影片
更多
2010-09-01
64 浏览
食完餐晚飯都已經幾飽, 但大粒墨似乎意猶未盡, 佢話記得上次黎九龍城試過一間糖水唔錯, 見大粒墨似乎有好介紹, 於是下一站食糖水當然係最佳選擇, 但大粒墨又唔識點去, 幸好呢個時勢有iphone, 所以好容易就搵到個地址喇!入到去環境都幾光猛, 師傅見有張枱又夠四個人坐, 就自動波咁行埋去, 全程基本上零招呼! 坐底後師傅就睇下有咩啱食, 睇黎睇去都搵唔到樣啱吃, 而封筆食家"今餐食乜好"同大粒墨就已經落晒柯打, 師傅都唔得閒理佢地柯打左甚麼, 而師妹因為食得飽所以棄權, 最後師傅左諗又諗還是柯打左一碗椰汁西米露!等師傅解釋下點解揀咁耐都揀唔到先, 第一就係冇師傅至愛吃的芝麻糊, 當去糖水店竟然冇芝麻糊食, 嗰種失落真係非筆墨所能形容; 第二呢間食店價錢偏貴, 望住個餐牌最平嗰款糖水都要十六蚊, 對於師傅黎講就好唔抵食喇; 就係呢兩個原因所以遲遲都揀唔落手! 終於西米露登場, 坦白講師傅對西米露都冇咩寄望, 但見到碗西米露後師傅終於知道點解呢間食店偏貴, 理由係相比其他糖水店, 呢度嘅份量好明顯係大碗啲, 再試下西米露發覺西米嘅份量都幾多, 同埋都煲得幾腍, 椰汁亦算甚為香滑, 味道不
入到去環境都幾光猛, 師傅見有張枱又夠四個人坐, 就自動波咁行埋去, 全程基本上零招呼! 坐底後師傅就睇下有咩啱食, 睇黎睇去都搵唔到樣啱吃, 而封筆食家"今餐食乜好"同大粒墨就已經落晒柯打, 師傅都唔得閒理佢地柯打左甚麼, 而師妹因為食得飽所以棄權, 最後師傅左諗又諗還是柯打左一碗椰汁西米露!
等師傅解釋下點解揀咁耐都揀唔到先, 第一就係冇師傅至愛吃的芝麻糊, 當去糖水店竟然冇芝麻糊食, 嗰種失落真係非筆墨所能形容; 第二呢間食店價錢偏貴, 望住個餐牌最平嗰款糖水都要十六蚊, 對於師傅黎講就好唔抵食喇; 就係呢兩個原因所以遲遲都揀唔落手! 終於西米露登場, 坦白講師傅對西米露都冇咩寄望, 但見到碗西米露後師傅終於知道點解呢間食店偏貴, 理由係相比其他糖水店, 呢度嘅份量好明顯係大碗啲, 再試下西米露發覺西米嘅份量都幾多, 同埋都煲得幾腍, 椰汁亦算甚為香滑, 味道不太甜, 而且都幾冰凍, 整體都接受到!
總括黎講西米露水準尚可, 服務普通, 環境光猛, 價錢偏貴,西米露冇加呢樣冇加嗰樣, 又冇整色又冇整水都收廿二, 絕對唔抵食! 雖然係大碗但對於師傅黎講而家係食糖水唔係食飯, 所以唔需要咁大碗, 師傅寧願你細少少, 收番平少少好過啦! 至於封筆食家"今餐食乜好"同大粒墨就似乎滿意, 特別係大粒墨, 皆因呢間食店係提議嘛, 但師傅對於大粒墨呢個提議有少少保留, 笑臉點計都比唔到, 如果喺九龍城區要食糖水, 呢一間一定唔會係師傅嘅心水選擇, 再黎機會絕對不大!
张贴
