潮州合成甜品

营业中

休息中

話說個日去開九龍城, 其實係想去食另一間糖水嫁....不過諗極都諗唔起係咩名, 於是取而代之就入左去 (其實我未食過, 不過真係太想食糖水喇)原來呢度出名吃蓮子, 於是我同呀妹就一人叫左一個有蓮子的糖水, 唔係好多地方有清心丸嫁wor, 想叫, 不過個日冇得叫....呀妹叫椰汁黑糯米, 我叫左個湯圓, 2個都堅好食, 雖然都有d貴, 真係堅食得飽人~湯圓很足料, 真係可以當飯食~

瘋狂過後第一次見面我們一見面就笑不攏嘴 : D合成糖水，吃過不少次吃來吃去我都是吃一樣的那個就是71號綠豆邊蓮子馬蹄爽我不特別愛吃蓮子，有時覺得它淡然無味但是這裡的蓮子好出名，是真的很好吃，鬆化清甜吃這裡的糖水我一定喜歡吃熱的基本上中式甜品我都覺得是熱燙燙才好吃不過那天你在嬤嬤家吃得很飽所以想吃點light點吧叫了冰花蓮子雪耳清心丸走奶原來冰花是真的是加一堆小冰塊和花奶你的也很好吃呢而且我很喜歡那裡的人那些姐姐總是笑臉迎人的，聲音洪亮很有舊式老店的氣氛跟你說過我喜歡吃這裡這麼多次這天終於能帶你來試試，真開心！

as mom didn't eat yogurt, we came to here for dessert part II.it was crowded, but we're able to get seats immediately.we placed orders for 3 common traditional sweet soups: 腐竹蛋糖水we ordered cold, and the way they made it cold is really creative - when the sweet soup came, we didn't know why there're so many tiny cubes - they're not 腐竹 nor 蛋. they were tiny ice cubes that they poured in the sweet soup to make it cold. well. a creative way of presenting the tradition, guess they got the idea fro

呢間野真係食左好多年,我最LIKE佢0既清心丸!配上紅豆沙真係一絕~!上一次同老豆去食,試左個柿餅,麻麻地...唔抵食~反而個綠豆糖水有D驚喜(我平時係唔會食架!寒丫嘛~嘻嘻)不過,太多人啦,食一陣就催....總括黎講,OK啦~

今日難得可以同老公放低所有野放假一天，出黎行下、食下飯。就決定去好耐無去既九龍城食泰國菜。我地食完飯之後，其實已經好飽，但咁難得過到黎，當然要食到盡啦。所以打算食埋糖水先走，去到合成門口，見到店內已經迫满人，仲以為無得食，再問一問d亞姐，原來入面仲有位。老公order咗~~冰花雪耳腐竹清心丸、一上枱我已心感不妙，個樣好似d糖水加幾片腐竹上去咁，一d都唔吸引，我當時都無出聲，唔想老公以為我唔鐘意陪佢食榶水，點知老公食咗一啖之後同我講 : 「吓﹗今日下午食晏送嗰個糖水仲好食過佢喎﹗」然後我地對望之後再無出聲。到我order既蓮子百合綠豆清心丸上枱，呢個糖水叫做正常返d，應該話係好普通既糖水，做倒糖水舖應有既水準囉﹗其實我好少係街食糖水，因為我媽咪煲既糖水實在太出色，真係無邊間糖水舖可以同佢有得fight。經過今次實驗再一次証明我媽咪係我心目中既廚神地位。

這家以蓮子出名的糖水舖不是第一次來, 不過一來再來好像上了癮一樣, 百吃不厌,! 就是經常都太多人了, 今天很幸運可能我們人多, 直接就上二樓大圓枱了, 吃得七七八八那老板己在意有所指在樓梯上對著下面大叫, 等多陣就有張大枱, 搞得我們一行七人都不好意思繼續坐下去了, 不過除此之外, 確是非常有特色的潮式糖水舖, 蓮子百合柿餅糖水必試!!

