源興美食 (已搬遷) 新店位置

說實話我也是 RICE 的粉絲, 找野食一定上來望望, 九龍區更會無孔不入 .... ! 今日呢間可稱得上冷門中的冷門, 地點是街市旁邊, 街邊地下濕淋淋, 晚上條街更黑漆漆。如果無RICE是找不到的, 對不?!呢間店晚上聲稱是私房菜, 所有野都要預訂? 可能以新鮮作來頭吧 !不過講真, 主力還是燒味系列, 什麼雞, 鴿, 鵝, 叉燒為主, 之外就是蒸骨, 豬手,雞腳....是否發現我講D菜全是肉呢? 係喎! 提前一日訂菜, 老闆只推介蒸老虎班$350條, 竹節蝦$95隻, 不過我無幫趁, 因為人少及不合 bugget !至於菜呢, 仲攪笑, 老闆只提供通菜一味, 話其他不是時令喎 .... 八點到人不算多, 可能已做了一轉 ~ 燒鵝先來半隻(訂), 不熱但脆, 肥肉不多, 可以.... 皮脆還是重點 ! (90分) Around $200叉燒隨後到, 好入味, 不太咸不太甜, 也出色, 但可以肥一點 ! (80分) Around $80花生豬手, D汁好味, 豬手不太淋, 有點難咬, 老人家應該食不到, 味道都有 (75分) Around $90燒鱔, 嘩呢碟.... 十小塊, 買相

 見到食評話係隱世小店,其實都唔係咁隱,係佐敦永安入口轉入去就係啦,離地鐵站10分鐘路程左右. 其實我食過兩次啦.第一次有5-6個人去,叫左好多野(差唔多所有招牌菜):  青瓜海蜇:果然近街市,老闆搵d青瓜條條到好粗好爽  酒釀雞腳: 唔....清清地+苦苦地  秘製家傳豬手: 豬手少肉食,但重點係d汁同花生,夠香夠料,撈飯一流.  燒鵝:我個人對燒鵝一般般,但佢d燒鵝真係肉汁一流,食多左幾舊  叉燒:我自己少食叉燒,但d叉燒軟身厚肉地,但偏咸  咖喱羊腩: 食得辣至愛,羊肉一樣軟身厚肉地,唔"so"  蜜汁燒鰻魚: 好特別,我出面未食過, 好似用燒叉燒既方法整,"擔擔"到係嫩肉雖然係蜜汁燒,但我唔                     覺甜,如果加多d蜜汁去燒,唔知會唔會更好  糯米釀雞翼:手工野,去骨再釀糯米;唔知佢點整,見唔到d縫位,入口就feel到一腔熱騰騰既感覺!  炒芥蘭:夠鍋氣,我仲意因為掛住食,所以唔記得影相."唔記得影相"lee句被老闆聽到,佢就拎左隻燒鵝比我影,笑左.所以,最後影左隻燒鵝.想食燒鵝要預訂,即叫即燒  第二次去,我拉左阿狗(人名)去,佢同我一樣唔太仲

隱世小店, 開在油麻地街市內, 晚上早收工, 要不是預先訂位, 也未必有得食. 老闆林生曾在灣仔鵝頸橋街市內的熟食中心的出名小店內工作, 清真惠記和海記, 灣仔工作的, 幾乎無人不知.當晚只兩人, 叫了四款餸, 略多了一點, 最終吃不了, 帶走囉…蜜汁燒鱔, $160, 略貴, 賣相了得, 入口, 外皮香脆, 味道不太甜, 雖然內裡略為實了一點, 但彈牙肉質, 一試難忘, 福臨門也有此道蜜汁燒鱔, 是試過最好的, 這裡的排第二位啦. 燒鵝, 大約$200半隻, 只比一般的燒味店貴些少. 鵝是訂購即燒的, 上檯時, 燒鵝皮的顏色, 已經告訴你 “脆皮”兩個字了, 未入口已經聞到那種燒鵝的香味, 入口果真是皮脆肉軟和彈牙, 十分新鮮的鵝肉, 還有, 師傅的高手之處是, 汁液的味道十分淡口, 師傅沒有用到十分濃的調味, 而只有原始燒出來的鵝香味, 在街外, 甚難食到如此這般新鮮淡味的燒鵝, 唯有意見之處是, 鵝背脊部份的肥膏太多. 要做一些手術切除, 才可入口.义燒, $65, 合理價格, 又是另一水準之作, 但當然, 未及燒鵝般出眾, 是實上, 甚多地方都有提供好的义燒, 只要是肥瘦百份比

