漁火海鮮刺身火鍋

营业中

休息中

同朋友去左銅鑼灣shopping，因為想食好啲，見到呢間又有得打邊爐又有刺身食，就黎試下。我地前菜叫左份皮蛋，再叫左個鮮魚湯湯底，加一份牛頸脊（中），仲有雞件同蔬菜，之後再叫埋三文魚刺身同生蠔，食得好滿足。首先講下個前菜，皮蛋正常糖心，而個湯底好有鮮魚味，本身入面仲有豆腐，清清地又夠鮮。其次個雞好滑，好味！重點係牛頸脊，厚切，咬落去好爽，又口感又有牛味，超正！至於啲刺身更加係好意外，生蠔肉厚新鮮，三文魚一客六片，都好新鮮。環境好舒服，服務都好好，成日幫我地加湯，最後食左兩個幾鐘先走，下次可以再黎。

又係時候約我個港島friend出街食dinner😂今次又係佢發板揀餐廳，京都廣場近銅鑼灣MTR出口，方便我呢個新界居民返屋企舒服的卡位我們唔知揀咩鍋好，就揀餐牌上有推薦手指公仔的鮮魚清湯鍋$148 都幾鮮甜，魚味好重，我們飲咗2碗先至放其他料入去。呢個鍋底啲豆腐都幾多幾大舊，好滑叫咗半隻走地雞食，還可以啦海鮮、刺身、牛肉似乎係主打，我們就豪豪地食下蟶子皇啦，都$48一隻架，但係CP值高既，滑嫩無沙👍🏻滾熟咗既樣，都幾大舊個響鈴要$58，總共有6條，勁大條勁好味勁脆口，唔怪得佢在menu上零零舍舍放在左下角咁突出，原來係皇牌黎😂👍🏻食完好飽日本豆苗係唔多地方有，呢度戈啲就好鮮甜，同埋好大兜叫咗碟牛，$248，最後先上，好新鮮，紋理都好分明，好有口感，份量都多，配合埋烏冬、可樂一齊食好爽

今日放工鬆一鬆，臨時約左朋友食打邊爐。用了apps訂有85折。餐廳主打靚湯底，靚牛同靚海鮮。餐廳地點方便，餐環境企理乾淨,，坐得好舒服， 好岩聊天嘆美食。花膠響螺燉豬展 $198男女都好鍾意飲，好清甜香濃，材料靚又豐富。真係落足料同煲足咁耐。手拍青瓜$38因為個湯幾乎俾我地清底，所以要等新加既湯煲好要d時間。咁我地就叫左手拍青瓜食下先。 微辣，真正手拍。漁火特選牛盛薈見到都流口水，未煮已經好吸引，煮完更加吸引。果種油份係口中爆開既感覺。份量都唔少，4個share夠哂。比出面好多餐廳抵食，質素唔錯。一個拼盤有哂手切本地鮮牛頸脊, 手切本地牛邊位, 手切頂級PRIME牛肉, 一口和牛柳粒 同埋 極品牛舌芯等。食到飽飽好滿足手打鮮蝦丸 $78真三鮮蝦製造，食落啖啖蝦肉。蘇格蘭蟶子皇$48每隻48蚊，煮約下，肉離殼就食得架喇。好新鮮北海道蟹柳$48質素好，靚料。以上價錢未有85折，所以計落真係好平。坐得開心，食得舒服。係區內首屈一指既火鍋店。

呢間係最近食過最好食既一間火鍋店，好多火鍋店都係用味精做湯底。原來用老火湯做湯底打邊爐係勁好味架，食所以材料都可以保存原來既風味。今日有老有幼，我地叫左蟲草花響螺湯。材料豐富有響螺，花膠，魚肚，瑤柱，瘦肉，豬骨，鳳爪，蟲草花同桂圓。我自問自己就煲唔到 同材料成本超碼100蚊。 首先每人飲2碗湯，好滋潤。店員再加湯打邊爐，我地點既食物好快就到喇。漁火特選牛盛薈: 共有5款，牛舌芯, 牛頸脊, prime牛肉, 和牛粒, 牛邊位. 我最愛安格斯牛和牛頸肉，好有牛味。大花甲好新鮮，去哂d 內臟，回味無窮。帶子片食落好爽 ，彈牙。 黃喉厚厚既一塊，很爽。蔬菜籃有3種青菜和粟米，冬菇。很新鮮。誠意推介俾大家既餐廳。經openrice有85折 計落好抵食。店員服務周到，都係中年人，很細心。必試自家煲既湯底，很有特式和出面食落既很不同。

