滾得囍宮廷火鍋小炒 (已改名) 查看

餐廳既裝飾好華麗，十分配合宮廷火鍋個名，我地5:30就開始食，7:00左右走，已經陸陸續續有其他食客，大家要早d訂位！湯底差唔多有廿款，好少火鍋店有咁多選擇👍🏽 係改名方面好有心思，因為我地想飲湯，所以最後叫左康熙花膠雞湯窩！湯好好飲！花膠好大塊足料，兩個人叫左半隻雞（$288），一隻就$388，好夠，飲左三四碗湯同食晒d雞都已經飽飽地hahahah另外清清地，叫左壺竹蔗茅根（$38）滾得囍宮廷拼盤，有五款肉丸（$108）黃金響鈴（$68），同平時食個d唔同，有用蛋黃包住，好食好多，試過出去食有d好難食，好淋，但le個唔會！和牛芝士一口餃，食完會好飽😂😂😂仲叫左個100g手切飛驒和牛（$288），平時係燒黎食，打邊爐係另一種食法，冇咁油！

😜聖旨到聖旨到📜奉命一班👯朋友👯去 #北角滾得囍 踩場🐾🐾🐾 好過癮呀！ 估唔比我搵到間火鍋店大玩宮廷氣派，除左裝修之外，用具，擺設，就連menu都貫徹始終，認真厲害！ 先來醬料調味，有XO醬、蒜蓉、蔥花、芫荽、沙茶醬、辣椒等等任君選擇。 這裏跟一般的火鍋店有點特別，就是沒有咽音我選擇的，貪心嘅我哋當然要試多幾款啦！所以今次一行四人就揀咗兩個唔同嘅湯底！ 🍲康熙花膠雞湯鍋🐥(＄288） 花膠雞湯鍋當然夠足料啦！大大件厚肉嫩滑重骨膠原的花膠配上8成熟的鮮雞，加上超甜超夠火喉的花膠雞湯，成件事好幸福呀！ 🌶建寧公主麻辣卜卜蜆鍋(＄198) 見到個鍋都覺得好厲害！卜卜蜆鍋都幾把閉，入面放滿左大大隻鮮鮮厚肉的蜆肉，麻辣湯底一啲都唔野少，堅係辣架，辣到朋友變咗孖潤腸。 嗜辣嘅我當然冇俾佢嚇到啦，但係真係會越食越辣架，食到最尾真係要加多少少湯先頂得順，不過又辣得好過癮！ 🐄手切飛驒和牛100g （$288） 牛肉條紋清晰可見，紅卜卜的，非常吸引 ！吃上來肉質非常嫩滑，牛味香濃！ 🌸桂花蚌（$98） 桂花蚌夠新鮮！

完全係比openrice 的啲相入面個好靚既鍋吸引左黎，真係好唔抵得啲食店用埋啲咁靚既器皿真係會燒到我呢啲碟控衝去影返張靚相！佢仲有份好型既聖旨比你影下相，入面係介紹餐廳同湯底既。當然一試之下，食物都真係唔錯～被個卜卜蜆湯底吸引左，成個湯底都係蜆！真係好足料～在蜆肉的攻佔下湯底都非常鮮甜，飲左成碗都沒覺口渴，證明冇乜加味精，好值得推介！由於好勇咁2個人去打邊爐，嗌到成檯野真係好驚食唔晒，但佢竟然有鴨血！不過我都係覺得鴨血要襯麻辣湯底開心啲。蜂巢豆腐又係我最愛，好吸湯汁好好味～魚皮。啲丸丸真係手打，好滑好足料，呢到分別係蝦丸、墨然丸、芝心丸、芝心牛肉丸同豬肉丸，芝心牛肉丸好好味！呢個配搭比較少見，店家的用心亦非常值得嘉許。本地牛有點難咬，唔可姒滾太奈，但太生又唔好食…成餐最最最推介亦最中意既就係呢個黃金響鈴！係咸蛋黃包住響鈴，完全唔便滾十秒，就咁食我都食左3條～好想再食～我覺得我會因為呢個再黎！仲有蕃薯糖水送～不過真係食到捧住個肚走，好滿足呀！

