湯煲私房火鍋 (已結業)

朋友介紹的湯煲私房火鍋是樓上店，位於上環地鐵站附近，地點容易找。食物質素如何，現在去試試。點菜方式是自己畫紙仔的，打邊爐牛肉最重要，所以立即點了一份頂級本地手切牛，湯底就點了沙嗲煲，覺得沙嗲及牛肉是很相襯的。另外點了日本白金豚肉，雙拼丸豬肉丸及墨魚丸，唐生菜，粟米，黑豚餃及生啤。看餐牌時發覺這裏有很多清酒的選擇，留待下次再點。坐下時枱面上的餐具是用保鮮紙蓋着的，提防有微塵，細心👍第一道上枱的當然是生啤啦，夠凍好飲。另外就是醬料盤裏包含打邊爐一般都會提供的醬料，但另外老闆特別介紹一款蝦皇醬，他細心介紹當中包含蝦膏蝦頭蝦子及蝦米，師傅慢慢炒香加點些微辣椒，辣的感覺不搶喉。後來發覺用來點墨魚丸及白金豚肉是最夾的。沙嗲煲上枱時聞到淡淡的沙嗲香，喝一啖甜味甘香順口不過鹹😋起筷時當然立即就要試手切牛啦，牛肉的顏色鮮紅，油脂分佈平均，睇見就想食。初頭諗住油脂分佈咁靚，牛肉一定好焾，但就會冇乜牛味，但呢碟牛就做到焾身之餘，又有牛味，各樣野都好平均，超高水準。原來同老闆交談開知道這品種叫騸牯牛，是用中國黃牛及日本和牛混種的，從山東來貨，每天只有20隻。我們點的部份是牛頸脊更是整隻牛的稀有部位，以這個價錢

上星期天氣寒冷，同男朋友想搵啲打邊爐餐廳，但係因為疫情關係又唔想搵啲好多人嘅火鍋店，留意到呢間私房火鍋口碑唔錯，於是乎就訂位一試佢哋嘅醬料款式不少，店員強烈推薦佢哋自家製嘅海鮮蝦蟹醬，我試過果然冇介紹錯，鮮味濃烈，有啲類似XO醬但係減少左辛辣味，利用鮮甜味補上椰子雞煲，非常足料，店員講入邊足足有兩個椰青水，一飲湯底就知道係真材實料，充滿着椰子嘅椰香，加上佢哋嘅雞係新鮮來貨，成個湯底充滿滋補味道佢哋嘅火鍋配料都非常精緻，特別推介佢哋嘅自家製墨魚滑，非常重墨魚香味，而且非常起膠，識落非常彈牙，呢間私房菜火鍋小店的確質素幾好，難怪口碑咁好

上星期朋友生日，知道佢係一個火鍋撚，於是問吓朋友有冇啲咩火鍋店介紹，有朋友推介呢間位於上環新開嘅私房火鍋店當日book咗枱上到去後店員非常友善推介佢哋有啲乜嘢主打佢哋都會提供免費嘅餐前小食，木耳香酸，青瓜爽脆，非常醒胃天氣寒冷，聽從店員推薦想知佢哋主打嘅椰子雞煲，店員叫我地先飲湯，因為湯底加入左兩個椰青水，入口果然十分清甜，配搭鮮雞感覺非常驅寒補身店員同樣推薦佢哋自家製響鈴，並且非常特別唔建議落湯食，直接點上佢哋自製酸甜醬，果然冇介紹錯，入口非常香脆有層次，並非一般火鍋店響鈴可媲美墨魚膠同樣自家製，而且份量都幾多，入口非常重墨魚香，而且口感彈牙，推介椰子雞煲配上油麥菜果然係絕佳配搭，椰子雞煲本身嘅鮮甜味再加上油麥菜本身嘅菜甜非常配合，將本身嘅清甜味帶到另一個層次

天氣凍冰冰，又係時候約朋友去打邊爐，朋友話有間上次食過不錯的，今次就去試下啦，喺地鐵站附近，都好方便~ 店員都好熱情咁招呼我哋，介紹下有咩食。有咁多調味料可以揀，而佢哋就推介一款自製蝦醬，入面真係有原隻蝦乾，非常滋味，我忍唔住就咁夾嚟食！ 叫咗個醉雞喎，材料好足，雞件都好多，亦好滑，酒味濃郁，係呢個凍冰冰嘅時間飲就差唔多啦~叫得醉雞鍋，梗係要叫返啲吸湯嘅食材，嚟吸下啲精華啦！ 再嚟嗌咗蝦滑，就咁已經見到一隻隻鮮蝦喺入面，好吸引呀！店員幫我哋落嘅size啱啱好，一啖一粒，彈牙又鮮甜。 打邊爐點少得羊肉片，分量好足，羊肉夠騷又嫩滑。最後連湯都飲埋，好正呀！