Gym完夜晚9點幾，煩惱緊食乜既時候，友人message黎話佢都係附近Gym完想一齊食飯，真係約都冇咁岩。難得咁耐冇見，當然要搵間開得夜又坐得耐既食肆，於是友人就提議黎呢度打邊爐，開到凌晨兩點之餘，9點半後更「全單8折」，咁吸引仲點忍🤩落住雨又涼涼地，最岩點番個胡椒白果豬肚煲 $98 黎暖下胃，湯底非常足料，胡椒味很重，豬肚又爽炸魚皮 $38非常趣口而且大大塊，唔似出面果D散收收👍🏼走地清遠滑雞件 $88脂肪比例較少，肉質嫩滑，補充蛋白質一流加州桂花蚌 $138鮮甜爽口，每條尺寸都有番咁上下，煮完唔會縮哂水漁火特選牛盛薈 $438五款牛肉，賣相吸引，脂肪均勻，不同部位，不同口感👅手切頂級PRIME牛肉的味道最濃郁、和牛粒的鮮甜口感、牛舌芯的爽口...各有千秋鹹蛋豬肉丸 $78手制肉丸，每粒內含鹹蛋黃但不會太鹹，肉丸彈牙，極級推介💯 油麥菜 $38魚腐拼魚片頭 $65總結：性價比超高的一家店

基本上一年365日裡，我應該有60日係會打邊邊，個個都叫我火鍋精，今晚成班朋友又去打邊爐呢間嘅火鍋用料都走高質路線，除咗鍋底夠特色外，仲非常新鮮，不特止啊！！先來個餐前小食糖心皮蛋開開胃今晚好友帶咗香檳及白酒嚟配海鮮，開瓶好抵啊都係$50，唔貴啦比起其他餐廳湯底選了鮮味十足嘅花甲海鮮魚湯鍋，用嚟食以下嘅海鮮拼盤啱哂呢個「龍皇珍寶海鮮拼盤」性價比好高，入面有大大隻新鮮彈牙龍蝦，仲有大花甲、海蝦、扇貝、海班塊、珊瑚蚌都係$688，每款海鮮都勁新鮮啊仲有好多活海鮮，呢條活魚刺身勁新鮮啊，𩶘魚肉質偏爽彈帶點煙韌，魚味都唔錯個魚頭魚骨仲可以炸埋嚟食，鹹香酥脆又可口，送酒一流手切牛頸脊夠哂鮮嫩紅卜卜，牛肉脂肪恰到好處，食落牛味好出又帶油花香味白鱔片大大片勁新鮮，入口又嫩帶彈性手打四寶丸都唔好錯過，粒粒都勁大粒又新鮮手打，墨丸、豬肉丸、牛丸及蝦丸，各取所需，手打特別彈牙啊鵝腸洗得好乾淨，烚一陣就食到美味爽口另外都推介黑柏葉、牛心椗及桂花蚌宜家經開飯網訂座有85折，九點後仲係8折

三五知己去火鍋店就最適合不過了，有朋友介紹銅鑼灣漁火海鮮刺身火鍋店。先來一個胡椒白果豬肚煲 $98，胡椒味好香濃，仲有大量豬肚白果，未開始放食物前，可先喝一碗，感覺不到味精。漁火特選牛盛薈 $438, 這個必點的，可以試到牛舌，牛柳粒及不同牛肉的部位，牛告彈牙，牛柳粒充滿鮮甜牛肉汁，一片片的安格斯牛好鮮嫩，牛脊肉連筋在一起，質感更非凡。深海龍躉斑片 $168，斑片厚薄適宜，斑片快熟，亦顯鮮甜，沒有骨，啖啖肉，好滿足。蒙古肥羊片 $98，羊肉片薄薄一片，羊之羶味盡現，愛食羊首選。炸魚皮 $38及即炸鬆脆響鈴 $58，兩樣均是火鍋熱選配料，響鈴即炸，香口無油益味。自家韭菜餃 $68，餐廳自家製，餃子肥大，內裏的韭菜香口新鮮，好味。鹹蛋豬肉丸 $78，豬肉丸就食得多，手打豬肉丸內加入鹹蛋，蛋黃少少流心，鹹香味在豬肉內四溢，夠特別，亦有媽媽鹹蛋蒸豬肉的住家感覺。我們還有叫了黃金魚片頭 $55 （半份），順德魚腐 $48 （半份），都好出色。飲品選擇唔算多，清熱解渴的竹蔗茅根 $58或鬼佬涼茶Hoefaarden 生啤(S) $38，是不錯選擇。餐廳九點後宵夜時段九折，九點半後八折。我們剛剛要等

