漁火海鮮刺身火鍋

营业中

休息中

早前同朋友黎到銅鑼灣食左呢度打邊爐, 仲有埋刺身~我地揀左2款湯底, 比較推介漁火松茸養身鍋, 好足料, 有紅棗, 蟲草花, 龍眼等等, 用料真係養身嫁!呢到醬料要$15/位, 就比較貴, 因為通常都會包埋, 但選擇都幾多, 可以自己混醬~打邊爐食物方面比較推介墨魚滑同蝦滑, 本身覺得有點貴, 但原來份量好多, 食極都仲有甘XD 同咪真係靚料, 入口好爽口彈牙!如果想試多d款既可以叫漁火特色四色丸, 有齊墨魚丸、蝦丸、豬肉丸、牛丸~另外點了自家帶子餃, 每粒都大大隻, 皮薄餡靚，包住一片片的帶子同滿滿新鮮的豬肉, 口感好豐富!蔬菜類就點了 時令什菜籃同鮮什菌拼籃, 什菜籃都有3-4款菜, 不過記住唔好煮太耐, 好快熟左就會老~菌類全部都好滑身彈牙, 幾新鮮~

朋友都與我一樣喜愛食火鍋，今日難得又一聚，想起之前食過的漁火，回味又難忘，所以一於再光臨，朋友醒目，知道漁火上網訂位有85%折，於是預早訂了位。餐廳的卡位圓枱依舊，闊落優雅。餐廳有多款招牌名貴特色湯底（龍皇海鮮湯、花膠雞翅、花膠睡響螺燉豬展...等），主打新鮮海鮮及刺身，龍蝦、加拿大野生象拔蚌、刺身活魚、鮑魚、帶子...等等，有點花多眼亂的感覺，今次由一於朋友發板。花膠響螺燉豬展湯底$198要了個花膠響螺燉豬展湯。裏面有雞腳、花膠及豬展...等等。非常足料，湯底飲得出的老火湯味道又清甜。每人都飲了一碗有多。活魚刺身$328活魚刺身，上枱夠驚喜，一擺設精細擺設精細又有藝術感將整條魚船在海中游一樣，活像一件精美的藝術品。刺身入口帶鮮魚的鮮彈口感，味道非常鮮甜。活魚刺身椒鹽加工$30活魚刺身餘下的魚頭腩及魚尾，我們還要了椒鹽加工，椒鹽後又是另外一番的味道，對喜歡食魚頭及香口的我就更為讚賞。本地手切鮮牛頸脊$328本地手切鮮牛頸脊，牛頸脊是比肥牛瘦少少，最適合我們現在要想食又要食得健康的人。牛肉切得厚薄適中，清甜的湯底更能提升牛肉的鮮味。美國頂級桶蠔$158美國頂級桶蠔，隻隻肥嘟嘟，夠肥美，肉

友人message黎話佢都係附近Gym完想一齊食飯，真係約都冇咁岩。難得咁耐冇見，當然要搵間開得夜又坐得耐既食肆。呢間嘅用料都走高質路線，除咗鍋底夠特色外，仲非常新鮮！！先來個餐前小食糖心皮蛋開開胃。花膠響螺燉豬展，男女都好鍾意飲，好清甜香濃，材料靚又豐富。真係落足料同煲足咁耐。呢個龍皇珍寶海鮮拼盤性價比好高，入面有大大隻新鮮彈牙龍蝦，仲有大花甲、海蝦、扇貝、海班塊、珊瑚蚌，每款海鮮都勁新鮮啊。總體上食物都算高品質。

今日老友收早話打邊爐，同事介紹食呢間漁火，放工行一陣大約8點，呢座京都廣場全部都係食野嘅，可能係平日搭升降機無咩人幾好。到了門口，侍應有禮貌地帶我門入座，座在高身梳化可座4人，好舒服有獨立空間，環境吾嘈雜，檯面已放一張點菜單，侍應並送上調味盆。先睇湯底已經有14款，同事介紹漁火花膠雞湯及漁火龍皇海鮮湯，好想試，但只有2個人，謂有揀鴛鴦鍋加20漁火招牌麻辣鍋同埋自家鮮魚清湯鍋，麻辣鍋我地要少辣佢好香味道吾嗆吾攻喉幾好，湯底已附送豬紅夠滑，麻辣鍋必備的食材，自家鮮魚清湯鍋好香有魚味吾腥，好喜歡，食得好舒服。打邊爐又怎可以沒有牛肉 , 叫左手切本地鮮牛頸脊，牛肉雪花花紋好靚，肥瘦均勻超滑，本身仲別喜歡白鱔肉，真係新鮮，大花甲大大隻好新鮮十分吸引，好香嘅韭菜餃，再叫左渣凍自家竹庶茅根用來清熱降火。好滿足嘅一晚。

