湊湊火鍋‧茶憩 (K11購物藝術館)

营业中

休息中

呢度嘅台式邊爐嘅麻辣火鍋，可以任加鴨血及豆腐，識識吓幾正，豆腐夠入味。呢度出邊有好多唔同嘅配料，比起其他普通嘅火鍋真係唔同。叫咗日本和牛前胸，呢個入口即溶，好食！真係多多都唔夠！呢個好鍾意食牛嘅我，另外仲叫咗牛小排。呢個牛味都好香，而且肉質都唔錯，果然係推介。再叫咗牛版腱，呢個肉汁就相對地結實一啲但係都幾好食。飛魚子墨魚滑賣相好靚，而且食落都非常彈牙，有墨魚味。海鮮叫咗帆立貝及蟶子。我覺得帆立貝幾好食，蟶子如果大隻啲就更好。仲叫左響鈴、淮山、午餐肉、冬粉。響鈴就要浸耐啲，因為佢唔係新鮮炸起，所以林啲就會好味啲，如果唔係就會好硬。淮山夠爽口；午餐肉都好食；冬粉配麻辣湯，吸晒啲湯底正呀！甜品有梅子果凍及生果，飽飽。

呢間火鍋店位於K11，但係位置上唔算容易搵，都要搵咗一輪再問問詢問處先搵到，入到去都幾大間，而且環境唔錯。餐廳有圍裙，打邊爐嘅時候唔怕整污糟，而且出面有唔同嘅醬汁俾你揀，仲有無限添加嘅飯前菜及生果。依家係台式火鍋，所以揀咗鴛鴦鍋：台式麻辣鍋及養生花膠雞。叫咗海鮮，帆立貝都幾新鮮大隻，而且仲係有橙色膏。蟶子一份有好多，細細隻，雖然有啲啲沙，但都鮮甜。當然唔少得叫牛啦。叫咗個和牛，大大塊，肉質又唔會好肥。再叫咗個特選級牛板腱，肉質都唔錯，呢度嘅牛肉都幾高質。食完之後仲有個梅子茶凍，好香茶味，霉味酸酸的，不錯。

今日我哋去咗尖沙咀K11嘅湊湊火鍋食台式火鍋，呢度有一個特別之處就係鴨血豆腐無限添食，不過由於我係花膠愛好者，所以我哋叫咗花膠火鍋湯底食妝鍋 呢個湯底係紅顏花膠雞鍋，呢個湯底有好多矜貴食材，包括鮑魚仔、冬菇、花膠等等，而湯底亦都非常濃郁，真係濃到要加多幾次水，所以湯底滾嘅時候一定要試飲下佢個湯底然後呢度加錢可以任食前菜（中華沙律）、水果同埋包括醬料牛肉方面我哋叫咗精選肥牛$98同埋特選牛上腹$98牛肉嘅份量真係非常多，而且肥牛油脂分佈平衡，重牛味，估唔到唔需要$100就可以食到咁高質嘅牛肉另外我哋仲叫咗風味鴨腸$58 ，毛肚$68 ，牛黃喉$68鴨腸嘅擺盆非常精美，而且非常爽口；另外毛肚亦都係比較少見嘅食材，好彈牙另外我哋仲叫咗一個棒棒糖，呢個棒棒堂真係好值得推介，只要佢浮上湯底嘅上面就可以食得另外我哋仲叫咗個飛魚子蝦滑呢間餐廳嘅一大賣點同埋值得再次幫襯嘅原因係價錢非常平而且食材分量非常多喺尖沙咀區仲搵到呢個價錢嘅火鍋店實在非常非常之難得飲品方面我哋叫咗冬瓜茶同埋草莓🍓特飲，同樣都係非常之大杯，真係啱晒打邊爐一路飲一路食到尾

平時就成日食開港式火鍋，咁d湯底都食到好厭，雞湯豬骨湯呀之類咁既，今次黎到試下佢呢個台式湯底，果然都幾好味下，而且d環境都比港式既精緻。講下環境先，呢度d裝修真係幾唔錯，台與台之間既分隔都幾大，坐落就好舒服，唔會話好隔離枱一齊打咁近，仲有唔少包箱既枱，疫情下打邊爐，都唔驚咁易中招。另外，佢既服務都唔錯，有圍巾，乾濕紙巾提供曬，同埋員工反應都唔錯，一叫就應，野食上枱速度又快，掂咁今次叫左佢個酸菜魚湯底，都唔錯，酸度同辣度既平衡做得幾好，可以突出到魚既鮮味，呢個湯底用黎打海鮮就特別出色好味，所以我地都突然叫左龍蝦，蝦，黎配返呢個湯底。呢度海鮮都幾新鮮彈牙。牛肉方面，有牛上腦選擇，肉質彈性比其他部份好，而且牛味都唔差，唔多地方有提供。

因為疫情既關係 真係少咗出街打邊爐😫呢間台式邊爐店有唔少養生鍋仲叫咗龍蝦🦞鍋，有半邊龍蝦嫁好似飲緊龍蝦湯湯底係比較杰身牛小排，紋理清晰濃濃既牛味鵝腸會比較爽口同黃喉黃喉比較厚身另一邊既湯底有鮑魚嫁湯底會清小小自助醬油吧 仲有生果、同蕃茄 可以任拎蟹籽蝦丸成粒波波咁店員都好殷勤，幫我地整最後仲有免費既梅啫喱清清口腔，消除滯膩大紅炮鐵觀音及香橙綠茶

