滾得囍宮廷火鍋小炒 (已改名) 查看

朕嗜火鍋，素聞北角有一火鍋食肆，裝潢具中國古風，正合吾意。適逢最近天氣轉涼，誠火鍋季節也，遂決定偕同皇后微服私訪，品嘗一番。餐廳裝潢果然是中國風的古色古香，上至天花板的龍鳳圖案木藝吊燈，下至木椅子上的仿古坐墊，雖未至於金雕玉砌，但都頗為典雅。桌子椅子皆為木製家具，相隔兩廳的屏風也是仿古風格，華麗而不落俗套。背景音樂則是一些耳熟能詳歌曲的純音樂，不過卻是編成了中樂版本，例如《那些年》、《浮誇》的中樂版本，甚至連二胡演奏版本的《紅蓮之弓矢》(日本動畫《進擊的巨人》主題曲）都有，尤如宮廷樂師在旁即席演奏一樣。整個氣氛環境，朕跟皇后都甚是喜歡。甫就座，朕驚見桌子上有一卷聖旨，朕都不記得何時向餐廳下過聖旨，立即叫皇后幫朕Check吓，打開一看原來是餐牌。宮廷裝潢配上聖旨餐牌，餐廳果然有心思，朕buy你。聖旨乃尊貴之物，當然不可在上面塗寫，真正下單的就在這點餐紙上，連字體也是楷書的，中國風果然貫徹到底。鍋底名稱都起得挺有心思的，都是一些歷史人物，例如【康熙花膠雞湯鍋】、【建寧公主麻辣卜卜蜆鍋】。當中唯一一位不是來自中國的歷史人物就是泰皇，朕就決定要這個【泰皇海鮮冬蔭公湯鍋】，一嘗異國風味。朕已選好

 同朋友專登山長水遠嚟呢度食火鍋，無非都係想感受一吓宮廷氣派! 當然先從環境著眼，由門口走入去，好似由現代返回古代咁。裝修古色古香，絕對走中國風。全部清一色木椅，中間以雕刻木簾相隔。敬備熱水都係用中式茶壺，好特色。叫左【泰皇海鮮冬陰公湯鍋$298】以龍頭鍋上枱，好有氣勢!! 個湯底味道幾濃，但未有鮮味。因為仲附有一碟海鮮，加埋落去，鮮味先會出。個湯底連一碟海鮮先係$298，而海鮮拼盤多左蟶子同鮑魚，少左一隻蟹，就要$368，感覺【泰皇海鮮冬陰公湯鍋】好似抵啲喎!扇貝都好大隻，新鮮鮮甜。蟹鮮味都幾出，可惜蟹膏唔算多。蟹殼夠軟，易食。蜆肉就有啲細，同埋有少少沙。【滾手切牛肉宮廷拼盤$488】一嚟係有乾冰，出晒煙，好高級FEEL架。 拼盤有三款牛，左邊油脂較為豐富係手切頂級安格斯牛肉，右邊係本地手切牛肉，兩款都係起雙飛切法，仲排到密麻麻。我就鍾意手切頂級安格斯牛肉多啲，牛味出啲，嫩滑啲。本地手切牛肉就肉質結實啲，牛味一般。最正梗係中間一卷卷呢啲，係手切澳洲M8和牛，梗係冇得輸，不過數量就唔多，好珍貴。【鹿兒島日本黑豚肉$88】又係出晒煙，梗係要勁影相呃LIKE。掛起一片片，係靚嘅!好肥美又大

