滾得囍宮廷火鍋小炒 (已改名) 查看

突然又想食得飽飽，火鍋永遠是最快樂的選擇！問左港島朋友有無好介紹，揀左有朋自食過的滾得囍！去到環境都唔錯，有中國古代宮廷的華麗裝修，一來到waitor哥哥已經比個聖旨我地！感覺都幾有feel😆叫左順治特色卜卜蜆鍋，勁多蜆！多到淨食蜆都食飽！！！而且蜆都好新鮮！正！叫左手切飛驒和牛，顏色好靚！來到重要出煙，即刻要影相art like!食落入口即溶，好感動！然後又叫左滾得囍宮廷拼盤，有手打蝦丸，手打牛筋丸，手打墨魚丸，手打芝心丸，十粒都好味！靚湯底緊係叫多個萵筍等佢入下味，入左湯味好好食。呢間野食好味，服務又好，唔錯唔錯。

天熱炎熱又打風，我哋呢啲後生仔，梗係偏向虎山行，越熱越想去打邊爐。因為我地好耐冇見搵一間可以坐得舒適，食物又好嘅火鍋店，去聚一聚，食得舒適食得開心。 之前聽朋友講，話北角有間新嘅火鍋店，好味又抵食。所以我哋就去試試。呢度入邊餐廳裝修古色古香，好有中國特色嘅火鍋店，每張枱都有一個好靚嘅屏風擋住，私人空間夠晒，坐得又舒服。湯底有好多唔同嘅選擇，因為我哋有一位女士好想補一補，指定一定要花膠養顏，所以我哋揀咗康熙花膠燉雞煱。鹿兒島日本黑豚肉，呢個無論賣相或質素都非常高。掛住木架上保持肉嘅鮮味，而豚肉非常爽口，雖然看到有點肥肉黐住，但食落去一啲都唔覺得肥膩。 超級好味讚讚讚花雕雞件，雞件肉質一啲都唔會好覺得好老，花雕嘅味道亦都浸晒入去雞件到，手打牛筋丸，大大粒嘅牛丸，打得又滑又彈啊. 咬落去一啲都唔癡牙，😌滿足黑松露墨魚滑， 喜歡食黑松露嘅一定要試，呢個魚滑，又彈牙，又有粒粒墨魚，配上黑松露嘅味道😘😘我哋比較鍾意食海鮮，師傅今日講話象拔蚌抵食大大隻， 果然冇介紹錯，真係好鮮好甜。

近日熱辣辣，每日都有成三十幾度，但係冇阻礙我哋每個月兄弟幫見面嘅時間，幾個麻甩仔，當然係打邊爐啦。之前去開灣仔打邊爐，不過覺得冇乜特別，所以今次我哋揀咗一間喺北角嘅滾得囍，滿足下我哋嘅熱辣辣嘅慾望。 😂😂餐廳位置非常方便，喺北角地鐵站一出就到，啱晒我哋呢啲港島東九龍東嘅人。餐廳裏邊裝修好像宮廷般一樣，非常華麗，座位亦都好有古典中國感覺。湯底有不同風味可供選擇，呢張聖旨，可以簡單介紹呢度湯底嘅歷史。 我哋因為唔想食辣想清清地，所以揀咗康熙花膠雞湯喎。原隻雞加厚厚嘅花膠，放在濃郁嘅雞湯裏在煮，正呀。大大粒帶子餃子， 帶子鮮味味道配上薄薄的餃子皮，要追加才能滿足到我地。香炸魚皮， 魚皮喺出面食多數都係凍冰冰，呢呢度嘅炸魚皮，係熱辣辣新鮮出爐，有點酥炸嘅感覺。 大大隻鮮蝦，新鮮嘅蝦，二配上香濃嘅雞湯滾着，可以絕下啲雞汁之外，另外配上新鮮嘅蝦嘅香甜味。幾個大男人，點可以唔叫牛肉，不過我哋今次唔想食肥牛，食得好啲，叫咗個宮廷牛肉宮廷拼盤。我最欣賞就係呢個主打，竟然有牛肉刺身，有不同款式嘅日本和牛，入口即溶。 😍😍😍

