漁火海鮮刺身火鍋

营业中

休息中

星期日同FD行完街, 突然想打邊爐比佢宣傳單張吸引, 同佢黎左試下依度D湯底幾多款, 幾特別我地揀左"胡椒白果豬肚湯"揀完就自己溝醬料, 有9款打邊爐牛肉係必食, 我地叫左頂級Prime 牛肉睇樣都覺得頂級, 雪裡透紅, 好有鮮味, 無欺場相比之下黑豚腩肉片就比較一般有少少鞋, 無乜味見豬大腸有推介, 我地都點左黎試清得好好, 無臭味, 食落唔差響鈴即炸，一放落湯底即劇索晒味，好正! 漁火特式四色丸$128。有手打墨魚丸, 鹹蛋豬肉丸,潮式手打牛筋丸,手打鮮蝦丸全部手工製作，彈牙爽口墨魚釀冬菇冬菇好大粒，而且菇味都算幾突出，同埋墨魚合埋一齊食,好彈牙, 好有口感水餃好大粒, 味道都幾特別, 唔錯總括黎講, 呢間材料水準高，坐得舒服，好過去酒樓打

好耐冇食火鍋今日傾盡全力食了一餐好豐盛的火煱宴。湯底有花甲海蝦魚湯鍋，用咗好大隻的花甲、 好多海蝦同魚頭滾成的湯底，仲有好多豆腐蕃茄配料，啖湯非常非常鮮甜美味， 花甲好大隻，蝦都好弹牙，海鮮材料全部好新鮮。打邊爐唔少得食牛肉， 所以叫咗一個特選牛盛薈……牛舌芯厚切，大粒,食落爽口煙韌。牛邊位 ，每片都有一定的厚度，略灼一下，牛肉味濃兼嫩滑。頂級prime牛肉, 有肥有瘦， 所以食落有牛肉的羶味， 非常嫩口，非常好味。牛頸脊，勝在灼極都吾硬， 略带肥，但食落沒有肥膩感覺。和牛肉粒，較難處理，不過，牛肉味係最濃嘅。鳝片幼滑鲜味鱼片頭爽口，手打墨魚滑，加了蟹子，所以食起來除了弹牙之外，仲有蟹子卜卜脆的口感。加上竹蔗茅根 飲品，剛好為呢餐劃上一個完美的句號。

契家姐生日, 我地約左星期日一家人去打邊爐幫佢慶生, 餐廳當然由壽星女決定啦, 佢揀左地點方便既"漁火", 話之前朋友推介過唔錯餐廳格局寬敞, 光線充足, 令人感覺舒服, 點餐紙上有好多唔同款式種類可以揀, 特別係海鮮同刺身, 而且價錢經濟我地嗌左:自家鮮魚清湯鍋: 湯底鮮甜, 唔會有魚腥味, 亦冇落味精, 適合鍾意簡單湯底人士特選牛盛薈: 有5款唔同部份既牛, 包括手切本地鮮牛頸脊、手切本地牛邊位、手切頂級PRIME牛肉、一口和牛柳粒、極品牛舌芯 - 每款牛都好有牛味而且冇筋, 特別要讚係和牛柳粒, 一啲都唔韌, 咬入口有啲油香肉汁溢出, 正!鮮魚卜: 呢碟野好極端, 啲人一係勁鍾意一係極憎, 鍾意食既就唔好錯過, 新鮮好味唔腥脆骨腩/ 沙爆靚魚肚: 有水準, 啲肉爽口唔會霉鮮鵝腸: 餐廳提供既真係有肥膏既鮮鵝腸, 唔係坊間急凍冇味果啲, 入口個啖油香同咬口, 一流餐廳做緊優惠- 8:15前埋單有全單9折, 9:30後入座有全單8折, 夾到時間食既仲抵

邊爐怪又嚟邊爐癮起😋今晚身在銅鑼灣，就試一試佢啦😊😬湯底： 花膠響螺燉豬展勁勁勁足料店員好細心叫我地先飲咗個湯，然後先再打邊爐。一個字-媽媽的味道零味精超鮮甜！ 混帳時間漁火特色四色丸一次過試晒所有口味，包括墨魚丸，牛筋丸，豬肉丸同埋鮮蝦丸。每一款都各有特色，全部人手手打，彈牙爽口。本地龍蝦超級新鮮，蟹膏超級鮮甜 即炸響鈴即叫即炸熱辣辣，雖然吸晒湯汁，但係一啲罪惡咁都冇必叫-頂級prime牛肉千祈唔好淥多個8秒，如果唔係就浪費左一塊靚牛肉。完全冇根入口即溶食到唔停得口！蔬菜選擇多，分量合理。叫埋揸竹庶茅根中和返，爽爽呢度仲有好多時定海鮮選擇，下次你一定要再試其他海鮮呢度20:15前埋單有九折，九點半後入座更加有八折，搵日宵夜再嚟嘆過先！

