漁火海鮮刺身火鍋

营业中

休息中

火鍋係我既至愛，基本上一個月都會去一次，今次朋友又搵到正野，book左銅鑼灣漁火，9點半後入座，全單8折，諗落真係幾抵！餐廳環境舒服，以卡位為主，卡位闊落舒服！醬料齊全，想得出都有，不過醬料要每位$15。打邊爐湯底好重要，呢度有14款選擇之多，對於我地啲女人仔黎講，都係鐘意揀啲滋潤養顏的，今晚揀左「漁火花膠雞湯翅」$238嘩～果真有翅woo，仲幾多tim中間放有雞件及翅，外面放了個冬瓜，二話不說試下啖湯先，真係好香雞味，又鮮又甜，好濃郁，飲左幾啖覺得好滋潤，真係好想當湯咁飲！另外，雞件肉質嫩滑，亦係唔錯！冬瓜煮淋左，吸晒啲雞湯汁，非常好味！仲有花膠，都有幾舊架小食 - 鬼馬油條 $68我最鐘意食既小食之一，油條內釀住蝦膠炸得香脆，蝦膠鮮甜，配上泰式汁，酸酸甜甜真開胃！活魚刺身 $328呢盤立魚刺身估唔到有咁多，成盤上好靚，片數多，四個人都食唔晒！立魚刺身魚味幾濃，結實口感，但又唔會死實實，$328算幾抵食，因為份量真係幾多！食完刺身後，原來仲可以將魚腩、魚骨整椒鹽骨腩，一味兩食，只係加多$30，不過呢個刺身已經好多，我地唔想食唔晒，所以就冇拎去整椒鹽。漁火特選牛盛薈 $438呢個漁火

我認識既銅鑼灣係買化妝品，女人行街既天堂，今日我都黎左呢到放鬆下心情，咁行到累，當然要搵野食啦，我想打邊爐，男朋友想食刺身，咁岩就見到一間漁火海鮮刺身火鍋，正合我地心意。樓下搭電梯既人都好多，好彩佢有兩部電梯，容易疏散D人。上到去已經有店員問人數，當然時間仲早，人唔算多，但佢Ｄ位係整高左，一個一個卡位，又大好闊，都幾舒服。野食方面都幾多選擇，當然同個名一樣啦，有海鮮又有刺身，我地自己選擇左三文魚腩刺身同天麻白芷魚頭湯鍋先。慢慢睇緊其他既時間，店員一直唔會黎打擾，只會係隔離靜心係到望，又唔係望到實個隻，令我唔覺佢係到既感覺，但一有野要食，要俾紙，要搵佢，第一時間佢就會應你，為你服務，呢個係我最欣賞既地方。我既材料都慢慢黎了，我叫左招牌雲吞王，日本稻庭烏冬，手切頂級PRIME牛肉，鮮鵝腸，牛黃喉，仲有個生菜。雲吞王好大粒，每隻都會有滿滿既肉加一隻原隻既蝦，中間仲有小小韭王，又香又大又鮮甜，勁正。仲有手切頂級PRIME牛肉，肥瘦均勻，有小小厚度，食落去牛味重，有口感，比較似牛小排，但又淋D。最後出奇地停唔到手既係日本稻庭烏冬，細細條，又滑又彈牙，在配上有小小藥材味，但又好重魚味既湯，絕配呀。