夜晚12點突然想食甜嘢，老公提議去九龍城試下，見openrice咁多人recommend合成咪試下囉！我叫咗椰汁蓮子黑糯米薏米好好食！香而不太甜，又有小小chewy，好正！老公話d湯丸冇乜誠意，得個芝麻味囉，皮又厚！覺得甜品老媽的湯丸好好多！

10月20日（星期三）晚，既然難得一場來到九龍城，飯局後仍有十多人興致勃勃，在門外商討一番後，結果拉隊一起去這裡吃甜品。當中途經「清真牛肉館」，有食友興之所致，要外賣牛肉餅來吃，我也“撘單”要了一件，然後就去這裡坐下等食。這裡裝潢極為簡單，但選擇多得有數十款，而且可以隨意配搭。雖然這裡的名物是蓮子和清心丸，但我對這兩樣食物都沒有太大好感，所以我就要了碗椰汁黑糯米（仲要走蓮子），而女友就要滋補紅蓮燉雪蛤。椰汁黑糯米材料十足，黑糯米夠軟腍，而且甜度適中，再加上椰汁下得夠多，非常好吃；女友的滋補紅蓮燉雪蛤也不錯，清甜滋潤，最適合女士食用。後記：「清真牛肉館」的牛肉餅果然非凡，我一咬開，肉汁已蜂湧地濺到我穿的球衣上，足見真材實料，名不虛傳。

難得男朋友漏夜都肯送糖水外賣, 原本想食合桃糊, 點知大良8記已閂.合成無合核糊, 所以叫左腐竹旦. 想食腐竹滑溜, 點知係一片片腐竹, 我自己都識煲腐竹糖水, 火候唔夠就煲唔溶, 通常我會覺得呢D一片片叫無誠意.有食評話潮州腐竹糖水係咁, 可能同潮州粥一樣掛, 同一般唔係好同. 我自己就唔係好鍾意.再者佢都唔係特別抵, 九龍城咁多甜品舖, 廿蚊樓下既選擇大把. 就講糖水, 大良8記同地茂館都係差唔多價.

食完好味牛肉餅後, 就向糖水店出發, 阿妹話上凍無得食清心丸, 今次一定要食番. 而我就第一次幫襯, 都唔知食咩好. 如是者, 見同行的兩位都叫左清心丸, 我就揀了腐竹湯丸好了, 反正我都唔知清心丸究竟好唔好味??試食了阿妹的清心丸一粒, 味道真係難以形容, 或者我真係嘛嘛地鐘意食, 我唔覺得佢係好食. 都係食番自己的湯丸好過啦. 湯丸的芝麻很香, 皮不會太多, 好味. 但個腐竹糖水真係糖水, 甜得過份, 連蓮子都好似用糖浸過咁, 總之就是甜甜甜啦. 我個人本身都食得甜, 但連我都覺得佢甜得濟不過佢真係好足料, 腐竹蓮子份量多, 糖水份量也足. 湯丸也有四粒, 可以一食啦.

嘩~~~真係愈o黎愈差呀, 以前o黎九龍城食飯每次都會去幫親~~~ 今次真係失望而回每次去食我都一定order清心丸, 而且多數都食熱o既綠豆蓉配清心丸!!!! 因為清心丸要熱食先好味, 但今次真係熱食都唔好食首先d清心丸再唔係以前食開o個種好有口感o既, 今次係硬硬地, 唔知點咁... 而且綠豆蓉又係好怪咁, 首先d顏色已經偏黃, 而且味道又好甜, 唉~~~ 點解咁差嫁???另外order o既紅綠豆沙就仲奇怪, 因為我地想order凍o既, 但佢話冇凍, (其實我都知嫁啦~) 如果凍o既就係咩紅綠豆冰wor , 加冰咋!!! >< 之後仲不停咁問我地洗唔洗落花奶, 我已經覺得好奇怪啦~ 都算啦~ 叫佢照加冰, 嘩~~~lee碗野超奇怪, o黎到o既時候係兩堆紅豆同綠豆旁邊有d冰同水, 之後就o向上面加d花奶...............wow, 真係何其怪誕, 我一望見已經唔想食, 雖然唔係我order!!!好啦~ 另外一碗西瓜涼粉就仲奇怪!!! 應該係lee間鋪唔想俾周邊o既糖水鋪搶客仔, 於是想整d新穎d o既糖水, 唔想淨係得d 中式糖水~~~ 不過佢lee款

