除o左好味之外，真係好潤！同埋唔同口味o既糖水都有佢唔同o既療效~大家可以問o下老闆~佢好好人，會好樂意解答大家o既一切問題~本人就好鍾意呢度o既清心丸，同埋馬蹄沙~馬蹄沙，如果自己整都唔知要花幾多o既功夫呀~呢度仲有好多燉o既甜品，時時有新款~而我最欣賞呢度o既係人情味，同埋呢度不斷播住o既老歌，首首原唱，真係好難得！往往會掛住聽而停止o左同朋友o既對話同埋食糖水o既動作。我問老闆o係邊搵得返哂，老闆話佢o地好努力搵返o黎o架，大家真係要欣賞o下~

專登來買糖水回家俾屋企人食. 叫左3碗綠豆邊清心丸($21). 其實都幾貴架, 不過好食就無問題啦. 真係唔錯, d清心丸好正, 又唔會太甜. 不過食一碗都幾飽肚.

果日食完方榮記, 走到合成新鋪食糖水, 新鋪坐得舒服一些, 其實本人唔太喜歡食潮式糖水, 但因家長們想食, 都無計啦, 唯有叫d無咁潮式果d架啦呢度出名係靚蓮子同清心丸, 我叫左綠豆蓮子雞蛋, 我女友就叫紅豆蓮子雞蛋, 味道都ok, 雞蛋好熱, 好似係即煮咁, 不過始終不是我杯茶, 但如果你地好潮式糖水既話, 呢度可能係你既心水選擇!

又係食完和味館，再一支公行過黎食糖水．白果同雪耳都燉得夠火候，唔會因火候未夠而有硬實實既感覺．甜味適中，但係個人喜好既話，可以淡小小就更好．但同呢度ｄ薑味糖水比較，都係後者比較做得出色．

明知好飽,都被迫黎呢黎食糖水, 老實講, 我唔講呢度有咩咁好食! 次次D FRIENDS 都一定要黎呢度行一轉先得既! 大概係羊群心理吧! 我叫了連子百合薏米糖水,問佢可唔可以右龍眼肉,佢SAY NO ! HEHE .....不過果度D 裝修又舊, 連播既歌都舊過人

食完牛肉餅後去左食甜品，叫左個紅豆沙珍珠丸，味道一般，不會太甜，蓮子亦好稔，不過珍珠丸個心未夠熟所以唔係透明，間唔中食下都無所謂既，但係個人偏好西式甜品多d...