潮州合成甜品

营业中

休息中

食飽晚飯,少不了吃甜品.這兒最出名...蓮子.我見到餐牌,好似患0左選擇恐懼症噤,左揀右揀超過5分鐘都決定不到.幾經艱辛終於決定到了.我叫0左...有我要求的蓮子同清心丸,我地3個加了一位湯丸SHARE(老闆好好人,幫我分開上).蓮子鬆化,清心丸煙韌,好味.湯水甜味適中,湯丸就一般般吧!朋友叫的綠豆沙蓮子清心丸,佢話綠豆沙煲得起晒沙.好好味,所以我都忍唔住叫了一個外賣比蝦子餅.另一位叫了腐竹蓮子清心丸.都OK,不過佢2個話唔係好夠熱(食0左三分二就凍了),但我的就食到尾都熱!有一個唔欣賞清心丸,有一個唔欣賞蓮子.我喜歡食,只要好食就乜都!

今日食完船河就黎食糖水平時黎食都係食蓮子蛋茶但係今日悶熱非常老闆就介紹凍綠豆馬蒂沙蓮子比我黎到糖水不是凍的是溫暖的原來凍的意思係於溫暖的糖水下面加上冰塊不是碎冰是一塊塊的冰真是不能接受因為怕肚痛都係埋單走人算喇~當我今日信錯左人!埋單要26蚊但menu上明明寫住25蚊老闆先話本來係熱的糖水變凍係要加一蚊!真係比佢吹到啤一聲!下午茶時間員工不屑招呼可能夏天的關係店內昆蟲滿佈有蟻啦飛蟻啦及烏蠅

去又一城食完飯，又唔係好夜，同朋友來想試左好耐的合成。要了付竹雪耳百合蓮子加湯丸，及綠豆馬蒂沙蓮子。先試馬蒂沙百合，EM，馬萬真係好沙，爽爽甜甜，加埋軟軟的綠豆，呢個糖水係完美的後試付竹雪耳百合蓮子加湯丸，付竹一片片，唔似其他店的付竹糖水會煲熔晒，而且付竹份量多，蓮子的確如牆上食評介紹一樣咁霖，不過又無佢地講得咁好味喎，至於百合，硬左D，湯丸又唔係人地講得皮薄涵多，不過都幾好味，整體夠甜夠味，用料十足，都唔錯既。途中見到李嘉慧同朋友來食，一行入來，鬼死咁高，眼垂下望地下，好似好驚有人會打擾佢咁，我心諗，呢度成舖先得2共4個人，邊鬼個得閒理你呀。我下次要試其他野!!PS：得閒聽返下的老歌都幾好呀。

星期二去左金麥泰吃完飯..無得食最愛既椰汁糕....咁行下行下去左合成, 咁人又唔係咁多, 就是旦入去試下啦...其實我真係唔中意食蓮子, 但合成既係例外, 佢真係改變左我既口味, 咩叫入口鬆化既蓮子, 我都係第一次試過, 仲有一讚既係糖水唔會好甜, 雖然係食完飯, 但都可以成碗糖水連泎都對晒架,,,,老闆都好好人, 招呼周到呀, 所有糖水名都一字不漏咁覆單...強呀!

綠豆蓮子百合蓮子百合清心丸糖水蓮子百合綠豆沙蓮子百合紅豆沙-有點苦蕃薯湯圓薑糖水-太甜一點雪耳薏米蓮子百合蓮子雪耳清心丸加柿餅怪異組合(我自己亂配的。。哈哈~)-芒果冰沙加綠荳整體真的是超好吃(重口味的人例外)﹗我男朋友最討厭吃糖水都愛吃這一間﹗PS老闆娘(可以一直講電話的)態度非常好﹗﹗

正!! 老字號推介"紅豆沙湯丸"

