湊湊火鍋‧茶憩 (K11購物藝術館)

营业中

休息中

唔講唔知，原來係K11開咗間網紅嘅台式火鍋店，係商場室外有一條扶手電梯可以直達餐廳。可能由於係平日同埋有少少隱蔽嘅關係，唔洗等位就可以入座，如果要等位嘅話，餐廳 都好貼心咁免費提供茶水，俾等候嘅人飲餐廳有一個自助醬料區，俾你可以係豉油到「加鹽加醋」，隔離仲有啲生果，好似西瓜同哈 蜜瓜咁，可以任食，另一面有一個電飯煲，俾你可任性無限添飯~打邊爐最緊要係揀咩湯底，估唔到任可湯底都可以無限添加鴨血同豆腐，其他地方會計係一 個火鍋配料，另外收費，所以要係咁Refill先抵嫁~ 成日都驚麻辣湯底會太辣，所以除咗勵志鍋(即係台式麻辣鍋)之外，仲拼咗個唔辣嘅食妝鍋(即係紅顏花膠雞鍋)。因為食妝鍋係用花 膠、冬菇同雞熬製，所以打邊爐之前，可以飲番一碗湯、食舊花膠滋補下。火鍋配料: 美國特選級牛小排 - 牛肉色澤紅潤，而脂肪分佈係雪花紋理，而且肉切得微微厚身，所以食落有啲韌勁，都幾嫩口，如果牛香可以再重啲就好喇飛魚籽墨魚滑 - 原來份量都頗大，而且你可以睇密麻麻嘅飛魚籽，有密集恐懼症嘅人，應該不能直視，哈哈。墨魚滑係幾滑溜，略厭質感唔夠彈牙，但係勝在有粒粒彈口嘅飛魚籽搭救精製牛筋丸 - 一碟得4粒，係幾

天氣咁凍，係時候打邊爐啦🍲～近年唔少麻辣火鍋嘅過江龍店登陸香港，呢間網紅台式火鍋店湊湊火鍋．茶憩早前係旺角MOKO開第一間香港分店後引起一陣討論，事關呢到嘅主打除左台式麻辣火鍋，仲有自家台式茶飲，兩樣野都係依家香港嘅飲食界佔有一定嘅地位，但咁樣嘅配搭又真係少見嘅🤔尖沙咀K11開咗分店啦，我就一於去新舖試一試～火鍋店嘅位置比較隱蔽，係K11兜咗幾個圈都搵唔到，結果要打電話去舖頭問🙈去到見到好多人等緊，雖然我哋book咗位，但真係好full，同埋呢到打邊爐係無限時，所以都有d難控制時間。不過等候位有位坐，有熱茶飲，當日我哋等嘅時候仲有即炸地瓜球食😋對等候嘅客人咁貼心，客人等一陣都無咁計較啦！入座後先飲杯台灣貴妃烏龍清一清個口，然後可以到醬料吧枱調配醬料。呢到嘅醬料種類比一般火鍋店多，而且有一d搭比大家參考，唔洗下下豉油蒜咁無特色啦！吧枱仲有前菜同水果，可以一路食一路點火鍋料（同解餓......）我哋點咗台式麻辣鍋「勵志鍋」同燕麥龍蝦鍋「菁英鍋」作鴛鴦鍋（單鍋: $198；鴛鴦鍋: $138），一面香辣過癮，一面鮮甜可口👍🏻 除了特色湯底之外，湊湊嘅食材亦非常講究，肉、海鮮、丸、菜樣樣有，仲

台式火鍋、養生湯底，價錢唔算貴，唔使$400/位已經可以捧住個肚走！台式火鍋湯底鴨血無限refill, 不過我嫌佢鴨血唔夠台灣當地火鍋咁滑，而且唔夠辣，可能下次試下四川麻辣或者其他湯底，又想encore花膠湯底，擺嘢食之前記得先飲咗啲湯，好鮮甜好足料！之後加湯唔係加水，係有料嘅湯！叫到成枱嘢食，特別推介鵝腸、毛肚、蔬菜拼盤、海鮮棒棒糖、飛魚籽墨魚滑呢間火鍋做得最好係配合巨型嘢飲，打邊爐閒閒地2-3個鐘，需要杯嘢飲解下渴，又解下辣。草莓雪頂🍓好特別😍 $36就勁大杯，抵飲過出面啲台式飲品！讚揚下林經理、熹、Tony，服務態度友善不過book位要準時去呀，只係留枱15分鐘咋！24/12 荃灣如心廣場新店開業，今個聖誕再去捧場！

