潮州合成甜品

营业中

休息中

至愛馬碲沙

原來甜品不一定是冷冰冰才可口的。在雪糕、西餅、沙冰、布甸、香蕉船以外，中式糖水有她的吸引之處。薏米、碲沙一Q一爽，暖暖的很潤很潤的感覺，但另亦發現原來綠豆邊太多，咬得有些累、綠豆邊亦較硬。看著看著，想吃腐竹糖水。

零晨一時。「冰花雪耳綠豆沙柿餅」果真有「冰花」（「冰」花）。這碗綠豆沙完全體現中國人「物盡其用」精髓：綠豆邊還綠豆邊，綠豆沙得綠豆殼。柿餅（水餅）切的厚度剛好，清甜、有口感得來不笠口，也夠墜火。送的蓮子也綿。如果可以外邊實一點，裡面鬆一點，會更好。沒想過要馬蹄沙，沒想過要綠豆邊，也沒想過要清心丸：甜得不起膠，那會好吃？

因為食完飯已經好飽.所以只係叫左1碗熱既蓮子馬蹄綠豆意米同友人分享,聽聞呢度清心丸好似幾得,所以想加,但已經落左單啦,算了吧..要了熱的糖水,但唔熱既,好似灘凍左好耐,但好好吃,很滋潤喔..吃這時感到很高興.因為心想著這既好吃又可清熱解毒.點知友人就話:唔..又係喎! 美中不足的是碗糖水凍左,如果唔係就滿分!

晏晝約左個好耐冇見既朋友聚下中午當飯食都冇乜人黎食左個熱既開邊綠豆蓮子意米馬蹄露加清心丸$29好大碗當飯食都飽lu清心丸真係好chewy好得意其實又唔覺得有咩咁特別我番中山食過蓮子dun奶既蓮子都同佢一樣好食even仲好食d唔記得朋友食乜佢又冇點comment夜晚再同另一d朋友黎帶佢地黎呢度食試左另一d有咩熱龍眼雪耳百合蓮子好特別, 好清, 好似中藥味都幾唔錯, 係貴d $30仲有凍黑糯米蓮子清心丸黑糯米好碎咁加左奶又好稀我就覺得好普通又有凍腐竹蓮子乜乜乜唔記得啦好似碗碗差唔多腐竹真係一塊塊未溶好好但唔係suppose係應該唔溶架咩??係其他舖頭bo得差架化??一日食兩次食到冇乜感覺不過service真係好好第一次老闆(?!)好熱心咁介紹比我地食乜野揀得慢又唔會黑面第二次我地坐左勁耐佢地都唔會趕我地走又幫我地影相真係好nice

好多時o係九龍城食完飯都會o黎呢度整返碗綠豆邊食, 之前試過湯圓是很不錯的, 尋晚試o既付竹意米清心丸都好好食!! 可能冷氣大, 食熱糖水都唔會食到流哂汗^^

正餐之後加時玩埋下半場，方才的清心丸愈煮愈縮，雖然煙韌，但就只得丁點兒，不夠過癮，被友人拉到附近再戰清心丸。變種的潮式甜品，樣式百搭百變，一般來說會以清心丸作膽，肚餓的話配綠豆邊，要清潤的話則加些百合，蓮子也是這裡的得意之作。友人心猿意馬，不知要甲、乙、丙，還是丙、丁、茂，懶理之，說了友人吃燉雪蛤，大熱天時就要個凍吧，自己則點了蓮子、綠豆邊、清心丸馬蹄露，也是凍的。早前來過，播著祖兒live版我不會唱歌，今期又玩復古，播返笑傲江湖，中間穿插著殭屍先生的月光光什麼的．．．都好，起碼已進入上世6、70年代，已走前了十多個年頭，感覺也年青多一點。自己的糖水依舊的水汪汪，配料依舊的紮實，凍（加冰）的馬蹄露從不是這裡強項，說到底只是神推鬼恐下出來的惡作劇．．．友人的雪蛤，冰冷冷的一點也不好吃，再加上雪蛤來由與藥效，妙問妙答一番，這會可真是冤大頭，苦笑說，冰有冰的吃法。

基本上呢度的糖水任你配搭今天吃一個馬提沙清心丸蓮子蓮子好香清心丸好爽口整個糖水清甜好清

不准龍在Ceres Boulangerie買多於一件cake，結果他就去合成買多碗糖水。仍然想谷肥我呀!! @@　說天口熱，需要清涼滋補，龍就買了綠豆蓮子馬啼爽給我。因為加冰加清心丸等等，總共$30，看來比早幾年加價了，而且幅度不少呢。　在九龍城逛得這麼累，其實龍比我更需要這碗糖水呢，而且份量又不細，便一起分享了。糖水很清甜，吃下來感覺是幾清爽，不過始終是外賣，隔了一段時間，風味不及堂食。　而最開心的是，兩個人講起九龍城的清真牛肉館、豪華餅店、泰菜館等，興奮萬分；而且大家一致認為，大部分美食(如牛肉餅、蛋撻等)都需要即食才好味，因此決定了要找天再訪九龍城。　哎...那減肥呢?