約左美女朋友傾心事，因為大家都鍾意打邊邊，就周圍問下朋友仔邊間好食，去左一間都幾好風評的滾得囍，果然沒有失望！去到好多特色火鍋湯底，因為突然好想食蜆，最後揀左順治特色卜卜蜆鍋。來到個湯底成個鍋都係蜆！用了十足！食落個湯底勁有海鮮感覺，而且啲蜆都好新鮮，美味！飲品叫左竹蔗茅根，都幾好飲，唔太甜。再來個新鮮大元貝同新鮮鮑魚，真係又甜又有口感，加埋個湯底真係無得輸！再來個黑松露墨魚滑，香味濃郁，魚滑又新鮮，調味都唔錯。今次真係幾好食，會再來！

悉聞北角馬寶道新開了一間宮廷火鍋店，於是便約朋友一同去搵食。從火鍋店的裝潢以致餐具真的極具中式古典風格。餐牌也很特別地貼了在一道聖旨上，就連添清湯的保暖瓶也很中國風。從十多款湯底中我們挑選了康熙花膠雞湯鍋，打邊爐的鍋具設計非常特別，在這個相機食先嘅文化裡真係無得輸！雞湯湯底顏色及味道充滿濃郁的雞味，侍應建議我們先把花膠放進鍋裏滾耐一點讓花膠可以吸收濃濃的雞湯，由於雞件不是生的，所以只需稍為滾一下便可，雞肉非常嫩滑。我們點了手切安格斯牛肉、鹿兒島日本黑豚肉，兩者肉味都非常濃郁，充滿肉汁。即炸響鈴直接吃脆卜卜，鬼馬油炸鬼外面包着一層蝦膠，淥熟後油炸鬼依然脆口，確實有驚喜！黑松露松茸餃皮薄餡多感覺清新。手打蝦滑非常彈牙，滾得囍宮廷拼盤的手打芝心丸一咬開芝士便流出來，芝味濃濃！打邊爐怎能少得竹䉀茅根飲品，真材實料，味道剛好又不太甜。我們還點了伊麵及日本稻庭烏冬，吃完這碗吸收了雞湯精華的麵及烏冬，便為這餐邊爐畫上完美的句號。

This was the first time visiting this restaurant. The decoration and all materials were impressive. It was just like ancient dynasty of China.   The pots they used were well designed with a dragon sculpture and the "fire burning" was quite interesting at the beginning. Foods were usual and normal  but in very good conditions and quality. Drinks were just fine.The place was clean and it is very accessible.Prices were acceptable especially with good quality of foods and place.I will visit sometime

開開心心一齊去滾今日約左班舊同事一齊去北角"滾"，滾得囍牙! 聽聞個花膠雞湯同d料唔錯,一於去試下!呢度位置都幾近地鐵站, 去到馬寶學林個商埸上一樓就係啦，入到門口好霸氣，真係好宮廷式，每張枱有簾隔住，坐得闊落又夠曬私隱👍🏻一埋位就有張"聖旨"睇，上面寫左間野既歷史，有興趣可以睇下。花膠雞煲湯底！梗係要落野食之前飲啖先，好濃雞味！必試！唔好以為頭先個湯底咩料都無，花膠同雞都係另上。兩樣都好多同好食, 雞有一隻又够滑！花膠有四五塊，大既！炸魚皮，因為係即炸既，當然係又熱又脆啦！黑松露墨魚滑,好重黑松露味,中意食黑松露ge必試!大大塊花膠, 好好食!嘩牛肉宮廷拼盤泥啦! $488 一份, 由右邊開始, 分別係飛驒和牛,澳洲M8和牛同埋安格斯牛肉。d紋令到...睇到已經流曬口水! 仲有特製豉油點住食，勁好味牙！真係一分錢一分貨!推介