今晚一家三口去打邊爐，近近地去左銅鑼灣，係OpenRice 搵海鮮火鍋就搵到呢間野，試吓先，上到黎環境寧靜，職員好禮貌地帶我們到梳化位置座，隨即送來一盤火鍋醬料，有辣椒、蒜蓉、炸蒜、蔥、芝麻醬、芝麻、芫荽，可以自己調味料。然後見到點餐紙有好幾款湯底想試，又選擇困難症發作，最後我地點了鮮魚清湯鍋，個湯好甜似家嘅感覺，忍不住飲了兩碗。手切牛頸脊好嫩好好味，大花甲真係大大隻好新鮮，雲吞好好味有大隻蝦味道啱啱好，自家韮菜餃好香好好味，同雲吞一樣無味精，仲有桶蠔勁大隻好新鮮，手打墨魚丸勁彈牙仲有細細粒墨魚係入面Good Good。打邊爐最緊要係野食新鮮及價錢合理，呢間野完全做到，下次一定再黎，仲有好多湯底未試。

今日約左朋友食飯，早兩日已經係openrice睇吓邊間打邊爐惦嘅，近近地銅鑼灣，見到呢間野都有好評仲有85折，服務員和藹可親，梳化好舒服，幾個人最啱傾計，環境吾太嘈雜，檯面放有點菜紙。一坐低店員已立即送上調味料，湯底有成十幾款，我地揀左招牌麻辣鍋同埋自家鮮魚清湯鍋，鴛鴦鍋都係加20，麻辣鍋湯底已經有豬紅夠嫩，鮮魚清湯鍋好香Good Good。手切本地鮮牛頸脊，牛肉味濃，肉質軟滑，仲有白鱔肉，非常新鮮，大花甲大大隻十分吸引，清左內臟位洗得乾淨，清甜好味。桶蠔都極新鮮，好香嘅韭菜餃，雲吞原來是包滿彈牙的蝦仁和鮮香的肉碎，魚皮餃外皮好爽，鮮鵝腸😍很肥美又不至於條條肥膏，輕輕十幾秒已經很爽脆，餐廳處理得非常之好完全沒有難聞的臭味十分出色。另外手打墨魚滑爽口彈牙，食過翻尋味，再準備定一渣凍竹庶茅根，呷一口，冰涼透心，甜度剛好，清甜滋潤，用來配火鍋最適合不過，期待下次再黎。

今次又黎到銅鑼灣搵食, 京都廣場呢棟大廈好多野食, 我地揀左呢間有齊刺身同打邊爐的餐廳~店內都幾多卡位, 而且幾闊落, 好岩同一班朋友食同傾計~ 餐廳主打湯底, 刺身, 海鮮同靚牛~一黎到先揀左湯底, 加多20蚊就可以拼多一款湯底, 揀左雙拼湯底 (自家鮮魚清湯鍋 + 漁火松茸養身鍋), 比較中意松茸養身鍋, 落足料, 有大量蟲草花, 紅棗, 菌類等, 湯底都好濃味~鮮魚清湯魚味唔太出, 反而胡椒味幾出, 但好既地方就係清清地, 我地食完成餐飯, 個湯都唔會越煲越咸, 呢個加分~ 店員先比醬料我地揀, 有9款揀, 客人可以自己混醬XD ($15/位)~到點菜, 因為話晒係刺身火鍋, 甘當然要叫d刺身黎試下, 我地點了 北寄貝帶子刺身, 我地4個人就有8件左右, 有檸檬墊底, 食落都幾新鮮爽口~黎到打邊爐食物, 分享下幾款值得highlight的, 招牌雲吞王, 皮薄得黎又粒粒都好大, 包住原隻爽口蝦肉、豬肉、韮菜等, 相當足料!漁火特色四色丸, 全部都係手打大大粒, 有墨魚丸、鹹蛋豬肉丸、牛丸同 鮮蝦丸, 咬落好彈牙!鹹蛋豬肉丸包住鹹蛋王幾得意, 鮮蝦丸表面加左蝦皮, 口感好豐富!日本

