漁獲浜燒 (已結業)

辛勤工作一年收到花紅，繼去年後再來慶祝，平日晚上竟然高朋滿座，好不熱鬧。刺身盛合5款，光澤十足，新鮮肥美。三文、油甘、牡丹蝦和海膽都很出色，特別拖羅入口即化，令人回味。浜燒拼盤同樣大堆頭，看見就食指大動。鮑魚在燒時還在動，吃下彈牙，表面微焦中間煙韌，火候控制得宜。大如手掌的燒蠔，裙邊爽脆，肉身creamy，燒熟後海水味依然突出，且帶有青瓜的清爽，這真是熟蠔?松葉蟹腳已剪開方便進食，蟹肉一絲絲份量十足，鮮味滿分。帶子兩食，先用清酒燒，肉身肥美鮮嫩，和酒的清香配合得宜。香草牛油燒則十分惹味，牛油加入洋蔥增添甜味，同樣出色。另外套餐升級作龍蝦，肉身和膏加入味噌混和再作浜燒，口感有如上等漢堡扒，大滿足。最後試了兩款手卷，吞拿魚蓉和拖羅肥美，黑松露牛油果清新，紫菜香脆，無可挑剔。士別一年，這裏水準沒有走樣，難怪平日晚上仍一位難求，值得一再光顧。

阿姐簽左大客，今晚請食飯，叫我book 檯，我當然唔同佢慳啦，揀左我想食好耐嘅漁獲浜燒！ 兩個人點了一份刺身同一份盛盒！揀左隻龍蝦，好靚仔呀！😎刺身係極度新鮮！龍蝦刺身爽口、鮮甜！ 油甘魚吞拿魚油滑，入口有化的感覺，好溫馨。海膽清甜，夾青瓜吃更清新。牡丹蝦大大隻，肉質結實，甜甜的👍🏻👍🏻👍🏻燒的已經準備好！大大隻帶子，蟹腳，鮑魚，蠔帶子首先要燒開殻，再去清洗一下，要一陣再見啦👋🏻燒蠔有一手，半熟不生，蠔身嫩口得來，旁邊部份燒完更香口！鮑魚好嫩口，燒得剛剛好！頭先仲見到佢蠕動，雖然有點殘忍，但係真係回味無窮。蟹腳新鮮，唔會生死戀，一開d肉就起曬！鮮甜👍🏻👍🏻👍🏻帶子可以選清酒煮或者牛油，清酒燒的比較鮮甜，牛油燒的比較香口，兩種都好味！帶子肥嘟嘟，店員仲要燒爆帶子橙色內臟部份，燒香左入口即化。最後龍蝦殻起肉，再切粒撈麵豉釀入龍蝦頭燒，一點食材都無浪費！ 味道有點似龍蝦湯，我第一次龍蝦由頭食到尾，每一部份都食到它的鮮！最後，甜品一定要食！番薯雪糕日本直送，係將番薯雪糕釀入喺空心番薯仔內，帶點蜜糖清甜，好味！

成日聽朋友話呢間日本野好食今晚終於約齊兩個死擋 三個人一齊黎食野談心前菜是細芝麻鹽醬椰菜椰菜爽口 配上芝麻醬很夾談心總想摸下酒杯底所以點左呢枝 醉樂無極酒味不濃 易入口有酒 當然要有佐酒小吃 燒河豚魚乾咬落去好軟身 刺身盛三文魚 拖羅 非常肥美凡立貝亦很鮮甜喜愛海鮮既我 當晚點左唔少海鮮打頭陣既係呢隻生猛龍蝦 侍應會係旁邊燒制食物 並加以解釋龍蝦開邊後 被加上 龍蝦肉 膏 蔥花 麵鼓新鮮龍蝦 爽身至極帶子被淺燒後 侍應再拎入廚房清潔內臟 認真細心清酒及牛油 我就較喜歡牛油既濃香朋友説甲羅燒是這裏必試食物果然無介紹錯加入蟹糕 蟹肉 鵪鶉蛋 口感軟滑但邪惡至極🤤😈平時唔鐘意食熟蠔既我 都忍唔住要食呢到既燒蠔漲卜卜 肉質燒到爽而滑而又能保留到蠔既鮮味黎到呢個位 又係添酒既時間一酌一景 酒味更濃加重了大家談心既情緒 享用完海鮮後 回到肉類既世界香煎蒜化厚切牛舌牛舌香口 一的都唔韌燒白鱔 味道有的似鰻魚 黎到呢個位 大家都開始飽 但朋友仍推介呢個A5和牛壽喜鍋鍋底香濃 牛肉薄切 入口軟綿綿今晚豐富既晚餐 以雪糕同雪芭做完結食物質素高 員工服務態度友善朋友果然無介紹錯 同🐢密度過了盡興既一夜👭👭