有朋友生日，首選一定是火鍋，但又不太想吃任吃的，任吃很多都是沒有質素，在Openrice 見到這間在銅鑼灣的漁火海鮮刺身火鍋，好評如潮，見到晚上9點後有85折，9點半後有8折，非常吸引，所以就決定試試。我們晚上來到餐廳已差不多滿座，餐廳雖然不算太大，但座位都非常闊，坐得很舒服，有多個湯底可以選擇，最後我們點了胡椒白果豬肚煲 $98、炸魚皮 $38、極品牛舌芯 $98、蒙古肥羊片 $98、走地清遠滑雞件 $88、深海龍躉斑片 $168、加州桂花蚌 $138、順德魚腐 $48、鹹蛋豬肉丸 $78、自家韭菜餃 $68、即炸鬆脆響鈴 $58、油麥菜 $38、Hoefaarden 生啤(L) $68。胡椒白果豬肚煲 – 湯底極香濃，上檯後一陣陣胡椒香氣撲鼻而來，白果豬肚份量十足，火鍋最緊要湯底夠香，沒有味精，這個湯底已是100分。炸魚皮 -香脆爽口，脆度十足，有一點點新鮮魚味，,而且不會太碎，每一塊都很完整。極品牛舌芯 - 吃起來嫩帶嚼勁，味道不錯！蒙古肥羊片 – 我自己個人就比較喜歡羶味的羊，這個肥羊片亦滿足我要求。走地清遠滑雞件 – 口感較結實，肉質嫩滑。深海龍躉斑片 -魚肉結實、沒有骨，正

這間位於銅鑼灣的火鍋刺身餐廳實在滿有驚喜！除了火鍋以外，還有多款種類的新鮮刺身供應。可說是一間餐廳滿足了兩個願望！泰式生蝦：爽口鮮甜，肉質富彈性，再配上點點的生蒜和辣椒，實在回味無窮！火鍋湯底是任何食物的靈魂，我們選擇了自家鮮魚清湯鍋作為是晚湯底，魚香味濃郁，同時亦提升了所有海鮮的鮮味。而且我認為魚湯沒有味精，因為整晚及翌日早上完全沒有口渴的感覺。手切Prime牛肉：牛肉味特濃，脂肪和牛肉的比例均勻，是吃火鍋不能缺少的高質食物！雪白鮮鱔片：鱔片又肥又厚，極具嚼勁，鮮味十足！肥水大花甲：體型比一般花甲大，肉質非常鮮嫩爽口，性價比甚高！漁火特色四色丸：人手打成，款款彈牙鮮甜！我最愛的分別是蝦皮蝦丸及鹹蛋豬肉丸。蝦丸又甜又多汁，豬肉丸和鹹蛋更是完美的配搭。即炸鬆脆響鈴：是餐廳高質的自家製食物！食材採用高質腐皮，經由廚師即叫即炸，只需放入湯底1秒便可進食！極之鬆脆美味！

今晚和認識了十年的老朋友首次打邊爐，地點選擇了在銅鑼灣這個鬧市。泰式生蝦蝦肉晶瑩剔透，肉質結實，配上蒜頭辣椒， 非常惹味。牛肉肉質鮮美， 口感滑嫩，CP 值很高。實在很欣賞這道雪白鮮鱔片，切得厚薄適中，不消一分鐘即可品嚐，肉質彈牙。廚師將大花甲清潔得很乾淨， 只需灼30秒， 吃得出花甲相當新鮮。手打四色丸相當不俗， 特別欣賞鹹蛋豬肉丸， 味道香口， 有兒時食鹹蛋肉餅的感覺。老闆特別推介的即炸脆響鈴，上枱時熱辣辣的， 響鈴炸得非常鬆脆，吃得出豐富豆香，不錯不錯！

漁火招牌麻辣鍋$148,胡椒白果豬肚煲$20雙拼鴛鴦鍋超抵，加多20蚊就可以拼多一款湯底。胡椒豬肚湯飲落暖粒粒，好滋補。麻辣鍋我同朋友雖然叫了小辣，上黎之後，店員很貼心問我地若有需要加辣可同佢哋講。肥水大花甲 $98一碟有6隻，全部都超級肥美，搭配豬肚湯食，養生又鮮甜。鬼馬油條 $68下層是爽脆的油炸鬼，上面是彈牙的墨魚同蝦滑，成塊食落簡直係另類油條呀，又脆又軟，出奇地搭！爽彈脆鯇片 $68很新鮮，塊塊晶瑩剔透，祿幾秒就食得，冇咩骨同好彈牙。清遠滑雞件 $88肉感很滑，有咀嚼感，搭配醬料沙茶醬食更是一流。鮮打靚蝦滑 $88蝦粒鮮明，果然真材實料！自家韭菜餃 $68超飽滿叫韭菜餃，皮薄餡多，超滿足。自家竹蔗茅根 $58醬料 $15/位