天氣感凍，即刻約班最鍾意打邊爐嘅朋友去試！冇提早預約嘅關係，但係又好想試，最後walk in等左一個鐘！ 一個個中式屏風排列着，感覺通透乾淨～太肚餓，未接旨之前，我已經喺門口揀定晒要食嘅嘢😂 不過呢間店的確幾有心思，由店面嘅佈置到menu，再到個火鍋盤的使用都好夾。呢度最好嘅就係想鍋底和餸菜非常快！卜卜蜆鍋 ，不是平時外面的整個鍋都鋪滿蜆仔，而是比較大隻的蜆，都不錯～黑豚肉的擺放方式很特別，睇到都覺得好食本地手切牛肉，份量足，肉色也很靚！打邊爐當然唔少得要叫桂花蚌，餃子，手打丸同生蠔！所有配菜都好新鮮，手打丸超彈牙！餃子也很好食，餡料選擇特別！見到小菜小食Menu都好吸引，試了墨魚餅！好好食！超級彈牙加上泰式辣醬，味道好配合！店同事主動問要不要番薯糖水，打完邊爐食糖水當然最好不過，但當糖水放滿枱面，我們發現只有糖水🙈很驚訝！我們還在想是不是有番薯味的糖水😂 之後唔小心倒瀉左，另一個店員隨即補回一碗! 這一碗竟然放了滿滿的番薯! 最後每人都食到兩粒番薯～總括來說，這裏的鍋底實在太吸引！太多款式選擇，所以一定會再黎試其他湯底😋基本上Menu上有👍🏻的都真係好食！糖水有進步嘅空間，宮廷主題，

同事一直想試呢間，一齊ot後book左食九點場。好彩有book位，甘夜仲有人係出面等位。一坐低，就比個聖旨吸引左。我地叫左個花膠雞湯底。雞都有半隻，花膠眼見係幾多噶。個煲好得意，中間識噴水噶，有gimmick。但呢個花膠雞鍋令人好失望。雞肉又鞋又散，花膠又硬又無味，同旺角最出名果間噶有好大分別。而且湯底都係無味噶，飲水好過。呢個手切牛肉，成300蚊一碟，無牛味之餘仲鞋到一個點，夾硬食左幾舊就頂唔順。呢個豬腩片相對係食得過噶，不過都有小小豬腥味，但都食得曬。羊肉睇到都知又係鞋噶，味道一般般啦，無麼特別。蝦滑未食過一間係難食噶，所以係安全食物黎。呢個黃金響鈴係特別噶，但d蛋黃淥完，膠味勁重，加埋響鈴噶口感，簡直似食緊塑膠。呢餐最後買單$1200兩個人，係我食過性價比最低噶火鍋，夠曬gimmick啦真係。

今日同事介紹就過咗嚟呢一間北角嘅火鍋店試吓。同事話想試吓啲滋潤啲嘅湯底於是叫咗一個花膠雞湯底，應該嘅湯底好真係唔係淨係普通雞湯成隻雞再加啲花膠落去好足料每一啖湯都好濃郁。 非常值得讚嘅係呢一個響鈴佢唔係普通你係出邊街買嘅響鈴咁簡單，佢係自製過而且中間每一啖都係有一啲咸蛋黃GAP左係中間定你個口感非常之豐富！！另外佢既和牛我都令我哋好驚喜一出嚟嘅時候、剩係得外型已經真係覺得有宮庭式嘅享受，好豐富因為佢有一啲乾冰係下便不斷出嚟，而且咁樣都令肉更加保持到溫度，每一啖肥瘦都係適中嘅，好有驚喜！仲有見到佢嘅粟米其實望落去冇乜特別但係真係每一粒都好鮮甜！佢嘅手打肉丸每一粒都同出邊唔同㗎我嘅肉丸啦，有好豐富嘅黑松露香味，雖然食落去唔算太有黑松露味但係肉汁都係好味嘅。

