漁火海鮮刺身火鍋

营业中

休息中

漁火 3月17 今日放假約埋個朋友一齊食晚飯，冇見一排一定有好多嘢傾，於是我哋就走去打邊爐，慢慢食慢慢傾，有同事介紹我到呢一間 餐廳話幾有水準值得一試。蕃茄薯仔粟米湯底98 我哋揀選咗呢個湯底，食材新鮮，材料豐富，湯底非常清甜，夠健康。特選牛盛428墨魚丸+蝦丸 雲吞王+帶子餃 份量唔少嘅雪花牛肉，肉質鮮嫩，點點雪花分佈均勻，肉汁豐富，濃香蜜味，放在口中咀嚼，滋味無窮。墨魚丸爽滑彈牙，鮮味濃郁芬芳，游刃有餘。蝦丸同樣出色，肉汁豐富，肉質幼嫩鮮甜。雲吞王皮滑捋捋，包裹著大大隻鮮蝦，用料上乘，調味恰當。帶子餃外皮煙煙韌韌，帶子鮮甜多汁，大大隻帶子絕不吝嗇。 油麥菜38西洋菜38響鈴48 綠油油新鮮蔬菜，多款配菜選擇，源源供應，服務態度非常貼心，令客人有賓至如歸感覺。

最近去了一间火鍋店，環景和座位舒適，沒有一般火鍋店的擠迫。湯底要了芫茜皮蛋，因為最近夜眠，要下下火😆。看見海鮮在做特價$588，非常之抵食。要了象拔蚌，份量不少，象拔蚌新鮮，鮮甜美味，吃完後口腔儘是鮮甜味。吃火鍋一定少不了牛肉，手切頂級prime牛肉，肉質軟嫩又有牛肉味。墨魚滑，冇得頂，非常之彈牙，墨魚味濃又新鮮。桂花蚌，爽甜新鮮就不在話下。其它蔬菜也不錯，如生根，蔔白，竹笙吸儘湯的精華，吃到片甲不留。

話說今日同一位朋友行街街，行到半路覺得肚餓，見到前面有間漁火就諗都唔諗沖咗過去食， 一入到去就見到有個魚缸喺門口， 已經有個印象係過嚟食海鮮嘅， 唔知裏面嘅食物質素係點嘅呢？首先我哋叫咗個花膠豬展響螺湯， 裏面最多嘅就係豬展，而且仲煲得好淋好易入口超級好食， 十足我老母煲咗十個鐘嘅嗰軟淋淋程度，而且好鮮甜😍我同坐前面嗰個飲咗幾碗都覺得未夠喉🤔， 不過都係時候加水打邊爐開始食嘢喇！！😋😋 我哋叫咗個海鮮拼盤 雖然六百幾蚊有少少貴 但係我覺得呢個價錢係值嘅😀 至少唔會每個款式都只係得一樣， 如圖所見 無論係龍蝦定 甲殼類都比得好足！ 我最鍾意就係元貝 煮完之後都冇縮水 依然又大又滑， 龍蝦肉又有嚼勁， 龍躉肉就唔係成日食得到，今次叫咗呢拼盤之後終於有機會嘗試一下， 龍躉肉就算煮耐咗唔會煮到好鞋， 而且相比平時食嘅石班有嚼勁， 仲有海中蝦會畀埋竹籤吉住， 可以睇得出呢度整食物整得好有心， 墨魚釀冬菇， 啲冬菇又大又滑又肥厚， 而且菇味都算幾突出，同埋彈牙嘅墨魚合併埋一齊, 成個口感變得好有趣！ 而且竹蔗茅根味道天然 真係好解渴， 我哋一定會再幫襯漁火