在同心飯局近乎Watered down lager,在斷片邊緣之情況下,跟大隊到合成食糖水.眾人正討論合成,口甜舌滑同昔日的甜品哥哥三間甜品店,後兩者一早在龍城享負盛名,反而合成在龍城掘起,要講到係近十年的事情,眼見桌下的剪報,已是1999年的報導.這個腐竹雪耳百合,無須加冰加奶那麼曖昧,吃落味道淡淡,其他人的甜品,沒有去分甘同味.席上球彩台大力兄,忽然用席上友人的甜品號碼,作為下期六合彩的投注號碼,而且還詳細去解說其號碼組合系統化的好處.這夜之後,無厘頭成立了一個"慈善基金"組織,希望日後大家也有所進帳吧.

最近新嘗試了這間糖水店，好有趣，材料任人配搭，我還可以選擇甜道，勁正！綠豆邊煲得夠軟，清水丸夠煙韌，馬碲沙夠爽口，食完倍覺醒神。

專誠過來九龍城，當然要把握機會，步出清真牛肉館便即行過幾間舖到合成食糖水。場面相當冷清，連同我倆在內只得三檯客，其後更是給我們包場，與清真牛肉館的熱鬧成強烈對比。聽聞這裏蓮子和百合都不錯，就來一碗蓮子腐竹百合($17)，另加一碗紅豆沙湯丸($21)。腐竹糖水頗清甜，蓮子也鬆化。紅豆沙雖然是甜了一些，不過裏面又有一些蓮子，加上4大粒軟滑的芝麻湯丸，也吃得滿足。反而店內不停播放古老賀年歌曲，卻不知有多少人會欣賞。

食完創發, 行了過來食甜品, 十四人, 自然上了二樓. 聽過老闆表現記憶奇功之後, 再問邊個要睡得好, 結果七隻手, 當然, 睡得不好係頌揚代禱事項係恆常出現的.蓮子雪耳龍眼肉燉百合: 8分, 小弟當然係睡得不好一族之一, 要了這個蓮子雪耳龍眼肉燉百合. 相當鮮甜, 似乎真的燉了不少時間. 招牌蓮子都幾鬆化, 加上幾甜的龍眼肉, 係相當潤的甜品.蓮子椰汁黑糯米西米加芝麻湯丸: 8分, 文迪要的甜品. 熱辣辣的芝麻湯丸, 加上凍凍的椰汁黑糯米西米, 食落口係游走於冷熱之間, 口感係幾特別. 湯丸不算太甜.係水準幾高的甜品店.

再體驗食野是主觀的事情本人覺得這店的食物不俗但老媽子就不太欣賞本人點了綠豆蓮子薏米百合味道同以前一樣好,不過蓮子好似少左老媽子點了蓮子龍眼肉燉百合試了一點,味道唔錯但她發現有些蓮子未除芯,百合又有些爛對這店的感覺更差

成日食糊，食下E間清清地都幾好^_^ 仲有柿餅ED咁偏嘅食材!!! 不過食材唔係貴價貨，E個價錢都幾貴，而蓮子都係西環的比較鬆化。

同友人食飯後糖水，點了芝麻糊加湯圓加蓮子。她是可以幾樣加在一起的，一次可以嚐多種不同的食物，非常好！芝麻糊都算滑，不過淡了點；蓮子都係西環的比較好食。湯圓就真的極高水準！皮比她薄的我食過不少，不過全都沒有她那麼滑！那麼好食！餡是芝麻來的，真的好香，食完都感到那芝麻味，又不是好甜，熱熱的，冬天簡直係一絕！友人的介紹真的不錯！

每次經過九龍城都一定會食o既合成糖水水準一向都非常好蓮子更係鎮店之寶而大部份糖水都唔會太甜因而未試過o係合成有"太漏"或"甜到脷痛"o既情況出現去九龍城必食P.S.熱食先會試到此店糖水真味

在家吃完大餐, 之後再出來食甜品.我要左腐竹意米蓮子清心丸–很清潤, 不太甜, QQ的清心丸似魔芋, 很好吃呀!