前幾日同朋友去左銅鑼灣一間火鍋店打邊鑪, 事後感覺確實唔錯, 所以決定要分享.  餐廳內環境企理乾淨, 坐得舒服, 都幾適合餐聚聊天.先黎兩個小食頂下肚先. 炸墨魚餅 &  鬼馬油條 都係即叫即炸非常新鮮, 而且乾身唔會入口油淋淋.  墨魚餅外層酥脆香口, 而裡面的墨魚肉餅就好彈牙鮮甜. 再配上酸酸甜甜的醬汁, 十分開胃; 油炸鬼表層釀上墨魚膠滑再拎去炸. 墨魚膠滑口感彈牙而油炸鬼就脆卜卜, 層次分明令人停不了口.立魚刺身 (椒鹽骨腩加$30) 老闆推介我們的立魚刺身, 非常新鮮同埋抵食. 立魚好大條, 所以刺身分量都好多. 而且師父用左比較厚身的切法, 刺身食落比較有口感, 爽口得黎味道好鮮甜, 真係好正!! 食完刺身後, 剩下的魚骨魚腩原來仲可以選擇加30蚊叫餐廳整“椒鹽骨腩”, 一魚兩食, 完全食到盡. 但由於我們實在叫左太多野食啦, 怕最後會食唔哂浪費左, 所以我地最終冇叫到. 下次有機會一定要試下先~漁火花膠雞湯翅   湯料有花膠, 冬瓜, 新鮮雞件, 素魚刺, 蟹籽, 菇, 粟米等等. 影完靚相後姐姐會即場幫忙將冬瓜圈切件~  花膠數量原來都唔少而且幾大舊. 而雞

漁火是一家以中式養生湯底配合日式刺身及材料的火鍋店。事不宜遲，立刻為大家介紹此店的優秀之處！漁火的火鍋湯底有各種中式養生湯，而當中推介的是菜乾豬肺湯。湯底用料十足，而且用燉的方法制成，味道清甜香濃而不油膩，加上豬肺清理得非常乾淨，所以即使在漁火亦能嚐到家中老火湯的好味道！品嚐過老火湯，店員會為客人在湯底加入雪白的豬骨湯，進入正式打邊爐環節！漁火的火鍋材料包羅萬有，亦有時價的海鮮供客人選擇。用餐當日，老闆娘向我推介新鮮的A級象拔蚌，並提議一蚌兩味，我當然要試試！象拔蚌刺身肉質爽口鮮甜，令人引不住吃過一塊又一塊！其實新鮮象拔蚌的膽亦能生吃，但小編怕內臟的味道，所以就放到湯底灼熟才吃。蚌膽比刺身較重海水味，入口軟滑！除刺身外，小編亦點了本地鮮牛頸脊及脆鯇片。牛肉味道香濃，油脂分配洽到好處，口感彈牙夠嫩。脆鯇片非常乾淨，晶瑩通透，放入湯得10秒即熟。這塊雪白無瑕的魚肉十分嫩滑，跟煙韌爽口的魚皮成強烈對比，加上咀嚼時竟感覺不到有任何細骨，十分美味！總結，漁火的食物質素高級，而且花款眾多，小編強烈推介各讀者到漁火試試，相信各位都能吃得非常滿足！

約了久未見面朋友聚舊，大家都想找一間可以慢慢坐傾計餐廳，朋友推介這間位於銅鑼灣的漁火火鍋，一於試試！餐廳設計闊落，每張台之間都有充足空間，十分適合朋友相聚餐廳主打老火湯鍋底，每款都好吸引，我們揀了花膠響螺燉豬展湯先喝了湯再開始打邊爐，湯底真的好味到不得了！鮮甜又火候十足，湯料亦十分足料，我們一行四人喝了整煲！本地手切牛頸脊很大碟，十分新鮮，值得一點鱔片厚切上枱，質感爽口，證明是新鮮貨美國桶蠔極之大隻，入口不腥漁火四色丸為自家製作，其中蝦丸十分特別，竟然有咸蛋黃釀在裡面，食落有蛋黃香味另外還點了一些小菜，鬼馬油條是在油條上鋪上蝦膠，炸得香脆椒鹽九肚魚外皮炸得香脆，內裏肉質保持嫩滑，令人食不停口炸響鈴一淥即食，食落無油益味，食得出新鮮炸起以這價錢可以食到老火湯火鍋，實在十分難得，值得推薦！