天氣轉冷是時候吃火鍋了，吃火鍋要吃辣才能暖暖身子~下班後和同事由鰂魚涌步行到北角，發掘了一間火鍋餐廳，有麻辣火鍋吃這裏的裝修很豪華，店如其名有宮廷式的感覺，就連餐牌有用聖旨的形式，非常有趣。鍋底有好多款，我們說要吃麻辣嘛，就選了建寧公主麻辣卜卜蜆鍋。原來公主喜歡食辣是嗎~ 配料的種類繁多，我們選了一些特色食物。鍋的兩邊是有龍頭的，相當有氣勢。這個麻辣鍋鮮紅一片，聞到氣味都覺得非常辣。這裏有本鍋都是不同種類的辣椒，辣油也有一厚層， 不是太吃得辣的真的不要點~ 但是我們這些嗜辣者就非常興奮鍋內有很多隻蜆，全部都大大隻，啖啖肉，辣得好過癮。湯除了辣其實還有鹹香鮮味，我有不斷喝湯的啊～不要忘了like他們的fb專頁，有整瓶洛神花茶送啊，買的話要38元的~ 因為是特濃的關係顏色好深，味道酸酸甜甜的，既止辣又解渴吃麻辣鍋點鴨血是常識吧，在麻辣鍋翻滾後 只有辣和軟滑的口感，完全沒有腥味。牛肉是我們的重點！本地手切牛肉有一大碟，鮮紅色的，脂肪含量不算很多，可以整片吃。不像有些肥牛脂肪的部分比肉還要多，那些真的不知道要怎樣吃呢。牛肉一會兒就熟了， 一熟就撈起來吃是最佳狀態。牛的質感嫩滑，牛味濃郁，味道還

<古色古香題環境下打邊爐 滾得囍>😊🔥#fafafoodblog北角以前住北角時食得唔多野 因為本身好少食肆 事隔多年 經過番舊地 真係美食林立 打冷 西餐 樣樣都有 🙃而打邊爐剛剛亦試左間唔錯 叫做滾得囍 環境好美觀 古色古香 充滿園林氣息 每一個坐位都有鵰花木架 🌿做點綴 又坐得舒服 環境黎講唔錯😊 食物方面有打邊爐又有少炒 見伊d火鍋好似幾有特色 就點左打邊爐👍🏻🍴泰皇海鮮冬蔭公湯鍋 298 蚊 🔥🌶用左龍頭鍋放湯底夠哂霸氣🐲 湯底充滿冬蔭公香 有好多香料香菇辣椒做底 口味濃郁😍 而海鮮係另上 包括 新鮮多膏既肥膏蟹🦀 彈牙鮮甜既游水蝦🦐 煙靭彈牙既中蜆😀 鮮甜扇貝 仲有青口 全部都十分新鮮好味 尤其係浸埋落冬蔭公湯底更惹味 更入味😃🍲 食完海鮮就可以落料打邊爐🍴和牛芝士一口餃 78 蚊🧀🐮 用和牛打碎 整成蓉 加埋香濃又多既芝士 整成 餃皮偏厚 好有口感😃 入面芝士牛肉合而為一 勁香濃好正！ 🐮🍴鹿兒島日本黑豚肉 88 蚊🐷 用木架加乾冰掛住豚肉上碟 外表夠靚 ❄ 豚肉薄切 但夠大塊 打邊爐夠哂軟滑 肥度適中 正🐷🍴魚肚 32 蚊🐟 魚肚 切得比較長身 新鮮好爽

仨人行~ 一齊滾!黎到滾得囍,於門外看進去,就好似身處皇族的家,宮廷式既設計,貴族既氣派~ 枱上面仲有一道聖旨,甜妹們都喜歡拿住聖旨仿公公宣旨~真有趣點菜單很調皮的寫上"接旨",服務員就係接旨既功臣~我地為左要食卜卜蜆,叫左建寧公主卜卜蜆湯底~3個人有2個唔食得辣,勇敢地叫左巴辣建寧公主(既係麻辣湯底)我地落既聖旨就係下面尼啲嘞 : 鹿兒島日本黑豚肉一客美國桶蠔 一桶花膠仔 一碟和牛芝士一口餃 八粒韭菜豬肉餃子 八粒滾得囍宮廷拼盤 十粒瑤柱乾貝滑 一客萵筍 一碟滾得囍蔬菜拼盤 一盤蜂巢豆腐 一客即炸響鈴 一客即炸魚皮 一客特濃冰凍洛神花茶 . 一渣足料竹蔗茅根 . 一渣全部火鍋料都好新鮮我最喜歡鹿兒島日本黑豚肉用個木架掛住啲肉,配有乾冰鮮花作擺設,視覺享受很好~炸響鈴現整香脆暖笠笠,瑤柱乾貝滑用料十足,咬落有墨魚粒粒,好好味!萵筍係火鍋必備,超正呀!!仲有喜歡佢地自家制飲品,有外在美又有內在美!!! 氣氛一流,值得推介俾朋友,三五知己共聚好去處!