職員服務態度好好，又好細心：例子：我叫左個麻辣湯，打算叫埋豆腐，個職員會提醒我湯底可以係refill鴨血豆腐，建議我可以唔洗叫👍🏻👍🏻好彩提醒我 咁我先可以叫多樣其他野食。 我要表揚下啲職員先👍🏻食完臨走，排隊買左倍外賣珍珠奶茶走，出奇地好飲🤤🤤 就憑杯珍珠奶茶 下次路過K11 我試下其他茶味既奶茶試下先🙈其實都係誤打誤撞見到呢間嘢，雖然係K11入面個位置偏僻左少少咁多，不過值得下次再同屋企人去😋ps 冇相可以up

近日天氣寒冷，當然食火鍋暖暖身。第一次來這間店，店裏裝飾都用木，燈也是燈籠形狀，多了一入古典味道，座位是卡位，舒適寛敞。一坐下，侍應送上一壺茶和菜單，首先看看菜單，菜單設計簡單，菜式名字特別，湯底簡介有附上主要配料。也有不同火鍋醬料配搭建議，可見店家連菜單也用心。醬料區有不同款式醬料自己配搭，款式種類多，更有水果、前菜。我們叫了兩款鍋，一個是花膠鮑魚鍋，一個是酸菜魚。在等候鍋來時候，可以試試那壺烏龍茶，茶香、味濃。鍋來的時候，侍應細心提醒，花膠鍋比較稠，要經常攪拌，可以先飲掉部分花膠湯，再加上雞湯作鍋底。花膠湯甜而濃厚，酸菜魚對於不太吃得辣也可以吃，魚肉鮮甜嫩滑。火鍋少不了牛肉，要了一份牛板腱、伊比利亞黑豬肉。肉切得比較薄，容易熟，一放入鍋中待數秒剛剛好，肉質嫩滑。牛柏葉切得一絲絲細細的，容易熟，方便，一口一條。要了一份丸類拼盤，蝦丸爽滑彈牙，少有的蝦丸有蝦味，豬肉丸有豬肉味，魚蛋有魚味。要了一份飛魚籽墨魚滑，侍應細心用木匙，一匙匙少少的下鍋，每一粒墨魚滑滿滿的飛魚籽。吃了些肉，是時候吃點菜，本想叫一份時蔬拼盤，但我們只有三個人，侍應細心建議我們要一份分量比較少的時蔬湊湊，結果要了一份

天氣凍，最好就梗係去打邊爐啦，前兩日同朋友放咗工就去咗K11呢間新開嘅湊湊火鍋店度淥一淥～餐廳一出地鐵站上一層扶手電梯就見到，非常方便，有別一般傳統火鍋店，呢度仲會做埋台式飲品，例如珍珠奶茶，唔打邊爐，就咁買番杯嘢飲去行下街都仲得。餐廳裝修風格以黑色為主，非常型格，俾人感覺亦都非常企理。睇完餐牌，發覺依度選擇種類都非常多，最後我哋揀咗呢度招牌嘅台式麻辣火鍋-「勵志鍋」。呢個鍋嘅特點係鴨血同豆腐都係無限添加，所以非常抵食！食物選擇非常之多，價錢亦都唔算貴，例如大大碟牛肉，竟然$100有找！一大盤聖子，亦只係$68 ！但要數入面最特別嘅食物，我會揀呢個海鮮棒棒堂，$59就已經有六串，賣相非常吸引，其實佢係蝦滑同墨魚滑，味道亦都好好味！服務員見你食到中途，仲會送杯益力多沙冰俾你飲，用嚟解辣非常一流，餐廳真係非常細心！不得不提呢度嘅台式飲品亦非常之有質素，可能係配合埋一邊打邊爐，一邊食辣野嘅關係，所以覺得呢度嘅嘢飲特別好飲，極力推介呢度嘅大紅袍珍珠奶茶，非常值得一試！都買單嗰陣，居然仲有甜品送埋，而依度嘅另一大特色就係鴨血同豆腐仲會打包俾你拎走，可以俾你拎返屋企慢慢品嚐，真係10個正呀！