位於銅鑼灣的漁火刺身海鮮火鍋， 裝修時尚座位寬敞， 加上有數十款湯底及超過100款食材可以選擇，絕可以滿足不同人士的喜好。自家鮮魚清湯渦－ 簡單的湯底卻有意外驚喜， 飲落鮮味甘甜充滿著魚的香味。 內裏的湯料有 豆腐蘿蔔及最重要的魚， 其中 豆腐吸滿了滿滿的魚湯， 食落非常惹味。肥美大花甲－ 一共四隻每一隻真的是非常肥大， 簡單放進魚湯內兩分鐘已經剛剛好熟透， 咬落口感非常豐滿彈牙， 食落非常鮮甜略帶魚味。鮮滑牛肉－ 與一般的肥牛比較， 鮮滑牛肉實在更出色，比肥牛少了一些脂肪，多了一些肉，令牛肉更能吸收湯的美味。 短短滾數十秒後， 牛肉已充滿魚湯的味道，其美味程度實在好味到難以用筆墨形容， 只有試過才會懂。烏冬麵－ 來到打邊爐的尾聲， 梗係要放兩個烏冬到煱內， 簡單數分鐘烏冬以完全吸收火鍋內所有精華， 再加上少許蒜蓉及豉油作為點綴， 這已是無懈可擊。

今個月業績唔錯，老闆為咗鼓勵大家，就請我哋食一餐豐富晚餐，表示獎勵，老闆話呢一間係一個質數好高嘅餐廳，我哋都好期待。漁火特選牛盛薈（$428） 當店員端上滿滿一盤多款鮮牛肉時，已經見到油光潤澤閃閃的，大家都急不及待地搶著享用，只要你輕輕地在鍋裏燙燙，很快地便可食到口感軟綿綿，潤澤甜美又香濃的鮮味，汁液充斥著你的口腔，就算厚身牛肉粒，都不用等多久一樣吸引，令你食到唔停得口。漁火特色四色丸（$128）四款不同味覺肉丸，一流手工製作，零舍彈牙爽口，牛肉丸香濃無比，汁液滿載。豬肉丸肉質濃甜，另外兩款都不遑多讓，款款都各具特色。花金古刺身（$498）呢款花金古，每一片都晶瑩通透，鮮味撲鼻，當你放在口內咀嚼，脆口又鮮甜，很快地便融化在你的口裏，大家都一片接一片地吃過不停。花膠響螺燉豬展（$198） 呢個滋陰養顏花膠湯，濃濃老火湯嘅香氣，湧進你的鼻蕾，蜜甜又滋潤，真係一大享受。即炸脆響鈴（$48）佢嘅響鈴非一般的，全是即場脆炸給客人享用，連炸物都是新鮮出爐，非常體貼客人的味覺享受。

漁火約咗老友係銅鑼灣食晚飯，兩個人行下行下搵咗間打邊爐食下，呢間就係漁火啦。招牌生滾海魚湯，$188，招牌貨，鮮魚湯底，味鮮甜，鮮魚味重，不太咸，魚塊幾多下，咬落魚肉爽囗，幾好味。湯內仲有蕃茄，香菇及大蔥，味清甜。推介指數：7/10手切本地鮮牛頸脊，$248，鮮牛塊，厚切，一塊一塊放落碟內幾靚，肉質帶鮮牛味，牛羔味重，尺寸大細合適。推介指數：8/10自選丸雙拼，$88潮式手打牛筋丸，鮮牛肉造，手打形式出品，大粒，彈牙，鮮牛味重帶小許牛香。推介指數：7.5/10手打墨魚丸，墨魚鮮肉造，手打形式出品，肉質Q彈，丸內有墨魚肉粒，囗感不錯。推介指數：8.5/10魚皮餃，$45，有六粒，一粒痴住另外一粒，三粒一齊放落，滾熟後，自然會分開。餃內有肉汁，彈牙，好味。推介指數：8.5/10時令什菜藍，＄58，兩款菜加粟米件及冬菇。份量夠，蔬菜新鮮，粟米件爽口，冬菇肉質彈口。推介指數：7/10自家竹蔗茅根水，$48，清甜，淡淡地，可以品嚐到竹蔗味，好飲。推介指數：8.5/10