舊同事食飯，約大家嘅中間點銅鑼灣，喺京都廣場揀咗上8樓嘅火鍋店。一坐低侍應就推介佢哋嘅招牌燉湯火鍋，仲話可以先飲湯再打邊爐，見價錢公道，我哋就揀咗花膠響螺燉豬展。揀埋其他火鍋配料，個燉湯就出現，我哋即刻飲返碗試吓有幾正，估唔到又幾鮮甜，亦冇落味精。飲飲吓，我哋竟然將個燉湯飲晒！於是就改為豬骨湯底打邊爐😅先介紹小食，叫咗椒鹽九肚魚同鬼馬油條，兩碟餸都係即叫即做，上枱時熱辣辣，夠晒香脆醒胃。牛肉方面，我哋叫咗手切鮮牛頸脊，牛肉新鮮亦好淋，滾一滾就食得！特別推介佢哋嘅自家帶子餃，雖然味道清淡，但中間真的有一大粒帶子，果然真材實料！飲品方面，我叫了自家竹庶茅根，飲落唔會好甜，夠晒消暑解渴！由於經OpenRice book位，全單有八五折，買單每位只係$500 ，以用料計真係非常抵食！

考試前要豪一豪！ 駱克道搵好西！ 就黎jor 呢間試下！ 見網上推介要試呢個花膠響螺燉豬展 湯底！ 覺得唔錯！ 湯料好足啦！ 有好多響螺 雞腳 同埋足量豬展同花膠！ 198 其實好優惠！ 第一淡飲個湯底！ 就好似系屋企飲既湯咁~ 今次系食全牛宴！ 揀jor 個特選牛勝薈！ 裡面分別有 牛舌 牛邊位 一口牛粒 牛頸脊 安格斯手切牛肉！4個人食既話！ 啱啱好！ 食肉獸必點！ 講最滑的話, 當然系食那個安格斯牛肉啦！ 而那個牛舌都好特別！ 中意食牛舌既朋友 推介食下！ 總括黎講！ 牛肉質素唔差！呢個蝦滑真係真材實料, 匙匙出黎都見勁多蝦肉. 而食落口 好爽口！嗌個本店特色四色丸！ 睇佢介紹的確比較特別！ 右邊開始 系櫻花蝦蝦丸 咸蛋豬肉丸 咸牛肉手打鮮牛丸墨魚丸.覺得比較有新鮮感~ 而味道都唔錯！ 那個蝦丸 同個豬肉丸 味道更為特出！ 仲有個即叫即炸既響鈴，簡直打邊爐主角之一！ 吸收曬湯底精華！ 而且香脆脆的！其他配菜都好新鮮！ 而個烏冬都好贊！ 浸得耐d 都唔會爛！ 而且qq的口感！

雖然火鍋係港人摯愛，愛到一年365日都食，但呢個天氣慢慢轉熱，都要捉緊春天既尾巴，打多啲邊爐 😋位於銅鑼灣駱克道既京都廣場都有唔少火鍋店，但一早已經聽過漁火正，所以約朋友時都book左呢間試試，經openrice訂座仲有85折 🤤 因為唔算平價火鍋店，客人唔算好多，但環境好好，好靜，枱同枱之間都隔得開，方便朋友定人情侶傾下心事haha 一坐低就有人斟豉油，同放低調味架俾大家混醬！企理，服務貼心！打邊爐係湯底最重要，呢度仲正到可以飲完頭啖湯先打邊爐！鍾意飲左先又得，直接打邊爐又得。我地揀左菜乾白肺燉豬骨湯底，鐘意食內臟（尤其是肺）既我地要爭食。。。啲肺好林 ❤️ 成個湯好清，冇乜油，燉湯真係好甜好好飲！媽咪都未必會成日煲，出街食飯竟然有得飲☺️ 飲左好多湯之後仲要打邊爐點算呢？佢地會幫你加返啲自家製豬骨湯。另一種風味，好飲，不過都係豬肺燉湯最正！象拔蚌簡直係成餐精粹！ 我地超得人驚，兩個人5分鐘就食左$588 🤣 因為真係太好食，食到停唔到。肉質好爽口，味道好鮮甜，聽老闆娘講呢隻係野生最高級既蚌，真係唔怪得咁好味。果日去做緊特價$588都平左$200 ☺️脆鯇片好新鮮，塊塊都好手掌咁大塊，落左