是次飯聚朋友提議吃火鍋，於OpenRice找到這間火鍋店，有大家都愛吃的海鮮，又可透過OpenRice訂座享有85折，一舉兩得！醬料每位$15所有醬料都放在方形盤子內，很精美。花膠響螺燉豬展 ($198)湯底點了花膠響螺燉豬展，一上桌便香氣撲鼻。先喝湯，後放材料。湯底非常足料，味道香濃，清澈不油膩。肥水大花甲 ($98)店員教路烚30秒便可以。大花甲又大又肥美，花甲肉厚身鮮甜，口感十足，十分美味。蘇格蘭蟶子皇 ($48/隻)大而肥美的蟶子皇，看到已經令人垂涎欲滴，急不及待想吃掉牠！店員說烚10秒，肉離殼便可。入口肉質鮮嫩爽口，那股鮮甜的味道在口腔中久久不散，令人回味無窮！美國頂級桶蠔 ($158)桶蠔脹鼓鼓的，肉質肥美滑溜，蠔味濃郁突出，味道鮮甜，每一口都是肉。什錦刺身(細) ($288)有三文魚、油甘魚、帆立貝及北寄貝4款刺身。款款都很新鮮，肥美又有口感；尤其是北寄貝味道甘甜、肉質爽脆， 口感極佳。漁火特選牛盛薈 ($438)這個牛盛薈有五款牛肉，包括：手切本地鮮牛頸脊、手切本地邊位、手切頂級PRIME牛肉、一口和牛柳粒及極品牛舌。整體牛味濃烈又帶油香，肉質軟腍鬆化，齒頰留香。走地清

不知為什麼，每次跟這幾個朋友的飯局都總是打邊爐，而且佢地又鍾意食肥牛、海鮮，所以都選擇了好耐，最後選了這間漁火海鮮刺身火鍋（睇Openrice 介紹海鮮、肥牛都好正），而且仲做緊85折優惠，緊係要用埋呢個優惠先抵。店內位置不算多，但勝在坐得寬敞舒適。食火鍋最緊要當然係個湯底，這裡湯底有14款可供選擇：龍皇海鮮湯、花膠雞湯翅、花膠響螺燉豬展等等...而配料都比想像中多款式，牛類、海鮮類都有很多選擇。店內都會提供廚師推介，推介當日最新鮮的刺身，見到好似唔錯，都叫了一款嚐嚐（什錦刺身) 。醬料 - 每位$15坐低後，店員會付上醬料方形盤子，當中包含了9種不同醬料，可因應個人喜好調校自己喜歡的醬汁。什錦刺身(細) - $288什錦刺身(細)有三文魚、帶子、油甘魚及北寄貝4款刺身。刺身新鮮、肥美而且都是厚切，食落口感極佳。花膠響螺燉豬展 - $198湯底我們點了花膠響螺燉豬展，雖然價錢比較貴一點，但物有所值。一上桌便香氣撲鼻，我們直接湯底當湯喝，味道很清甜且足料，清澈不油膩。還沒開始吃火鍋我已經忍不住再喝多碗了！肥水大花甲 - $98一看到大花甲來到已經哇一聲。大花甲比平時出面食開的更大更多肉