朋友介紹話依間火鍋新開無幾耐環境幾好幾有特色，所以就黎試下裝修唔錯得黎，野食賣相都幾靚，不過食落味道一般但服務真係認真要改善一下，有個著西裝友（我估佢係經理黎）我地叫佢比幾杯水黎，佢比一杯都算喇，咁我地咪話要多兩杯水...點知佢嘆晒氣咁話：唉，我比一勺你地啦⋯⋯其實今時今日咁既服務態度真係唔得囉，仲要話晒價錢雖然唔係貴但都唔算平囉，咁既價錢咁既服務真係唔得囉，仲要我地食完野幾個未埋單坐陣傾下計點知條西裝友仲要走黎問我地係咪埋單囉，明顯趕客....book枱既時候講明9點交枱，但個時先8:10

朋友推介过来，意外的好食！推荐；黄金响铃（有蛋黄的超级好食！$68），黑松露墨鱼滑（$68），午餐肉（要麻辣火锅！$38），黑松露野菌胶（唔好煮太绵$78），手打猪肉丸（都系要控制好火候$78）值得冬天过来滚一滚～～～

裝修及湯鍋是有點特色，價錢不便宜，但食物質量未達到這價錢水準，只可以講不難食，但不是好味。由於服務人員太多甩漏，所以了解過，才知開了半年，運作了半年，其實也應該很熟練了，但仲係感覺好似好生疏，特別想提到一位，穿著恤衫制服的人員，估計應該是部長/經理，行過來時有一陣煙味，態度很一般，叫佢俾2杯熱水，佢的回應：「唉，我俾一壺你啦。」為什麼要唉，要咁不耐煩嘛？而且見佢衫袋有包煙，個人覺得返工時要有專業嘅形象，是否可將私人物品放在員工室？新開餐廳，有新鮮感，而且有D特色，感覺到有落過心思，但員工的態度直接會影響一間餐廳的口啤...希望有所改善

同朕Check下有咩食先......滾得囍就如其他評論一樣，讓人有置身宮廷既感覺，雖然冇果種金碧輝煌，但都別有一番舊中國既感覺。最有趣系餐廳竟然播放二胡版Lady Gaga既歌，哈哈…...鮮原隻龍蝦配蕃茄濃湯 - 呢個湯底冇得輸，用大量蕃茄，薯仔，洋蔥加上新鮮原隻龍蝦，湯底超香甜濃郁，完全系鮮味而唔系味精造出黎的，莫適話拎黎打邊爐為食物提鮮，就甘拎黎飲都抵啦，就系要試一試。睇下龍蝦幾膏，好新鮮架，煲完仲好鮮甜彈牙。鹿兒島日本黑豚肉 (88) - 其實份量都唔小，仲玩埋乾冰甘有型，發曬排場。肉味夠香，而且脂肪比例適中，油感都幾豐富。手切本地牛肉 (298) - 牛肉系鮮紅色架，一睇就知夠新鮮，而且仲好重肉味。呢啲肉灼幾秒就食得，唔洗太熟，真系幾正，都唔洗點醬食黃金響鈴 (68) - 呢個真系新鮮有趣又好食，唔系講笑，肯肯定要試!!!新炸響鈴，但竟是系滿佈鹹蛋香，灼一灼就食得，除左香濃既腐竹味，鹹蛋黃香亦系口中爆發，哇，真系好香口，好惹味!!!!!但都幾邪惡，食兩件就夠啦!!!手打墨魚丸 (78) - 手打丸爽口彈牙是常識吧，賣得78蚊都唔會太差，唔系一般貨色，其他丸都唔錯，睇自己鍾意咩