星期五晚跟同事到了尖沙咀，他向我介紹一間火鍋餐 — 漁火。得知漁火食火鍋味道出眾，所以我地特意前往。環境方面，大部分是car位令人坐得特別舒服。服務方面也很好。這間火鍋店的醬油及水也要另外收費。胡椒白果豬肚煲：以採用胡椒做湯底，味道惹味又夠香口，加上煲內既豬肚。豬肚林口，配合埋胡椒白果湯底令整體的味道一流！鮮鵝腸：鵝腸好大碟，帶少少肥膏。但在焯的過程，鵝腸的肥膏會慢慢除去。焯後鵝腸好爽口，果然是鮮，個人十分推薦大家！雪白鮮鱔片：同樣地大碟的鱔片，師博將鱔片開邊令每片鱔片大小相同。焯後，鱔片邊超級爽口，而肉質好鮮味而不是泥味啊！雙拼丸（手打鮮蝦丸、咸蛋豬肉丸）：雙拼丸可以嘗試吾同款式既味道，的確不錯。手打鮮蝦丸口感彈牙，蝦鮮味濃郁！另外咸蛋豬肉丸是我第一次所食的，咸蛋襄入豬肉丸中，令味道很惹味，而咸蛋不會有油淋淋的口感，也是不錯的丸款。魚皮鮫：每粒魚皮鮫的size也很大隻，皮的厚度適中，內裏為鮮豬肉。食落也滲出肉汁啊！

今日朋友約我去食漁火海鮮刺身火鍋，餐廳位於銅鑼灣駱京都廣場8樓！餐廳環境寬大，亦設有圓枱和卡位，很適合一班人聚會。天麻白芷魚頭鍋：呢個湯底充滿乳白色魚肉的精華，鮮香而不腥！而且這個湯有有治風邪，行氣活血等的功效 ，而且對男女合宜，湯底真材實料，除了有多款藥材外湯底下仲有大大舊的魚頭。打邊爐前當然要飲番碗湯先 la~鵝腸：餐廳鵝腸賣相乾淨企理，放入鍋 中大概15-20秒便可食用。餐廳鵝腸非常爽口！！而且拉得也很直，值得一讚，暫時是我食過最好食的。肥水大花甲：大花甲價錢唔貴($98蚊份)，但相當肥美厚肉！花甲花紋均一，味道鮮甜無比。爽彈脆鲩片：這個脆鲩片真如其名（爽），（彈），晶莹剔透的脆鲩鱼片鮮脆爽口，是吃火鍋必點的配料之一。鬼馬油條：這個餐前小食的鬼馬油條味道也相當不錯，炸至金黃色的油條配上蝦滑十分惹味。沾上泰式辣醬更能減低油條的油膩感。自家制韭菜餃：這個餐廳發自家制的韭菜餃包的十分貼實，而且大大粒絕對無偷工減料。自家竹蔗茅根：打邊爐一定要飲的絕對係竹蔗茅根！竹蔗茅根水味道清甜滋潤，而且還能幫助我地下下火。餐廳的價錢和用料CP 值都好高，值得再次光顧。

今晚相約一位好耐冇見既舊朋友出黎聚聚, 想搵個坐得舒服、交通方便、又可以慢慢食慢慢傾既餐廳, 就係網上搵左間評價幾高既漁火海鮮刺身火鍋, 經OP訂位, 仲有85折tim。餐廳鄰近銅鑼灣地鐵站, C出口過對面馬路就到, 方便又易搵!餐廳內設大部份長檯卡位, 桌面夠哂闊落9款醬油供客人自由混醬, 醬油每位HK$15   湯底款式主打滋潤養生, 揀左個【胡椒白果豬肚湯】 HK$98湯底呈奶白色, 上檯時已經聞到好重胡椒味, 忍不住打了兩個乞痴湯底胡椒味重, 飲落辣辣地, 豬肚份量既多, 林中帶爽, 容易咬開, 仲有大量蘿蔔片吸味【手切本地鮮牛肩脊】 HK$248 (中)牛肩脊肉質鮮嫩, 每片size都岩岩好放入口, 淡淡肉味, 而且夠林【鮮甜脆骨腩】 HK$78脆骨腩肉質札實, 魚皮仲非常爽口, 整體味道很鮮, 正!【鮮鵝腸】 HK$88鵝腸有肥膏連帶, 不過碌熟後, 肥膏會自己脫落, 夾上黎唔會有肥膏, 口感很爽啊【招牌雲吞王】 HK$88賣相包得很似小籠包, 熟後雲吞皮薄得很透, 咬開入面更發現有原隻蝦肉、韮菜、豬肉, 蝦肉爽口鮮甜, 果然真材實料!!除左火鍋配料, 仲有少量熟食供應【椒

