漁火海鮮刺身火鍋

营业中

休息中

去到銅鑼灣太多食肆唔知點揀，但又想食打邊爐，於是就去咗位於駱克道491-499號京都廣場8樓一間叫漁火海鮮刺身火鍋。入到去坐低就會有人送上一盤有各式各樣嘅打邊爐醬汁等等。舖名都寫有刺身就當然要試佢地嘅刺身，於是邊爐都未打就叫咗個細隻嘅龍蝦刺身，過咗大約五分鐘龍蝦刺身就黎到，可以見到龍蝦頭係重識郁，即係選用生嘅海鮮來做刺身，先唔講佢好唔好食，淨係用生嘅海鮮已經夠誠意。但食落嘅口感亦都一流，一放入口有種好棉嘅感覺，加上刺身上面加咗好多蟹子，令到食落更加有鮮味。另外食完刺身往可以請侍應拎到廚房將龍蝦冇做刺身嘅部分斬件放落去打邊爐湯底入面，令湯底昇華到另一個層次。今次揀咗招牌麻辣鍋同埋胡椒白果豬肚湯，麻辣鍋加熱後傳出好香嘅配料味，而豬肚好爽口，亦有好重嘅胡椒味，一啲都唔馬虎。打邊爐配料方面有鮮滑牛肉，放落去10秒就食得，非常滑溜。加上蟹子嘅墨魚滑， 特别爽囗彈牙， 口感豐富不少。還有其他火鍋料， 包括有四色丸、魷魚同蔬菜等等，既豐富又美味。 重有自家製嘅韭菜餃，隻隻都好足料，入面食到都係豬肉同韭菜，唔會加好多粉入去，而且皮薄又唔易滾爛，非常好食。飲品方面叫咗自家嘅竹蔗茅根，因為打邊爐比教熱氣所

今日星期日同朋友放假就出去打算打邊爐，所以就去左京都廣場嘅一間火鍋店去試下！我地一入到門口，左手邊已經有好多龍蝦，同其他海鮮都幾大隻架！之後一坐低，職員就好細心咁比左豉油同調味品我地去調醬汁～湯底方面我地叫左雙拼鍋（麻辣，豬肚）！然後打邊爐之前當然要叫個龍蝦刺身試下啦！隻龍蝦一上枱，我同我朋友都（嘩！）左聲，隻龍蝦仲好新鮮，仲郁得好勁，肉質十分鮮甜彈牙！都好抵食！另外食完個龍蝦刺身之後，職員會問你要唔要放埋個龍蝦頭落個火鍋入面，我地就選擇放埋去豬肚湯底個邊！再飲下個湯，十分之推薦！如果大家都叫龍蝦食嘅話都放埋隻龍蝦頭落個鍋入面，因為個湯係會變到超鮮甜架！而且個龍蝦頭入面係有幾多膏下，十分之吸引～自家竹蔗茅根水，味道十分天然，唔會太甜～火鍋配料方面，叫左:漁火特色四色丸（$128）每一粒都係唔同味 同埋啲丸打得好好 好彈牙！鮮滑牛肉（$88）雖然唔係叫手切牛肉，但呢個已經好有牛味，肉都好鮮嫩 好抵食！豬仔午餐肉（$45）午餐肉都好推薦，午餐肉係好厚切！食落感覺肉好軟棉棉好香！自家韭菜餃（$68）我一直係出面打邊爐都好少會叫餃食，因為大多數出面食親個啲都好少料，放落鍋煲幾煲就爛嘅隻餃。而漁

平時去食餐火鍋有時真係唔知想食乜是好，一來真係有太多嘢食攪到都唔知食乜，計我話其實要食一餐美味嘅火鍋，最緊要係可以食到食材嘅鮮味，咁先至品嚐到一餐美味嘅火鍋，呢次又約咗朋友去左銅鑼灣食火鍋我地比較注重食材方面，所以湯底方面就揀咗普通湯底，至於火鍋配料真係有好多選擇，由海鮮到肉真係應有盡有睇下自己想食乜，我地呢班人就最鍾意食肉，所以都點肉為先叫咗漁火特選牛盛薈，內裏已包含多款牛肉食到多種肉味等咗陣已見牛肉拼盆出來，分別有手切本地鮮牛頸脊，手切本地牛邊位，手切頂級prime牛肉，一口和牛粒同極品牛舌蕊賣相夠晒吸引，真係要逐一品嚐每種肉，入口食到肉嘅鮮嫰味香濃我地眨吓眼就食完都仲係食得唔夠滿足唯有再點一輪先夠喉，真係越食越滋味除咗食牛外都有點左其他火鍋配料品嚐一番，又其招牌雲吞皇同炸魚片都相當食到用料足又夠香脆食火鍋嘅時間真係過得特別快，一邊食一邊飲夠晒開心，最後梗係食到肚仔飽飽回家