在附近食完飯後,來這裡食糖水雖然上次覺得百合麻麻,但俾多次機會佢今次點了百合綠豆清心丸改開邊綠豆要加$4,有點掠水極度勸告不要點有百合的糖水!!!百合有怪味,媽媽大人話係”益”左!!!撇開百合,糖水還可以的

味精敏感搞到我要搵糖水去沖淡一下, 經過上次既經驗, 我唔再揀百合, 今次選了蓮子腐竹雪耳糖水, $17, 唔知做咩, 今日好唔順利, 連食碗糖水都唔對勁, 蓮子唔鬆化, 老公叫既蓮子綠豆沙, $14, 佢話佢碗蓮子勁鬆化, 給他吃了一粒蓮子, 佢話點解咁硬, 唉...同一個大碗既蓮子點解我既唔同, 仲係粒粒都硬, 腐竹唔係碎係一塊塊, 麻麻, 雪耳又係硬硬地, 今日係我既黑色星期一!P.S. 見到一位婆婆行動不便, 女侍應立刻去扶佢, 值得讚!

間野好多人!但係同女朋友都坐到卡位.好正既私人空間=]糖水既名好長,,唔係太記得1.蓮子元肉雪耳.飲落去好清甜,如果唔鍾意食太甜既,可以一試!2.蓮子馬蹄綠豆意米呢個清熱岩晒我啦!好多渣,食完好滿足=)呢到既阿姐,服務態度好.糖水又黎得快.無得頂呀!

為沖淡味精, 於是再黎食多碗糖水, 老公叫綠豆沙清心丸, $18, 我就要個蓮子百合清心丸, $20, 蓮子依然鬆化, 但百合就硬少少, 下次只食蓮子啦!

吃過越南菜，飽極也要吃甜品才叫完美！爸爸十幾年前已幫襯開這對講話大大聲，又熱情的兩兄弟。那時候還在石郟尾街的大排檔呢。潮洲綠豆邊清心丸：爸爸跟b的最愛。一冷一熱，各有特色！因加了冰和冷糖水的關係，冷的比較稀，若想吃輕一點的冷較理想。開邊綠豆邊好粉，但實在的口感還在。這裡清心丸是獨有的，別的想模仿也做不到他的特色。好難型容呀，就是煙煙韌韌，爽爽脆脆.....好正呀！！想吃蜜味一點可以熱吃，因為沒加冰和冷糖水，雙對就比較杰和少碗，但風味一樣出眾！冰花綠豆雪耳蓮子加清心丸：哥哥說蓮子大大粒很粉，好好吃。雪耳煲得剛好，爽爽的，好清潤。他也愛上了這裡的清心丸～冰花紅綠豆：這是我最愛的紅綠溝！！紅綠豆都是杰杰的再加好多好多的粒狀豆。既吃到豆沙，又嘗得到粒粒豆～加了冰和冷糖水份量勁多，好冰涼，好滿足哦！！這個外面保證吃不到～好快樂地過了一晚...等下媽o米回來我們5個就可以casual dine out了~

食完飯，當然要食返碗糖水，這才算完滿結束的；我們慢慢行過來這裡，剛剛好落了一點，可以再食得落；本來我一向偏喜歡食熱的糖水，但天氣真係太熱了，再食熱糖水，真係怕自已也要溶化了。很少見這樣多人，在門口也要等了一陣才有位，真係利害；可能真係天氣太熱，大家都想滋潤一下吧！最後我們倆個選擇了，冰花綠荳清心丸和冰花綠荳馬蹄沙。冰花綠荳清心丸- 實在冰凍涼心，綠荳又清熱氣，剛打完邊爐後食就最好了，清心丸煙韌彈牙，又有口感，食完真係有精神為之一震的感覺。冰花綠荳馬蹄沙- 和我那碗分別不大，馬蹄沙很爽口又清熱，也是一個不錯的選擇。食完後，便各自帶著滿足的心情歸家了。下次再食過。