滿漢金鍋 (已結業)

唔知點解身邊好多朋友都鍾意打邊爐，所以我同朋友今日做完野又去滾啦見到銅鑼灣開左呢間滿漢金鍋，所以就試試佢啦我地叫左個招牌豬骨清湯，裡面有大蔥，娃娃菜同雜菌肉類我地叫左肥牛粒同埋肥肉片加一份黑豚肉，兩者都擺盤精美色澤紅潤，肉類既質素整體都OK然後就係三寶丸，分別有蝦丸、墨魚丸同埋豬肉丸岩哂我地呢D鍾意試多幾款野既人，所有丸類都係自家製大大粒，都幾彈牙另外好耐冇食過鵝腸，於是叫左一碟估唔到個份量都幾多，好肥美既鵝腸，煮一煮就食得最後我地叫左蔬菜拼盤，竟然仲有淮山同埋芋頭，另外仲有娃娃菜，菜心同唐生菜蔬菜全部都好鮮，食完就同朋友離開了

朋友轉工之後話要請食飯，但因為疫情關係一直未有機會，最近佢物色到一間質素好高嘅火鍋店，難得復活節假期大家都有空檔，當然要出嚟聚一聚。火鍋湯底同配料選擇豐富，特別係湯底，有唔少比較少見嘅配搭，自家熬製，真材實料。想食得健康同清淡少少，朋友提議揀招牌豬骨清湯，果然冇介紹錯，豬骨湯底呈奶白色，味道鮮甜，而且一啲都唔油膩，仲加入唔少野菌，令湯底更香。自家製嘅鮮蝦雲吞餃同鮮蝦西洋菜餃同樣吸引，粒粒飽滿，即叫即包，同一般火鍋店食到嘅現成急凍餃子自然冇得比，而且用上大大隻嘅鮮蝦，咬落去非常鮮味彈牙！手切肥牛片非常優質，見到綿密嘅雪花已經令人垂涎欲滴，入口牛味濃郁，略咬幾下油香已經充滿成個口腔，令人滿足！農場滑雞係朋友推薦，一般食火鍋好少可主動叫雞件，但呢度嘅滑雞絕對令人改觀。雞件肥瘦適中，而且非常新鮮，味道鮮甜之餘肉質嫩滑，半隻雞嘅份量對我哋兩個嚟講綽綽有餘。最後當然唔少得清熱解滯嘅菜籃，皇帝菜份量好足，色澤翠綠，非常新鮮。火鍋食得多，難得遇上咁用心嘅火鍋店，湯底落足心機，食材新鮮，同時店員服務亦好貼心，非常推薦！

呢日同好耐冇見既朋友gathering，我地去左一間新開既火鍋店去打邊爐。餐廳既環境都唔錯。湯底方面，我地點左個濃味茄蓉湯，番茄味好香濃，唔錯！可以自己調配啲醬汁。肉類方面，我地點左手切雪花霜降肥牛，肥牛油脂分佈得好靚，擺落湯到滾幾滾就食得，有好香濃既牛肉味。另外仲點左碟黑豚豬，一樣咁新鮮好味。呢度亦都有好多火鍋料可以選擇，我地點左啲手打丸同埋餃子，好高質。仲有個蔬菜拼盤，夠哂健康。飲品揀左檸檬薏米水同埋三花茶，好養生。呢度既lunch set都好抵食。

.京都廣場一向都多嘢食嘅,今日發現原來樓上多咗一間新嘅火鍋店,身為火鍋發燒友當然要入去試吓 ! 先來一盤頂級手切牛肉片，佢哋嘅牛肉比較厚 鍾意有咬口嘅人可以試吓叫呢一款，湯底方面叫咗港式麻辣湯～雖然個名係港式～但係食落去都有少少台灣麻辣燙嘅味道～而且仲好夠味十分之濃郁什錦蔬菜籃入面有不同蔬菜，生菜、菜心、金菇,蘿白。。。自家製餃鮮蝦雲吞餃好好味，推薦大家除咗火鍋之外，仲食咗成條絲臘刺身，魚肉新鮮爽甜，無魚腥味

感覺最近經常吃火鍋，因為火鍋的配料夠多元化，就算經常吃也不會覺得悶。餐廳面積很大，座位闊落，打邊爐用的是卡式爐。⭐️墨汁濃湯吊桶鍋（魚湯）$148一鍋黑漆漆的湯底，原來是墨汁鍋，入口沒有太濃的腥味，反而有淡淡的鮮甜。另外還配了一盤墨魚，入口新鮮爽脆。⭐️美國雪花霜降肥牛$188一片片薄切霜降肥牛，油花分佈密密麻麻，入口肉味濃郁，我很喜歡。⭐️豬潤$78我最喜歡這道豬潤，入口帶點微脆，很新鮮呢！⭐️羊肉片羊肉一度被我以為是豬肉，入口沒有羶味，口感跟豬肉差不多。⭐️四寶丸有墨魚丸、蝦丸和梅菜丸，我最喜歡是蝦丸，入口蝦肉微彈，有鮮味。⭐️蔬菜籃火鍋少不了蔬菜籃，有南瓜、金針菇、生菜等。