多謝世界盃多謝馬會，俾我估估下都贏到一餐飯食，贏返嚟嘅錢就識得特別豪爽，今晚一於去食餐海鮮盛宴。銅鑼灣剪髮跟住同朋友就上咗嚟漁火。而其實當晚有一件好重要嘅事，就係同阿少爺仔慶祝生日，少爺仔出名腌尖，食要食最好嘅。一眼就睇中左超豪華嘅龍皇珍寶海鮮拼盤 $628。既然我都有份食落肚當然冇所謂啦！因為少爺仔要去唱K，當晚唔食得辣野，所以我哋就放棄咗招牌麻辣湯，改為清淡健康的番茄薯仔粟米湯$98。 我哋喺門口嘅時候已經見到大魚缸，漁火的海鮮應該好新鮮。龍皇珍寶拼盤好快就上枱喇！我最期待的是龍蝦，店長跟我們說這是南非龍蝦，所以肉質特別彈牙，味道鮮甜，而且仲有美味蝦膏，yummy。元貝不是普通的，而是珍寶size，肉厚而鮮甜，一入口已經食得出係優質食材。中蝦有手掌咁長，蝦肉爽脆鮮甜，食落有彈性。龍㚄片放落滾熱辣的火鍋，滾兩下已經食得，入口嫩滑，魚味十足。招牌雲吞皇果然名不虛傳，每一粒都大個乒乓波，成隻鮮蝦係入邊，真材實料貨真價實，一啖都食唔晒。而我打邊爐係一定要食魚皮嘅，鬆脆可口。整體感覺滿意，價錢親民，用料新鮮，值得推介。

打邊爐一向係香港人至愛，唔理夏天冬天，總之想食就食。今晚同朋友行完銅鑼灣，經過京都廣場，就入左去試漁火，但由於人數不多，我哋就係試左呢到嘅重點食物。漁火，用料豐富的海鮮湯底。 係湯底方面，我地叫左花甲海蝦魚湯鍋($198)，湯底係奶白色嘅，入面有六隻左右嘅大蝦，加埋大大隻花甲，食落口十分清甜。炸魚皮($38)浸落D湯到脆得黎又吸到D湯汁，超正。 主食就叫左特色四色丸($128)同埋牛肉盛薈($428)，四色丸分別係牛肉丸，豬肉丸，墨魚丸同埋蝦滑。雖然四隻丸都食得出手打嘅同埋好正，但係我最欣賞係蝦滑，因為佢加埋D白飯魚仔食落去好有鮮味。牛肉盛薈雖然四百幾蚊睇上去好貴，但係物有所值，因為入面有靚嘅牛肉，包括雪花牛同埋手切肥牛。三個人食都夠食，而且點埋佢哋嘅醬油配料，實在十分滿足。

不知不覺已經步入炎炎夏日 但當然無阻foodpigss🐷🐷愛打邊爐啦💓😛 畢竟開住冷氣打係別有一番風味😝 今次就黎到呢間高質而且十分之就腳既海鮮火鍋餐廳🙋🏻‍♀️鋪面係行日系風服務都不錯 一坐低店員就會好有效率咁拎啲醬料俾我地自己配搭 🐷🐷就揀左豉油配蔥同芝麻打邊爐除左肉之外 最重要既緊係湯底啦！呢間餐廳就正正係好多選擇 而且係其他餐廳好少會有既😍🐷🐷就揀左花甲海蝦魚湯鍋（$198）花甲同蝦都好大隻又多肉 加埋大蔥同蕃茄等配料 真係好好飲 重點係無味精 係真材實料！而肉類方面 因為🐷🐷有選擇困難症既關係 所以呢個漁火特選牛盛薈（$428）就岩曬啦！ 事關佢一次過有齊曬手切本地鮮牛頸脊、手切本地鮮牛邊位 、手切頂級PRIME牛肉、一口和牛肉同極品牛舌芯☺️ 整體都係好嫩口 當中頂級牛肉係最正 真係名都有得你叫😹 係無得頂嫁！ 另外一口牛同牛舌都係平時韓燒會燒既野 用黎打邊爐真係第一次😂 因為較厚身既關係所以要烚耐啲 但食落真係好juicy😇 最後就緊係飲返支打邊爐不可或缺既汽水啦😌 🐷🐷就揀左忌廉($12）爽不得不說好似叫左好少野 但因為今次人數唔多 牛既份量都唔少下 所以已經飽曬，勁滿足！