上環通常都係食午餐，晚餐就好似冇乜選擇，今次朋友帶我嚟食依個私房火鍋，開拓我另外一個新飯點。有哂一般嘅佐料，仲有老闆娘推薦嘅自製蝦醬，非常惹味，齋食都正😂我哋嗌咗醉雞煲，湯煲起之後放入雞件，再滾起就食得。醉雞湯淡淡酒香，雞件嫩滑，雞皮爽口，唔會太肥。蝦滑人手打，非常爽彈，粒粒都係蝦肉，鮮味十足。羊肉片羶香，係我哋中意食嘅味道，加上厚薄適中；竹笙爽口，浸入醉湯索哂味，厚肉甜美；芥蘭苗甘味十足，邊爐食菜先係完美嘅句號。以邊爐嚟講都算小貴，但精緻高質，物有所值。

今日去上環買出名的熊仔曲奇，行前幾間鋪就見到呢間上樓的打邊爐，於是去試下，見呢間店名湯煲，相信出名一定係湯底，而且坐位寬敞舒適，先來麻辣前菜，黑白雲耳配青瓜，好開胃呀，酸酸辣辣。叫了湯底後，店員送上調味料，有自家製XO醬、花生醬、沙爹醬、辣椒、生蒜、炸蒜、芫茜同蔥等等。我們叫咗雙併火鍋湯底，有朋友至愛的四川麻辣湯底，另一款是什菜豆腐白湯，知道呢度食材高質，相信清湯可以食到原汁原味的食材,這個湯勺可隔湯，好有用。配料叫了半份西班牙的梅肉$128，肉質嫩滑，冇諗過豬肉都有咁靚的雪花紋，肉味都好濃。還點了自家製蝦丸$108，用新鮮大蝦製成，食落好彈牙，仲好鮮味。再叫了新鮮鯇魚片$98，好新鮮，肉質爽口，夠薄，但保持鮮味，墊底還有粉絲添。再叫個大光麵索埋麻辣湯底，超麻又辣，好刺激，正呀！麻辣湯底越食越辣，餐廳細心，比左三款湯勺，隔去面層泡同油，另啖湯更清甜呀，果然推介的湯煲實乎其名。

今日同朋友去上環打邊爐，佢試過話呢間啲食材好新鮮，於是試下，去到好像間私房菜格局，坐位寬敞，又有間格位同大電視，自成一角。先來調味料，聽店員講是自家製的醬料，有XO醬，沙爹醬，生蒜炸蒜，芫茜同蔥等等。我們叫咗鴛鴦湯底$158，一邊係雜菜豆腐白湯一邊係麻辣湯底，雜菜好多，有芥蘭同白菜仔等，豆腐又超滑，餸料先來半份蘇格蘭安格斯肥牛$188，雪花紋好均勻，淥一淥就食得，入口好香油香味，牛味也好濃，油脂份量剛好，肉質超軟淋，放清湯及麻辣湯底都好夾。再叫了個自家製蝦丸$108，用新鮮大蝦製成，食落好彈牙，仲好有鮮味。再叫了特別菜色，雙餅餃$108，有味豚大根黑豚餃，好多汁，肉味香濃，另一半係水晶叉燒包，皮薄，餡料足料，叉燒冇肥膏，但肉質依然好淋，醬汁唔會太咸，好入味。食得出大廚心機點心。 麻辣湯底好惹味，越食越麻，越辣，但唔會搶喉，好正，湯底果然係呢度的推介，真材實料。

We searched OpenRice for a hot pot in Sheung wan and was delighted we found this restaurant!The restaurant is situated in small building, the moment we confirmed our booking we got a very descriptive “how to get here” from the staff, service at its best even before we began our meal! We ordered a chicken and coconut soup, it was so so so delicious! And the food overall was very nice and fresh! Will definitely come back again!

今日放工後便和同事打邊爐，同事帶我到湯煲私房火鍋，她說這裏環境乾淨衞生，進門口時經過廚房都穩約看到廚房幾乾淨。餐紙不似外面的有很多選擇，但感覺上簡而精。坐下後便點老火湯煲。花雕醉雞煲雞件經醃製過，已經浸入酒香，醉雞煲有豐富藥材和杞子龍眼紅棗香味。冬瓜件冬瓜保持爽脆口感，甘甜。酸梅湯 酸梅湯酸甜適中，入口冰涼。日本白金豚腩肉腩肉的脂肪分佈均勻，看似很肥，滾熟後肉味濃，不油膩，屬高質類。鱔片口感超滑又不會有骨，魚皮有彈性不韌。醬料每位$30，有款好正的自家製蝦醬，鹹鮮味濃，和所有打邊爐配料都好夾。想不到打邊爐都可以冇味精。

天寒地凍最好圍爐，時常吃雞煲都是辣辣的，上火得來又濃味，給人的就只有辣及調味料的感覺，要找回食物原來味道的初心，所以去這間店一試。前菜是花椒黑白雲耳，爽辣香。點了花雕醉雞煲，上枱後聞到一陣一陣的花雕香味，雞滑而鮮味。店員加湯是加花雕的，由開始到最後一刻都可嚐到酒香。食料點了日本白金豚腩肉，肉汁多而脂肪跟肉比例適中。鱔片，可用滑而不油膩來形容，還有是爽脆。蔬菜就點了冬瓜片及唐萵，菜是非常整潔，洗得乾淨，吃得放心。大家一定要試這裡的自家製辣蝦醬，店家用了蝦頭蝦米蝦乾蝦肉製成的，真的是蝦蝦霸霸。味道: 食物原味環境: 舒適衛生: 整潔服務: 尚可價錢: 食物質素跟價錢成正比