有一段日子沒有食日本菜，是晚與朋友再訪漁獲浜燒。先來小酌一杯，隨心選了北鹿天祿大吟釀，香醇細緻中帶著梨的清新。刺身盛合五款 - 牡丹蝦 : 大隻，蝦身晶瑩剔透，非常鮮甜。 拖羅 : 入口魚油香味溢出，久久不散。海膽 : 口感 creamy, 鮮味濃郁。三文魚及油甘魚亦很不錯。另外再點了龍蝦一隻，分別做刺身及浜燒。店員拿了隻新鮮龍蝦，見牠十分生猛呢。龍蝦刺身清甜，肉質彈牙，新鮮海鮮確實與別不同。特上漁獲浜燒盛合 （二人前） - 店員先把海鮮讓我們看看，然後遂一即製。鮑魚未煮時還在動，彈牙且帶著本身的海水來燒，已成最佳天然調味。蠔屬珍寶 size，鮮味十足。帶子分別以清酒及牛油煮，前者清香，後者惹味，各具特色。松葉蟹腳鮮甜多肉浜燒龍蝦 - 把龍蝦膏釀入味噌醬，香蔥及龍蝦肉，拌勻在蝦蓋上燒，龍蝦膏入口軟滑，味道十分濃郁。最後還點了雪葩作甜品，清新又減低飽滯感。邊享受美味海鮮邊把酒言歡，一樂也。

同細妹一齊回憶下半年前既日本之旅，所以來依間漁獲浜燒做下上等人。係門口見到d生猛海鮮已經令人食指大動。依度係居酒屋格局，當然有唔同既清酒，細妹又扮嘢同我講咩係純米大吟釀。話係日本最高品質既日本酒喎。我哋坐係刺身吧，係可以睇到師傅既表演。首先開下胃。叫飲品同前菜先。乳酸梳打，$38。巨峰梳打，$38。乳酸同巨峰味都好濃，唔差架。芝麻鹽醬椰菜，$20。椰菜爽脆新鮮，上面仲有蒜片，好香脆，而味道就又鹹又辣又酸，真係好味。跟住就係重頭戲啦。伊勢海老(龍蝦)(活剌身+兜甲羅燒食) ，$588。依度海鮮好似每日從日本新鮮運來，同浜燒即係係海邊即捕即燒相差無幾，一個字就係新鮮！睇到龍蝦咁靚就知啦。刺身盛合(5款)，$428。係連埋龍蝦活剌身一齊上既。本身既5款刺身有牡丹蝦、馬糞海膽、三文魚、吞拿魚和赤鯥魚。龍蝦剌身第一次食，好晶瑩通透啊！吃著好鮮爽又冰冰涼涼，蘸埋芥末更一流。馬糞海膽味更加唔使講，人間極品，可以用紫菜包著吃，好清甜，入口即融。牡丹蝦係我平時好鍾意食既，蝦頭裏有好多蝦膏，蝦肉又好新鮮好有鮮蝦既味道，仲要超大隻架。赤鯥魚聽講係來自北海道既活魚，肉質都清甜爽脆，而且魚皮滑溜。三文魚好味，但

之前因為朋友生日，來過呢間野一次，當時已經印象好好，好希望可以有一日再同朋友食，今日再食，好欣賞佢可以保持高水準啊。幾個月冇來，水產依然新鮮， 服務依然好！好開心！大家齊人可以一齊叫個龍蝦來食。細碎得來又香脆的麵包糠，同埋幼滑而又濃郁的蟹膏，口感反襯着，得出美妙的化學作用。燒雞泡魚乾燒完之後好香，但係食落嘅質感係軟軟的，好容易咬開，仲甜甜地，好好味。呢兩隻燒到脹卜卜的生蠔，好得意，好似鼓起泡腮咁樣，食落口，好香蠔味，而且脹卜卜的蠔肉咬落勁滑溜溜，好正。燒牛舌真係香到令人神魂顛倒！頭先出現過的巨型龍蝦，已經處理好了，嗰碗糕真係多到令人睇見都流口水，啲龍蝦肉勁大嚿好多肉，而且好彈牙好重海水味架。浜燒帆立貝，粒帆立貝又多肉又新鮮，本身已經好正，加上清酒完全發揮晒佢嘅鮮甜，每一啖都食到清酒嘅酒香同埋凡立貝的鮮美互相交融！食豪啲，食個靚鮑鮑先，表面好似燒得好乾但係咬落係幾好𡁻口的，而且都係好重海水味，好鮮的鮑魚！