往油麻地尋寶, 近佐敦的新填地街市, 發現了超隱蔽的好嘢.老闆是大師傅, 最初在鵝頸橋街市有名咖哩的海記學藝, 之後曾經主管過龍皇, 陶源, 利苑, 東海等燒味部.咖哩羊腩飯, 賣相與灣仔鵝頸橋街市內的海記和惠記一模一樣, 味道不相上下, 都係高質素之作, 咖哩香味十足, 未食已聞到十分強烈的咖哩香, 唯辣度不太強, 不過, 個人口味, 未必人人相同, 羊腩入口也軟滑之餘尚有些少地方鞋口, 可繼續改進, 但仍算是水準以上的出品. 飯夠熱, 飯身未夠出眾, 希望師傅能精益求益, 找尋更好的米. 例湯? 淡淡, 不是我杯茶.

自從上次在這隱隱於大市的小店食過一碟價廉又物美的燒腩飯後，心裡一直記掛着這兒的其他出品....最後卒之忍耐不住，之後一個月之後先後兩趟再度重臨...及後不斷介紹家人及身邊的朋友去試....於是乎此店已儼然成為小弟近期的飯堂一般。而事實上在一個半月內到同一食肆光顧了三次，對我來講可說是絕無僅有的經驗....聽聞這裡的老闆與鵝頸街市內的清真咖喱名店"惠記"及"海記"是有點干係的(如有錯請各方指正)，故此除了燒味之外(師傅曾是"陶源"的燒味部主管)，一道咖喱羊腩也是一項在這店必要試的東西....和在"惠記"及"海記"一樣，在這兒也可以來個咖喱羊腩與燒鴨雙併飯，只需要加多幾大洋就可以有雙重的享受，實是一樂也....先試一口咖喱汁，味濃稠而不膩杰度亦甚適中。相比起"惠記"及"海記"的出品這裡的辣度是較為溫和，這對個人而言是更對口味；羊腩除了有一件偏嚡以外其餘的全都淰糯很易被咬斷。羊的獨有羶香味是能用舌頭感受得到但又不是很霸道很過份。羊痴可能會覺得不太夠過癮但對我這個喜歡味道中庸一點的人來說就屬啱啱好了....燒鴨入口仍是微暖的，亦是真的皮脆肉嫩。是日吃到的是近肶位較厚肉的部份，件件是連皮帶肉的絕

鵝頸橋街市清真惠記的燒鴨，我想不少嗜吃的朋友都會知道。自從小臣搬到九龍之後，就很少去買燒鴨回家吃，得聞在佐敦有家「九龍版清真惠記」，便約了小頭來一試，以開拓「鴨源」。從惠記出來的師傅，先在鵝頸橋街市開了家海記，然後又有這位源哥，在海記學藝後，輾轉在利苑、東海等燒味部工作過，半年前開了這家源興美食。店藏在新填地街街市中，正是大隱隱於市。此店晚市客人不多，我們就這樣闖進去，差點什麼都吃不到。幸好這晚另有一桌客人，有剩下的半隻鵝及燒鰻魚，我們才不致敗興而回。奉勸專程去試的朋友，鴨、鵝、鰻等都要一天前預訂，否則午市賣完就算，想斬一碟燒鴨飯也沒有材料。先吃海蜇，拍青瓜墊底，味道調得不錯，只是偏辣，小臣吃到一半就自動收手。燒鰻魚是驚喜的一道，中式蜜汁燒，厚身彈牙，且碎骨不多。雖然售百多元一碟，但真是非常美味，推薦。半只燒鵝上桌，因為是為之前的客人而燒的，到我們吃的時候當然已經不熱了。鵝不胖，沒有太多脂肪，皮烤得香脆，不過源哥調味偏淡，要蘸醬吊味。醬汁有三款（另外還有草莓，不過我們敬謝了），黃色的不是芥辣，而是芒果醬，不過沒有太強的芒果味。另一款茶色的是山楂醬，小臣覺得創新得來又比較配合鵝的味道。最