天氣凍最啱就係去打邊爐，見佢新開所以同朋友去左打台式火鍋仲個湯底一邊係麻辣湯另一邊係花膠湯底😉好正•🥘台式麻辣鍋入邊嘅鴨血同埋鴨血豆腐係可以無限添加，辣方面唔算超級麻同辣，怕辣既朋友都可以一試！🥘紅顏花膠雞窩比起一般食嘅花膠雞窩個湯會再濃d，入邊仲好足料有鮑魚又有花膠🦀海鮮凑湊豐富又新鮮既海鮮拼盤，有顯有蟶子有帶子有鮑魚又有蝦又有北寄貝又有蟹，份量十足🦑飛魚子墨魚滑一嚟到就覺得佢比平時食嘅墨魚滑大嚿，材料新鮮所以食落比較彈口🐮日本和牛前胸而家只要食夠$600就會免費送一碟🐗伊比利亞黑毛豬我食落去個豬肉比較甜同埋滑，而且切得好薄我自己就好鍾意啦❤️❤️🐔烏雞肉卷呢個係我超級推介，佢係烏雞肉再加左普通雞肉Mix埋一齊嘅肉卷，鮮味十足，超級鍾意，冇見過出面有😋🥗萵筍🍥魔芋條有兩款一款黑色款白色，配台式麻辣湯底一齊煮超正🍹珍珠奶綠鐵觀音珍珠奶茶大紅袍拿鐵大大杯都係HK$27，好抵飲，打邊爐途中staff 仲請我地飲乳酸冰沙好正！🍮 梅子茶凍Lee個甜品簡直係perfect match!! 當你食到好飽好膩嘅時候，食呢個係完全令我冇好full 既感覺，酸酸既梅子汁加再清香既茶凍！🥣醬料自助區比起一般

朋友月頭嚟食有現金卷回贈，就約我地今晚嚟食用左去！搵路搵得咁辛苦，坐低飲番杯台灣貴妃烏龍茶。唔可以由商場落去，要又平層玻璃屋落去。優惠自助吧包埋茶錢、醬料、前菜同埋米飯。喜歡食飯既人超級抵 $19任你食。食妝鍋之紅顏花膠雞鍋 $198Fish maw and chicken hot-pot base花膠、雞肉、野米、鮑魚、花菇做主要配料。個湯超級甜超級補，成個碗仔翅質地咁。女士必選，湯底金黃色！仲要超厚膠質，飲湯等於飲超多超多膠原蛋白落肚，我地要變靚！食前菜中華沙律等湯滾！得啦！雞湯名勁濃郁，一陣黑胡椒味幫手提鮮！豬皮好爽口，份量勁多！雞肉都有好多，好誇，性價比超高！魚皮餃 $58Fish-skin dumpling配上薰衣草，小文青食火鍋！海鮮湊湊 $588Seafood combo為咗食海鮮專登跟menu調配一個有xo醬既醬提鮮，呵呵！青蟹Green crab殼脆喎，蟹味可能比鍋濃過左，不過肉嫩鮮！帶子Scallops一開二有兩份，好快熟，遲少少食都無變老喎！白蝦White shrimp4隻屈住等被我地食，中型size！點辣豉油正正子！北極貝Arctic surf clam有一款刺