今日返工返到打仗咁,真係好心累！太太見到我咁就book咗間喺銅鑼灣嘅"漁獲浜燒"去傾吓計！入到去地方唔算好大但係感覺好舒服，唔會話有壓力嗰種嘅格局!打開Menu食物唔算好貴~五色刺身都係4百零蚊,再加多個"特上漁獲浜燒盛合"店長走過嚟好細心介紹入面嘅食材之餘亦都推介咗個"青龍"兩食俾我哋!隻龍蝦好新鮮~首先食咗個少少辣嘅前菜醒吓個胃先~牡丹蝦非常新鮮蝦肉鮮甜蝦頭部分仲有藍藍嘅蝦膏真係好鮮! 油甘魚就用咗腩嘅部分食落有點爽口油香十足, 吞拿魚近腩位完全冇根啖啖肉!雖然唔係大拖羅但係已經表現到晒佢獨有嘅甘香，三文魚肥美,而海膽鮮甜到爆絕對係值!龍蝦肉晶瑩剔透爽口彈牙有淡淡嘅龍蝦味再加埋我篤海膽!睇返張相都回味中~隻元貝仲大過我隻手，隻隻都大大隻又新鮮,未燒都聞到陣海水味隻南非鮑仲要勁郁!隻蠔燒完都咁大隻!其實浜燒除咗要睇吓食材新唔新鮮之外仲要睇師傅對食材嘅認識而去決定食物嘅生熟程度!呢個7成蠔真係冇得輸肉質爽滑肉汁豐富因為經過加熱令蠔本身嘅甜味都迫晒出嚟!真係冇吹水堅係跳ing舞!唔洗我講都知堅新鮮~最鍾意食蟹!由其燒蟹甜到我暈終於到大大元貝真係要讚多次個師傅完全冇浪費到咁新鮮嘅食材裙邊唔

‪今晚又黎到我其中一間最鍾意既日本菜，事隔上次原來已經大半年前，所以即使第二次黎同樣有第一次既感覺。 ‬‪🥗特製黑松露炙燒平目魚邊沙律 $138‬‪沙律菜好新鮮，油脂豐富既平目魚邊微微炙燒過，配以牛油果、沙律菜、柚子醋同松露醬，清新不膩。‬‪🥢刺身盛合（5款）$428‬‪包括牡丹蝦、三文魚、海膽、油甘魚、拖羅。全部都非常新鮮好味，特別係肥美鮮甜既海膽、入口即溶既拖羅😍😍😍😍😍。‬‪🦀味噌蟹甲羅燒（配多士）$78‬‪蟹殼裡放滿蟹膏，香氣不斷，口感綿密。‬‪🦐唐揚式炸甜蝦 $88‬‪同上中SIZE甜蝦，鮮甜無比，惹味好食。‬‪🐲龍蝦(活貝)兵燒盛合$1248‬‪🥢蟹腳‬‪濃濃的蝦甜味令人在這美味中陶醉。‬‪🥢帆立貝‬‪兩種煮法各有千秋，清酒燒更鮮甜，牛油燒香味濃郁。‬‪🥢鮑魚‬‪肉感豐厚，彈牙。‬‪🥢生蠔‬‪肉質鮮嫩扎實，以少許清酒提味，鮮甜美味。‬‪🥢龍蝦‬‪主角登場，龍蝦肉質彈牙，加上用龍蝦膏特意調制醬料，足夠邪惡。‬‪🥢香煎蒜片厚切牛舌 $98‬‪牛味濃郁，咬落鮮嫩多汁。‬‪🥢燒芝士年糕‬‪相比炸，燒年糕真係更勝一籌，非常美味。‬‪🍨柚子雪芭 $58‬‪酸甜開胃又解濟。‬‪🍠蕃薯雪榚

日本之旅半年的懷緬，不知到何時才可以再去，所以和家姐去了這間漁獲浜燒治療一下。一入門口就看見時令推介和生猛海鮮，心裏沒譜的可以參考下。環境是居酒屋的格調，感覺幾舒服。我們坐在刺身吧的位置，可以看到和感受到師傅的職人精神。前菜，芝麻鹽醬椰菜，$20。這個又鹹又辣又酸，讓味蕾一次過感受到不同味道。加上椰菜爽脆新鮮，又有香脆蒜片，味道和口感一流。一入來看見缸裏鮮活的龍蝦，就忍不住要了伊勢海老(龍蝦)(活剌身+兜甲羅燒食) ，$588。浜燒意指從海邊即捕即燒，而這裏的海鮮是每日從日本新鮮運到，看見這生猛龍蝦，再一嚐刺身盛合，就知道這裏的食材絕對對得起這個名字。而其中的活剌身就跟了我們點的刺身盛合一併上桌。這個刺身盛合(5款)，$428。有牡丹蝦、馬糞海膽、三文魚、吞拿魚和赤鯥魚。龍蝦剌身很鮮爽，晶瑩通透吃著冰冰涼涼。三文魚和吞拿魚都是高水準，特別是吞拿魚超級好味。完全沒有筋，有入口即融的感覺，而且味道甘香。牡丹蝦勁大隻，很有鮮味，蝦頭內的蝦膏又多。馬糞海膽味道清甜，融化在口腔之中同時亦融化了一天的勞累。有提供紫菜包著吃。赤鯥魚，來自北海道的活魚，聽說很矜貴。魚皮滑溜，肉質清甜爽脆。跟著就是品嚐

