滿漢金鍋 (已結業)

今晚我哋一行四人嚟到銅鑼灣打邊爐，星期日嘅夜晚真係好full，唔訂位應該冇位。有多款火鍋配料選擇，應有盡有。黑蒜什菌雞湯鍋 - 好清甜，有黑蒜香味，但什菌較少。頂級手切肥牛片 - 一睇啲雪花就知唔係普通肥牛，肉同脂肪嘅分佈恰到好處，牛脂味濃郁，必試！黑豚肉 - 肉質嫩滑有豬味，啱曬唔太好牛嘅朋友。鴨粉腸 - 平時好少食內臟，第一次試，口感有趣。手打丸類 - 叫左幾款丸類試下，有梅菜土尤豬肉丸，鯪魚球，墨魚丸同牛丸，果然比一般出面食嗰啲更加彈牙。其中梅菜土尤豬肉丸最特別同最口感豐富，下次會再嗌。自家製餃 - 有韭菜餃同鮮蝦雲吞，餡料豐富，但餃子皮有點厚。蔬菜拼盤 - 像花籃般的賣相十分吸引，包括咗白菜仔、油麥菜、娃娃菜、粟米、蕃茄、金菇同雞髀菇等等芝士腸 午餐肉紫貝天葵 - 酸酸地非常解渴，打邊爐飲真係一流！

話說已經好耐冇出過街打邊爐，今次我哋去左銅鑼灣鬧市之中，揀咗一間比較舒服環境好好嘅火鍋店。佢環境真係10分好，間隔亦都唔錯，食客都坐得好舒服！打邊爐點少得個湯底，今次我哋就揀咗唔辣嘅蕃茄湯，但佢入邊都有好多唔同嘅材料，我自己就最鍾意食入邊嘅蘑菇，要成個湯都酸酸甜甜，好鬼開胃佢啲牛肉豬肉都非常之新鮮，份量唔會太少！我自己最欣賞嘅就係佢嘅豬潤，因為佢啲豬潤係新鮮豬潤唔會有腥味，同埋仲會用冰凍住！跟住仲有好多唔同嘅新鮮肉丸，我自己最深刻係鯪魚球，因為已經好耐冇食過啦！

知道京都廣場多野食就去望下有咩岩，見到火鍋有d心動於是lunch 都照食，輕輕鬆食個一人一鍋，配料亦都唔貴所以叫多左幾樣配料都唔心痛。一個叫左蕃茄湯一個叫左沙嗲湯!兩個個湯都好飲好濃郁，神奇地個湯冇好快蒸發晒仲愈煮愈濃亦唔會好油，立刻將所有豆卜，菜，麵，加晒入去吸湯汁。食材配料新鮮同埋質量都唔錯，雞件幾滑，午餐肉好厚切，豬皮爽口，凍豆腐口感都幾特別。個餐連埋野飲，打邊爐就一定飲汽水啦!環境非常大而且都有訪問介紹過，我估夜晚黎食應該仲正。宜家食完一次拎住張單一星期內再食晚市仲送酒或蠔!

放完大假之後個人冇晒心機返大少見我今朝咁早起身就要返工應承收工帶我去食好嘢補償番😂今日帶左我黎銅鑼灣吃好西平時打開邊爐都係食任食多今次大少剛出糧，試到依間貴野去到餐飯，店員安排左卡位比我地坐得好舒服，環境舒適寬敞我地選左「龍袍豆乳野菌花膠鍋」真係岩曬我呀！媽呀！是花膠呀！重要有4大條tim呀😍豆乳味好香同濃郁，強烈要求要試左個湯底先湯底亦好花心思，用左腐竹去包住d什菇賣相一流，絕對是打卡一大重點大少身為牛魔王，又點少得牛喎選左個拼盤（雪花肥牛、牛胸爽、牛舌、牛柳粒）牛舌食落爽口彈牙，而牛胸爽實屬罕見，連牛魔王既大少都係第一次食，咬落亦是彈牙爽口，最初還以為是脂肪。滑雞亦是不錯之選，沒有冰鮮味，但略嫌雞件偏大少許。三寶丸之中，我覺得最特別是梅菜土尤豬肉丸，打邊爐食梅菜真係第一次，但完全無唯和感。檸檬薏米水，甜甜地，岩曬打邊爐飲，重可以去埋水腫，是女士恩物tim

