滾得囍宮廷火鍋小炒 (已改名) 查看

除了牛肉正常，其他都唔得湯底勁味精，188元冬瓜盅湯幾片蟹碎都慳，得幾粒化學蟹柳對不起價格，普通粟米都又老有渣，餃子和蝦滑冇味唔新鮮，豆腐和蔬菜全部采購下價貨色，30元一位醬料，只有辣椒，葱，芫茜，蒜簡單4樣，精品火鍋至小十幾款醬料係常識。 冇海鮮冇酒水二人埋單千幾。在這個相機先吃的新世界，冬天一定旺，唔識食的小朋友會like，在下係專業食家，一定冇下次，好在不是請客去乜面都冇，但同行媽媽為更資深食家，令我被鹅了半小時太多火鍋好過這裡。。。。。。下面 甘多'精彩文筆' 雪亮觀眾自己分析坐位幾窄 同相片相差好遠 service 可接受員工有笑容甜品要問幾次先肯俾。番薯薑糖水竟為全晚唯一可取薑夠多 火喉足 甜度適中 2018首個差評頒給你 滾得囍

凍冰冰最好打邊爐，今日就去左北角試左滾得囍。呢到有好多湯底都好吸引而聽講最出名係花膠雞湯鍋，但係我地冇叫到而係叫左個卜卜蜆鍋，貪佢有半斤蜆肉超低食。到上鍋時發現佢個鍋靚到呢～佢的餐具好有特色，唔只靚又可以影下相厄like🤭 卜卜蜆湯底－蜆肉多味道鮮甜，個湯一滾我淨係掛住飲湯都唔記得放野食 手切牛肉－個人覺冇肥牛咁滑，雖要用多一點牙力，不過都算唔錯黃金響鈴－最特別值得推介，點解叫黃金因為佢係有加入蛋黃再炸成，非常香口。就咁即食都已經好正😋如果要放落火鍋到最好2秒就拎返上黎啦手打丸我地叫左個拼盤，每款肉都爽口彈牙，最值得一提既係芝心牛肉，啲芝士同平時食既唔係好一樣，好好味👍🏻 而鴨血蜂巢豆腐同魚皮－而幾款食物都係好靠個湯底入味。唔洗講啦，個湯底咁正緊係好食啦😆 黎到最後仲有甜品糖水飲添牙，不過都飽到死已經不能再食哂佢啦。總之呢到既特色湯底我下次一定要再黎試～

今日嚟咗呢度打邊爐四圍環境好似好中國feel餐廳一直有播音樂聽聽下會發現呢度嘅歌好熟悉但同平時聽開嘅有啲唔同呢度連啲歌都變咗chinese version，例如let it go、前前前世等等呢度係逐樣逐樣order嘅。卜卜蜆蝸真係有好多蜆咖，而且湯底喺冇揀辣度嘅程況下都幾辣吓！叫咗啲竹笙、魚蛋、魚滑脆蝦外層鬆脆，而入面嘅蝦爽口彈牙，好食啊！炸響鈴，用鹹蛋黃炒過特別好食竹蔗水落足料煲，誠意之作！燴蝦，食咗咁多肉同熱氣野，叫咗呢個蝦嚟試下

男朋友鐘意打邊爐 基於上我地諗唔到食咩都會去打邊爐佢之前睇到一間邊爐店話好有特式話要帶我去試...依間餐廳係北角叫「馬寶學林」既商場入面睇下其他食評 見到個佢地用既鍋具真係好靚😍😍我地叫左麻辣卜卜蜆鍋，因為個日心血核潮想食辣！個卷聖旨係餐牌黎既，介紹特別既食物拎黎扮下做皇帝，影下相😝😝睇到相就見到個鍋幾靚，甚少邊爐店用d上呢d鍋嫁入面蜆既份量都幾大，而且唔多沙唯一係無得揀辣度...因為真係好辣...岩食辣既朋友可挑戰最後辣到我要侍應俾碗水我過一過冷河叫左一份半熟牛舌切得厚度適中灼一灼好快食得同爽口👍🏻手打蟹子蝦丸蝦肉新鮮彈牙，加入蟹子增加口感點可以無黑豚肉🙈咪睇佢好似好肥，其實口感好爽口呢款宮廷手切牛肉拼盤推介大家叫👍🏻👍🏻 我自己都好鐘意食牛肉呢款拼盤可以滿足哂一班牛魔王既慾望有本地手切，有安格斯同M4和牛我最鐘意係M4和牛，味濃之餘，肉質會比較淋我係芫茜控，打邊爐都會灼芫茜食嫁😆整體黎講，各食材都幾新鮮唯我食個日食我揀錯鍋...建議店家都可以係餐牌標示個辣既程度...不過我都會再去食既，因為我見其他湯底好幾吸引