我同朋友喺銅鑼灣行完街準備食晚餐，經過京都廣場見到下邊宣傳牌寫住有間海鮮刺身火鍋，而我哋咁啱又想食火鍋，就決定去試吓呢間漁火。一出lift就見到餐廳門口擺咗一啲海鮮，有魚、有象拔蚌、有龍蝦、有蠔。入到餐廳裏面，店員都好有禮貌安排我哋入座，問我地要咩湯底，同埋推介我哋食而家做緊優惠只係$588嘅象拔蚌刺身。佢呢度嘅湯底有非常多選擇，但因為我同朋友都好鍾意食芫荽所以我哋就揀咗芫荽皮蛋豆腐湯，湯底有超多芫荽同埋皮蛋仲有超多豆腐，超正呀！而嘢飲方面我哋就揀咗一渣鮮榨橙汁，橙汁飲得出係鮮榨而且係唔酸既。第一碟上枱嘅就係象拔蚌刺身，象拔蚌刺身有好多塊，而且食落好新鮮，我哋仲叫咗日本帶子刺身同埋三文魚刺身都係好大塊好新鮮。然後我哋仲叫咗三隻西班牙巨蠔，我同朋友們每人一隻，啲蠔真係好大隻，成隻手掌咁大，一隻西班牙巨蠔等於兩至三隻平時一般既蠔，好重海水味我最中意。火鍋配料有勁多款，而我哋就叫咗肥水大花甲、加州桂花蚌、水魷魚、芝士丸、蟹柳、豬紅、雞子、豬粉腸、豬大腸、唐生菜、烏冬，全部火鍋配料樣樣份量都好多，我哋最尾都食到好飽好滿足。仲有我哋仲叫咗佢個自家韭菜餃，真係同平時喺超市買到嗰啲急凍冰鮮韭菜餃好唔

今日喺銅鑼灣突然想打邊爐，經過京都廣場見到有火鍋餐廳，就決定去試下。雖然價錢無一般火鍋店咁平，但係性價比好高，值得一試一入門口就見到有未開嘅生蠔同新鮮嘅龍蝦擺左喺出邊，超吸引～ 入到去見到燈光暗暗地，裝潢好有日本風。座位數量好多，亦有卡位可以選擇，多人嘅話仲可以坐房添一坐低侍應就即刻遞上調味盤，俾我哋揀醬汁嘅配料。夏日炎炎，我地即刻點左一jar橙汁解下渴，份量都足夠三個人每人兩杯架今餐超級豐富，以下幾樣推薦大家一定要食:今期做緊優惠$588就可以食到生猛嘅象拔蚌刺身，好新鮮，鮮甜兼彈牙。仲有每人食左一隻西班牙巨蠔，有成隻手掌咁大呀，都只係＄68，味道超fresh另外我地仲叫左水魷魚、唐生菜、桂花蚌、韭菜餃。水魷魚口感綿密柔軟，富口感。出面火鍋啲菜有啲會爛，但係呢度嘅菜好新鮮，好乾淨。桂花蚌嘅size好大，口感爽脆，個個爭住食。韭菜餃入邊嘅餡就非常足料，值得一讚。我地仲叫咗烏冬，口感彈牙，火鍋必點總括黎講，雖然價錢偏高，但係一分錢一分貨。食物質素高，服務態度亦都好好。下次如果想食高質火鍋，可以去銅鑼灣京都廣場8樓，試下漁火～真係冇介紹錯架！