天氣開始轉冬，又係打邊爐既時間啦。滾得囍既設計都係古代中國既皇延，所以將菜單可以係聖旨，連個爐都係有條龍係度架！叫左個冬蔭功湯底，貪佢辣辣地夠暖胃！食落唔算太辣但好香下，岩哂我地口味既Level打邊爐又點可以唔叫番碟靚牛肉呢，呢個手切澳洲M8和牛，肉質夠腍身之餘唔算太肥，唔會食到成口膏或者UN既感覺。肉味幾濃幾香，推介鹿兒島最出名係咩？咪就係我台面呢碟黑豚肉囉！油脂靚到不得了，食落勁香。雖然有好香油脂，但係因為冬蔭公湯底夠辣夠香，所以煮完之後一D都唔肥！打邊爐食花膠係過份D！冇計啦，貪靚要養身呀麻！花膠食落好軟身，索哂D湯底重正！叫呢個湯底會送一個海鮮盤比你，最正就係個蟹！肉蟹黎架！自己包既餃子，夠哂新鮮！好脆口，煮10幾秒就食得！隻隻都好飽滿漲卜卜，夠哂足料！邊個話打邊爐唔可以食午餐肉架！D蟹幾新鮮，D肉結實，一咬落去就知！粟米好鬼甜！重點要介紹下呢個黃金響玲，脆卜卜不在話下，最正係佢表面有D咸蛋黃，食落唔單止有湯底既香味重有咸蛋黃味，真係好正！比大家參考下我食左D咩啦！

滾得囍裝修以木板屏風作間隔、充滿清朝宮廷感覺。鄰桌的火鍋以鑄上龍的銅鍋送上、氣派非凡、還附上一道聖旨。建寧公主麻辣卜卜脆蜆火鍋 $198 以塗上龍圖案的黃色銅鍋送上、很有中國特色。麻辣湯底好香、越食越麻😶黃金響鈴 $68 第一次吃鹹蛋黃響鈴、鹹鹹地又脆又香、主菜未到就先吃這小食吧。鬼馬油炸鬼$48完全看不出是油炸鬼、外面是蝦膠、裡面是油炸鬼、外軟內脆、幾戔鬼。萵筍 $32原來用來作火鍋仍然爽脆。手切頂級安格斯牛肉 $328雪花分明、安格斯牛肉片好嫩滑、吸收了麻辣湯底味道更好、少少刺激但更美味。菜苗帶子餃 $78脹卜卜的菜苗帶子餃好足料、不過略嫌餃皮摺口位有點厚。美國桶蠔 $138好肥美的桶蠔！唔腥仲啖啖肉。

與友人選擇了他們喜愛的建寧公主麻辣卜卜蜆鍋。滿有貴氣的火鍋器皿，上面還畫有代表宮廷的龍圖案。盛著紅通通的麻辣湯底，鍋中有大量蜆和原隻辣椒。未放任何另點的火鍋材料前，我們先吃湯底的蜆肉。雖然剛上枱不久，蜆肉已經吸收了麻辣汁，吃後嘴唇發麻。滾得囍宮廷手打丸拼盤包括蝦丸、墨魚丸、芝心丸、豬肉丸和芝心牛肉丸。我吃了豬肉丸，新鮮帶肉汁；蝦丸爽口。友人們也邊吃邊讚丸類鮮味，五款手打丸也出色。手切頂級安格斯牛肉中央放著乾冰，煙霧不斷從中央湧出，很有「仙氣」。我把牛肉放在鍋中燙一燙已可進食。安格斯牛牛味濃，肉質嫩滑。部分切片的安格斯牛肉以「起雙飛」的切法，相等於兩片牛肉一起吃，口感更豐富。新鮮菜苗帶子餃餃子皮透出菜苗和帶子的顏色，只是餃子皮收口的位置比較好。饀料味清新，好吃幾只也不覺飽膩。這碟專為嗜辣的友人們而點，皆因魚肚盡吸麻辣湯精華，又爽又辣。竹蔗茅根水助下火，瓶中放了一條粗竹蔗、還有茅根和紅蘿蔔，真材實料又解辣。