前排系係Fb見到北角馬寶道依家〈滾得囍宮廷火鍋小炒〉俾幾個page都極力推介，所以今日就和三位朋友一齊來一試虛實馬寶學林這個商場名大家可能會比較陌生，但其實只要出咗港鐵北角站A2出口後向左邊行幾分鐘就到。入到去果然係古式宮廷的裝修風格，再加上餐廳播放著中式古典音樂，真的有一刻以為自己在宮廷中用膳呢入座後便看見檯面有張〈聖旨〉，嚇死人咩。還未正式點菜就看見可以like他們的Fb專頁就可以免費送洛神花茶，當然第一時間個個都like，唔好執輸。雖然話係送的，但淨係睇顏色都知幾濃味而且雪得夠冰凍，酸酸甜甜的真的非常開胃。侍應大哥說他們的〈麻辣卜卜蜆鍋〉最受歡迎，所以我們就決定點這個做湯底。個鍋一送過嚟嘅時候即刻被嚇親，心裏浮起兩個字：霸！氣！人手雕刻而成嘅青龍鍋爐又大又厚實，承載著麻香撲鼻的麻辣卜卜蜆登場。忍不住用匙羹（筆）一啖湯試試，哇！！好辣！！差啲噴出嚟同行比較能吃辣的朋友味道剛好，但是BB班的本宮還是強行先把湯中的辣椒全部夾起來，否則應該會越滾越辣，所以奉勸各位不能吃辣的朋友不要勇闖這個湯底。把辣椒夾起後再試卜卜蜆，大蜆爽口無沙，而且份量都不小，好像吃極都吃不完終於把所有大蜆吃完後試試

邊爐holic嘅生日飯，選擇咗一間宮廷風嘅火鍋邊邊佢嗌咗個建寧公主卜卜蜆四川麻辣鍋，鍋身係好有京城特色嘅景泰藍，只可惜冇咗中間嘅炭火亦實在冇哂神髓湯底嘅蜆一啲都唔馬虎，食極都仲有，比就咁麻辣鍋貴$100其實好抵食。隻麻辣冇乜麻味，唔係好四川，不過話到明係京城火鍋，唔夠川又好似好合理（始終真正嘅北京邊爐係講緊泉水湯底）。最失望嘅係煮耐咗個湯會好濁，係嗰種來至個鍋煮咗好耐嘅燶味，實在大煞風景。食物質素有四粒星，黃金響鈴令平時唔食響鈴嘅我都食咗兩三舊。如果有得嗌半份就好，始終滯滯地，兩個人嘅話食完成碟已經墊哂底。午餐肉唔係用cheap嘢，厚切好好食。薯仔唔洗煮好耐就會鬆，入哂辣味超級正鴨粉腸比較少見，但係實在太苦。紅薯粉唔知點解係幼身，落完夾得返上嚟食嘅只有一半。餐廳裝修行中國風，以宮廷定位嚟講略為簡樸，未見宮廷嘅氣派同奢華，係中間嘅團壽紋屏風簾比較有宮殿feel，loose furniture 方面以(目測)黃花梨椅比較有心思，加咗紅紋椅墊坐得比較舒服，亦為整體木色嘅裝修增添咗色彩。(順帶一提，啲民國style熱水壺實在同成件事格格不入。)

同同事特登嚟呢一間一早已經聽過佢大名嘅中式火鍋店揀咗呢一個好似幾特別嘅花膠雞湯底，見到佢真係有成隻雞同埋有好多花膠入邊㗎，而且個湯底都好鮮甜先叫一個蒜泥白肉啊估唔到都幾辣下，但係佢嘅白肉嗰個肉質比某一間連鎖店嘅肉嫩滑好多不過係我來講就比較辣呢一個首設飛驒和牛繼續執非常之有牛味！你見到佢嘅牛肉嘅條紋係非常之靚嘅佢嘅脂肪同肉嘅分布。可以話係我食過最好食嘅火鍋肉！有時都真係值得一讚佢一個牛舌係非常之正而且係有一陣牛嘅香味，唔會係普普通通嘅牛舌口感咁簡單，而且佢哋好入味唔係淨係單單但係咁簡單佢搞落去每一啖咀嚼嘅時候都係有牛嘅肉汁出到黎！！非常推介午餐肉就同一般差唔多啦仲有呢一個澳洲手切M8和牛，佢一出嚟嗰個樣完全係贏晒普通嘅牛肉，佢係貴得有道理嘅，因為佢的確係有用一啲冰凍嘅冰去保持住佢嘅溫度，而且佢每一塊嘅肥瘦都係啱啱好食落去口感非常之好味我非常真心推薦朋友過嚟呢度食嘢雖然價錢唔算話係好平，但係佢每一樣野都係有落過功夫而且環境都好好私隱度夠晒