有住在外國的朋友來港，所以便帶她去了吃火鍋。我選了這間銅鑼灣的漁火，不但位置吸引，在鍋鑼灣地鐵站對面，最緊要是經openrice 網上訂座全單有85折優惠呢！醬料每位 $15 吃火鍋較口喝，所以點了清甜的竹蔗茅根水 ($58) 解熱氣。湯底點了花膠響螺燉豬展 ($198)，原來味道非常濃郁，可以先當湯喝，品嚐後才加湯做火鍋。花膠同響螺份量也很多，絕對是真材實料。手切 prime 牛肉 ($238) 也是高級肥牛，牛肉鮮嫩，牛脂味濃郁，還有點入口即溶感。就算煮耐了，也不覺得硬或咬不香。冬菇釀墨魚（$88）較特别，把墨魚釀在冬菇內，上面還放了蟹籽，十分特别，而口感也很一流。但放在爐裡滾時要小心蟹籽掉進湯裡。水餃裡就吃得多了，自家帶子餃（$78）也是第一次吃。以帶子為餡料，啖啖肉的十分美味鮮甜。 也少不免點些蔬菜菜心苗（$38）

今晩同班中學同學嚟到銅鑼灣打邊爐，去咗漁火海鮮刺身火鍋。最大嘅原因係因為經openrice 訂座全單有85折！醬料每位 $15 花膠響螺燉豬展 ($198)湯底超好飲，好有老火濃湯感覺，材料都好足夠，花膠、響螺、豬展樣樣份量多又好味。店員會建議先飲用之後先打邊爐。油甘魚腩 ($108)除咗打邊爐，呢度仲岀名食刺身。我哋叫嘅渨甘魚腩夠晒新鮮，仲肥美甘香。仲有六片咁多添。即炸鬆脆響鈴 ($58)即叫即炸響鈴係每次打邊爐都一定要食，好鬆脆，浸係湯裡幾秒就食。清遠滑雞件 ($88)雞肉嫩滑，滾得夠耐所以有花膠響螺豬展湯味。爽脆王珊瑚蚌 ($138)珊瑚蚌份量好多，好快就熟，口感爽口，鮮味十足。

最近很喜歡看大眾點評的介紹這家漁火就是被强力推介的火鍋店位置方便就在食肆雲集的京都廣場火鍋店眼見非常乾淨而且梳化座位超級闊落印象加分不少今天整天工作還沒有吃午餐兩人立即點餐一張點餐紙兩面太多選擇最特別是各式刺身以至生蠔，香口小吃都有火鍋配料自然也很多甚至有內臟一欄 非常適合我商量後點了這些三文魚及油甘魚刺身4件法國生蠔湯底也很吸引選了滋補的花膠燉豬骨其實也很有保留膠質豐富的湯底做鍋底覺得會很難將食物煮熟不過湯底到了 其實也是很清的鍋底材料也是看得到的先喝湯 雖然不是很名貴的花膠 加上蟲草花龍眼煲還是很鮮甜喝了兩碗 很滿足!油甘魚肉身顏色有點暗但吃下去還不錯 火鍋店來說已很好了生蠔是喜出望外 比放題的要好至少蠔身結實還有少許海水鮮味牛骨髓也是買少見少的菜式牛胸爽實在沒有試過 原來長這樣不要以為白色部分是脂肪 其實十分爽口皇帝菜及萵苣 新鮮重量級的本地手切牛肉點了小份的已經很多好一個牛肉山丘牛肉也是鮮切的好味道也很推介竹蔗矛根水非常甘甜好味道侍應們都非常有禮貌也會推薦是日新鮮之選可惜同行者不愛海鮮下次也想試試麻辣鍋希望訂座85折的優惠仍在😚