臨喺冬天完結前食埋最後一轉打邊爐！依加打邊爐有得揀都想揀返啲高質素少少，啲料靚少少嘅，好過一味任食但唔知食咗啲咩。難得今日出來銅鑼灣，係openrice搵到呢間銅鑼灣區排名算高嘅火鍋，又的確唔錯。湯底揀咗胡椒豬肚湯，湯底真材實料，豬肚好多，胡椒好濃淨係飲湯都好暖身。清遠雞件好新鮮，係真係有雞味，滾完後件雞唔會好似冰鮮雞咁白雪雪，係真係有血流過，而且好彈牙，煲耐少少都唔會老。你個人必叫火鍋配料list入面嘅凍豆腐，呢度做得相當好！睇都睇得到入面好綿密，鎖曬啲湯但完全唔會煲到散晒。肥水大花甲隻隻好似拳頭咁大隻，烚幾分鐘就食得，好清甜唔起筋都唔霉，好新鮮。手打蝦丸真係粒粒都有蝦，仲要每粒有幾隻蝦，真啲都唔姑寒。即使係響鈴同白菜仔咁普通嘅嘢都真係好食，響鈴一啲油益味都無，而且好香嘅腐竹味，就好似食緊固體嘅豆漿咁。白菜仔好爽脆，棵棵都大大棵又翠綠。最後order一壺竹蔗茅根清下熱氣又解渴，成餐飯都好perfect。埋單五百幾蚊兩個人，八點三前埋單仲有九折，同任食差唔多，但食到新鮮材料真係好抵食。

我同女朋友撐枱腳，因為佢工作上面有啲不如意，好想問我依個寶貝傾下，所以我就揀咗食火鍋可以坐來啲傾來啲，等佢有多啲時間盡數心中情。好耐都冇試過同女朋友捉膝詳談，依家打緊食評都好掛住果一晚嘅火鍋，個一晚嘅相處時間。我哋兩個都好鍾意食牛肉，所以今次食好啲，我哋就叫左一個特選牛盛。待應一送上嚟，好似已經可以把住我哋搬張枱勁大份，仲有唔係普通街邊嗰啲牛肉，係靚牛肉，我諗我唔使多講，一睇圖就已經知道！差啲唔記得咗講我哋揀咗乜嘢湯底，蕃茄薯仔粟米湯底，都唔係第一次食呢個湯底㗎啦，我女朋友就想試新野，想叫牛乳湯底，我就堅持話要番茄薯仔，因為上次食過返尋味，哈哈。墨魚丸同埋蝦丸，係我哋兩個最鍾意食嘅，佢比嘅份量都好多，我哋兩個食到舔舔脷，墨魚丸同埋蝦丸都非常新鮮，完全冇臭味，同一般放題火鍋完全唔同。雲吞王同帶子餃，就係我女朋友話要叫嘅，佢好鍾意食雲吞，勁大粒，入邊係一隻大大嘅新鮮蝦，我下次食到一定會叫翻，真係好好味！帶子餃係新鮮野，味道都幾特別，不錯不錯！我哋就叫咗兩款菜，本來打算叫油麥菜西洋菜，但係因為女朋友唔係太鍾意食西洋菜，咁佢就叫左溫室豆苗，我自己就唔鍾意食，但佢話好新鮮好得意，所以就係咁食。響

喜歡食牛嘅朋友，一定要黎漁火打邊爐，唔單止可以食到牛，d丸類都幾大粒。值得推介俾大家去食。餐牌兩版睇哂，方便易睇。湯底亦有不同選擇，揀番岩自己口味。最後我地就叫左個番茄薯仔粟米湯，因為想清清地。個湯底亦都有d菇類。如果一大班朋友黎打邊爐吹下水，一定要呢度嘅特選牛盛，又牛柳粒又牛脷，樣樣牛味都十分充足。招牌雲吞真不愧為招牌，因為佢個size唔單止夠大，而且餡料亦都好足，蝦同肉嘅分量都好平均。墨魚丸都好足料，食落有食到d墨魚粒粒。水餃都係一個不錯嘅選擇。另外，個蝦丸個蝦嘅份量絕對稱得上係十分足料。而呢度嘅蔬菜亦都好正，夠哂新鮮。響鈴係打邊爐係一定必叫嘅菜式，因為佢唔單止可以吸到個湯底個味，亦都可以整到外脆內軟。