我是愛吃之人，雖然外間有很多任吃的火鍋，但我喜歡選有質素的來吃。銅鑼灣京都廣場內的「漁火海鮮剌身火鍋」評價甚高，早已耳聞，現在經openrice訂座更有85折優惠，這麼好的機會，我便快快訂位與好友來品嚐。店內大部份都是卡座位，非常寬闊，坐得舒服。桌面夠大，方便放食物，令客人吃得舒適。九款的醬料材料，放在木盆子給客人自行調配。湯底有很多款， 我平時最喜歡胡椒豬肚湯，這裏竟然可以用來打邊爐，正合我心意。一試之下，湯底味道很好，胡椒味很香，豬肚夠爽，問一問原來他們用大量新鮮豬骨淆製而成，再加上胡椒豬肚，所以味道如此美味，喝上一口滋味無窮。我們叫了手切頂級PRIME牛肉(中size)，每一片都是美美的鮮紅色澤，令人垂涎欲滴，灼了之後根本不用沾醬吃，便可吃到它的濃郁鮮牛味。花枝片，肉質嫩滑，新鮮味道美，份量也很足。厚肉新鮮的蘇格蘭蟶子皇，肉質非常鮮嫩爽口鮮甜，性價比甚高，愛吃海鮮的我必選。肥水大花甲，超級大隻，非常新鮮厚肉，灼過之後，根本不用沾醬吃便已經吃到它的自身鮮味，如不是太飽，真想再來一碟。加州桂花蚌，大大隻，鮮味爽甜，一口咬下去滿口都是濃郁的鮮甜，很是享受呀!每一粒裏面都有大大隻的鮮蝦，

朋友因為仔仔派到最心儀的小學，高興到要請我吃一餐，我當然樂於接受。他吃慣好東西，對食有要求，故他請我到「漁火海鮮刺身火鍋」吃高質素食物，他說現在經網上訂座可享有85折優惠，絕對抵吃🤗這裡有很多不同種類的食物，任君選擇👍🏻我選了胡椒豬肚湯做湯底，因為同事之前試過而極力推薦的。果然，湯底胡椒味香濃惹味吸引，加上白果、爽甜豬肚，蘿蔔和小菇，簡直就是一個主菜，一試難忘😋肥水大花甲$98，非常大隻、非常新鮮，清洗得很乾淨，灼一灼之後，急不及待便吃進口，一口咬下去滿口都是濃郁的鮮甜😍蘇格蘭蟶子皇$48/隻，真是長過一隻手掌，蟶子皇肥美鮮甜，真是每吃一口都是享受😬加州桂花蚌$138，色澤光亮，吃起上來新鮮甜美，海鮮的鮮味，充滿口腔久久不散👍🏻花枝片$78，花枝片肉質肉彈牙有口感，自身的鮮味自然流露😋😋😋手切頂級PRIME牛肉$238(中)，色澤鮮紅，脂肪和肉的比例均勻，肉質嫩滑可口，牛肉味濃郁，吃火鍋又怎少得呢❓清遠滑雞件$88，份量不少，雞肉新鮮肉厚，煮完之後也覺得肉質嫩滑🤗漁火特色四色丸$128，全部自家制，款款都用靚材料，超好吃，朋友更加讚口不絕😍「漁火海鮮刺身火鍋」的食物真是樣樣都有水準又有

週一下班應朋友約，一試這間樓上火鍋店。  我們點了鮮魚清湯窩湯底，賣相平凡，淺嚐發覺並不簡單，魚味鮮甜濃郁，根本就是能夠直接喝的湯，實在驚喜。火鍋醬料九格醬料，包括麻醬、沙茶醬、麻油、芫荽、薑蔥等等…選擇頗多。漁火四色丸，以店名命名的一定不簡單。送來的四種丸，包括手打鮮蝦丸、墨魚丸、牛筋丸、鹹蛋豬肉丸。在外店沒有嚐過的鹹蛋豬肉丸最令人喜出望外，味道新穎獨特，朋友都讚不絕口，不愧為鎮店之寶！漁火特選牛盛薈。以刺身船的造型，盛住分量碩大的五款不同牛肉，有和牛粒、牛舌、牛里脊等。分量之多，兩個人竭盡全力才能吃完！估計三個食量較小的人攤分還是綽綽有餘！

