漁火海鮮刺身火鍋

营业中

休息中

友人於openrice見到這間餐廳的火鍋八五折的優惠，而且見到有好多人讚好，所以便訂了枱試試。餐廳位於食肆林立的京都廣場，餐廳不算很大，座位舒適唔會好局促。知道這裡除了打邊爐出色，刺身都不錯，於是我們先點了刺身試試。什錦刺身(細)($288)，什錦刺身包括了三文魚、油甘魚、帶子和北寄貝。刺身新鮮，厚薄切得剛剛好。食完刺身就打邊爐啦!菜乾白肺燉豬骨($168)，友人中意飲湯，所以就揀左個老火湯打邊爐。第一次用老火湯打邊爐原來又唔係好差，初初以為會好淡，但這裡的湯好足料，一大鍋入面有好多湯料，包括有菜乾、白肺、豬骨、瘦肉同埋雞腳，所以好入味!雞腳已經煲到好淋，所以應該是煲左好耐。湯很清甜，沒有味精。我同友人落火鍋配料前都飲左3-4碗湯!走地清遠滑雞件($88/例)，雞件多肉嫩滑，好有雞味，而且份量也不少!肥水大花甲($98)，這裡的花甲比平時打邊爐食的大，食落冇沙啖啖肉，非常新鮮!時令什菜籃($78)，什菜籃份量都幾多，包括有白菜、菜心、西洋菜、冬菇和粟米。菜很新鮮，沒有爛，估唔到呢個湯底都可以咁好味!總括黎講，餐廳食物質素好，環境舒適，有機會會再黎打邊爐!

漁火海鮮刺身火鍋今晚同朋友仔嚟到呢間位於銅鑼灣京都廣場8樓嘅《漁火海鮮刺身火鍋》打邊爐。火鍋店裝修優雅，大量卡位，坐得舒適。一坐低先嚟枝啤酒，同朋友仔啤啤佢。森堡 $26啤酒是大枝裝，夠曬凍，易入口，打邊爐就最適合不過。我哋點了 天麻白芷魚頭鍋 做湯底天麻白芷魚頭鍋 $188湯底用料十足，廚師用了大量的魚仔、魚骨和多種藥材熬制而成。未打邊爐之前先嚟一碗，品嚐一下，飲落沒有味精，味道十分豐富。魚頭十分新鮮又大大個，點上其他醬料，十分味美。美國頂級桶蠔 $158桶蠔大大隻，食落新鮮又美味。北海道蟹柳 $48蟹柳肉質鮮嫩，好有蟹肉味。手切頂級PRIME牛肉 $238牛肉脂肪分配平均，好咬口。新鮮豬肝 $68豬肝非常新鮮，點上醬料十分美味。招牌雲吞王 $88雲吞是自家製的，大大粒，口感豐富。鮮腐竹 $33鮮腐竹口感幼滑，好有豆腐味。西洋菜 $38西洋菜非常新鮮，吸收曬魚湯的鮮味魚湯，相當美味。超甜粟米 $38粟米新鮮爽甜，打邊爐必食。總結今晚呢餐，食物質素非常有水準，味道都不錯，好有香港地道火鍋風味，座位舒適，又可以同朋友仔靜靜地飲返杯傾傾偈，而價錢方面都算抵食，如果經Open Rice訂枱有