星期日晚上吃早飯6 點銅鑼灣食火鍋女朋友極力推薦本來她屬意薯仔蕃茄粟米湯被在下一眼看出有一個魚頭鍋168$果然足料醒胃大量紅棗元肉川弓天麻非常養顏令女士大感恩惠一口和牛148$都幾多說明是清遠雞的碟裝雞件很瘦美一些肥肉肥膏也沒有薄薄的瘦肉比較香港雞的確是清遠走地雞零舍不同真的我們再叫了手打鮮蝦滑，鮮淮山，同韮菜餃子鮮口無比韮菜一咬下香味四溢⋯⋯個湯汁多姿多彩味覺饗宴⋯⋯好好享受的一餐火鍋好新鮮亮麗的用料抵讚！另一優勢☺️8:30pm 前離開9 折

天氣凍梗系去打邊邊啦，今日就同友人黎到銅鑼灣樓上店食刺身火鍋，一黎到覺得呢間火鍋店系行高檔路線，座位大多以卡座形式，十分寬敞，舒適至極。一坐低，店員就拿著一盒木箱調味醬料，方便客人自行添置醬料。木箱好似九宮格，調味醬料亦設有多種選擇，當然唔少得一般的蔥花，辣椒，蒜蓉，炸蒜等，特別之處在於麻醬同白芝麻，相信後者一般火鍋店都沒有提供，但喜歡食芝麻的朋友就絕對不容錯過，因為加上白芝麻之後，更突出口感。食火鍋除了食材要新鮮，重點在於湯底。而呢間火鍋店提供的湯底亦十分特別，特別推介的有天麻魚頭湯，龍皇海鮮湯，白肺豬骨湯同埋今次所挑選的花膠響螺燉豬展湯底，呢款湯底獨特之處在於客人可以先飲用中式湯底，然後再加水熬製成火鍋湯底。花膠養顏，簡直是各女士的養顏恩物，冬天飲呢個湯底簡直一流。而且湯底材料十足，飲落淡淡花膠，同埋切片響螺，十分補身。油甘魚刺身食火鍋之前當然亦要一嘗出名的刺身，今次點了一客油甘魚刺身，價錢十分親民，每件都厚切，魚質十分新鮮，一d腥味都無，食完忍唔住都再encore一碟。 而今次火鍋配料分別點了店鋪推介的新鮮牛胸爽，走地清遠滑雞件，豬仔午餐肉，黃金魚片頭，芝士丸，皇帝菜和烏冬等。新

銅鑼灣區不乏火鍋店，友人是日挑選左呢間，漁火嘅好評不少，一試後，都覺得非常高質素，如果來銅鑼灣，想食火鍋，都推薦。店內座位唔多，我地好快被安排坐卡座，相當舒適，有足夠空間，亦唔會同隔離枱背貼背餐牌方面，都好多選擇，我地睇到眼花瞭亂。湯底有十幾款，都有D飲得過嘅海鮮湯、花膠湯、豬骨湯等等，亦都有普通D嘅麻辣、胡椒豬肚、蕃茄薯仔等等。醬料 15/位：漁火花甲豬骨煲 168：原本有款魚湯，不過同行朋友唔係太好魚，所以我地選擇左豬骨。湯底入面有好多豬骨，煲出來嘅湯又幾香甜，唔會太鹹，自己煲湯就好少買咁大件豬骨，襯機會飲下湯都好。亮點當然係巨型花甲，有4大隻，貝身爽口、鮮甜，乾淨吐沙，欲罷不能。湯底嘅粟米就唔算好甜，但仲有唔少蘿蔔，所以湯底好足料蒙古肥羊片 98：由於同行朋友唔食牛，我地又唔太好豬，所以點左碟羊肉片，份量不少，幾抵食。羊肉薄片，完全唔羶，有D似腍身D嘅梅頭片，又幾好食清遠滑雞件 88：滑雞件半隻，唔係太肥，屬於比較瘦，但都有肉食。唯雞就冇乜鮮味，而且有D柴。鮮打靚蝦滑 88：蝦準滑又幾正喎，一致認為全晚最出色。蝦滑唔會打到好細好細，仲保留蝦肉口感，而且冇乜粉感，真材實料自家製韭菜