一大班人食飯打邊爐可以話係其中一個不二之選，今次就跟班舊同事黎北角打邊爐，呢間滾得囍宮廷火鍋係北角既細商場入面，本身都好好奇可以宮廷得去邊，一入到黎見到佢個 ”宮廷” 式既鍋真係呆左，忍唔住覺得真係有啲料到Wor。呢到既裝修都有啲古色古香，我地6個人被安排左坐卡位，啲位都幾寬闊。我地叫左個康熙花膠雞湯，呢個雞湯真係冇得輸，煲到好溶同好杰，飲落好甜，同埋入面既花膠都大大份，膠質好重好好味。牛肉可以話係呢到既重點，我地叫左手切安格斯牛肉，牛肉上黎既時架黎面有乾冰陣住，感覺好Pro, 同埋佢切得好薄，至於肉質呢都真係高質，有牛味同埋夠晒嫩。除左牛肉，呢個日本廣島蠔都真係冇得輸，粒粒都大大粒，食落好滑，愛蠔者必愛。佢既手打丸都好出色，手打蝦丸好有膠質，份面仲包住油炸鬼，口感夠晒得別。另外墨魚丸都好彈牙同有鮮味 。除左原本既花膠，我地仲忍唔住叫多碟，同樣大大份，烚完膠質十足，食完一定勁多骨膠原。另外佢既豬潤都好正，一啲都唔韌，又滑又嫩。 至於蟹柳呢，我今次就冇食到，但同事就話都好甜好好味，而響鈴就正常水準喇。 海鮮我地仲叫左桂花蚌，同樣大大粒又夠爽口彈牙。另外仲有我最愛既蜂巢豆腐，其實都好味既，

香港人最鍾意就係打邊爐，我自己個靚月唔食呢，打邊爐條癮就會起架來，又係一個好想去打邊爐嘅晚上，就捉埋男朋友放工一齊去。今次去咗北角嘅滾得囍度食，貪佢人少少，坐得又好舒服，鋪頭係一座好似做補習社嘅大廈入面，唔識窿路真係搵佢唔到，但一想到去門面，成個裝修都好出眾，好多中國式雕花嘅木材傢俬，睇上你好有宮廷feel。鰲拜火焰六味海鮮鍋＄268一上枱已經有好濃烈嘅酒味，材料有蝦蟹同埋有蜆，啲蜆仲新鮮度有啲得左個頭出嚟添，而且個鍋都好靚，有兩個龍頭喺上面，真係好似宮廷咁樣，呢個時候，侍應將佢手上面既酒再點火，到落去個鍋度，頓時間成個鍋着晒火，仲有好濃烈嘅走香味飄出嚟，之後侍應就加番茄湯，估唔到茄湯嘅同事啲火焰都冇淋熄到，仲繼續燒左好一陣添，好似睇表演咁，火燒完之後，飲啖湯除咗有酒香味仲有濃濃嘅海鮮味道，蝦蟹都好新鮮，要快啲食以免過熟。花雕雞件＄48＄48有件雞胸同埋一隻雞脾，份量好夠好抵食，仲有好香嘅花雕香味，雞肉好話好亂口，仲有好大陣花雕味，醃左足夠嘅時間。鹿兒島日本黑豚肉＄68又係另一個擺盤擺得好靚嘅菜色，好似晾衫咁樣掛起左一片片嘅黑豚肉，下面中放咗個乾冰，啲煙飄出嚟就好似真係宮廷會食到嘅菜式

今個星期六也要全日開工，直踩了六天，當然要鬆一鬆，友人突然提議圍埋火鍋，反正今年都未打過邊爐.....無錯！今年真的未開爐，我也心癢癢，一於忙碌過後盡興一下。在好友介紹下，來到一間裝潢如宮廷般那麼華麗的火鍋店，有高貴精緻的吊燈、餐具、傢俱等等，在此貴麗堂皇、氣派十足的環境下吃火鍋，給我另一體會。餐店設有三排座位，每排以優雅的中式通花木架相隔，設有多張四人枱或六人枱，另外還設有數張十多人枱，還有兩三間貴賓房，地方寬敞闊落，坐得舒適自在。點菜紙有兩版，一版有小菜和飲品，而另一版主要是火鍋食材。不少小菜都挺吸引，不過一早已決定打邊爐，就馬上揀個火鍋湯底先！鍋底足足有十四款選擇，而所取的名字也很特別, 大部份都加上歷史的宮中人物名字, 當中順治特色卜卜蜆鍋、鰲拜火焰六味海鮮鍋和康熙花膠雞湯鍋都很吸引, 但也敵不過同治天麻川芎藥膳魚頭鍋, 幸兒友人也愛吃魚頭, 岩晒我, 哈!******************************打邊爐當然要準備醬料, 一盒四格宮廷醬芥($20/位), 有芫茜、指天椒、蒜茸 和蔥花, 還配有一人一小碟豉油, 樣樣加齊, 款式不多, 但其實食材鮮味都用不著它們