今日黎到銅鑼灣打邊爐，呢度環境好乾淨，而且座位亦都好闊落。前菜叫咗一個話梅涼瓜，初頭以為涼瓜入口會好苦啦但原來呢款菜式你嘅做法會令涼瓜入口會有少少甘香同埋甜甜地。湯底叫咗一個龍袍豆乳野菌鍋，呢度嘅湯底冇落味精，飲落格外清甜，自己都飲左兩大碗。跟住叫咗一碟雪花肥牛片，牛肉雪花分布平均。鵝腸夠新鮮擺落個湯底淥一淥就食得，入口一啲都唔會韌，同埋都幾爽。三寶丸質素唔錯，梅菜豬肉丸、墨魚丸同埋牛丸。梅菜豬肉卷呢個口味幾特別第一次試，墨魚丸同牛丸都好有口感，入口彈牙。

昨晚榮幸獲得朋友邀請到位於銅鑼灣黃金地段之店舖品嚐火鍋！餐廳服務好可從為客人準備貼心之口罩袋, 提醒客人要掃安心出行二維碼, 及為忘記掃的客人遞上二維碼可見.餐廳選用自家製之濃湯火鍋, 我們選了芫茜皮蛋馬蹄湯鍋, 好處是能夠品嚐到食物的真正味道, 而且這個鍋底也是落足料的.第一推介---頂級手切肥牛---有肥有瘦的位置, 只需要一灼, 入口嫩滑, 非常新鮮味美, 可以比美日本和牛, 值得一試.第二推介---手切牛歡喜---外表看去好似象拔蚌, 只是沒有冰鎮上, 只要灼致皺起, 入口即溶, 比象拔蚌更美味, 值得一試.第三推介---手打黑松露芝心丸---全放入湯鍋灼熟浮起, 急不及待要品嚐了, 先咬一半肉質彈牙鮮味伴隨點點黑松露, 看到中間的白色芝士醬汁流出, 再放另一半入口, 肉質同芝士汁溶合, 非常美味, 值得一試.(先咬一半之食法可防止中間的芝士流心灼傷條脷）最後, 為品嚐鍋湯而叫了一個生麵來伴, 鍋湯差不多給我們全部喝了下來, 就知道鍋湯有幾好飲啦, 而且飲後1-2小時也沒有口喝感覺.餐廳選擇了一隻非常合香港人口味的澳洲紅酒作為House Wine, 我差不多一個人飲左一支.餐廳

食咁多唔同既菜式，對小編而言，其實圍爐大家朋友聚會，打邊爐一邊烚下烚下真係一個好好既選擇。小編去左依間位於銅鑼灣既新中菜館，一打開𨋢門見到一大塊既山莊庭園流水牆係自己面前，仲有d白煙漂出黎，真係o曬嘴，咁裝潢既表面，已經令到小編想嘗試下佢地美食既質素。/小編叫左港式麻辣湯鍋，湯唔會就係得死辣，味道都算濃郁帶鮮甜，而且d食物浸泡左係湯入面，已經有好濃郁既鹹香麻辣味。辣度方面，都算偏小辣，如果就係食dd辣既朋友仔可能未必接受，可以再嘗試佢地既花膠/椰子肉沙嗲湯，見隔離檯叫左都好似幾吸引。/野食方面小編就左佢地打邊爐必備既，牛魔王拼盤，墨魚丸，自家製三寶餃等。/牛魔王拼盤 7⃣️點5⃣️分拼盤包括美國雪花肥牛、牛胸爽、安格斯牛等，各款都各有千秋，例如雪花肥牛油脂分佈得恰當好處，食落d肉汁好多好juicy，然後安格斯牛就好鮮甜有嚼勁。/墨魚丸&自家製三寶餃 7⃣️點5⃣️分將佢地一齊講係因為兩者口感比較相似，都係爽口彈牙，肉質甘脆爽口，而且因為辣既關係，更顯露到佢既麻辣鮮香。/荔枝檸檬梳打&蜜桃紅茶梳打 7⃣️點5⃣️分長身高杯總係帶著點點貴氣的感覺，然而因為有水果和裝飾用牙籤的陪襯，份外加上左小小可愛咁。兩杯甜感