好耐無食火鍋，難得今日放假就同朋友去到銅鑼灣的京都廣場8樓食漁火海鮮刺身火鍋！呢間餐廳係我一個打邊爐發燒友介紹比我的，今次終於可以試下呢間餐廳的實力。餐廳除了海鮮鍋之外原來仲有刺身可以食！門口擺放的生蠔感覺很新鮮的樣子。餐廳座位寬倘舒適，我地調好醬料後便開始選擇打邊爐的配料。天麻白芷魚頭鍋：湯底是程奶白色魚湯，散化出香氣誘人味道濃郁之餘營養十分豐富！而且這個湯頭一D 腥味都無。湯底用了大量的藥材外仲有一大個魚頭熬製而成，絕對鮮甜。清遠滑雞件：這個清遠雞件雞味夠濃！而且皮夠爽，肉質夠嫩滑。係香港能夠食到有濃雞味的雞實在不容易。肥水大花甲：花甲肥美，新鮮無沙。放入湯中大該2mins 便可食用！花甲味道十分鮮甜，值得一試。爽彈脆鲩片：切好的脆鲩片在燈光的照射下閃閃發光，脆鲩片鮮脆爽口，而且魚肉久煮不爛。沾上薑蔥食用，鮮味十足。除此之外，餐廳的鵝腸和粉腸都一樣做得很出色，首先鵝腸十分爽口，而粉腸清潔得很乾净，沒有半點異味。粉腸軟彈軟有嚼勁。

一向都鍾意打邊爐，約咗個朋友銅鑼灣食飯，醒起有間《漁火》打邊爐超正，呢排經網上訂位仲有八五折，二話不說，即刻扑槌。天麻白芷魚頭鍋 ($188) - 好香藥材味，入面仲有半邊大大嘅大魚頭，魚頭炸得非常香口，有好多魚肉，魚雲非常滑溜。餐廳職員介紹湯底用上大量鮮魚熬製，打邊爐前記得先飲碗靚湯。手切頂級PRIME牛肉 ($238/中) - 色澤鮮紅，油花分佈平均，牛肉味濃郁，口感爽腍。美國頂級桶蠔 ($158) - 十分新鮮，蠔味濃郁，爽甜好味。招牌雲吞王 ($88) - 自家製嘅招牌雲吞王夠曬大粒，入面除咗有鮮豬肉碎外仲有大大隻爽口鮮蝦及韮王，味道鮮美好食。鮮雞子 ($78) - 新鮮大粒有光澤。西洋菜 ($38)／ 超甜粟米 ($38) -  時令爽甜。藍妹 ($38) / 1664 ($35) - 打邊爐當然要啤啤佢🍻🍻總括嚟講，呢度嘅湯底夠晒真材實料，火鍋配料亦相當新鮮優質，價錢合理，絕對係銅鑼灣區打邊爐一個好嘅選擇！

最近又有火鍋癮啦！係咁約朋友食火鍋！見到Openrice訂位9:30後有八折優惠咁抵，就試試呢間啦！湯底方面，我地點左個花甲海鮮魚湯鍋，內有好多鮮蝦及巨型花甲，魚湯清新鮮甜！鵝腸新鮮，輕輕一粗灼就食得，爽口非常！糖心皮蛋，中間蛋黃部份流心，和酸薑同吃，很開胃！窩荀碧綠，每次打邊爐都必點！爽口之餘吸盡湯底精華！牛頸脊必點！入口牛味夠濃，脂肪比例足，入口味香。龍王珍寶海鮮拼盤$688拼盤超抵食，有巨型印尼龍蝦帶膏、大大隻扇貝、巨花甲及海蝦、珊瑚蚌和脆鯇片。除了樣樣足料巨型外，海鮮十分新鮮好吃！推介！最愛龍蝦肉夠彈牙，扇貝鮮甜！我們還有點了𩶘魚刺身，上桌時仲識郁，是即點即劏的非常新鮮！肉質爽彈，口感很特別！黑柏業不是很多地方有，個人較喜歡黑多過白！好爽口，幾好食！