冬天梗係要嚟食火鍋啦，咁啱係呢頭附近經過入咗嚟呢間度幫襯！點知超級正！嘢食質素一流！呢度嘅湯底絕對滿足到你嘅口味，因為佢有20幾款口味任君選擇！鹿兒島日本黑豚肉三個人食其實都啱啱好脂肪比例適中！鹹蛋黃炸響鈴呢個真係好正，碌一碌就食得，而且十分之特別，系出邊打邊爐真係食唔到鹹蛋黃炸響鈴！簡直會令你食完又想再食過！手打墨魚丸十分之彈牙 絕對唔會係你普通出邊幾蚊雞嘅貨色 絕對冇介紹錯蟹柳好特別，佢係日本蟹柳，味道的確係唔錯！和牛就十分之勁牛味，紋理分佈得好靚！呢個絕對係必叫㗎！

上網見到北角有一間玩宮廷式嘅火鍋，而且啲嘢食大受好評！為食嘅我梗係要約埋一班朋友過嚟幫襯啦！佢嘅menu真係好盞鬼，用聖旨黎做餐單！手打丸真係冇得彈，最特別嘅係芝心牛肉丸，呢個組合出邊真係冇見過，而且食落又真係幾好食！大受好評嘅係響鈴🔔！係咪睇唔出佢有咩特別，其實佢係用鹹蛋黃包住啲響鈴，呢個老細睇得出十分之用心！仲有魚皮，香脆至極雜菜拼盤，我哋食完又再叫呀！仲有好多餃子🥟大大粒，一啲都唔孤寒！

今日同朋友聚聚舊，過咗嚟呢間好特別嘅官廷主題火鍋店打邊爐！點解要過嚟呢間呢？係因為有同事推介，話入邊啲嘢食樣樣都係咁有水準，樣樣都係咁好食！橫掂都係港島區一於就入去食下啦！佢哋嘅餐單好得意，餐單係大大個聖旨！十分之有創意～調味料方面有好多醬料比大家選擇，啱晒唔同口味嘅你！我哋叫咗好多嘢食！呢個黑松露墨魚滑超正！墨魚滑真係食得多，同黑松露雙拼真係見得少！佢超濃郁黑松露味，我哋食完又再叫！打邊爐點少得炸響鈴，一放即食，香口依然！！然後叫咗肥牛，佢啲紋理十分之均勻！冇咗佢根本就唔係打邊爐啦！啲肥牛十分之有水準，十分之重牛味！一食就知道係靚野！仲有午餐肉都Ichiban!!

除夕夜，決定打邊爐來作為2017最後一餐，熱熱鬧鬧地告別這忙碌又豐盛的一年，選中這家宮廷風火鍋店，再為這跨年飯增添幾分隆重的儀式感。店家裝修古典大氣，微暗的燈光營造出幽隱感，又添了幾分神秘。落座打開「聖旨」，原來是各式湯底介紹，一番研究之後，選中了老少皆宜的「同治天麻魚頭湯底」。 湯底由青銅色龍頭鍋呈上，色澤清澈透亮，大魚頭足見用料誠意，濃濃黃酒味及藥材味騰起飄散，未飲先聞已覺得元氣提升幾分，湯滾後，未下料先盛一碗試味，果然鮮美濃味，暖身提氣，滿意！ 不慌不忙滾燙各類食物，黃金響鈴炸得酥脆噴香，鹹蛋黃鹹香滿口，落湯滾一滾，少了分油味，又添一分柔中帶脆的口感。黑松露墨魚滑特色十足，惹味滑嫩，成為當晚最受好評之選，相較之下干貝瑤柱滑就較為遜色，雖有鮮味，但似乎有些寡淡無趣。鬼馬油炸鬼是另一大受歡迎菜式，調味與口感恰到好處，蟹籽添了幾絲鮮甜，頗有特色。唯一敗筆是珊瑚蚌，不知為何居然有些苦味，令人失望。還好，其他如豬腰片、鮮鵝腸等都處理得非常乾淨，輕輕碌一碌就熟，點醬入口，一啖柔嫩一啖爽脆，樂趣十足！ 當晚店內推Facebook點讚優惠，

