湯煲私房火鍋 (已結業)

上星期天氣寒冷，同男朋友想搵啲打邊爐餐廳，但係因為疫情關係又唔想搵啲好多人嘅火鍋店，留意到呢間私房火鍋口碑唔錯，於是乎就訂位一試佢哋嘅醬料款式不少，店員強烈推薦佢哋自家製嘅海鮮蝦蟹醬，我試過果然冇介紹錯，鮮味濃烈，有啲類似XO醬但係減少左辛辣味，利用鮮甜味補上椰子雞煲，非常足料，店員講入邊足足有兩個椰青水，一飲湯底就知道係真材實料，充滿着椰子嘅椰香，加上佢哋嘅雞係新鮮來貨，成個湯底充滿滋補味道佢哋嘅火鍋配料都非常精緻，特別推介佢哋嘅自家製墨魚滑，非常重墨魚香味，而且非常起膠，識落非常彈牙，呢間私房菜火鍋小店的確質素幾好，難怪口碑咁好