對上一次黎已經係大半年前喇，真係好掛住呢度既濱燒美食。 同上次一樣我哋先點咗一個龍蝦活貝濱燒盛合，同埋揀咗一啲清酒先。 唔係太識選擇嘅當然可以問返服務員，佢哋好樂意幫客人選擇啱佢地口味嘅清酒架。 先嚟嘅係特製黑松露炙燒平目魚邊沙律。沙律好好味， 平目魚邊雖然油分重，但食樂一啲都唔覺膩 ，而且所有沙律菜好新鮮，味道清新非常，新鮮牛油果亦增加滋味。 再嚟新鮮嘅刺身五式。同上次一樣海膽真係超級新鮮甜美。吞拿魚亦非常頂級，油脂分佈平均，入口即溶。甜蝦大隻口感爽甜嫩滑，必食推介。 今次試咗碟服務員介紹嘅糖楊式炸甜蝦。平時炸蝦仔就食得多啦，今次試下炸大甜蝦。估唔到又炸得幾好味喎。個殼雖然冇蝦仔咁易咬，但係甜蝦咬落去上算鬆脆。蝦頭亦可入口，非常惹味。濱燒盛合包咗呢款松葉蟹腳。松葉蟹腳肉質鮮甜嫩滑 入口淡淡蟹香， 但略嫌黐殼。 生蠔大大隻用清酒濱燒煮。生蠔新鮮，肉質鮮甜，口感肥美爽口。 呢度啲鮑魚又係必食。鮑魚加上特製嘅柚子胡椒，帶出鮑魚嘅鮮味，肉質爽口彈牙亦夠軟淋。 帆立貝用兩種食法，清酒煮同埋用黑松露牛油煮。兩款都咁好味，清酒煮更能帶出帶子原汁鮮味，但係黑松露牛油煮就更加濃香惹味。 濱燒盛合嘅主菜

今晚朋友提議嚟呢度食飯，估唔到有意外驚喜！難得搵到可以encore嘅餐廳👍🏻🍴芝麻鹽醬椰菜 - 免費前菜，醬汁少少辣幾開胃🍴芝士魚餅 - 外層脆卜卜，一咬芝士流晒出黎，味道有驚喜，第2推介🍴唐揚芝麻雞翼 - 造到日本手羽的香脆效果，好味🍴蒜片煎牛舌 - 雖然好厚切，但仍然好淋好易咬開🍴味噌蟹甲羅燒 -5⭐️推介，搵返日本磯燒海鮮嘅味道，配多士食可中和膩感🍴白鱔浜燒 - 饅魚質感有啲硬，比預期遜色🍴海之幸肉子燒 - 中間包住明太子，少少辣加埋蛋好食🍴漁穫海鮮釜飯 - 相對上較淡味，中和返其他濃味食物剛剛好🍴番薯雪糕 - 好濃既蕃薯味🍠味道天然不造作

每個人心目中都總有幾間最喜愛的食店，而小妹對於不同的菜式都略有喜好。每當朋友仔想我介紹高級日本海鮮時，我都會帶佢哋去漁獲浜燒。鍾意呢間餐廳，食物好味係基本，佢哋穩定的水準絕對值得加分。有時候，食過好食的餐廳，再帶朋友光顧時，水準下降，總會令人失望。每次帶朋友嚟到呢度，我都充滿信心，知道唔會令任何人失望。好的餐具能為人預備好心情。好酒更加能令氣氛熾熱。朋友仔第一次來，要求食豐富海鮮，我就為佢發板。先點一客刺身拼盤，六款刺身各自各精彩。帆立貝厚身，鮮甜得來軟滑。魚類當中，我就最鍾意中拖羅。雖然冇大拖羅咁肥美，但就完全無筋，而且魚味較為突出。刺身過後，點了牛油果沙律，既可以清一清味蕾，牛油果加上蔬菜，健康得減少我們內心的罪惡感。主角當然係海鮮啦！好欣賞店員為咗令到大家食得開心，總會先攞出活海鮮俾大家影相。除咗龍蝦之外，呢個拼盤就係當日的重頭戲，我哋更追加新鮮空運的北寄貝。等待其他海鮮之際，先品嚐招牌甲羅燒。店員會喺我哋身邊一邊講解，一面將食材燒好。鍾意呢度甲羅燒，原汁原味。沒有多餘的配料，突出到蟹肉同蟹膏的鮮香。店員好認真地準備食物，帆立貝先燒熱，再洗乾淨同加上配料。加上牛油的帆立貝，鮮香再