約了魚痴小妹一聚，她提議去吃火鍋，原來小妹從友人處得知，北角最近新開咗間火鍋店，設計非常特別，以仿古風格為主軸，帶宮廷色彩，而且火鍋配料，選擇夠豐富之餘，定價亦不貴，所以想和我去試試。原來小妹所說的火鍋店，就是這家位於馬寶道馬寶學林的「滾得囍宮廷火鍋」。餐廳位於商場一樓，地點就腳，離北角港鐵站不遠，只是數分鐘路程。如果唔想等𨋢的話，其實也可以選擇行樓梯。餐廳頗大，佔地寬廣，店面用上木材雕花鏤空作設計，四周打量，裝潢走中式古典風格，大堂座位以通花隔柵做屏風，餐桌用咗深色原木打製，而椅子更配有紅色布套包覆座墊，以增加舒適度，布置充滿宮廷 Feel，而且古色古香得來又沒盛勢凌人的俗氣，令人感覺舒服。安座後再細心留意，原來連檯面的餐具都是用了清花瓷器，店主果然好揼本。先拿起餐牌逐項研究，湯底選擇非常豐富，一數，共有十四款，有吳三桂消暑冬瓜瑤柱脯鍋、順治特色卜卜蜆鍋、慈禧酒香麻油雞湯鍋、多爾袞羅宋牛骨鍋等。至於配料方面，項目就包括有牛肉、雞鹅、豬肉、新鮮海鮮、餃子、手打丸、魚滑、蔬菜、豆品類、麵食和刺身。如果想吃熟食的話，其實餐廳亦有一系列小炒和煲仔菜等供應，豐儉由人。既然一心來吃火鍋，就一於先

星期日同女朋友係體育館打完波，就過左黎<<滾得囍宮廷火鍋>>補充體力。 餐廳開業不久，新裝修，最重要係把地方裝修得古色古香。 成個場都有唔少卡位，每張卡位最多可以坐6-8人。 點餐紙清楚把食物分類，方便食家。 侍應會先上醬油材料給大家混混醬。 同時會有工具及湯底補充壺。 今次我地點的是湯底是半隻<<康熙花膠雞湯鍋>>，個鍋勁有氣派，夠哂宮廷FEEL 半隻雞要自己分。 我都剪得唔錯，雞肉入口又嫩滑。最重要係湯底好濃好香，可姒當湯飲。 花膠大又多，入口都幾淋，真係好補。 配料點了<<炸魚皮>>，十分爽口份量又多。 <<鹿兒島日本黑豚肉>>，外型夠COOL，切得夠薄，入口夠嫩岩哂我口味。 <<牛柏葉>>入口爽口。 <<水魷>>都幾多又大塊，入口夠彈夠爽。 <<手打蟹籽蝦滑>>份量都幾多