又黎到日日打邊爐既季節啦 一入到黎 已經比呢度既裝修吸引到 濃厚既中國風設計 枱面仲擺左本聖旨 搞到我未食已經先入為主 覺得成件事好正宗😂入番正題 今次簡左宣統原隻龍蝦濃蕃茄湯鍋 岩開始既湯底唔算特別濃郁 但勝在原隻龍蝦真係好嫩滑 鮮味多膏 打邊爐當然一定要食牛肉 我就簡左本地手切牛肉 真心食到唔係差野 唔係雪藏貨 係新鮮既牛肉 唔洗點醬都已經夠曬味 黑豚肉切到大大塊 肥瘦分明 一啖食過去 勁有滿足感超鍾意呢個和牛芝士一口飯，中西式mix既配搭好特別，一口咬落去，啲芝士真係爆出黎魚肚唔太特別，食落好少少似豬皮黑松露墨魚滑，一上枱黑松露既香味已經好出，啖啖都勁香，一定要試呢個！唔知係咪墨魚滑實在太出色，呢個宮廷拼盤我就覺得普通，食得出係手打，粒粒都彈牙，不過就覺得比較下冇咩特別喇響鈴又係要勁推，唔知係咪即炸，響鈴表面有油光，勁邪惡，絕對唔係街市買開既響鈴，蛋黃味好出 必食！👍蜂巢豆腐好吸湯，不過個人喜好都係鍾意食滑豆腐多啲蔬菜類普通 竹蔗茅根好足料，真係比埋原材料你睇，清熱岩曬打邊爐

這餐廳的裝修、用具，以及餐紙都經過精心設計，讓人有如置身宮廷一般。但侍應卻仍是穿上現代服飾的，叫人覺得不會太過火。點餐紙就是皇上的口喻。而餐廳的簡介更是聖旨一道。火鍋更是雙龍頭的煲，很有氣勢。這次點了羊腩煲，在寒冷的天氣吃特別適合，吃後整個人都暖晒。來到宮廷，自然要選黃帝菜，味濃得來不會搶了其他食物的味道，不錯。墨魚滑也是水準之作，粒粒都很彈牙，有很香的墨魚味，很新鮮的味道。除了羊腩，羊肉片也是要點選的。廚房很有心思把每一片掛在木條上，單是外觀已叫人賞心悅目。而羊片並沒有羶，很易入口。除了羊，不可少的當然是牛，這裡選用了日本的飛驒牛。單看外表以為會較肥了一點，但放在火鍋後不久，脂肪已不見了，而牛肉的質感很好，很軟，不消幾口便已吞下了。牛味也很十足，真是名不虛傳的名牛。除了火鍋，小炒也是這店有名的。這碟酥炸生蠔很大隻，而且很有蝶味。外脆之餘，內裡還有豐富的肉汁，炸得不錯。最後一定要試的是五味豆腐，火喉控制得非常之好，薄薄的外層很鬆脆，而中間的豆腐軟得來不會一咬就散，也有很香的豆味，推介。

來到冬天，吃火鍋是少不免的! 一場稱心滿意的火鍋，的確能讓我溫暖足一個晚上。自從有飲食障礙後，不能吃多，什麼火鍋，放題等也少吃了，除非是一些大班人聚會；但正因如此，不重量反重質。這晚，只有我與爸爸的一個晚上，便與他來一個帝王式的飯局，享受極致的豪華火鍋。餐廳內的裝潢，格局，佈置，以至餐桌上的用具，貫徹始終都是以宮廷為主題的格調；而一坐下，便能看到"聖旨"，其後又看到"接旨"，真的讓人以為自己身處宮中。"接旨"其實盲是菜單，接過旨後，當然要好好思量一下與爸爸吃些什麼了! 食物種類很多，海鮮，肉類，丸類，特式類，蔬菜等都是少不了的；難得與爸爸二人世界，加上這殿王級的氣氛，我下手似乎也有點重，也主要是想讓他吃得好一點!侍應會先捧上兩盤醬料，有辣椒，蔥，辣椒油，蒜蓉，豉油等，讓客人任意配搭，調配出屬於自己的口味。而且最貼心是侍應都不會把它拿走，隨時要加也可。單看湯底已貴氣十足，不是平民吃的什麼清底，海底椰，蕃茄這類的，在那之上，加入的盡是貴價配料，如貴妃雞，龍蝦，花膠等，已看到店家的心思，絕對是想待客如上賓，而最後我們亦選了我至愛的龍蝦湯鍋。宣統原隻龍蝦濃蕃茄湯鍋($298)一上場是已讓我與老

成日都話想試花膠湯既邊爐今次終於的起心肝去這間餐廳位於北角唔難搵嘅地方雖然今日係平日但係都好多人我地仲要4個坐最出面我下次一定要訂位先去傳說中既雞湯當然要頭一口好鬼先甜湯係黃金色老實說我想全部飲晒佢花膠一人一大塊唔使搶D雞都滑但唔夠4個大食男食但除左雞湯我都要試下牛牛同其他既食蝦丸對我來講係最好食但又唔係貴當然牛牛同豚肉都好味但蝦丸真係太屈機應該係自家製造其次係肉類都好新鮮雖然價錢貴左少少但飲個湯都抵