被某知名食家喻為最應消失的中菜：火鍋，卻是我最愛的。湯底千變萬化，火鍋料亦層出不窮，只能說火鍋絕不應消失！火鍋來說，醬料一向不是我的朋友，但麻醬跟花生醬都是我的死穴，一見必下重手！這裡的花生醬做到油水分離，即是沒有用半氫化油（反式脂肪）健康得多，我們也是瘋狂地沾。另外新鮮辣椒也是超大顆，當中竟還有些綠椒，辣得起勁！湯底我們點了$238的花膠雞湯雞肉很有驚喜，外皮是白色，肉味超濃，一問之下原來是清遠走地雞，肉香油不膩，肉質也不會韌，非常正！牛頸脊$248完全無筋，鮮嫩，牛肉味香濃又不會肥，比外面便宜至少$50響玲$58新鮮炸起，不過湯時爽脆不淋油，過湯超快稔，因為皮超薄，質素甚高。脆肉鯇$78超爽脆，咬下去非常彈牙帶魚鮮香，熬湯現吃均可。四色丸$128彈牙，肉的比例高，豬肉丸最驚喜，內有咸蛋黃！蝦丸則帶最濃蝦味。稻庭烏冬$48竟然有三個！煙韌彈牙掛湯就不用多說，有吃過稻庭烏冬的朋友自會明白它的吸引力$48有三個CP頗高牛骨髓$58也是CP之選，滑溜易吞，愛吃者必點

花膠@漁火海鮮刺身火鍋 銅鑼灣駱克道491-499號京都廣場8樓 電話: 3956 2146熱瘋了，4月尾已錄得高達32度，站在街上熱到出汗。世上偉大架夏日發明， 除了冰箱另一樣一定是冷氣機，我才可以在室內享受美食兼涼冷氣$　238 花膠雞湯，因費時散點太多，倒不如在湯底著手，煮到食埋料，有花膠個湯煮到帶甜味更正，又有雞肉，女仔補身又養顏，湯煮奶白的，未滾邊爐前己被我喝掉3碗。鮮蔬菜是我飲食主角，浸一浸表面索了湯頭來調味$78豬肉片是黑豚肉，肉味不會有豬腥架，一碟先$88醬料每位$15 ，因點了雞湯底，食得比較豪，好飽滿足

早幾日朋友生日,約左出來gathering! 呵,一班人緊係最好打邊爐啦! 其實邊爐打得多,近呢一年打邊爐都係食重慶火鍋多,都係想食返d港式火鍋! 上網睇到話CWB有間'漁火"好抵食,又新鮮!一于去試吓!打邊爐前,勁鬼肚餓,見到呢度有好多小食喎,一於試吓先! 朋友仔叫左個炸墨魚餅,我呢就叫左鬼馬油條! 兩樣都係好邪惡既即炸野,不過我鐘意! 墨魚餅咬到好多一粒粒既墨魚,真材實料,食落好彈牙,而外面炸到脆扑扑,正! 鬼馬油條呢,其實即係炸油炸鬼! 所謂鬼馬其實加左d墨魚滑一齊炸,好特別,有油炸鬼既香脆,又有墨魚滑既彈牙口感,配埋泰式酸辣醬食,好match!食左d小食,店長姐姐介紹話今日d刺身好正,有鱲魚食,而且比出面日本餐廳食既平,$3xx/條,所以highly recommend我地試下! 呵...聽落又真係好抵食喎,一于試吓個鱲魚刺身先!初先以為條魚唔大條,可能每人得幾片! 但估唔到上台果下一大盤喎! surprise....見到條魚都幾大下,好抵食喎,難怪店長咁推介啦! 鱲魚肉質好白滑,口感好彈牙,一食就知係即劏,唔係唔會有呢種口感! 魚肉幾清甜,唔錯喎! 最重要既係份量比想像中多好

久違了的打邊爐，今晚回到漁火大擦一番。其實也不怪得我們，因為當中有幾個人也很長的一段日子沒有打邊爐，而且這裏最近網上訂座享有八五折優惠，哪有不來的道理？   因為一排冇見，所以這晚自己帶了兩支酒來盡興一下，想不到這裏的開瓶費只是$50 ，好抵！    因為鎖定了吃海鮮，所以湯底我們揀選了花甲海鮮魚湯鍋。花甲大大隻！有好多鮮蝦，魚湯淡白色混番茄，清清地鮮味十足。   糖心皮蛋先來，皮蛋皮晶瑩剔透，入面的蛋黃是流心的，配上酸薑食，成了開胃的前菜。   龍王珍寶海鮮拼盤$688，的確超級抵食！上枱一刻大家都十分驚喜，因為巨型印尼龍蝦帶膏、扇貝肉厚、花甲肥美、還有生跳跳的海蝦、珊瑚蚌和脆鯇片，很大堆頭。     龍蝦肉彈牙，因為夠大隻，每人都食到幾嚿。花甲比平常見到的體型為大，所以入口更有質感。湯底有蝦，而拼盤又有蝦，所以食蝦食得好滿足。    接住𩶘魚刺身亦上枱，條魚仲識郁，睇得出是即劏，所以好生猛，魚肉爽口彈牙！打邊爐食刺身一向都唔太大期望，然而這刺身著實令人喜出望外！食完刺身，仲可以將魚骨拎入去加工，成為香脆可口的下酒物!       白線片大大塊，已去