有好多餐廳都有好多好既評價，亦有好多報紙雜誌推介。但每人既口味都唔同，我鍾意唔代表你鍾意，真係要試過先知啱唔啱自己今次朋友約食呢間，大熱天時最啱既打邊爐朋友book好位，order 左卜卜蜆煲，book 既時候要揀食咩蜆~~真係一個難題，因為根本唔知沙蜆，白蜆同花甲有咩分別，於是請教全能既google, 揀左花甲其實都係亂揀呢度裝修同餐具都非常特別，連傢私陳設都充滿古代皇宮既氣派。不過木椅，我個人就覺得坐得唔舒服講返食物，打邊爐黎講，新鮮係好重要，除此以外，炸魚皮同響鈴質素都嚴重影響整體質素。好可惜，呢度既炸魚皮唔係即炸，味道一般，而響鈴-雖然即炸，但過份脆同有d油其他食物質素都算一般，只有豬潤同魚肚都係值得一讚既，沒有特別另人喜出望外既食物。至於飲品方面，選擇比較少，樽裝飲品我係唔會選擇(除左啤酒), 所以只有竹蔗茅根總括而言，未試過可以試下，不過試過可以唔駛再試

想搵個好地方打邊爐 ，既要食物質素好，仲想環境要舒適， 仲要價錢大眾化 ，真係可遇不可求，竟然就有一間係北角合乎以上條件的火鍋專門店火鍋店裝修富麗堂皇氣派不凡， 座位寬敞舒適。 仲有店員殷勤嘅招待， 有點不能不提， 點菜嘅菜譜設計成皇帝嘅聖旨， 所有餐具， 器皿 及擺設都非常講究， 古色古香， 什有噱頭！我吔隨意地點咗幾款火鍋嘅配料， 有安格斯牛肉， 豚肉， 手打丸拼盤， 拼盤包括蝦丸，牛丸，墨丸及芝心丸，仲有新鮮嘅蔬菜tim. 鍋底係相當重要的,  我哋非常豪氣地order左個滋陰養顏花膠雞煲湯底， 大大塊嘅花膠，仲有半隻雞，雞係食過前所未有咁嫩滑，真材實料，絕不取巧！ 最令我驚訝係店舖花咗好大心思 把火鍋材料擺放得美輪美煥，簡直係一種藝術，令人食慾大增。而食物嘅質素， 安格斯牛肉放入湯裏3，4秒即可，牛味濃，肉汁鮮，有溶化係口裏嘅感覺。 豚肉味道也不會比牛肉遜色， 爽口肉味夠！ 輪到手打丸拼盤， 粒粒都咁有份量，新鮮彈牙！ 如今食火鍋都可享有色香味俱全 及宮廷氣派嘅感覺， 真係要嚟親身體驗一下！

住係柴灣，有時想食好啲最近都要出到銅鑼灣，打邊爐食嚟食去都係啲酒樓邊爐，真心悶。有朋友介紹北角新開宮廷火鍋，聽到喂食妹心郁郁呀！滾得喜主打宮廷feel，裝修有氣派行中國風！有多種唔同特色嘅鍋底選擇，全部都用料十足，淨係湯底都夠吸引。康熙花膠雞湯我地揀咗花膠雞湯，外貌已經滿分！金黃色嘅花膠湯底，湯係非常之杰身，充滿呢個骨膠原。我地要咗半隻雞，店員會好細心即場問我地想剪大件定細件。花膠好堅咖，大大舊仲要有好多舊。未正式打邊爐我就已經瘋狂飲個湯，無味精真材實料煲到好香濃。滾得喜宮廷拼盤（手打蝦丸，牛筋丸，墨魚丸，芝心丸，豬肉丸）呢個拼盤有齊五種手打丸，可以試齊啲味。因為手打嘅關係，非常彈牙！我最中意芝心丸同蝦丸，芝心丸芝士半溶正！蝦丸蝦鮮味十足，又食到粒粒蝦肉。手打蟹子蝦滑蝦滑同蝦丸味道相似，加上蟹子卜卜脆口感更佳。同樣係食到一粒粒嘅蝦肉，落足料。牛柏葉超大碟嘅牛柏葉，份量好似平時食嘅兩倍咁！牛柏葉夠哂爽吧，吸咗啲花膠湯，入味好食。帶子韮菜餃韮菜餃食得多，好少食到有帶子做涵嘅款式。皮比較薄身，唔似上海餃咁厚實。濃濃韮菜加上彈牙嘅帶子又幾夾！值得試試。即炸魚皮魚皮夠哂香脆，加上濃郁嘅花膠湯，輕