無錯，我又打邊邊喇😂雖然依家天口好熱但係無損香港人打邊邊嘅愛好所以我又嚟啦首先，佢哋嘅醬料十分齊全辣椒、生熟蒜、芫茜、蔥等等好啦，打邊爐梗係揀個湯底先呢個就係滋補養顏牛乳湯未落料之前，我試咗一啖真係好香牛乳味鍾意飲牛奶嘅人不能錯過首先，我哋嗌咗一個漁火特選牛盛會有牛胸肉、牛頸椎、牛柳粒、牛小排同牛舌甘多樣之中，我最鍾意食嘅就係牛舌好有口感又有咬口其他嘅牛肉味都非常之濃郁食到停唔到口啊！呢個鬼馬油條幾好食十分香口，外脆內軟可以一試呢個係芝士丸，由於朋友好鍾意食芝士嘅關係，佢差不多成盤都掃曬。呢個係自家帶子餃好新鮮，味道好鮮甜有粒帶子喺入面㗎打邊爐當然一定要嗌菜啦想肥死人咩？我同朋友今次嗌咗油麥菜，份量十分之多，又新鮮，啱曬我地最後就講下飲品啦呢渣係自家竹蔗茅根清甜下火飲咗即刻唔熱氣啊有機會會再黎既餐廳

今日銅鑼灣Sogo大減價，血拼完之後想搵個清靜嘅地方好好享受食物，我想食火鍋，朋友就介紹話呢一間火煱店very good， 可以靜靜傾吓計，上到去一睇環境果然冇介紹錯。呢間火鍋店，面積不大，但座位採用高背設計，私隱度高，而且非常安靜，朋友們可以靜靜地打邊爐，傾下偈。好肚餓，先叫一個什錦刺身拼盤頂下肚， 刺身非常新鮮肥美，狼吞虎嚥一輪後，就慢慢等我哋揀咗嗰個補身養顏嘅花膠響螺燉豬上場， 個燉湯上到嚟時嚇咗一跳，超大鍋，裏面有雞腳、響螺、豬、紅棗、桂圓…… 等 。花膠大大件，燉到好稔滑，食埋響螺雞腳，飲咗幾碗湯， 直情覺得成個人滋潤哂。之後叫侍應用剩餘嘅花膠湯加湯食火鍋，因為食咗燉花膠已經飽咗八成，所以先叫住牛肉、特色四色丸同雜菜籃食住先，諗住唔夠食再加火煱料， 點知可能牛肉太大碟，食極食唔哂。特色四色丸有手打鮮蝦/牛筋/墨魚丸，仲有鹹蛋豬肉丸。 鮮蝦丸賣相精美，上面鋪滿櫻花蝦，可能因為手打關係，D丸好彈牙。味道方面，牛丸就冇乜特別，墨魚丸就最鮮甜，我最鍾意嘅係鹹蛋豬肉丸，豬肉丸內加咗鹹蛋，好惹味，食時感覺似食緊鹹蛋蒸肉餅，好特別。滑牛肉好大碟，可惜我顧住傾偈，時時淥到過曬龍，有點韌。

Sogo 感謝日，特意放 time off 和朋友去搶購，買到了心儀護膚品，排隊比錢好多人，企到腳軟， 肚又餓， 排隊時順便上網搵食，漁火海鮮刺身火鍋在附近，食評唔錯，比完錢，即去。門口有2張紅木中式椅子，畫中有魚，頗有中國 feel時間尚早，人流唔多，2個人坐卡位，好闊落有即日海鮮價牌以為是任飲，忘了並不是放題調味醬料 - 芫茜、蔥、 蒜頭 、沙爹醬……俱備海鮮鍋食得多， 今次叫了個中式滋補美顏花膠響螺豬展湯底份量大湯清甜, 沒有很重藥材味, 只用圓肉、紅棗、 蟲草花簡單材料， 適合炎熱夏天飲用， 湯料花膠滑溜、豬展、雞腳煲到好冧，食完湯料飲左幾碗湯，已經飽了一半。幸好沒有叫太多食物，食唔哂又要比錢，唔化算朋友是魚生fans，必叫。三文魚腩肥美， 帶子和北寄貝新鮮， 讚口不絕牛肉大塊味鮮，正四色丸有牛肉、 墨魚、 鹹蛋豬肉、 蝦丸，最有特色是鹹蛋豬肉丸和蝦丸， 蝦丸外層沾滿了小蝦，賣相有特色， 蝦肉彈牙好食。 豬肉丸加上碎鹹蛋黃，口感特別，I like 雖然食嘅款式唔多, 但份量夠，下次再試其他。