由於第一次印象好的關係,當晚相約兩位同事於該店吃頓餐豐富的晚餐~當晚6點45分到達,可能平日晚市關係,店內只有我們三個人加埋老闆同埋伙計,呢個亦都係我打該店食評既原因以作支持~我本身對酒煮既食物興趣不大,但佢煮得味道清而且很彈牙,吃落唔會濃烈的酒味,作為前菜不失為一個好選擇~當晚叫左兩款豬手,呢款叫秘製家傳豬手,炆出嚟既汁非常好吃,配白飯簡直一流,而且豬手也炆得入味~白汁豬手,呢個簡直係睇波的欣物,味道咸香,豬手煮得淋淋地,正;師傅話呢個凍食會更出色,不知不覺吃了許多骨膠原落肚真係要讚師傅記性好,記得我喜歡係肥腩,味道比昨晚更好,薯仔炆得入味,羊腩超淋,配白飯或麵包也是一絕~等左兩小時都值,因為該店燒味係慢慢做,預訂比較方便,唔使等,唔同坊間咁整好放哂出嚟,邊吃邊等兩小時感覺時間過得特別快叉燒係我地三人中最值得讚賞既食物,肉質很淋外,不會像坊間含有食用色素,而且叉燒上的麥芽糖加帶點肥肉係最好吃~老闆可能見我地三人吃得咁開心,就推介了很多Off Menu既食物比我地,同埋需要預訂,有好多我都好想試,而且從口中得知原來他之前在很多出名的中菜店工作,唔怪得咁有水準啦~

我係一名羊痴和愛吃燒味的為食男人,聽同事口中知道新填地街開了一間合乎我喜好的飯店,於是拜會一下~原來只要在社交網站Facebook讚好和於該飯店打咭,便會獲贈一杯綠茶,貪小便宜的我當然唔會放過啦~咖哩羊腩燒鴨飯,餐牌係冇標名,只係自己想吃咖哩羊腩和燒鴨,又唔想比兩款價錢而詢問店員可否兩溝出來的'傑作'。當然碟飯味道冇令我失望食落燒鴨味道不錯,鴨皮也脆口,咖哩汁內有羊肉濃郁的味道,送飯一流,唯一挑剔既係咖哩汁唔夠多同埋羊腩唔夠肥,懷着滿足既心情離開時老閭應承我下次會比d肥既羊腩比我,三十五蚊可以食到味道加服務,抵 

之前與久未會面的中學同學到一家新開張的小餐館“源興美食”吃晚飯，感覺這小餐館滿有成為私房菜館的潛力！好東西就是要跟人分享，所以在此介紹一下。My high school friends organized a reunion dinner at “Yuen Hing” some time ago. My overall comment is - quality of food was impressive but the prices were reasonable. It might become the next Michelin recommended private kitchen and by then it might no longer be affordable so I gotta share this here now.源興美食位於佐敦街市附近，店子偏小，聚餐之前，朋友早早訂了位，包了場，點了餐，我們就像是貴賓吃私房菜一樣，一字記之若爽！This dining outlet is basically a Chinese restaurant near to a ma

今日同幾個fd行下行下行到街市附近，見有間新開燒味店，望到企理乾淨，就諗住快快手食埋個晚飯返屋企唔洗煮!點知......竟然係大驚喜 ^^雖然叫左唔多餸，但係樣樣都係水準之作！尤其推介：蒜拍青瓜海蜇 -- 個青瓜醃得入味但仲係好爽口，平時青瓜我都唔太食，但係呢度真係整得正！招牌叉燒 -- 呢係真係真係要推介！叉燒做得一D 都唔老，好嫩好juicy，燒得色澤岩岩好！同出面gei 叉燒比真係好食好多！(因為佢我竟然好快食晒成碗飯 - -)明爐古井燒鵝 -- 呢個又係另一推介！皮脆肉嫩，上菜仲係熱熱的，唔太肥得泥又有少少脂肪香！真係好好味雖然其他地方都會搵到燒味呀小菜呀，但係呢度真係做得有水準唔馬虎！而且量足夠得泥價錢仲要好公道！絕對係想食抵食又好味燒味小菜gei 好地方！一定會再幫襯P.S 臨走個時見到有人叫左咖哩，見到佢竟然係巴基斯坦個類"傑撻撻"gei 咖哩 原來都係鋪頭另一招牌菜好似好好味咁！等我下次多D 人一齊叫埋先