最近打邊爐不外乎食麻辣、雞煲，今晚決定清淡d，回歸豬骨煲。我地去左銅鑼灣京都廣場呢間叫漁火嘅火鍋店，地方唔算好大，但有個好處係，有部分係非常闊落嘅卡位，坐4-6個人都冇問題，而且椅背比較高d，起碼有少少私隱，唔洗同後面你眼望我眼。咁我地3個人就坐得鬆動啦。花甲豬骨煲 呢度睇番係用d深水花甲，好大隻，果然來到都冇失望！裡面有四隻大花甲，自問真係冇食過咁大隻，好新鮮，而且鮮甜。仲有粟米同蘿蔔~湯底中仲有三件大豬骨，豬骨香口，係同骨，仲軟骨位超大舊，仲有少少骨髓啜下。所以湯底都非常正，我地飲左幾碗先開始打邊爐食材方面我地叫左手切頂級prime牛肉，見幾特別咁，份量都唔少，228中份量都唔貴。肉質較瘦，牛味十足，但就唔會好多脂肪。蝦滑係推介之選，食到好新鮮嘅蝦粒，勁彈牙，落足料仲有半隻清遠走地雞，雞件新鮮，不過一淥起就要食，否則會鞋。雞肉幾瘦，唔會太肥膩感打邊爐必食豬仔牌午餐肉！稻庭烏冬配咩湯底都正，一份有三個烏冬，夠哂。食落煙un又滑溜！金菇、生菜係正常邊爐水準。韭菜餃肉餡唔多，菜多肉少，感覺健康，韭菜味香，皮薄新鮮人均三百蚊，一般火鍋價錢，加上喺銅鑼灣區，都合理。店員都係上左年紀嘅叔叔，好

火鍋我又回來了，新年後末食過，突然心癢癢，快快約友人去烚烚下。友人推介「漁火」，話食物新鮮，仲有好多優惠，一於唔好放過。今日見有數款海鮮做特價，象拔蚌是我的首選，豪一豪要了一份。嘩啦啦，滿滿的，切得不會太薄，食起來有質感。鮮甜爽口，正呀！火鍋湯底我一向不喜歡太花巧，清清地芫茜皮蛋最下火，豆腐，皮蛋，芫茜...料幾足。叫得頂級Prime牛肉，質素一定有番咁上下，雖然油脂分佈不是太平均，但入口軟腍有牛肉香，一塊接一塊停不了口。墨魚滑好鬼彈牙，墨魚味濃，友人讚不絕口。桂花蚌份量不少，入口爽脆鮮甜，果然新鮮。友人真係冇介紹錯，論食物質素新鮮，環境衛生另人滿意，服務態度一流，時不時有優惠，值得推介。

之前同朋友黎過漁火食火鍋！覺得好食，所以尋晚帶媽咪來食因為媽咪要養顏，所以湯底揀了養顏牛乳湯！一鍋奶白色的湯底！淨睇已覺可以養顏美白！喝一口很清甜順滑火鍋配料揀了 特選牛盛薈、冬菇釀墨魚、帶子鲛、響鈴、金菇、油麥菜、出前一丁、竹庶茅根水漁火特選牛盛薈很豐富！有不同部位的手切牛肉，款款都好香牛味！有入口即溶、有爽滑彈口！可以滿足大家不同的口味！冬菇釀墨魚冬落爽滑有香菇味，墨鱼滑彈牙重有墨魚粒在裡面，面上的蟹籽！曾加了口感！好好味自家帶子餃皮薄料多！一口咬落去很實在！即炸鬆脆響鈴香脆豆味濃，不放在鍋內都好好食，沾了湯後吸了湯汁又另一種口味日木金菇爽口，索晒啲湯汁精華，好正!!!自家竹蔗茅根水不太甜夠冰凍！是食火鍋的最佳拍檔好滿意滿足的一餐媽咪都好滿意話會约她的麻雀腳一起來食