漁火海鮮刺身火鍋

营业中

休息中

朋友聚會日又到了，今次我們去了漁火海鮮刺身火鍋，因為其中一位朋友食過，說火鍋配料上乘又不貴，大家都想試下，位於銅鑼灣區，交通方便，大家放工很快就到齊，火鍋店地方寬敞整潔，座位舒適。湯底一致選擇了漁火花膠雞湯翅，首先飲啖湯，啖啖鮮雞的精華，濃郁香甜。更有花膠和素翅，特別是冬瓜吸收了湯的鮮甜味，令人回味不已。火鍋配料極品黑豚腩片，油脂分佈均匀，鮮嫩有肉味。爽彈脆鲩片，真如其名，口感爽脆，鮮味十足。招牌雲吞皇，大大粒，皮薄餡多，內有大隻鮮蝦好爽口。侍應介紹當天的美國桶蠔好新鮮，果然，桶蠔大大隻好肥美，蠔味香濃，完全沒有腥味。美食當前，大家當然要啤一啤！

這晚的打邊爐是其中一位朋友選擇的, 除了愛其宵夜時段8折優惠外, 其中有不少新鮮刺身及牛肉才是最大原因. 今晚只有3人, $438的龍皇海鮮湯有點太貴, 轉而試另一款餐牌推介的花膠響螺燉豬展. 餐牌裡的內臟選擇不少, 點了其中一款. 再加個牛肉拼盤, 牛胸爽及2,3款海鮮份量便差不多. 現在的港式打邊爐除了常見的豬骨湯, 清湯, 沙爹湯外. 還有用上四川麻辣, 台灣麻辣, 燉雞, 以至雞煲翅. 但不得不讚今日點的這個花膠響螺燉豬展絕對是頭幾位最出色的湯底. 未開始打邊爐前已先乾3碗, 而且絕不口乾, 不加味精. 人不多的時候, 我打邊爐的守則必然是先吃海鮮後吃肉. 結實彈牙充滿魚味的龍躉斑片比起我最愛吃的白蟮更討我歡心. 這裡的海蝦配上這裡豐潤的湯底很配合, 蝦肉少許霉的感覺也沒有, 鮮味非常. 左上角的是牛舌芯, 左下角是牛頸脊, 中間是prime牛肉, 右上則是和牛粒, 右下是牛邊.  很多火鍋店都有手切牛肉提供, 但以拼盤形式包括不同部位, 這裡可能是少數的其中一家. 5種牛肉的質素都很高, 牛舌芯的彈牙, 牛頸脊的肉味, 和牛粒的口感, 各樣各領風騷. 牛胸爽的外表像是一團脂肪

問朋友邊到有靚火煱，佢介紹我去銅鑼灣京都廣場，貪佢個海底係用自家鮮魚清湯，真材實料我哋一早訂好咗位，去到即刻有卡座，除咗點了招牌鮮魚湯底之外，我哋亦叫了一個招牌麻辣湯底，餐廳介紹麻辣火鍋湯底初頭冇咁辣，但係之後會愈滾愈出味，至於鮮魚湯底，用新鮮嘅魚又廚房親自㷛煮，鮮味濃郁。我哋選了特選牛盛會，有多款不同部位嘅牛肉組成，有牛脷，亦都有牛肉粒，特別喜愛牛肉粒，選用安格斯牛肉，就算煲滾時間較長，亦不會老，牛肉非常嫩滑鮮味。大力推介。點了大花甲，珊瑚蚌，全部都處理乾淨而且份量十足，絕對不會馬虎。還有特色四色丸，打算一次過可以試到唔同嘅食材，丸類亦十分驚喜，內𥚃爆漿好好食，另外他們的響鈴新鮮炸起，即炸鬆脆。不能缺少萵筍，吸收湯的味道及精華，同時令腔帶來清新口感。食材10分新鮮而且所有食材處理得10分乾淨，而且服務態度亦都10分親切認真。下次我都會帶我屋企人黎食。

國內一班朋友來港旅行，相約食晚餐，他們指定要去駱克道的漁火海鮮刺身火鍋，因為此店獲得好評，趁著今次來港試試！首先來個湯底，漁火花膠雞湯翅，湯底濃郁香甜，花膠滑溜，雞肉鮮嫩，冬瓜吸收湯的精華，味道又香又甜，加入素翅和蟹籽增加口感，飲完湯就食火鍋，美國頂級桶蠔好新鮮，蠔肉飽滿又大隻，味道鮮美啖啖肉。加州桂花蚌，輕輕灼l一灼就可以了，爽口又有鮮味。手打鮮蝦丸，用新鮮蝦打成蝦滑，加入原隻蝦增加口感，味道鮮甜。極品黑豚腩肉，份量都不少，薄切易熟，肥瘦適中，肉質鮮嫩。雪白鮮鱔片，已起骨的白鱔片，大大片鮮味十足，爽囗彈牙。雪碧