考試前要豪一豪！    駱克道搵好西！   就黎jor 呢間試下！ 見網上推介要試呢個花膠響螺燉豬展 湯底！  覺得唔錯！ 湯料好足啦！  有好多響螺 雞腳 同埋足量豬展同花膠！ 198 其實好優惠！ 第一淡飲個湯底！ 就好似系屋企飲既湯咁~  今次系食全牛宴！ 揀jor 個特選牛勝薈！  裡面分別有 牛舌 牛邊位 一口牛粒 牛頸脊 安格斯手切牛肉！4個人食既話！ 啱啱好！  食肉獸必點！ 講最滑的話, 當然系食那個安格斯牛肉啦！  而那個牛舌都好特別！ 中意食牛舌既朋友 推介食下！ 總括黎講！ 牛肉質素唔差！呢個蝦滑真係真材實料, 匙匙出黎都見勁多蝦肉.  而食落口 好爽口！嗌個本店特色四色丸！  睇佢介紹的確比較特別！ 右邊開始 系櫻花蝦蝦丸 咸蛋豬肉丸 咸牛肉手打鮮牛丸墨魚丸.覺得比較有新鮮感~ 而味道都唔錯！  那個蝦丸 同個豬肉丸 味道更為特出！ 仲有個即叫即炸既響鈴，簡直打邊爐主角之一！ 吸收曬湯底精華！ 而且香脆脆的！其他配菜都好新鮮！ 而個烏冬都好贊！ 浸得耐d 都唔會爛！ 而且qq的口感！  

想搵個可以成班人坐得舒服慢慢食既地方當然唔少得打邊爐啦，今次友人選擇左呢間好評唔少既高檔火鍋，入座大約18:30，已經有幾台客食梗，應該係衝住8:15前離座全單9折而黎醬料收費每人$15，每台有私人既調味醬提供，感覺衛生好多。餐紙選擇好多，無論係火鍋配料抑或菜種類都多不勝數，亦有高質肉類同刺身可供選擇。我地一行二人點左：- 滋補養顏牛乳鍋 $98- 漁火特選牛盛薈 $428- 芝士丸 $38- 鬼馬油條 $68- 自家帶子餃 $78- 油麥菜 $38- 竹蔗茅根 $58值得一讚既係呢個牛乳鍋，清得黎奶味好香，睇顏色都知落足料，湯底係魚湯，鮮甜、入口滑順。油麥菜比想像中大兜好多，新鮮翠綠，擺碟有心思，好似花盆咁鬼馬油條炸得好香口鬆脆，食落唔會油膩，釀製既蝦膠好足好彈牙，配甜酸醬非常惹味。自家帶子餃自家製每隻都大大隻，皮薄餡靚，內餡係滿滿既豬肉包住一片片既帶子，口感十足，豬肉食起黎好新鮮有肉味。漁火特選牛盛薈今次既主角一次試齊五個唔同既部位，包括手切鮮牛頸脊、牛邊位、頂級PRIME牛肉、一口和牛粒同極品牛舌芯。個人最中意牛頸脊，肥肉比例少，口感鮮嫩不韌，牛味重；其次係頂級PRIME牛肉，雪