好耐無打過邊爐啦 今晚就去左開業唔係好耐 做緊新張7折既滿漢金鍋試下🤩 地方好大 卡位都勁大張 好舒服🤪 最令人期待既一定係佢哋多款特色湯底 每款既配搭都好吸引 我哋今次就試咗蕃茄昆布豆腐銀魚湯鍋🤤 店員提我地滾起後要先試下頭啖湯 之後先再加湯打邊爐👅 果然真材實料 清甜嘅蕃茄昆布豆腐湯配上鹹香既銀魚 令人飲完一啖又想飲多啖😍打邊爐又點少得牛肉 今次我哋就好貪心咁揀左牛魔王拼盤🤫 入面有齊美國雪花肥牛 牛胸爽 安格斯牛粒同牛脷😋 牛胸爽係火鍋大熱 唔係好多餐廳有 淥幾下就食得 好爽好味🤩 另外薄切牛脷都好吸引 牛味香濃👍🏻除左牛肉 我哋仲點左獅頭鵝腸 豬頸肉 海中蝦 4款手打丸同蔬菜拼盤作為火鍋配料🤪 鵝腸甜美爽口 同蕃茄湯底非常夾😍 蝦肉都好新鮮彈牙 已經剝左殼 食起上泥超級方便☺️ 手打丸既梅菜土魷豬肉丸好特別 出面好少見👍🏻 整體服務好周到 7折真係幾抵試🌟

因為疫情 好耐無打過邊爐啦😢今日真係好想好想打 行街睇到呢間野好似唔錯 就上左去睇下點上到去 個環境真係唔錯👍🏼好闊落 所以就入左去坐啦😂仲有埋口罩套😛 Menu 都有好多野揀今次就揀左佢地個招牌豬骨清湯個湯好清 飲左都唔會口渴 同埋啲菇都好好食仲order 左杯檸檬薏米水 👍🏼 我地2個人叫左幾個野食1. 美國霜降雪花牛肉~ 牛肉油脂分佈均勻 牛肉味又濃 2.三寶丸~入面有蝦， 墨魚同豬肉丸 ，個蝦丸真係好爽3.爽脆豬潤~咁多個餸我最鍾意就係食呢個❤️豬潤好爽脆 同個陣豬潤味 如果鍾意食豬潤就會覺得好正4.黑柏葉~ 出面食既黑柏葉會好淥到好韌 但呢到唔會good,ar整體黎講真係幾好 最緊要乾淨衛生

最近天氣又突然翻風，氣溫下降就自然想打邊爐去銅鑼灣行街時，朋友就介紹我去新開業的滿漢金鍋，話環境坐得舒服食物質料又不錯平時四川麻辣，台式麻辣就食得多，港式真係第一次食 哈哈，沒有四川麻辣的霸道又比台式麻辣多一點刺激，愛吃辣的不妨試一試牛魔王拼盤- 一個拼盤滿足你四個願望，美國雪花肥牛，牛胸爽，安格斯牛柳粒，牛舌，全部都係我鍾意打邊爐牛肉最愛🥰肥牛肉質柔軟，牛柳粒牛味濃郁手打三寶丸 - 梅菜豬肉丸，自家製牛丸，綾魚滑，手打就是不同！梅菜豬肉丸有驚喜其他配料都好新鮮～最重要係坐得舒服，枱與枱之間都有一定空間，自然食得安心

火鍋癮起，網上找到這間火鍋店。店內高朋滿座，環境舒適，有空間感少有地火鍋店有二人餐，十分適合每樣食物都想試的我們食物擺滿了整張枱，看到都食慾大增，數過有超過二十款食物點了麻辣湯，迎合了港人口味，微辣帶麻，吃得十分過癮二人餐都會有較高級的食材，如生蠔，海蝦，花甲，鯇魚腩等，海鮮類非常新鮮鮮甜美國雪花肥牛 - 火鍋必食，肥牛肥瘦適中，肉質鮮嫩最驚喜是手打三寶丸，有咬口而且非常彈牙餐飲點了紫貝天葵和檸檬薏米水 ， 十分清甜解渴又可減少膩感這間火鍋店食材新鮮高質，怪不得高朋滿座，值得再來