呢晚同朋友慶祝升職加薪，佢話想打邊爐，於是就提議去呢間主打海鮮嘅火鍋店試試！叫左個花甲海蝦魚湯鍋($198)，一黎到已經好大陣魚湯鮮香，仲有番茄、大蔥、西芹等配料，挖下個底更加不得了，有勁大隻花甲同海蝦！朋友建議一滾起先食花甲海蝦，避免過熟，果然剛剛焯熟，食得出海水鮮味，魚湯下更顯甘甜！焦點一轉，店員推介嘅活魚刺身($328)好快就到喇！今日係𩶘魚，目測應該都有斤幾重，上枱時條魚尾仲識郁！無需多講都睇得出係即劏，刺身片亦相當彈牙，丁點腥味都冇。食完刺身，再黎多個大堆頭嘅龍皇珍寶海鮮拼盤($688)！除左有超大隻新鮮印尼龍蝦之外，側邊仲有龍躉斑片、珊瑚蚌、日本元貝、海蝦、花甲，超足料！多膏嘅龍蝦烚完都係非常爽口，食得出係游水嘅！至於本人至愛嘅肥牛，就叫左一碟本地手切鮮牛頸脊(大)($328)，手切嘅質素都有一定保證，咬口牛味俱備，大家秒殺完一碟後仍然想再encore！食食下，侍應端上一碟椒鹽魚骨，原來係頭先活魚刺身淨返條魚骨($30加工)！由於係剛劏嘅魚骨，炸左後都好好味！其他配料例如四色丸、黑柏葉、鱔片、牛黃喉等等都好高質，值得一讚！P.S. 呢度開瓶費都係$50一枝，就算自己帶酒黎都

天氣又突然涼番，所以同班朋友一齊打番個邊爐，京都廣場好多人派宣傳單張，拎左張咁岩又係打邊爐，就上左去食啦！冷氣夠晒凍，岩晒打邊爐，又有免費wifi 同有電視📺睇，幾enjoyable!😚！ 有9款調味醬料自由配搭，我地首先選左個火鍋底：漁火招牌麻辣鍋（小辣）和自家鮮魚清湯鍋 $148，雙拼加$20，我朋友鍾情麻辣湯底，我就鍾情鮮魚清湯，第一次就等個鍋滾起飲左個湯先，超鮮甜又唔腥，仲有好多豆腐索晒d 魚湯，好正呀！漁火特選牛盛薈 $438: 肉質好鮮嫩，雪花❄️紋好均勻，有牛舌，手切頂級Prime牛肉，牛肉粒，猛火時都係滾2滾就食得，牛肉粒很神奇滾左好耐肉質食然好鬆軟，好有牛味！😋即炸鬆脆響鈴 $58: 新鮮炸起，熱辣辣又唔太油，都係滾一滾就食得，好濃厚腐竹味道！肥水大花甲 $98: 超級肥美，大大隻好厚肉，不過滾完就縮一縮水！窩荀 $38: 超愛食，好岩要黎打邊爐食，很爽脆！鐵棍准山 $38: 滾一滾就食得，很爽脆，本身冇咩味道，可點埋醬汁一齊食！鮮墨魚滑 $88: 超有咬感，仲有蟹籽係面卜卜脆，都充滿好多墨魚🦑肉！新鮮黑柏葉 $88: 新鮮既牛柏葉係黑色，原汁原味，滾一滾就特別脆身！自

朋友介紹銅鑼灣呢間火鍋店，佢推薦話呢度啲牛肉同海鮮啲好得，於是一於試吓首先我哋點咗個胡椒白果豬肚湯底，淨係個湯底已經好濃好夠味，老闆娘話用咗好多豬骨去煲嘅油甘魚刺身，唔好以為食火鍋就無好嘅魚生食，呢個油甘魚拍得住好多日本壽司刺身店炸午餐肉，外脆內軟就係呢種喇，餐前小食嘅推介墨魚滑同蝦滑，兩款滑都用料豐富，絕不馬虎雲呑，皮薄餡靚，size都幾大粒白鱔片，淥完之後，爽口而且冇骨肥羊片，一啲酥味都無，而且切得薄同大塊窩荀同皇帝菜，兩款係我嘅至愛，同樣好幼嫩本地手切牛頸脊，個人覺得頂瓜瓜嘅，肉味好夠，而且淥兩淥就食得，又無根美國頂級桶蠔，又係必食推介之一，隻隻都大大隻肥嘟嘟，又新鮮又無沙，而且夠蠔味，總括嚟講呢間火鍋店真係算唔錯，用料新鮮，我哋喺openrice訂枱仲有85折，真係抵食