四名大胃王不吃火鍋作晚餐是不會飽的！選擇這所火鍋店，除了因為地點十分方便之外，琳琅滿目的食材也很吸引！店內的選擇多得跟放題沒兩樣，都有十分多的種類；日式刺身，不同種類的魚魚肉肉，內臟蔬菜，包羅萬有，還有十分香脆的響鈴！其他海鮮也不少，首推桶蠔，小小一口十分香口！而我特別喜愛的，是「鬼馬油條」！它真的「鬼馬」得筆墨難以形容。其實全晚的重點，首推花膠響螺燉豬展湯底；原本我們想叫漁火花膠雞湯翅湯底，豈料首席店員（不知道是否老闆娘）推介前者，改掉後一試，天啊！竟然是天界湯底！這個湯一喝下去就被濃濃的湯料包圍著嘴巴，結果……每人喝了三碗湯才開動！太厲害了！時間還不到一半，店內已坐無虛席，我們亦都捧著大肚腩繼續大吃大喝！結帳時店員更提醒我們原來經OpenRice book位有八折的！正！

跟喜歡的人當然要食得好一點，聽朋友說這間位於銅鑼灣駱克道京都廣場內的，「漁火海鮮剌身火鍋」食物質素高，價格合理而且經 Openrice 訂座有 85 折優惠，一於去試試先。油甘魚腩 $108油甘魚腩，色澤鮮明閃閃發亮一睇已經知道十分新鮮，點一點醬油Wasabi ，越食越甘香。漁火花膠雞湯翅 $238漁火花膠雞湯翅，奶白色的花膠雞湯一看已經知道非常足料，煲滾後香味更加誘人，先來飲碗花膠雞湯一飲不得了，用了新鮮雞和很多花膠熬成，雞肉嫩滑雞皮爽脆，實在超值。鮮甜脆骨腩 $78鮮甜脆骨腩，件件切到厚薄適中入口爽脆魚油香味十足，喜歡脆肉鯇腩的絕對不能錯過。水庫大魚頭 $78水庫大魚頭，叫得大魚頭當然份量也不少，入口香甜軟滑，尤其是魚嘴部份十分厚肉，絕對新鮮。美國頂級桶蠔 $158美國頂級桶蠔一碟五隻，每隻都有差不多一部i 7那麼大，漲卜卜蠔味濃郁突出，絕對是A級貨。自家韮菜餃 $68自家韭菜餃，隻隻飽滿餡料特多，韭菜味香濃越食越想食。烏冬麵 ＄28最後來個烏冬麵，把所有精華全部吸收在烏冬麵身上，入口味道鮮甜得來充滿雞湯味，滑溜正。