銅鑼灣京都廣場真係有好多好嘢食，今日來到八樓呢間漁火海鮮刺身火鍋店食好嘢。環境唔算太大，但係每張枱都好有空間感，以卡位為主，私隱度都幾好，坐落舒服，老闆兩公婆招呼好周到，又好有禮貌，令人有賓至如歸嘅感覺。雖然啲食物價錢都幾貴，但係淨睇相片都已經覺得食物質素水準好高，人一世物一世乜嘢都要試吓啦，所以就豁咗出去，叫了一個$198的花甲海蝦魚湯火鍋湯底，以及價值$428的漁火特選牛盛薈！花甲海蝦魚湯火鍋湯底材料非常豐富，包括有超大隻的貴妃蚌、海蝦、魚頭、豆腐、蕃茄等等。貴妃蚌好大隻，肉質好豐厚，真係第一次食，雖然啲蚌咁大隻，但係食落一啲都唔硬，重點係店舖將啲蚌的肚位清理得非常乾淨，令人食得好安心。另外，海蝦都有六隻，非常鮮甜彈牙！豆腐同蕃茄等配料份量都唔少，啲蕃茄仲好甜添！用咁多海鮮配料滾成的湯底，啖湯當然係相當鮮甜啦！至於個矜貴嘅牛肉拼盤則主要有：牛頸脊、牛邊位、頂級PRIME牛肉、極品牛舌芯、同埋一口和牛粒。份量真係King size，足夠四人食，我最鍾意係牛舌芯，好厚切，大大粒，雖然要滾好耐但係食落非常爽口，好有牛味。牛頸脊嘅好處係滾極都唔會硬，食落口比較軟淋。牛邊位就相對厚切，唔可以

如果約朋友係銅鑼灣食飯，京都廣場既餐廳一直都係我首選因爲地點非常近地鐵站，銅鑼灣地鐵站C出咁出對面就係喇！選擇了漁火是因為被餐廳名吸引了。漁火的意思為漁船上的燈火，睇到餐廳名既時候不自覺地聯想起火鍋餐廳，就決定約朋友一齊食火鍋漁火屬於高尚既火鍋餐廳，餐廳精緻，設有火鍋餐牌比你睇清楚湯底、刺身、火鍋料。醬料款式齊全，特別推薦沙嗲醬！自從食過韓國部隊鍋後，發現午餐肉打邊爐都唔錯，依家習慣左每次都叫來食！漁火個午餐肉超好食，唔知道係咩野牌子呢！而且午餐肉切得好厚身好好味呀今次沒有叫辣湯底，選擇了一個蕃茄薯仔粟米湯！蕃茄味很重，真材實料，再加火鍋料海鮮滾過後，湯底變得很清甜濃味另外很推薦海鮮蟶子，平均$48一條，肥美鮮味，簡單滾12秒便可食用銅鑼灣中不錯的火鍋餐廳，價錢同食物質素成正比

經朋友介紹知道銅鑼灣有一間呢食海鮮嘅火鍋店，就專登Book台同佢兩個人食餐晚餐。火鍋選擇都幾多，各式各樣包括刺身，牛肉，海鮮等等全部應有盡有。仲有啲時令食品會寫係黑板上面。花膠響螺燉豬展＄198上嘅時候已經見到啲顏色比較濃郁，而且裏面有超級多材料！真係有好多舊花膠！響螺仲要好林！加埋啲豬骨豬展，一滾左之後就飲多幾碗湯，健康養顏。本地龍蝦＄268 隻通常打邊爐邊少得海鮮，今次就揀咗龍蝦，啲龍蝦一開始已經幫手切開哂方便打邊爐，肉質新鮮又爽甜，配搭埋咁香嘅湯底真心正。走地清遠雞件＄88例牌平時食肥雞食得多，走地雞應該少啲嘗試到。今次食走地雞，仲要係清遠雞，啲肉質嫩滑得來比較結實，有雞味。北海道蟹柳拼豬紅＄38加＄10豬紅口感比較結實，不過味道比較淡口味，建議可以配搭豉油等醬汁。日本稻庭烏冬三個$48一種活動係特別滑，喺度打邊爐都建議叫返呢隻烏冬啊！醬料＄15一位另外我哋都叫嘢飲自家竹蔗茅跟＄48我最鍾意嘅就係佢味道天然，材料豐富先會步出呢一種清新嘅甜味，亦都唔需要驚落左好多糖。