#哈比四圍食 #銅鑼灣 #銅鑼灣美食😆😆😆又打邊爐啦🙈一年四季都係打邊爐嘅好日子😁今次同朋友去咗一間地點好方便喺銅鑼灣嘅火鍋店，我哋嗰日去嘅時間都尚早，所以餐廳入邊未係好多人☺️🍲 蕃茄昆布豆腐銀魚湯$88當然例牌試一試個湯底先😋蕃茄味好濃郁酸度啱啱好，同埋你聞落係有一種好香嘅魚味，因為面層有好多炸過嘅銀魚仔，雖然話係湯底，但係湯底超足料，除咗有蕃茄、銀魚仔，仲有昆布、豆腐，所以令到蕃茄湯酸酸地之餘仲有少少甜味，酸中帶甜嘅感覺，飲多兩碗好開胃🐮 美國雪花肥牛 $188油脂豐富，一入口就係好濃嘅油香味🦐 鮮蝦雲吞 $79自家製嘅雲吞，皮夠薄，餡料脹卜卜，蝦肉夠夾口又新鮮🍡 三寶丸 $108最鍾意流沙墨魚丸😋一咬開啲流沙鹹蛋就好似爆出嚟咁，鹹蛋嘅鹹香味又有墨魚嘅鮮味🍹 荔枝梳打 $28打邊爐係要飲啲有汽嘅飲品，gur一gur下先爽😁.

同朋友又去打邊爐. 今次選左個麻辣湯底， 係default 辛辣度無得自選。 一開始唔覺得辣，不過愈煲愈惹味香辣。如果怕辣都唔駛驚，可以同店員request 加湯咁就唔辣啦醬油 麻醬同其他調味配料齊全每次打邊爐唔少得嘅緊係牛肉，雪花紋理超吸引. 入口口感超軟嫩. 同麻辣湯底絕配而佢個薄切黑毛豬都好推薦，口感個軟嫩程度同個牛肉有得揮. 完全無任何豬肉騷味. 朋友話覺得呢碟豬仲正過牛叫左佢地手打丸同餃子. 聽番店員講，原來所有餃子同丸都係超新鮮佢地自家製。特別係個餃子係接單先即包，皮薄餡勁足料. 選左一款蝦餃同韭菜餃，前者大粒蝦肉，中間肉香juicy. 後者帶香濃韭菜味都好好食. 其實有時自己屋企都會包韭菜鮮肉餃食不過個韭菜香味都無呢個咁出. 而肉丸分別有鯪魚丸、墨魚同蝦丸. 各自香味都好出新開呢排全單有8折仲送左個個蔬菜籃，其實菜就最索湯汁. 每條菜熟左都汲滿香口麻辣湯. 好鐘意佢每樣菜都有，娃娃菜 菜心 西洋菜 冬瓜 南瓜 等等. 而佢個南瓜真係好香甜同呢個湯好match朋友仲叫左碟鵝腸同鴨粉腸. 我自己就唔係好食腸，食左條鵝腸口感都好爽彈. 朋友就話鴨粉腸都唔錯.臨走見到佢lunch

最近發現銅鑼灣開咗間食火鍋嘅店，午市$68起一人一鍋，包3款配料、麵同飲料，唔夠食仲可以再加配料，每款都係$8，係銅鑼灣鬧市都幾抵食。我地索性隨心咁嗌哂我地想食嘅野。我地兩個都要咗蕃茄湯底，蕃茄湯超濃郁，每樣野食都可以吸哂蕃茄湯嘅精華，酸酸甜甜好食。飲料要咗紫貝天葵同檸檬薏米水。紫貝天葵酸酸甜甜，而檸檬薏米水較重薏米味，酸味不突出，就算驚酸嘅人都可以飲檸檬薏米水。兩杯特飲都好清爽，岩哂打邊爐飲。環境相當闊落，坐得舒適。

有一天在銅鑼灣行過突然看見滿漢金鍋，應該是新開便試試，因為最鍾意打邊爐。餐廳提供不同種類嘅湯底很創新，很吸引，但第一次試，本人比較想試傳統嘅麻辣鍋，因為本人最愛吃辣。一坐下，便有多款醬料提供選擇。麻辣鍋一上枱，便香噴噴，麻辣嘅香味四溢，令人食指大動。首先叫了這個三寶丸，有鯪魚球，蝦丸和梅菜豬肉丸。鯪魚球很新鮮，質地不像外面嘅鯪魚球，這裏的鯪魚球很新鮮。蝦丸十分彈牙，蝦味很濃。最特別是這個梅菜豬肉丸，豬肉丸不僅彈牙，梅菜味亦提升了豬肉丸的層次。再來肥牛是今次打邊爐的主角。雪花紋勁多，淥幾秒入口即溶很好吃。配以麻辣鍋的湯底雙重口感，簡直是一大享受。另外餃子亦是重點，用料十分足夠，餃子淥耐了亦不會散，咬落去很有口感，而且還有一整隻蝦，抵食。我與友人亦叫了滑雞片，雞片一上枱便知道是很滑的，果然淥耐了亦不失口感，很嫩。在滿漢金鍋整體的用餐經驗十分好，而且店員態度親切，時刻前來問食物質素如何，有沒有其他的需要，很溫暖，而且亦會推介他們的食物，讚。滿漢金鍋價錢合理，火鍋愛好者必定一試。