天氣時熱時涼，突然嘅大雨令氣温轉涼，我就又想食火窩啦。友人知道我鍾意養生，小食辣，特登帶我嚟依間火窩店，佢起openrice 度book咗枱，仲有8折添。依度主打燉湯做湯底加上海鮮刺身，餐廳細細間但係坐得好舒服一座低就有盤沾醬料可以自由配既然今日嘅主題係養生，就揀咗個菜乾白肺燉豬骨，滋潤一啲個豬肺清潔得好好，起燉湯前仲香煎左表面，令味道更香，我地直情將佢當成本日湯品咁飲，飲飲食食咗三分二先再加豬骨湯開始打邊爐食品種類貴精不貴多，一般火鍋材料都有齊本人鍾意食丸類，手打丸係麻煩手工菜，小時候媽媽會製作，將材料打爛混合切粒材料，有彈牙口感又有材料嘅鮮味，廚師花心思，豬肉丸內包鹹蛋黃，蝦肉丸外包櫻花蝦都為味道加分。友人係牛魔皇，特意叫了牛拼盤包括牛舌心，牛邊位，和牛粒，牛頸脊，同手切Prime, 非常豐富足夠二至四人食用蔬菜拼盤新鮮，我菜類都比較嫩而帶甜總括來講係非常健康嘅打邊爐。

今天在朋友公司附近駱克道京都廣場的＂漁火海鮮刺身火鍋＂邊一邊爐🥢地點方便就腳，經OpenRice訂全單八五折，又幾抵喎，環境舒適不會太嘈吵，最驚喜就是刺身和海鮮，高質又新鮮，服務員和藹親切，真是不錯的選擇😋漁火花膠雞湯翅$238只是吃這個花膠雞湯翅鍋底都已很滿足了，奶白色的雞湯味濃烈，雞件大滾後便可食，咬了一口感覺完全不同味，雞肉緊致鮮味，一問之下原來是走地雞🤩😋落足本🎉🎉泰式生蝦$128大大隻的泰國生蝦非常肥美，厚肉彈牙又膠口，泰式辣汁已放在生蝦上，重口味的我就覺得汁少唔係太夠喉😆美國頂級桶蠔$158美國桶蠔非常肥美大隻，大滾了3，4分鐘後食得，一啖係放唔晒落個口㗎😛當咬開時，蠔汁爆在口中相當幸福，蠔的鮮味滿布舌頭令人回味無窮天天鮮魚卜$78來到的魚卜新鮮脹卜卜很肥大，店員細心心地提醒我們要吉爆才能放在鍋中，這個魚卜早少少放在鍋中滾久了也沒關係，像迷你花膠仔，膠口又煙韌鮮甜脆骨腩$78脆骨腩分量十足切得大片又厚身，質量高表皮還閃閃發光有點彩虹色，食落肉質口感豐富，脆口又充滿魚油，新鮮美味😋皇帝菜$48看似一朵大菜花的皇帝菜，很幼嫩一點渣都沒有烏冬面（2個）$28分量相當足，如果三五知

今天去了銅鑼灣找朋友逛街，原來在Sogo附近都有好多東西食，我朋友平常都有來這邊上班，所以直接可以帶我食好西，他訂了這家火鍋店，在8樓，叫漁火海鮮刺身火鍋。進去發現原來地方好大，位置非常寬闊，店員服務超級好，不過一直騷擾我們。選擇材料方面，它們有兩頁紙這麼多的選擇，有好多我都沒有聽過，例如：PRIME牛肉，牛胸爽，牛黃喉等等我第一時間選擇了湯底，朋友推薦天麻白芷魚頭鍋，真的是一整個魚頭，好像煎過，一點點藥味，配上濃濃的魚湯，超級好喝。在等的時間，店員搬來一盤調味料，有9款選擇，我選擇了蒜，綠色紅色的辣椒，最特別是有芝麻，我朋友好喜歡，但我沒有下，豉油一點點甜味，好香。我們叫了一壺茶，每個人加8塊就有，食火鍋配一杯茶是最舒服的。上菜了，先來的是巧手糖心皮蛋，有一點點辣，皮蛋真的是糖心，超級好食。之後是我男朋友叫的豬粉腸，好乾淨，只要煮一下就可以食。有蝦子，超級新鮮，食下去啖啖鮮味，又爽又甜。我推薦招牌雲吞王，外面通常是包蝦跟肉，這裡不一樣，當然有蝦，可是一整隻蝦，肉是半肥廋的，最重要的是加了九王，把雲吞帶出香味來，好好好捧！！還有這個即炸鬆脆響鈴，真的是即炸，一夾已經聽到＂咔咔咔＂的聲音