北角有間打邊爐正嘢，玩宮廷feel...裝修別緻，坐得舒適。聖旨到，第一時間接旨，睇餐牌，哈哈。湯底由$98起，我見花膠雞湯鍋夠矜貴，二話不說order 半隻份量（$288）。湯料另上，花膠大大塊，雞件未係全熟，可以食之前淥一淥，另有一番滋味。花膠仲可以隨自己喜好，即刻食帶口感，慢慢煲就更淋更有膠質。呢碟咁精緻嘅牛肉，就係手切頂級安格斯牛肉（$328），賣相味道俱佳。鹿兒島日本黑豚肉（$88）好似晾衫架咁樣嘅presentation...未食得都睇得。黑豚肉半肥瘦，淥一陣就食得！手打蟹子蝦滑（$68）蝦滑份量多，都幾彈牙。即炸響鈴（$48）將響鈴放湯幾秒，索左湯冇得頂呀！皇帝菜（$45）新鮮海中蝦6隻（時價）（$128）都幾大隻，仲有蝦膏添！環境佳，裝修靚，服務主動，湯底好，牛肉優質，就係我個人嘅少少意見喇。

早幾晚發現左北角有間宮廷風火鍋店，原來地點方便（超近北角站），而且湯底超級無敵好味。一坐低就要「接旨」，就係餐牌了，哈哈。湯底共有16款可以揀，其中4款係辣湯底，我地聽經理介紹，要左「康熙花膠雞湯鍋」（$288/半隻）。不消一會湯底已奉上，好精緻嘅擺盤，有兩隻龍頭喺側邊盡現霸氣。半隻雞同花膠另上，可以先飲雞湯，再落雞肉同花膠一齊變花膠雞湯。湯頭味道好濃郁，既滋補又養顏，好適合女生秋冬時候飲用。飲完一輪湯就開始打邊爐。油麥菜（$28）竹笙（$58）加落雞湯，盡索雞湯精華！呢個必點！手切墨魚丸（$78/8粒）墨魚丸彈牙，咬到入面有墨魚軟骨，好真材實料。手切頂級安格斯牛肉（$328）冒住白煙送上檯，賣相一流！牛肉份量頗多，牛肉油脂花紋分佈平均，輕輕一灼就食得，唔錯喔！飲品：足料竹蔗茅根（$38/渣）清清甜甜火鍋飲品之選。

看到facebook熱爆的短片，那宮廷般的帝王享受，實在很吸引，愛吃的我們立即訂座，希望能感受一下！店員遞上聖旨，果然真的是電視看見的古化聖旨，非常有趣。湯底點了原隻花膠雞鍋，雞己預先煮熟，雞肉很嫩滑，我們吃的這隻雞很大隻，肉很多。花膠也有很多塊，感覺餐廳用料很足。大蜆，有12粒，我們一行四人，每人可分3粒！鵝腸滾一下就可吃，連帶脂肪部位，吃起來挺肥美。篙筍翠綠色切成一片片，感覺新鮮。每人一隻鮑魚，質感爽彈，有鮮味！蟶子煮完也沒有縮水，很鮮甜好吃。