通常都係去食日本餐廳先會食刺身, 未試過一邊打邊爐, 一邊可以食刺身! 又冰又熱嘅感覺真係好特別!因為唔食得辣嘅關係我地叫左漁火松茸養身鍋同自家鮮魚清湯鍋! 清清地已經好夠味!野食方面我地叫左:鮮打靚蝦滑: 真係有好多蝦肉喺入面!唔係只係混左少少咁, 蝦亦好新鮮好爽!鮮墨魚滑:每一啖都好有墨魚味好彈牙! 日本稻庭烏冬: 食落好滑好爽口, 唔似其他烏冬恰一恰就會淋哂一pat野咁!自家帶子餃: 第一次食帶子餃! 餃子入面真係包住細細粒帶子! 好特別!鮮什菌拼盤: 好大一盤有冬菇, 野菌, 金菇等等!金菇菜尤其多, 可以唔洗再額外叫都夠食!冬瓜件: 一份原來有好多舊! 冬瓜幾甜, 不過切件幾薄所以要注意唔好恰太耐, 唔係就會淋哂!清遠滑雞件: 一碟雞件嘅份量都唔少, 全部係雞脾肉, 幾嫩滑!

通常都係去食日本餐廳先會食刺身, 未試過一邊打邊爐, 一邊可以食刺身!又冰又熱嘅感覺真係好特別!因為見喺Openrice訂座有85折! 呢日就去到銅鑼灣食漁火海鮮刺身火鍋!入到去就先自己混醬, 醬料嘅選擇都唔少!呢日我地叫左雙拼湯底, 漁火松茸養身鍋同自家鮮魚清湯鍋! 松茸養身鍋湯料份量十足, 有好多嘅紅棗柱圓, 仲有松茸松草花等等! 特別適合女仔食, 滋補養身! 而自家鮮魚湯都非常推薦!店主話佢地用鮮魚熬左好耐, 所以仲建議我地打邊爐之前可以先飲下D湯! 湯幾清甜仲有淡淡胡椒味!等個湯底滾之前我地叫左個帶子刺身來食住先! 一份帶子刺身有8舊, 同幾個朋友share就岩哂!帶子好新鮮, 肉好爽口! 入到去就先自己混醬, 醬料嘅選擇都唔少!野食叫左漁火特式四色丸: 有牛丸, 墨魚丸, 蝦丸同豬肉丸!特別推介牛丸同墨魚丸, 牛丸嘅牛肉味好濃, 鐘意食牛嘅朋友一定要試下! 墨魚丸就好爽好彈牙!招牌雲吞王: 雲吞好足料, 有蝦豬肉同菜等等! 皮薄餡多, 比起出面食到嘅鮮蝦雲吞大粒好多!時令什菜籃: 什菜籃入面有西洋菜, 白菜仔, 菜芯, 仲有少少冬菇同粟米! 係就係無打邊爐必備嘅唐生菜同娃娃菜

星期一的夜晚 工作完一天之後決定吃點好的朋友上OpenRice睇吓有咩食嘅時候 看見這裏可以有訂座有85折 就即刻訂咗啦入到去餐廳 環境好舒服 空間夠大 非常多卡位 適合想靜靜地談心嘅好去處先叫個湯底 因為自己好鍾意食魚嘅關係 叫咗個鮮魚清湯窩 $148黎到見到奶白色嘅一鍋 飲落去好鮮甜 加上大量豆腐係底 非常足料 自己忍唔住飲咗兩碗跟住上咗九格醬料 應有盡有 有麻將 沙茶醬 麻油 芫荽 薑蔥等等 為呢一晚火鍋帶嚟序幕朋友勁鍾意食牛 叫咗個漁火特選牛盛薈 $438一開始以為個價錢有啲貴 但係嚟到嗰時真係覺得份量非常之多 其實四個人食就啱啱好 佢有五款不同嘅牛肉 有三款都係本地新鮮手切牛肉 再加上牛柳粒同牛舌 每一款擺落去個湯底幾秒就食得 非常好食！另一樣要強烈推介嘅係佢嘅漁火四色丸 $128 一客有12粒 包括手打鮮蝦丸墨魚丸 牛筋丸同鹹蛋豬肉丸每一款都各有特色 鮮蝦丸入邊真係有一隻蝦 鮮味十足 鹹蛋豬肉丸則十分有驚喜 係鬆軟嘅豬肉入加上鹹蛋黃 非常非常的好吃！另外在叫咗啲配料 全部都新鮮好食飲品就叫咗竹蔗茅根 $58 一札 ， 一扎大概可以有五至六杯左右 鮮甜好飲夠晒凍飲飲食食下又過