🕰️用餐時間：19:00-21:45 👥人數：2人 火煱店環境清靜，服務良好，適合聚會。整體而言，食物新鮮，調味料選擇多。豬骨濃湯湯底店員說，這湯是煲的，非調味包調出來的，所以建議我們盛一碗試試。果然，味道很真很濃，一點也不鹹；湯裏有冬瓜及蒜頭，亦有胡椒去腥。雖則吃了不少肉，但沒有太多油蒲面，便也沒有撇油；而臨離去前，忍不住再多喝一碗。肉丸分別為梅菜、鯪魚、墨魚（下圖由下至上）。梅菜肉丸最特別，其他地方很少見，梅菜的鹹味恰到好處。鯪魚球和墨魚丸很是彈牙，前者味道更佳。薄切肥牛及鱔片 兩者都切得很薄，所以「淥一淥」就可以食了。肥牛很有「牛」味，入口即溶，一點也不膩。個人更欣賞鱔片，很少有這麼薄的，薄得魚骨變成骨屑，完全不用吐出來，可以安心地「大大啖」咬；味道當然也很鮮的。其他（准山、腐竹、鵝腸、豬腸）准山尤其好食！薄薄的一片，挺爽口，質地一點也不「粉」。鵝腸也十分好吃，些許「肥膏」更濃味。另外點了2杯檸檬薏米水。

銅鑼灣這間滿漢金鍋做緊全單8折！的確幾抵食，所以叫野食都鬆手d!!餐廳環境幾闊落，有卡位坐得幾舒服，而店員都幾nice!!order紙都有好多款食物，價錢都唔算貴，我地就叫左蟲草花花膠杞子雞湯鍋，半隻大雞已經夠哂大份，雞肉都幾嫩淋！個湯頭幾滋潤，花膠既黏度好高，夠哂潤！鴨粉腸，不得不讚！鴨既油香完全揮發出黎！但唔會過份油益！只會食出鴨既香！ 超驚喜既食材！美國雪花霜降肥牛，色澤夠紅潤帶光澤，油脂分怖平均，輕輕放在滾湯10秒就食得！牛味幾香而質感都嫩滑，再配上青葱一齊食，絕配！另外叫左鮮牛肉，質感更加爽彈，紅紅潤潤，都十分好食！岩哂牛既愛好者！黑豚肉比較薄切，所以都好快熟！幾香而且唔會乾身！幾有咬口，好食！芥末手打牛丸，真係夠哂爽彈！質感幾好而且夠噱頭加入wasabi更增惹味感覺！脆鯇骨腩片非常新鮮，魚片帶光澤感！食起上黎夠哂爽脆！魚肉又夠鮮！必叫！全單8折性價比極高，又有服務，又好食！會再encore!

活在當下，珍惜可以出街食晚餐既日子，來到京都廣場，對自己好點，挑選了滿漢金鍋。入到去，中間一座靚靚水池盆景。座位舒適寬敞，選了卡位坐。碗碟顏色好靚雅緻，好襯餐廳高檔格局。望望餐牌，好多正湯底，如花膠松茸乳鴿濃湯鍋,茄茸香賓龍蝦鍋。我地就叫左個番茄昆布豆腐銀魚湯。前菜為開胃酸梅涼瓜酸酸甜甜，滋味食唔停牛魔皇拼盤一次過食曬安格斯牛粒，美國雪花肥牛，牛胸爽，牛展。安格斯牛粒肉味最香，美國雪花肥牛肉嫩口感佳，牛胸爽夠曬脆。蔬菜拼盤有西洋菜，菇類，冬瓜，紅蘿蔔，冬瓜和蘿蔔切成花🌸狀，好有心思，賣相吸引，味道方面，菜鮮味甜。手打墨魚丸 鯪魚丸手打丸。墨魚丸咬落去陣彈牙鮮味，甚有口感。鯪魚丸魚味鮮甜，驚喜既系有陳皮，好有心思創意，美味食唔停。飲品方面，選飲紫貝天葵，檸檬薏米粥，好喝，紫貝天葵微酸。檸檬薏米水去濕好選擇，清新可口。整體而言，無論食物和環境都有質素，用心經營的優質餐廳。