今日同朋友去銅鑼灣打邊爐，揀左間店偏貴，不過用open rice book 枱有85折。湯底可以雙拼+$20，我地叫左漁火招牌麻辣鍋（小辣）同自家鮮魚清湯鍋 $168，可以滿足不同口味的朋友，我就喜歡麻辣鍋，裡面仲有豬紅；而清湯鍋店員就話係用好多魚去煮成，難怪咁鮮甜，湯底仲有豆腐。我地叫左漁火特選牛盛薈 $438 ，有幾款唔用款式既牛肉，我最愛極品牛舌芯同一口和牛柳粒，好香牛味，特別一口牛柳粒係煮好耐都唔會韌的，好好味。即炸鬆脆響鈴 $58，新鮮炸好脆，浸3 秒已經可以吃了，推介。肥水大花甲 $98，有六隻，大大隻。窩荀 $38，配麻辣湯好入味，但不要煮太耐會太淋。反而鐵棍准山 $38，煮耐了會好粉更好味。自家帶子餃 $88，平是不喜歡吃餃的我也覺得好味；漁火特色四色丸 $128 ，特別喜歡咸蛋豬肉丸，好惹味。

完成忙碌的工作過後，有少許空閒日子，當然要見下朋友，就相約到方便大家的銅鑼灣，走到漁火。花膠響螺燉豬𦟌十分足料湯底，像是家中的老火湯。不禁先喝幾口湯，味道濃郁而且甜潤，比坊間很多湯品還要原味。魚火特選牛盛薈現在吃牛越來越講究，除了吃級數及品種，還要吃不同部位。這份牛盛薈，有手切本地Prime牛肉，手切本地牛頸脊，手切本地牛邊位，一口和牛柳粒及極品牛舌芯，既有級數又有不同部位。每款都有不同味道及質感，prime最軟腍，牛頸脊結實有韌勁，邊位肉味濃，一口牛軟彈，牛舌味香。鮮味海中蝦蝦色澤光亮，size恰好，滾一陣就可吃，肉鮮甜軟彈。鮮打墨魚滑打邊爐必點之選，鮮甜軟彈，加上蟹子爆彈口感，正！皇帝菜爽嫩有菜味，吸收了湯底味更濃香。溫馨提示：經openrice訂位有八五折噢！

三月中下旬星期二晚上，銅鑼灣聚會。今天晚上跟兩位新年前認識的朋友來個飯聚，火鍋無庸置疑的成了好選擇，由於在openrice訂位有25% off，所以友人早就訂好位子，方便晚下班的我們。地理位置方便易找，場地寬敞，大部分是卡位，坐得非常舒適。桌上已經準備好火鍋必備的醬料九宮格，都是大家熟悉的醬料，特別之處在於有麻油供應，我是非常喜歡麻油的，能提升食物香氣。天氣還是有點清涼，所以我們選了滋補的花膠響螺燉豬展湯底。湯底色澤豐潤，濃香撲鼻，花膠含豐富骨膠原，養顏美膚；螺滋陰補腎，清肝潤肺，還有雞爪，滿鍋是滋陰養顏恩物。店主介紹這湯底每天熬十多個小時而成，果然是不一樣：清澈不油膩，鮮甜濃郁，完全沒有一點味精，從來沒有喝了足有兩大碗湯，非常滿足。除了一般火鍋店點得到的丸類餃子以外，我們更傾向於嘗試其他食材，於是點了深海龍躉斑片。龍躉斑片快熟，皮厚口感爽脆，肉質清甜，非常適合作火鍋料。海鮮來一份海中蝦，海中蝦為海麻蝦，營養豐富且鮮美，肉質爽滑有嚼頭，鮮味十足，吸收湯底後更是絕味。吃鍋牛肉必不可少，漁火特選牛盛薈裡面包括5個牛隻精選部位，有本地手切鮮牛頸脊，手切肉眼牛邊位，手切頂級Prime牛肉，一口