忽然吃燒味的癮頭起(數數手指也有差不多成個月沒食了)，知道這間小舖有好的燒臘吃，就一個人摸了進來...小店隱身於人來人往，作為師奶集中地的油麻地街市。一不小心便走過了籠了....餐牌上寫着有好幾味是店內推介，其中更有我最愛的，號稱秘製的豬手。自己原本是要來吃燒味，但現在反而有點動搖添....不如索性兩樣都叫吧....皆因這裡一碟燒腩飯竟只賣二十八大洋，實在是讓人匪夷所思....想起同一碟東西，在"太興"要買貴一倍也不止，真令人心傷....想深一層，為防太飽之關係，唯有先試燒味吧....友善的師傅先送來一碗冬瓜滾湯。雖然尤如像在喝滾水一般，但起碼證明它不是味精湯來的，誠屬消暑之妙品也....燒腩一睇已知不會差 --- 它確是明符其實的三層樓...芝麻皮有厚度咬口之餘是極度鬆化脆卜卜；瘦肉部份不死硬亦非死鹹；脂肪部位也不會太膩入口豐腴。是極之有水平的燒腩。飯有點濕爛，是唯一不足之處...如今想來，是有點後悔沒encore一道豬手....

好友發現佐敦最近開了一間不錯的餐廳，適逢與好友們聚會，決定前來一試。一行十幾人，最怕等位既我一早打去BOOK 定枱，小店在新填地坑街街市附近，6點45分準時到達。經老闆推介，點左招牌蜜汁叉燒、秘製豬手、燒乳鴨同其他小食。因好友未到齊，老闆細心安排先上一點小食，待朋友到齊才上主菜。想不到小店老闆咁貼心!! 小食是拍青瓜同酒釀雞腳! 拍青瓜 分數: 8/10 青瓜清爽新鮮，辣度剛好!! 非一般餐廳水準酒釀雞腳分數:7/10肉質彈口，口感非凡，不用5分鐘已被一班蝗虫消滅友人終於到齊，老闆把主菜逐一送上自家秘製蜜汁叉燒分數: 10/10關於燒味，從來只覺得是男人的食物，因怕肥膏同覺得無咩特別，故一向少食，但呢度既蜜汁叉燒，肉質腍身，皮脆肉嫩，友人食唔停，最後要ENCORE 多叫一碟，想不到小店可做到如此高水準。必食之選!燒乳鴨分數: 8/10皮脆肉厚，口感不錯!!! 秘製豬手分數:10/10呢度既豬手係老闆自家秘方烹煮，肉質鮮嫩又腍，仲有花生伴碟，花生滲透秘製醬汁精華，入味而不失花生的口感。好味道!!!其實仲叫左兩碟炒菜、自家燒鵝同粥，但掛住食唔記得影相，飲恨無試冰燒三層肉同咖哩羊腩!!!

尋日同同事兩個大男人去廟街尋寶，行行下見攰就四圍覓食，行到油麻地街市果邊見到呢間舖好似新開就走入去試下。環境乾淨，可能新開張，唔算多人。一入去就有個30歲左右既後生仔好熱情咁招呼我地，原來佢就係老闆。吹咗一輪水之後先知道佢係80後，16歲開始跟師傅學師，曾經喺龍皇、陶源等知名中菜館學藝。睇黎我地今日有口福啦！望落menu好多野揀，好似樣樣都唔錯，都唔知點揀。經過老闆一番介紹之後，最後我叫咗蜜汁叉燒飯，而同事就叫咗掛爐大鴨飯。老闆話新張期間$28一個餐，仲奉送例湯同野飲，心諗咁著數一定係迷你版，點知拎上枱見到個飯真係嚇咗一跳！個例湯係粉葛豬骨湯，火喉足而且食得出冇落味精，碟飯大到相信兩位女士share都食唔曬。試下個蜜汁叉燒，簡直驚為天人！香甜鬆化得黎好有肉味，拍得住西苑D叉燒。同事個燒鴨都好脆皮，啖啖肉肥而不膩，簡直係男人至愛！另外值得推介既係佢個咖哩，聞到隔離枱食都覺得好香。可惜今日食得太飽，冇機會再食，唯有等下次。師傅話佢初出道果時係喺鵝頸橋清真惠記學師，唔怪得之咁堅。不過呢間野一D都唔易搵，喺油麻地街市新填地街同北海街交界，唔留意就會miss咗。