今日朋友生日，喺銅鑼灣揀咗一間火鍋餐廳同佢慶祝。去左銅鑼灣京都廣場8樓嘅漁火海鮮刺身火鍋。呢間餐廳食物質素高，非常值得推介俾大家。上到去見到好多生蠔同埋新鮮嘅龍蝦擺咗喺出邊，搞到人流晒口水。我哋坐低左之後，侍應就即刻俾啲紙我地揀火鍋湯底同埋剔嘢食。仲遞上一盤配料俾我地撈落啲醬汁度。湯底我哋就揀咗皮蛋芫荽豆腐湯，超多皮蛋同芫荽，啱晒我哋啲芫荽迷，好足料。既然慶祝生日，我哋就決定食豪啲，每人食左一隻西班牙巨蠔，超大隻，味道鮮甜，都只係$68。仲叫左三文魚同帶子刺身添，三文魚色澤鮮嫩，帶子就大大粒。黎呢度記得要食刺身呀！另外，我地仲叫左好多火鍋配料，呢幾樣大家一定要試！包括有豬粉腸、豬大腸、豬紅、雞子、蟹柳、芝士丸。豬大腸韌中帶軟，豬粉腸就好脆口。豬紅夠滑，浸埋啲湯更加入味。雞子外皮脆脆，內裏裹着嘅物體好似雪糕般融化，超級鮮味。蟹柳口感嫩滑，芝士丸裏面啲芝士更加可以拉絲添～呢間餐廳食物質素非常高，上菜速度都好快，店員亦都好熱心同有禮貌。如果大家想食高質火鍋，呢個都係唔錯嘅選擇！

男朋友升職話要請食飯食好d wo😂帶咗我去食出名嘅海鮮火鍋-漁火八點幾上到去人流唔算好多...喺銅鑼灣呢啲咁嘅鬧市都估唔到會有啲咁寧靜嘅餐廳可以靜靜地兩個人打邊爐❤️店員安排我哋坐左張可以坐到四至六人既卡位！其實小店嘅環境唔算好大！另外我留意到佢有兩三間VIP房！一班人一間房慢慢打應該幾開心😊火鍋湯底選擇都好多我哋揀咗-胡椒白果豬肚煲係等緊個煲黎嘅期間我哋就帶咗好多火鍋配料大約10分鐘個湯底已經嚟到！好大煲👍🏻👍🏻👍🏻已經忍唔住飲啖湯先！勁真材實料！奶白色嘅湯底配上胡椒嘅香氣辣辣地好滋補暖身！而且豬肚嘅數目真係好多！配料仲有蘿蔔同埋秀珍菇吸晒啲未！好嘢未啊！餐牌上發現有好多平時火鍋店好少見既配料...牛舌芯，牛胸爽，牛骨髓，牛黃喉等等，除了牛豬雞，還有肥羊片！當然佢哋嘅主角都係海鮮啦！我哋都唔例外點左個本地龍蝦😍話明食好啲吖嘛！龍蝦二百幾蚊都幾抵食！真係可以啖啖肉㗎！一食就知係新鮮貨色！牛方面我地就點左個手切prime牛肉🤭真係估唔到勁高質！雪花嘅比例分布得好平均！放入煲10秒左右時間啱啱好拎上嚟入口好嫩！而且好有牛味！另外我哋重點左佢嘅招牌雲吞！一碟8粒大大粒！入邊當然有大大隻鮮蝦！爽

今晚和家人去吃火鍋慶祝生日。湯底選了白肺燉豬骨湯，清熱潤肺，味道鮮甜。魚火特選牛盛薈：包括5款不同部位的牛：包括手切本地鮮牛頸脊，手切本地牛邊位，手切頂級PRIME牛肉，一口和牛柳粒，極品牛舌芯：每款都很有牛肉味。牛頸脊和牛邊位比較重牛肉味，幾有口感。頂級PRIME牛肉則是五款中我最喜歡的一款，沒什麼根筋位，很鮮嫩，入口即溶，值得推介。牛柳粒和牛舌芯比較厚，需要灼耐少少，但味道都不錯的。之後來的是帶子片：很新鮮，非常鮮味又彈牙，挺不錯。飲品則選了清熱降火的自家竹蔗茅根：飲落唔會覺得它放好多糖水，真的真材實料。其他還點了魚火特色四色丸，日本稻庭烏冬，時令蔬菜籃，全都不錯抵食。埋單3個人吃才$1031，都算合理抵食，食物質素也很不錯，會再來吃。