一開頭入去六個人坐低其實一攞開個Menu價錢真係偏貴, 淨係180到200 G嘅安格斯牛肉切片三百幾一份。其實部份食材比起一般嘅火鍋店偏貴 由於小弟吃過酒窩位於銅鑼灣。同樣嘅價格食出了高質嘅味道同水準 所以看到同樣的價格 我會有很高的期望好開始，前菜叫咗一份水煮魚份量啱啱好 魚肉口感還可以但係味道不是可以給你一個太大 wow 一聲的驚喜, 就像酒樓也可以煮出這個水準⋯主菜叫咗個冬陰公湯底嘅火鍋，所有餐具甚至個爐攞出嚟嘅時候都非常有份量。個爐係有一個雙面龍頭組成， 成碟牛肉攞出嚟嘅時候有乾冰配置喺上邊 睇住啲煙霧係龍頭個爐🐲🌊旁邊噴下噴下會真係認為己有食神👍本地手切牛肉 肉質不過不失還可以接受，可是有一個朋友話牛肉不是太新鮮結果我哋就向東主提出訴求，轉個頭東主有啲惡咁同我地講話碟牛肉其實總廚都話新鮮，佢自己生食都覺得無事呢句說話真係俾我一個深刻印象 心諗其實我都知你保護自己招牌影像但係無必要話自己生食牛肉都覺得碟牛肉冇事🤷‍♀️🌚不過到最後咁同佢好大方咁送咗一份安格斯牛肉俾我哋 😍值得一讚嘅個冬陰湯底 芝心丸 買其他嘅丸類好食 👍👍黃金響鈴十分之好食 唯獨是個鴨血食咗落去真係好似雞血。 😨

一行六人去咗呢間火鍋店食打邊爐，其實香港而家越開越多火鍋店，所以有時其實去開都係果一兩間。呢一間主打宮庭式即係好似清朝嘅Style，一早已經比佢個卜卜蜆鍋吸引到，所以我哋都冇諗咁多一去到就叫左，佢個全名叫建寧主卜卜蜆鍋😂不過有好多其他都好想試好似嗰個鰲拜麻辣鍋同埋乾隆啊嗰啲。肥牛十分唔錯，第一碟我哋嗌嘅非常嫩滑，好有水準，不過第二碟嘅肥牛突然之間個水準下降左，冇第一碟咁好味，不過都不過不失嘅。不得不提係佢哋嘅響鈴，好新鮮好脆，啱啱乍起，𠱸淥都已經覺得好好味，不過因為啱啱乍起嘅關係油咗啲啦！唯一一樣失望係啲雜餃，所有都唔可以淥太耐，一淥就已經散晒，同埋唔夠實淨，唔係我哋鍾意食嗰啲。

每逢與這班朋友聚會，十不離九也是打邊爐，今次有人提議要試「宮廷風」，所以來到北角這家滾得囍宮廷火鍋小菜。遠在港島東的火鍋店，究竟是否值得住在大西北的朋友山長水遠過來一嚐呢？慈禧酒香麻油雞鍋湯底 (半隻)先上場的有麻油雞鍋，店員捧來一個大盤，盤兩邊各有龍頭裝飾，正配合餐廳的宮廷主題。盤裏放有麻油雞，店員取過一小杯酒，淋在雞件上並馬上點火，大家急忙打開手機為熊熊火焰拍照。其後加上湯底煮十多分鐘，雞件還算滑，但欠缺麻油及酒香，雞皮上還有雞毛未處理好，扣分。道光四川麻辣湯底火鍋拼盤我們早已在openrice購買此餐飲券，包括麻辣湯底、宮廷丸拼盤10粒、即炸響鈴及鬼馬油炸鬼，比原價便宜了少許。麻辣湯底用特色的火鍋器皿呈上，辣度中等，一開始麻味會稍為突出，但大家的評語都是湯底太過油。即炸響鈴、鬼馬油炸鬼、宮廷拼盤10粒餐飲券包括的食品有以上三款，即炸響鈴新鮮薄脆；鬼馬油炸鬼是以蝦膠包裹油炸鬼的丸類，新奇有趣，味道不錯；拼盤的丸類皆可看出是手打，彈牙紮實，值得推薦。黑松露墨魚滑、手打芝心丸今餐最值得一讚的食品，我認為是黑松露墨魚滑。首先分量不少，應分到約20餘小粒；黑松露味十分突出，就算放入麻辣湯底