今日在銅鑼灣血併後很累，老友說呢間食物不錯，環境寬闊又好坐，打邊爐又可以慢慢食傾下計，咁當然okay 啦。叫左個湯底#黑蒜雜菌雞鍋有成半隻雞加上大量雜菇、黑蒜頭🧄，等佢滾了一會，便即裝起一碗飲，黑蒜頭很甜，原汁原味的雞湯很清甜。#羊肉大愛羊肉的我喜歡佢有少少🤏so味， 點左花生醬食更美味。#雪花牛肉牛肉片薄切，油花分佈很平均，一滾即拿起就剛剛好熟度，牛味濃入口即溶。#手打肉丸店鋪自家制作，超新鮮又彈口，各款丸類都唔錯，至愛蝦丸有鮮味可口。#雞肉併鵝腸雞肉夠嫩滑，鵝腸友人說好爽彈。#疏菜盤有菇有菜樣樣都有啲，仲有南瓜片，索埋湯汁很鮮甜。#薏米檸檬薏米水#指背天葵加了2杯飲品，解渴又清潤。

今晚約左老友聚舊食飯， 佢帶我黎銅鑼灣依間「滿漢金鍋」。 打邊爐是我們最喜歡的，可以一邊慢慢食，一邊暢談。 餐廳位於銅鑼灣美食集中地既京都廣場三樓。 不得不讚餐廳環境，乾淨整潔，座位亦十分寬敞，予人舒適的空間感。-❤️湯底湯底選擇多，我點選了「花甲豆腐魚湯鍋 」。 魚湯十分清甜；花甲無沙鮮甜；豆腐嫩滑。 湯頭製作需時，標榜即叫即製👍🏻 喝了數碗才開始打邊爐。-❤️黑豚肉卷黑豚肉肥瘦均勻，脂肪紋理分佈漂亮； 肉質鬆化，配合鮮甜湯底，味道更香。-❤️牛魔王拼盤 有美國雪花肥牛、牛胸爽、安格斯牛粒、牛脷，是火鍋必點食材😋美國雪花肥牛 肉質香濃嫩滑，口感柔軟；如雪花般的油花分佈均勻在每片牛肉。牛胸爽口感特別，入口爽脆。安格斯牛粒口感煙韌，牛味濃郁。牛脷鮮嫩，肉質上乘，口感鬆化。-❤️自家製手打丸點選了「梅菜土尤豬肉丸、牛丸、流沙墨魚丸」手打丸十分彈牙！ 最令人印象深刻難忘是「梅菜土尤豬肉丸」！ 一試難忘！ 梅菜味很香很濃郁。-❤️豬頸肉拼爽脆蝦球🦐這款是我最喜歡的！ 豬頸肉口感十二分彈牙，那脂肪油香在口腔回盪，吃得過癮。 蝦球新鮮爽脆！-❤️蔬菜拼盤 雜感蔬菜🥬嫩綠！ 消消膩😌-❤️飲品士多啤梨🍓青檸梳打

滿漢金鍋銅鑼灣駱克道491-499號京都廣場3樓食物龍袍豆乳野菌花膠湯❤️❤️❤️❤️美國雪花霜降肥牛😍😍😋😋白鱔片😍😍😍😋😋精製鯪魚球/梅菜土魷豬肉丸😋😋豬粉腸/芝士腸😋😋😋鮮蝦雲吞餃/墨魚韭菜餃😋即炸炸魚皮😍😍😍😍😍白菜仔😋😋😋😋紫貝天葵/檸檬薏仁水😋😋😋😋湯底，鱔片同埋碟牛好值得讚，湯底真係有幾舊花膠另外用枝竹包住啲菇喺入邊，幾得意，味道都好好，其他嘢正常份量❤️❤️❤️❤️足夠，每樣嘅份量兩至三個人都好夠環境❤️❤️❤️❤️坐得好舒服，好多卡位，張枱又夠大，可以揀坐窗口位或者舒服大梳化服務❤️❤️❤️❤️❤️服務員係兩位小姐，會同客人有講有笑，又會自動自覺加水，幫手收野， keep住過嚟望吓客人有咩需要總結，感覺良好，得兩個人仲有好多嘢未有機會試到，值得再次幫襯😋😋😋#hkfoodie #hkfoodies #hkfoodieblogger #hkfoodieyiki #cwbfood #滿漢金鍋#cwbfoodie #causewaybayfood #火鍋 #打邊爐 #hotpot