首先一定要推薦下店裡既牛肉一碟上分量好多，肉質鮮美又唔會過分厚身同多脂肪。就算淥得太耐都好，都唔會因為過分熟而令肉質變得硬同難以入口。極力推介尼間既牛俾大家，可以按自己口味而點唔同牛既部位食其次好想讚下店既炸響鈴！中意食既一定要叫一碟試下！因為店內全部響鈴都係新鮮炸，味道一食就知同出面食到既冷凍響鈴有差天共地既分別，成個口感都好脆好爽口，超級好食！其他食物例如四式手打丸，唔同款式既丸都好足料，各有風味，單單叫一碟已經可以食到舔曬脷湯底方面，花膠湯底好濃味，就算淨係食湯底材料，例如花膠同雞肉，都好夠味！即使唔點醬油食，個湯底肴出黎d味道都好足夠。落埋個烏冬食就已經完全知個湯底真係好夠味;)店裡環境舒適，唔會好似其他火鍋店好嘈，又唔會因爲爐火而變得大煙侷促，好啱一家大小或者同朋友一路食一路傾計。店員超級貼心有禮，洗手間仲要好貼心有提供漱口水，咁就唔怕食完火鍋個口成陣味絕對係值得一試既火鍋店！

今晚一家人食飯,係op揀左間係銅鑼灣既火鍋店揀左一陣, 我地決定要自家鮮鱼清湯鍋湯底一黎就先試啖湯, 奶白色既湯底真係好鮮甜 火鍋配料方面, 首先梗係食牛啦!漁火特選牛盛薈貪佢一個拼盤有齊5款牛手切本地鮮牛頸脊 好嫩滑又重牛味手切本地牛邊位 有dd根位係邊手切頂級PRIME牛肉 肉質好林一口和牛柳粒 粒狀既牛柳好有咬口極品牛舌芯 牛舌粒好爽好好食鮮魚卜好少店舖有鮮魚卜供應, 呢間餐廳既魚卜真係好新鮮, 個個脹卜卜, 又冇腥味!鮮鵝腸餐廳既鵝腸都好新鮮, 又唔算好多脂肪, 幾好脆骨腩出面鋪頭通常都俾一半骨一半腩, 呢間餐廳就正啦, 全腩位!入口啖啖肉, 魚肉又彈牙又冇草青味, 讚 沙爆靚魚肚魚肚件大大件, 放落湯底吸收晒d湯精華, 女士必點Hoegaarden生啤(大)見佢價錢$68以為好細杯, 點知超大杯, 好抵飲!我地食早, 岩岩係8:15pm前離座, 有全單9折, 正!

今日和家人去了銅鑼灣食火鍋。調咪料很多選擇。湯底選了清熱潤肺的菜乾白肺燉豬骨湯，真的真材實料，很多豬骨，沒放味精，像住家老火湯，又唔會好油，我連續飲了兩碗湯呢！點了日本稻庭烏冬，烏冬很彈牙，很滑，不錯。魚火特色四色丸：真心推介，必選這一款，四色丸每樣都很好吃，各具特色。由最上開始的是手打墨魚丸，潮式手打牛筋丸，鹹蛋豬肉丸，手打鮮蝦丸。墨魚丸非常彈牙，牛丸好有牛肉味，有口感，有別於出面市面的普通墨魚丸和牛丸，鹹蛋豬肉丸更是很有特色，裡面真的有鹹蛋，幾特別。鮮蝦丸上面有櫻花蝦，咸咸地又幾好食。時令雜菜籃：提供了很多不同種類的蔬菜，當中包括粟米，鮮冬菇，白菜仔，菜心，皇帝菜，種類幾多又新鮮，不錯。其他還點了魚火特選牛盛薈，帶子片等，都很不錯。埋單9折才$1031，三個人吃，價錢合理，食物質素好，環境也坐得舒服，值得一去。

見到Facebook有好多人黎呢度打卡 話呢度湯底夠靚 料又新鮮 即管試一試！呢個雞湯入面有大量魚翅 入面又多滑雞 成餐飯食完撈起都仲係咁滑 抵食 加埋菇菌令成個湯底鮮味提升 但佢既味唔會過咸 就咁飲都好順喉 唔會搶左其他食材既味道呢度有9種醬料 我會推薦大家豉油 香蔥同少少花生醬 佢個花生醬好濃好稠 好好食 同烏冬好夾大花甲好大隻好新鮮 驚喜既係唔小心煮耐左都仲係好滑好甜 唔會變老 而且無沙 好難得食到無沙既花甲架稻庭烏冬十分抵食 3份一齊上 食落好滑好幼 食多左都唔會覺得好滯 蝦丸好多蝦 用好多隻蝦整既 好好食 唔咸 好新鮮 食得出粒粒蝦而唔係打到變左一整舊蝦膠 幾特別帶子餃有粒小帶子係入面 豬肉偏濃呢度既牛肉好靚 非常有牛肉味 配埋滑雞同菜 一碗迷你烏冬完成 大滿足！