天氣轉冷，火鍋成為人人談論之物，而滾得囍以宮廷火鍋作招徠，雖然不是有很長歷史，但仍能做到未食過，都有見過此等品牌名聲。加上早前亦有報導介紹此間火鍋店，令我印象更為深刻。好，廢話不多說。雖說是小店一家，但其特色之一便是宮廷古典的優雅裝潢，令人置身於百多年前的清宮一樣。椅、桌、牆、餐具均具特色。選擇極多，光是火鍋湯底已有近二十款，叫有選擇困難症的我如何選擇呢?火鍋配料亦是應有盡有，也不花時間一一細數。原隻龍蝦香濃湯鍋 ($298): 此為五星之選，湯底以蕃茄濃湯作湯底，加上原隻龍蝦餚製，鮮甜得很，色、香、味均能達至賞心悅目之境界。湯底還未加其他火鍋佐料已相當鮮甜可口，讓我喝了一大碗湯才起動。此湯底更是愈滾愈濃，愈濃愈鮮，令我不知不覺間喝了五六碗湯手切頂級安格斯牛肉 ($328): 擺盤相當有霸氣，底部放置了乾冰，營造煙霧。牛肉呈鮮紅色，新鮮至極，脂肪比例適中，使其更為滑嫩，當然牛肉也絕對香濃，成身必選之物。半熟牛舌 ($58): 牛舌是出奇的爽口彈牙，僅次於牛脷芯，但質素已令我相當滿足，吃不停口，我個人已吃了五六塊手打芝心牛丸 ($78): 手打丸肯定是爽而彈牙，內藏流心芝士，兩者相當搭配

作為一個 堅為食 + 愛打卡 o既人, 去食好西 係好重要嘅! 北角除咗有好骨醫, 仲有朋友推介嘅好邊爐~落聖旨 order 嘢食, 接我旨吧~嘿嘿嘿... XD坐得舒服的中國風怕辣嘅我地, 好想食卜卜蜆 見到 "建寧公主" 個名 + 店員話啱香港人食 唔會好辣, 就 叫 了, 想做公主嘛~ >///<來鳥, 打邊邊都打得霸氣十足~嘿嘿嘿, 好皇家啊~响迫大家幫我瘋狂影相放 ig story 後, 開蓋喇~香料味 香辣味 撲鼻,媽~ 好 香 濃 呀!!!好多蜆啊 仲大大隻的!!!同時見到好紅好多蕉... 吾理喇 衝呀!!!大隻得黎有肉地, 我地好開心呀食得~因為熱又辣, 我地食算慢, 同事好細心呀, 拎多隻碗比我地裝啲熟咗嘅蜆上黎先 再慢慢食, 吾怕煮得過熟~噢噢~~~~~好豐富呀!!!新鮮即炸魚皮 好香脆, 我鍾意佢略帶點厚度 炸得恰好~我猛食... XD對我地幾乎唔食得辣嘅人黎講, 加咗水都係好辣... 我地自行2次隔掉辣椒同紅油, 味道 就啱啱好喇~ 香濃好味, 微辣添風味, nice!美國桶蠔 鮮味 啖啖肉鹿兒島日本黑豚肉有𡁻感又有肉味瑤柱貝滑彈牙鮮甜我地都好味