雖然天氣愈來愈熱我香港人習慣開住冷氣一班人打邊爐臨近母親節同呀媽提早食餐飯先平常大家都好忙，同屋企人打邊爐就可以慢慢一到食一到傾計因為屋企人對海鮮敏感所以冇點叫海鮮，但見到隔離枱海鮮好新鮮下次同朋友再來打邊爐有醬料任加真係好重要湯底點胡椒白果豬肚煲HKD98因為平常係屋企好少整到豬肚為左想係打邊爐前飲下湯好足料，有埋菇，豬肺,蘿蔔可以當飲下湯先再放料四色丸HKD128有手打牛筋丸，墨魚丸，鮮蝦丸，咸蛋豬肉丸，好彈牙，有鮮味，冇雪味。韮菜餃HKD68好大隻，好足料，好多韮菜，皮薄即炸即鬆脆響鈴HKD55,好脆又大塊，吸哂啲湯既味豬大腸HKD 58平常係屋企打邊爐好少會買，豬肥瘦適中.份量多打邊爐點可以冇牛先，手切頂級PRINE牛肉HKD298 size 大重牛味，肉質軟，夠溥涮一涮就ok冬菇醸墨魚HKD88就咁食墨魚同食丸冇分別，釀係冬菇到可以一邊食下茶，又有嚼口極品黑豚肉HKD88好大塊，厚，涮得耐都吾會嚼唔到飲品，竹庶水，不太甜，可以解渇人愈大，真係吾係大想仼食，因為真係食吾到咁多，寧可一碟一碟點，只少係靚料，都食得開心。

打邊爐算係我喜愛既菜式之一，大半年前黎過之後，覺得呢度好坐，空氣又流通，今日趁同朋友聚舊，就打算再黎食飯啦。位於銅鑼灣京都廣場8樓既「漁火」，除左有一般火鍋配料之外，仲有刺身食，更重要既賣點，當然係用老火湯黎做湯底啦！餐廳有大量醬油配料供應：辣椒、炸蒜、蒜蓉、芝麻、芫荽、蔥、沙茶醬、花生醬、麻油，真係講得出既都有架。湯底－ 蕃茄薯仔粟米湯＋自家鮮魚清湯鍋 :坐低後，第一件事當然係揀左湯底先啦，其實湯底都算係火鍋既主角，一個靚既湯底，淥出黎既野食都好味d。喜歡食蕃茄既我，毫不猶豫地揀左蕃茄薯仔粟米湯，同行朋友就想試鮮魚清湯，所以我地就叫左個雙拼鍋啦。蕃茄湯味道非常清甜，飲得出無咩味精，好好味。響鈴 :即叫即炸既響鈴，輕輕放入湯內淥過後，外軟內脆，吸收左湯底既精華後真係格外好味。北海道蟹柳 :蟹柳一向都係我打邊爐既至愛，因為上菜時已經defrost左，所以淥一陣就有得食。漁火特色四色丸:四色丸有蝦丸，咸蛋豬肉丸，咸牛肉手打鮮牛丸同埋墨魚丸。一份有成12粒，兩個人食其實有點兒過多。個人最喜歡嘅係咸蛋豬肉丸，咬開後有少少咸蛋黃係裡面，平時好少會食到，感覺非常特別。至於鮮蝦丸， 除了裡面有鮮蝦之

因為朋友鍾意打邊爐，就同佢去一間比較多正面評價嘅餐廳食飯，首先因為啲質素一定好過食火鍋任食。去到之後位置都幾寬敞，而且鄰近銅鑼灣港鐵站非常方便。湯底方面就揀咗一個比較有特色而且可以飲湯嘅花膠響螺燉豬展＄198裏面真係唔野少，有不少花膠以及響螺，都煲得好淋，建議可以享用。一開始未打邊爐之前飲用嘅湯係最有精華同埋味道最香濃，我豬展同埋其他配料嘅味道係入晒落個湯度，香氣十足。本地龍蝦＄268 隻上嚟之前嘅龍蝦已經好細心地切開咗一嚿嚿，當然睇起上嚟真係原隻嘅，肯定睇得出係同一隻新鮮龍蝦。每一件切開咗之後嘅肉唔會好大舊，方便我哋放落去好快就攞得返上嚟食，口感比較爽，食得出的新鮮，有點海水鮮味。招牌雲吞王雙拼自家帶子餃子＄78加＄10帶子餃子夾雜係豬肉之間，鹹香十足而且又彈牙。招牌雲吞王裏面真係有大大隻鮮蝦，旁邊亦都有好多其他肉碎可以稱得上皮薄餡靚。即炸鬆脆響鈴＄55平時出面食嘅響鈴都係拆包裝嘅，但係呢度就係即炸，淨係睇佢樣已經非常之金黃，浸湯數秒鐘之後享用仍然係得出原本嘅熱辣辣同埋鬆脆！所以一定要快啲食先得呀！溫室豆苗＄38雖然打邊爐主要食肉，但係叫翻個菜健康少少都唔少得，朋友都鍾意食豆苗，貪佢