一行十二人浩浩蕩蕩的來到合成食糖水，本來都有點擔心無位，原來小店一樓設有大圓檯，今勻認真合晒合尺！由於我不喜歡吃紅豆、綠豆、蓮子等粒粒狀物體，這次要從餐牌中作出選擇，的確有一定難度，最後經多番考慮後，決定要碗凍腐竹薏米清心丸 ($24) 試試。這時阿姐卻表示清心丸必定是兩溝的，分別是馳名的清心丸及用上新貨源的珍珠丸，兩溝是美言，其實即是將清心丸份量減半，更強迫客人當白老鼠試新貨，實在令人失望。這裡的糖水十分足料，腐竹和薏米下了很多，感覺怎吃也吃不完似的，但前者煮得唔夠溶，味道也略略偏甜。重點的方型清心丸呈半透明，質感 QQ 帶點彈性，很不錯，可惜數量著實不多，圓型珍珠丸 size 比清心丸小一些，入口也比較腍軟，不夠豐富，如果有得揀的話，我寧可比多幾蚊換回清心丸！始終不太合口味，糖水吃剩了不少，今餐由壽星仔壽星女買單，在此講聲多謝，同埋 Happy Birthday!

食完餐晚飯都已經幾飽, 但大粒墨似乎意猶未盡, 佢話記得上次黎九龍城試過一間糖水唔錯, 見大粒墨似乎有好介紹, 於是下一站食糖水當然係最佳選擇, 但大粒墨又唔識點去, 幸好呢個時勢有iphone, 所以好容易就搵到個地址喇!入到去環境都幾光猛, 師傅見有張枱又夠四個人坐, 就自動波咁行埋去, 全程基本上零招呼! 坐底後師傅就睇下有咩啱食, 睇黎睇去都搵唔到樣啱吃, 而封筆食家"今餐食乜好"同大粒墨就已經落晒柯打, 師傅都唔得閒理佢地柯打左甚麼, 而師妹因為食得飽所以棄權, 最後師傅左諗又諗還是柯打左一碗椰汁西米露!等師傅解釋下點解揀咁耐都揀唔到先, 第一就係冇師傅至愛吃的芝麻糊, 當去糖水店竟然冇芝麻糊食, 嗰種失落真係非筆墨所能形容; 第二呢間食店價錢偏貴, 望住個餐牌最平嗰款糖水都要十六蚊, 對於師傅黎講就好唔抵食喇; 就係呢兩個原因所以遲遲都揀唔落手! 終於西米露登場, 坦白講師傅對西米露都冇咩寄望, 但見到碗西米露後師傅終於知道點解呢間食店偏貴, 理由係相比其他糖水店, 呢度嘅份量好明顯係大碗啲, 再試下西米露發覺西米嘅份量都幾多, 同埋都煲得幾腍, 椰汁亦算甚為香滑, 味道不

除咗皇室甜品之外,另一種新穎既糖水就係潮州糖水平時食開中式糖水多既我~雖然嚟到潮式糖水店,但我都係揀番D中式糖水既食薑汁湯丸 及 馬碲沙因為不想食得太HEAVY, 就揀咗馬碲沙試下不算太甜, 又有馬碲沙口感,不錯, 又不太甜,適合不嗜太甜者至於湯丸,除了有薑汁味,湯丸就一般,或者我現在鍾意食流沙既芝麻湯丸關係~咁佢既湯丸亦不算差~^^

之前 對中式糖水冇咩好感食左呢個之後 愛上左熱蓮子腐竹蛋加清心丸鬆化蓮子 好滑ge腐竹 但係佢d冰冰真係好麻麻好淡 好奇怪個度d阿姐好勁個menu有好多種糖水 每種糖水都有個numberd阿姐全部記得哂你up個number 佢可以好準確咁講返個糖水名出黎