今日特登同朋友來到銅鑼灣打邊爐。餐廳位於銅鑼灣繁華地區,容易到達。一入到餐廳，見到餐廳裝修很新淨，很大，侍應們很熱情， 招呼我們坐下，還推介今天必叫之選。湯底叫了港式麻辣湯底，餐廳嘅老闆仲過來介紹說湯底選用特別材料，令到湯鍋更加麻辣。食物則叫了美國雪花霜降肥牛， 見到肥牛紋理非常漂亮，放入口中很肥美。另外叫了黑豚肉，豚肉嘅肉質肥瘦適中，十分香口。再叫了獅頭鵝腸和肥美鴨粉腸，平時打邊爐好少食鵝腸鴨腸，見服務員極力推介就試吓。另外再叫咗三寶丸，有蝦丸墨魚丸豬肉丸。另外再叫咗蔬菜籃，有芋頭，青菜，娃娃菜等。

打邊爐一般都會周圍試，睇吓有啲咩好食！環境幾大，好多位，晚市唔算多人，坐得舒服！坐低冇幾耐就有調味架俾你調配豉油，之後揀咗湯底、揀完湯底之後佢叫咗啲飲品。食物等咗一段時間上檯。大概每樣叫咗少少試吓：牛肉、雞肉、豬肉丸等。呢度嘅牛肉食多多都得，因為夠薄身，好似燈影牛肉咁，碌兩碌就熟，好快清晒！食肉獸就要叫多幾碟～炸響鈴夠脆,大大件。雞肉肉質都幾滑，一碟大約6件左右～豬肉就相對地肥美，肥膏同肉嘅比例係一比一，所以肉質唔會鞋。餐廳唔算多人可以慢慢坐幾好！

天氣轉涼咗又係打邊爐嘅好時機，今日喺銅鑼灣同朋友去咗【滿漢金鍋】嘆一嘆打邊爐。Order咗三寶丸、美國雪花霜降肥牛、絲魚刺身、豬潤、蔬菜籃。三寶丸分別係蝦丸、墨魚丸同埋豬肉丸，都各有鮮味同埋因為手打嘅關係，所以特別彈牙。霜降肥牛就好有牛肉味而且脂肪肉質分佈比例平均。絲立魚刺身就最有驚喜，既可以當刺身食，亦可以灼一灼打邊爐食，兩種口感完全唔同。刺身比較爽口彈牙，打邊爐食就魚味比較鮮。豬潤同樣出色而且好肥厚。蔬菜藍就種類多而且新鮮。最後飲埋酸梅湯降一降熱氣，成餐食到好滿足。

試下新野，同朋友打邊爐🍲 ▶️湯底：花膠姬松茸乳鴿濃湯鍋$268夠味，成隻乳鴿，有花膠～▶️美國雪花霜降肥牛$188牛肉超薄切，擺上碟好似透明咁，刀功好犀利！我地4個人share, 每人可分到3片牛肉左右～▶️黑豚肉$128較肥美，肉質夠薄，好快熟▶️三寶丸：蝦丸、墨魚丸、豬肉丸$108丸大粒，幾爽口，有口感▶️牛丸$44 (半份2粒）鯪魚球$45 (半份2粒）可以半份咁叫，少少哋食唔多就OK▶️ 蔬菜拼盤$79鍾意食菜嘅啱晒 ，食菜飽，好健康每樣叫少少， 唔大食，想過下邊爐癮就啱哂～