今日同男朋友去上環打邊爐呢一間火鍋店係主打手工湯底所以我哋就叫咗一個沙嗲湯同埋麻辣湯個沙嗲湯非常之濃 啲麻辣就越煮越辣我非常之鍾意呢間餐廳嘅調味料都好講究有一個叫做自家製嘅蟹醬我哋覺得好好食好特別都配料方面我哋就叫咗個蘇格蘭安格斯肥牛佢嘅油脂分布好靚 而且都好大件而且我哋仲叫咗個雞腸入面連埋啲脂肪超級香同埋好爽口之後叫咗個自家製蝦丸超級彈牙同埋好有鮮味之後仲叫咗個味豚大根黑豚餃佢哋因為個皮都係自家製所以係煮爛都唔難而且超級好食之後呢度仲有小籠包 真係估唔到小籠包都可以打邊爐味道同點心嘅小籠包係一樣最後我哋仲叫咗個粉絲朔晒啲湯汁

想同朋友去打邊爐，最後去左上環覓食，見到湯煲私房火鍋，決定去試試。煲底係黑蒜姬松茸脊骨煲，好濃郁，顏色好深見唔到底，放眼望去都係配料，就咁飲已經好唔錯。只配少少XO醬已經好夠味道。飲品揀左青檸梳打，酸酸甜甜，適合清新口感。竹笙、墨魚滑。竹笙好適合打邊爐，爽口彈牙，味道同湯底好夾，墨魚滑亦唔錯，好新鮮，令人味蕾享受。重點到啦！頂級本地手切牛，哇果然不負所望，肉質鮮美，肥瘦恰當，入口即溶，而且牛肉味十足，每一口都充斥牛肉香。今次湯煲私房菜確實唔錯，食物水準高而且坐得舒服，下次想同朋友嘆番餐好會再作考慮，推介比大家！

又一高質邊爐😆上次喺同一棟大廈食咗間西班牙私房菜，今日再成功食到間新鮮嘅邊爐😍 經常最愛邊爐，舖頭好乾淨幾寬敞，樓上舖都係比較舒服！兩個人食叫咗清清地嘅香茜皮蛋湯！不得不提係個XO醬，超好味！叫咗碟牛，好新鮮同好有牛味，同行朋友大愛！當然唔少徥最愛嘅蠔同脆肉鯇，成日出日打邊爐食魚都好驚啲肉「梅」，但湯煲啲野真心新鮮，終於食到脆嘅脆肉鯇🥰 同埋個香茜皮蛋湯好重料，非常清甜，配埋豆腐好鬼夾！之後再叫咗個雙拼丸，最中意新鮮手打丸係彈牙💁🏾‍♀️ 極力推薦呢個私房菜打邊爐，超岩傾計🤤

聽朋友仔講喺上環有一間專打火鍋嘅私房菜，等今次呢就趁收工同朋友仔去試下。湯底呢我哋就試咗椰子雞湯，佢個椰子係原隻椰子倒啲椰汁落去，入面最好多中藥例如杞子，淮山，海底椰，仲有半隻雞去煲湯。你會見到好清。打邊爐之前我哋都會去食咗個雞煲先，佢啲雞好滑，佢啲湯係好清嘅椰香味， 唔會越淆越渾濁，食完隻雞店員好好地幫我哋refill返啲湯，跟住我哋就打邊爐啦。我哋嗌咗個黑毛豬，佢嘅黑毛豬其實係五花腩，同平時食開嗰隻薄嘅唔同，食落去口感非常豐富。 跟住我哋嗌咗魚片，安格斯牛。佢嗰啲材料比一般火鍋店嗰啲靚好多，雖然份量唔係好多，但係每樣既質素都非常之好，所以食落去好滿足，而且環境亦都坐得好舒服，店員好細心。

秋風來了-- 是打邊爐最合適的時間。今晚和朋友去了位於上環永樂街的湯煲私房火鍋打邊爐。店內裝修設計尚算不錯，環境也算整潔。這裡最有名的當然是湯底，我們點了個清香椰子雞煲($288)，很有椰香味，而且雞的份量也不少，果然是真材實料。我們用了他們推薦的自家製XO蝦醬來調味。本人最喜歡用它來調蘇格蘭安格斯肥牛的味道，而友人則較喜歡用它來調脆骨魚腩的味道，我們異口同聲認為它能令紅肉和白肉更鮮美入味。本人第一次以打邊爐方式嚐中式點心 -- 水晶奶皇包，感覺新穎，值得再試。另外味噌大根黑豚餃的味噌也很夠味，中式火鍋帶有和風的感覺。