天氣一凍就可以瘋狂打邊爐🤤去咗試我最鍾意嘅台式火鍋❤️.湊湊台式麻辣鍋x紅顏花膠雞鍋花膠湯首先會飲咗個湯，食埋啲花膠，先再繼續打邊爐，個湯嘅質地好似羹，仲有好多花膠添台式麻辣鍋會比四川麻辣冇咁油，仲有淡淡的藥材味，最緊要係食完唔口渴🤓.我最欣賞嘅地方就係無限添加豆腐同鴨血，成餐飯都不停有侍應問需唔需要再加👍鴨血同豆腐都好入味，有台灣嘅水準.推介飛魚子墨魚滑，有粒粒蟹子嘅墨魚滑，食落去有台灣飛魚子（類似）明太子嘅味道，爽口彈牙.打卡必點海鮮棒棒糖，係Q彈口感嘅魚滑同蝦滑🍭.蔬菜拼盤有好多唔同款嘅菜同菇，仲有蘿蔔紫薯蓮藕，全部都好甜好新鮮，呢個拼盤係必點！.美國特選牛板腱，放入麻辣鍋都牛味濃😂肉質豐厚.海陸拼盤，海鮮同牛肉都有，包括鮑魚，蜆，帶子，蝦同北寄貝.打邊爐竟然可以飲到高質嘅珍珠大紅袍奶茶，真係一次過滿足晒好多個願望.除咗主菜，配料、配茶同甜品都好有心思餐前：有驚豔嘅茶，唔記得咗係咩茶餐中：解辣嘅乳酸冰沙餐後：解膩梅子茶果凍❤️配料：自助bar枱多款秘製醬料，我鍾意個豆豉醬，仲有水果，但因為太飽最後無食到😂.我地仲叫咗打邊爐必備嘅午餐肉🤣可以放心叫，係好味午餐肉黎🤣.食懵你指數：🤓🤓🤓

原來K11係新開幾日 可能仲未好多人知道呢間店係旺角Moko長期都要幾個鍾排隊架K11店竟然唔洗排隊 咁梗係即刻入去開飯😍入到去職員好細心去介紹個環境又推介我地鍋底同食物我地叫左鴛鴦湯一邊麻辣湯 可以任fill鴨血同豆腐 不過呢個溫柔辣真係唔太辣 鍾意食辣要加辣另一邊龍蝦湯勁濃味 而且入面真係有龍蝦我地一人一碗飲左個湯先 好正好好味👍🏻例牌火鍋一定要食牛既我地叫左個牛小排雪花好靚 肉嫩滑原來新開期間食滿$600會送一份牛胸肉 所以我地有2份牛😂 而且份量都唔少🤣鴨腸都係我火鍋必點item職員溫馨提提示我地最好放落湯10秒見佢縮就可以食 果然爽脆另外仲點左花甲 大蜆 仲有一堆蔬菜每碟份量都幾多 食到捧住個肚走人😂飲品我地點左職員推介最出名既大紅袍珍珠奶茶同最新出既草莓沙冰(唔sure個名)2杯好大杯 甜度都正常 無叫少甜都唔會好甜大紅袍珍珠奶茶茶味亦香濃門口有單買飲品 下次唔食火鍋都可以買杯飲下賣單兩個人每人三百幾蚊都係晚餐正常價錢走既時候職員話送啲鴨血俾我地拎返屋企食明正言順又食又拎 非常滿足😍

開張喇 ~ 開張喇 ~ 每日番工都途經門口, 終於都等到佢開張喇 !! 呢間火鍋店以台式麻辣鍋 & 自家台式茶飲為主打, 可以一邊打邊爐, 一邊飲台式飲品, 就算唔係打邊爐, 都可以外賣杯台式茶飲 !!火鍋嘅湯底選擇有成 8 款, 而且款款都別具特色, 湯底名更加係搞笑抵死, 齋睇個名真係估唔到係咩湯底勵志鍋 (台式麻辣鍋)食妝鍋 (紅顏花膠雞鍋)回味鍋 (辛酸菜魚鍋)表白鍋 (番茄牛膝骨鍋)聚會鍋 (珍鮮菌菇鍋)治癒鍋 (老四川風味麻辣鍋)菁英鍋 (燕麥龍蝦鍋)任性鍋 (黃金奔馳鍋)自助區有成十幾種火鍋醬料自行調味, 而且仲有前菜 & 水果添職員會送上一壺台灣貴妃烏龍茶 (味道香甜甘醇,  有淡淡嘅蜜香果味) & 一次性圍巾回味鍋睇到已經落晒口水, 用上巴沙魚、酸菜、黃豆芽、洋蔥、木耳 & 辣椒熬煮, 巴沙魚份量唔少, 肉質細嫩, 啖啖肉, 搭配酸酸辣辣嘅味道, 令人食指大動美國特選級牛小排油花均勻, 筋膜少, 肉質細緻軟嫩, 入口肉汁豐富, 味道鮮甜白鱈魚肉呈白色, 煮熟後口感較結實, 魚油唔會太多, 所以一 D 都唔膩丸類拼盤有 3 款: 魚丸、精選蝦丸、精製台式貢丸, 特別推介