朋友都知我好鍾意飲老火湯，所以今晚帶我嚟呢間用老火湯打邊爐嘅火鍋店食飯。餐廳喺銅鑼灣鬧市嘅樓上舖，有卡位坐又有電視睇，同朋友坐得舒服之餘又傾得開心。今次朋友俾我揀個湯底，本身諗住揀佢個魚頭湯，但又見好似好耐冇飲過菜乾湯，所以就決定揀呢個。果煲湯都幾大，而且湯料都好足，又菜乾又雞腳又豬骨咁，煲岀嚟個味好鮮甜。我足足飲左六、七碗先收手，因為我太鍾意飲湯啦!火鍋配料就揀咗手切嘅本地鮮牛頸脊、鮮魚卜、韭菜餃。打邊爐當然要嗌啲下火嘅嘢飲，竹蔗茅根係一個好唔錯嘅選擇。一"jar"夠我哋每人飲三、四杯。講返啲火鍋配料先，個牛頸脊我地叫咗中size，但原來都有好多。牛肉嘅脂肪分佈平均，食落有好重牛肉味。魚卜一向都係我嘅最愛，呢度有得食當然要揀啦!上菜時店員仲提醒我地記得要篤穿咗先放入湯到整，仲附有竹籤俾我哋用。睇得出魚卜好新鮮，而且幾鮮甜。呢度嘅韭菜餃餡料好多，粒粒都脹卜卜，韭菜味都幾濃。如果有機會下次要嚟試魚頭湯打邊爐。

去到呢間樓上火鍋店，店仔細細，門面有少少台灣加日本嘅feel怕打邊爐熱氣上火，特登搵個滋潤啲嘅白肺菜乾湯底，原本以為佢求其加啲菜同埋豬肺落去，點知原來係根竹時間嘅老火靚湯，我哋飲咗好幾碗，食咗啲豬肺先至開始打邊爐想食得健康啲先將唔同嘅菇菌類加咗入去煮先，吳家肉入去住唔使比佢哋熟晒啲肥油，全部菇菌都好新鮮因為友人鍾意食手打丸，所以點左個四寶手打丸個豬肉丸中間仲有鹹蛋黃佢係一間海鮮火鍋店今次唔點海鮮住，鮮食下佢個脆肉鯇魚腩，好爽口好新鮮佢個門口仲有個雪櫃專門放生蠔，下次喺要食下。今次朋友用openrice 訂位，埋單仲有折扣。

很久未試過打邊爐點的海鮮跟牛併盤都令我眼前一亮，今晚跟幾位朋友到銅鑼灣打邊爐。湯底是花膠雞翅，又清又鮮，雞嫩冬瓜又消暑。重點海鮮盤種類很多，亦很夠份量：有本地龍蝦、珊瑚蚌、龍躉 、大蜆、新鮮海蝦...本地龍蝦多肉、清甜，肉質很爽；海蝦夠彈牙又鮮味；珊瑚蚌灼一灼已經可以吃，大塊而不老，絕對不是在咬橡皮。漁火特盛牛雜薈有4種不同的牛：手切本地牛頸脊、牛邊位、頂級prime牛肉、一口和牛粒、牛舌芯。我最喜歡一口和牛粒，牛脂很香又嫩又軟；牛舌芯夠薄，比較爽，沒有牛穌，好吃！其他的牛肉一看也知道是好品，味道鮮嫩，肉味香濃。除了2個大併盤，乜點了我最愛的脆肉鯇片，比我想像的要大片，魚肉精透，灼一灼就可以食，魚味香，味道鮮，口感爽。總體來說，質素高份量大，可能一去再去的火鍋熱點。

友人於openrice見到這間餐廳的火鍋八五折的優惠，而且見到有好多人讚好，所以便訂了枱試試。餐廳位於食肆林立的京都廣場，餐廳不算很大，座位舒適唔會好局促。知道這裡除了打邊爐出色，刺身都不錯，於是我們先點了刺身試試。什錦刺身(細)($288)，什錦刺身包括了三文魚、油甘魚、帶子和北寄貝。刺身新鮮，厚薄切得剛剛好。食完刺身就打邊爐啦!菜乾白肺燉豬骨($168)，友人中意飲湯，所以就揀左個老火湯打邊爐。第一次用老火湯打邊爐原來又唔係好差，初初以為會好淡，但這裡的湯好足料，一大鍋入面有好多湯料，包括有菜乾、白肺、豬骨、瘦肉同埋雞腳，所以好入味!雞腳已經煲到好淋，所以應該是煲左好耐。湯很清甜，沒有味精。我同友人落火鍋配料前都飲左3-4碗湯!走地清遠滑雞件($88/例)，雞件多肉嫩滑，好有雞味，而且份量也不少!肥水大花甲($98)，這裡的花甲比平時打邊爐食的大，食落冇沙啖啖肉，非常新鮮!時令什菜籃($78)，什菜籃份量都幾多，包括有白菜、菜心、西洋菜、冬菇和粟米。菜很新鮮，沒有爛，估唔到呢個湯底都可以咁好味!總括黎講，餐廳食物質素好，環境舒適，有機會會再黎打邊爐!