潮丸 (已結業)

今日到尖沙咀出外勤，做左成日嘢，又熱又攰，冇乜胃口，晚餐想食碗麵就算，睇到有間潮丸，是食粉麵的，店內裝修擺設好時尚，木枱木凳，燈光明亮，地方整潔。炸鲮魚球：剛炸好的鲮魚球，口感彈牙，魚肉鮮甜有果皮的香味，點蜆介醬汁，可以令味道提升！滷水四寶撈麵，四寶都好入味，五花腩，肥瘦適中。豬腸夠林。滷蛋香、豆腐滑得黎有口感。麵爽口，好味！撈麵會跟一碗清湯。任何一款粉麵或飯，送普通熱飲，凍飲加3元，特飲加8元，我要了凍鴛鴦。用冰杯盛載，夠晒冰凍。