係銅鑼食野真係太多選擇, 決定從openrice尋找靈感 ,心目中已經一早決定打邊爐, 至於邊一間 我哋就睇下邊一間有折扣優惠, 見到這一間係openrice訂位有85折,所以就決定試佢, 仲要對正地鐵口!!叫左個胡椒豬肚湯底,講真,上到黎個樣平平無奇, 但一試味正到不得了,胡椒好香, 啲豬肚仲處理得好乾淨又多!見到有刺身, 嗌左個油金魚試, 新鮮又厚切,食落好有質感。炸午餐肉, 朋友話岩晒佢食,因為唔會太厚, 叫得炸就係想食香口! 而我就一般,因為我鍾意厚身!呢兩碟肉, 近鏡既係羊,羊好香,但唔係勁騷,但有羊味既羊片。 而個牛係中碼既手切本地牛, 你睇個樣以為普野,食落去更牛味香,又軟,正!墨魚滑, 彈牙好好味白鱔片, 件件都好有份量痴嫁。。美國桶豪!! 大隻到不得了,而佢係唔會縮到得返粒鼻屎,又一力推既料!後面個皇帝菜,唔係到到有,正!呢個係帶子餃,自家創,好味既,但時要留意,因為淥太耐帶子會老,淥太快, 肉又唔熱,所以要留意。蔏荀,近期我最愛, 好好味!

收工突然好想打邊爐，非常就腳，就係C出口！坐底叫左雙拼火窩，有麻辣，有魚湯，魚湯非常新鮮，睇得出好有心煲，然後試左一啖個湯底，鮮甜美味😋有辣有唔辣，任君選擇。首先要講下個炸響鈴，你無聽錯，係新鮮炸出黎，熱辣辣架，浸係湯底，索曬鮮甜味再黎個遊水花甲，好有肉地，+埋個雜菜拼盤，真係屋企樓下個街市都買唔到，新鮮，爽甜😋重頭戲牛頸脊，好有咬口，感覺好似溫體牛，因為無雪藏味再嚟講呢個白鮮非常之鮮甜，口感好creamy好似食咗好多蛋白質同骨膠原落肚😋個鯇魚都唔係hea,好大份,好有質，👍再食第一題係個服務態度非常之好，好細心， 會再想上去食

最基本嘅配搭:清湯拼麻辣鴛鴦鍋，本來以為一般的清湯底，但系店員溫馨提示話用左好多魚仔熬製成，叫我地先試飲，一試難忘，好濃郁的魚湯，成個湯底都系奶白色，十分推薦！打邊爐必叫牛肉，本地手切鮮牛頸脊，雖然不及肥牛甘有牛油香，但肉味更突出。依度竟然有牛胸爽，諗都無諗即叫一份，好爽口，充滿油脂的香味，未食過嘅一定要叫。美國頂級桶蠔，好大隻好肥美，這也是很推薦的。加州桂花蚌，也很不錯呢肥水大花甲，encore了兩份，好爽口，好鮮甜。雪白鮮鱔片，愛吃鱔魚的人一定不能錯過這個。所有食材都好新鮮，就連湯底都好好味，下次一定要再帶埋屋企人食。最窩心嘅一點，系toilet竟然有用膠袋包住啲紙杯同漱口水，方便大家清新一下口氣。

呢日同兩個朋友黎到打邊爐，有個朋友話之前食過幾好所以帶左我地去試。小編好少咁少人去打邊爐，所以唔知啲價位係點。但係嗰晚埋單真係嚇親，唔知係我地叫得太癲定本身少人打邊爐就係要貴啲。呢個牛肉拼盤要四百零蚊，係幾好食嘅，不過呢個份量呢個價錢好似少左d?!潮式手打牛筋丸令人有啲失望，唔太好食之餘仲要係普通牛丸咁嘅質感。羊片有啲羶，唔算好食。叫左啲海鮮食，桂花蚌、珊瑚蚌同蝦夾埋已經四五百蚊，不過都幾新鮮。牛栢業同炸魚皮都冇咩特別。呢度要收開瓶費，要五十蚊枝，朋友堅持要開哂三枝😂 加埋醬料、湯底同其他野食，真係唔怪得咁貴 下次少人打邊爐都係叫少啲野食開少枝酒，如果唔係荷包真係負荷唔到😂

依間火鍋店我之前冇聽過，今次驚朋友介紹去食！我哋九點半後食有八折，首先我哋叫咗個胡椒豬肚湯底，個湯底十分好味，而且胡椒味好重，豬肚都好好食。跟住叫咗牛頸脊，筒蠔，花甲，手打丸，響鈴等等。牛頸脊簡直係一試難忘，我哋食一點碟，再叫多一碟，因為真係太好食，完全冇肥膏，差唔多入口即溶！另外響鈴係即叫即炸，所以我超級推介！仲有手打丸好新鮮，筒蠔到好大隻好肥美。花格你都係好大隻好鮮。食完之後仲可以飲埋個湯，因為嗰啲湯完全冇肥油係表面，所以可以飲！呢間真係今個冬天極之推介嘅一間火鍋店👍🏽