朋友介紹北角一間宮庭邊爐，於是放工與男朋友一同齊齊搵食。餐廳就在北角新光戲院轉灣後街，其實招牌很大個，指示都好清楚。到達門口已經超級驚喜，真的很有古代皇朝的氣派。店員好有禮貎安排我們安坐，還送上一道聖旨介紹餐廳、前菜和調味配料。這𥚃很多湯底選擇，亦很創新，男朋友喜歡吃辣，所以我們點了建寧公主麻辣卜卜蜆鍋。店員送上湯底時已經十分吸引，鍋底並非以一般不銹鋼鍋上枱，是以精美的清花瓷盛載著香噴噴的湯底。湯鍋絕不馬虎，材料十足。不到一會，湯底已經滾起，蜆肉很大隻，很鮮甜。我們叫了一些配料，鹿兒島黑豚肉上台賣相已經好吸睛，上枱時還配上乾冰帶霧化感覺，已經很能夠引起食慾，Facebook 及 IG打咭真的吸引很多likes。黑豚肉質感很淋軟，入口即溶。而我最喜歡的是黃金響鈴，一般響鈴都以吸收湯底味道為主，但這響鈴名為黃金響鈴，除了金黃外表外，其特色是帶咸蛋黃同炸，所以入口會有很香濃的咸蛋味道，就像吃新加坡的黃金魚皮一樣，香脆而帶濃濃的蛋香，整個味道很配合而不單調。我們還點了黑松露墨魚滑和瑤柱乾貝滑，很明顯是店家用心之作，全都是店家親自手工製作。很喜歡店家將黑松露放上墨魚滑上，由食客自己調配，男朋友不

聖誕節打邊爐真係好，唔會無位，呢間火鍋店用宮廷做賣點，聖旨餐牌同個鍋真係好有特式，好靚！配料基本上都好新鮮，個火鍋真係相機先食。呢度最特色湯底係花膠雞湯或或者順治特式卜卜蜆鍋- 順治特式卜卜蜆鍋 $168 - 蜆嘅份量都幾多，可惜就唔係好夠鮮味，湯底係辣辣地，下次真係要試下花膠雞經鍋- 半熟牛脷 $58- 本身整熟咗，浸番熱佢，真係估佢唔到咁滑，大推😋😋😋- 牛肋片 $58- 有咬口d, 有d肥膏，部份有少少靭，牛脷勝- 新鮮鵝腸$48 - 無咩肥膏，但就好爽脆- 魚肚 $32- 滾咗好耐都唔係好吸到味- 鴨血 $38- 似豬紅- 黑松露墨魚滑 $78- 好彈牙，好香黑松露味，正！😋😋- 宮廷拼盤丸 $108，有5款各2粒，芝心牛丸好味，手打蝦丸好彈都好味，豬肉丸一般，芝心丸都不錯，墨魚丸彈嘅😋😋- 黑松露野菌餃 $78 - 餡幾香幾好😋，個皮嘅摺位，煮到皮肉分開都唔熟咁- 黃沙豬潤 $58- 無咩味，但就好爽口- 蔬菜拼盤$68 - 份量比較少，有3款菜，蕃茄，粟米，木耳- 雜菇拼盤$68 - 有5款，鮮冬菇，秀珍菇，甘菇同雞脾菇- 山水滑豆腐 $28 - 即係百福豆腐- 冬瓜件 $

最近成日係社交網站見到人post十分有氣勢的「聖旨menu」，一search之下發現係北角嘅滾得囍，立即約朋友去試！朋友中有食辣有唔食辣，所以揀左兩款湯底 :👉🏿康熙花膠雞湯鍋＄288👉🏿建寧公主麻辣卜卜蜆鍋＄198「建寧公主」真係唔講得笑，好辣！🌶🌶🌶連我都話辣，可想而知！另外康熙花膠雞湯鍋絕對真材實料，三大舊花膠，又軟又滑，雞肉都好嫩，大家都爭住飲湯呀！手切飛驒和牛100g $288睇下雪花幾靚！份量較少，但質素取勝。滾得囍餃子拼盤10粒＄108滾得囍海鮮拼盤款＄368手打丸 · 滾得囍宮廷拼盤（10粒）＄108瑤柱乾貝滑＄78滾得囍蔬菜拼盤＄68足料竹蓆茅根（一渣）＄38