本身五月去台灣，不過因為疫情唔知去唔去得成，所以暫時留港消費，望梅止渴先！早陣子去荃灣激安幫襯過湊湊鍋，今日星期六係尖沙咀，知k11有湊湊鍋，再回味下先，因為鍋底選擇都好多，紅顏花膠雞鍋個湯仲可以飲架！-店員推介湯滾後飲左湯先，湯料有花膠，鮑魚，雞肉等等，鮑魚雖然細細粒，但係超彈牙！因為想試多個湯底，鴛鴦鍋另一邊揀左台式麻辣鍋，鴨血同豆腐係無限添加架。牛肉同羊肉落麻辣鍋就吸收左麻辣湯汁，非常過癮，而落落雞湯個而就食倒牛肉嘅鮮味，各有各出色。-除左特選羔羊肉同美國特選級牛小排，我地仲叫左三蝦拼盤，海鮮類我就最喜愛蝦，特別係白勺蝦，夠食倒蝦嘅鮮甜，蝦拼盤有一隻龍蝦，蝦肉彈牙，而且蝦膏仲非常濃郁，記得唔好淥太耐太老呀！另外兩款分別係紅蝦同白蝦，煮完蝦後嘅雞湯，多左陣海鮮味，超好飲。-打得邊爐梗係要食手打滑類，今次揀左松茸菇海鮮滑，除左海鮮味足，仲有淡淡菇味。-食得台式野，都要柯打埋鎮店嘅台飲啦，打邊爐關係無叫珍珠類，反而試左兩杯拿鐵，分別係鐵觀音同大紅袍，叫左少甜關係所以茶味特別突出，熱飲仲係一壺壺咁上，好特別架。-值得一讚嘅係店員服務態度，好似置身台灣咁。

知道近期這個品牌在香港開了幾間分店，聽說這間火鍋店在內地的知名度拍得住海底撈，今日終於跟我的邊爐怪朋友來試試。這間位於尖沙咀K11的分店在地下再落一層，K11出面有一電梯可以直接落到這間餐廳。餐廳門口有茶可以供等位的客人飲用，不過在疫情底下，暫不見人龍!由於疫情的關係，每位進入餐廳的客人都需要在接待處先量體溫和噴搓手液。餐廳座位都幾多，以卡位為主。入座後店員為我們奉上烏龍茶及圍裙，而醬料區除了有多款醬料外，也有生果供客人自取。餐牌上有多款火鍋湯底和配料可以選擇，我先點了湯底。勵志鍋拼食妝鍋，我們點了鴛鴦鍋，一邊是台式麻辣鍋，另一邊是花膠雞鍋。台式麻辣鍋不算很辣，湯底內有豆腐和鴨血，而且這裡的豆腐和鴨血都是任食的，兩者都非常入味，可以說是我在香港食過最好食的鴨血和豆腐。而花膠雞鍋在落火鍋配料前當然要飲返碗湯試試，沒有想過湯底的味道跟平時在飲宴吃到的羹差不多味道，湯底內除了有花膠，還有鮑魚、菇類等，十分鮮甜，而且會越煲越"傑"。火鍋配料實在有太多選擇了，令人眼花撩亂，最後揀選了幾款試試。海鮮湊湊，朋友喜歡吃海鮮，所以點了這個海鮮拼盤試試。這個拼盤有多款海鮮，包括蜆、北寄貝、帶子、扇貝、鮑魚

星期六就來吃過豐盛的午餐吧！之前聽同事說這間餐廳中午吃有八五折那就一於來吃一吃吧！我們被安排在卡位上每張枱下邊已經有濕紙巾 乾紙巾任攞非常方便 醬汁在另外一張枱有前菜 生果 不同種類的醬汁 應有盡有 還有白飯任攞未叫之前已覺得這間餐廳誠意十足我們先叫了個湯底湯底有很多可以選擇，最後選了菁英鍋 《燕麥龍蝦鍋》，有一整隻龍蝦，超級落本的！叫了很多不同的配料 主要推薦有：美國特級牛小排 ，肉色漂亮有雪花 啱啱好 好好吃飛魚子墨魚滑 侍應好細心幫我地分為細塊 一口一粒 好有咬口日本和牛牛肉粒 超級有牛肉味 彈牙好吃魚皮餃吃得出是心機作 ，人手做的感覺如果想吃蔬菜的話不妨叫一個時蔬湊湊 又大份什麼類型都有 這兒還可以喝台灣珍珠奶茶呢！還附送冰沙給你清清口腔 和甜品梅子啫喱凍這兒是服務十足 坐得舒服 食物好吃 是三五知己談心的好地方！

聽朋友說尖沙咀K11藝術館開了一間高質台式火鍋店，抱着慕名而來的心態和家人前來一試！我們一行四人被安排坐在角落卡位，坐位寬敞舒適，餐廳裝修很有特色，配上別緻的茶具，中國風得來滲出一點潮味，餐廳還窩心地為每位客人準備了紙圍裙，配著有民族特色的背景音樂，呷著一口香茶，很是舒適！餐廳中央還設有吧枱，有很多特色醬料給客人自行混醬，還有餐前小食、白飯、車厘茄和水果瓜類自助任食。看看餐牌，火鍋底有很多特色的選擇，每款都很吸引！我們點了一客鴛鴦鍋：菁英鍋（燕麥龍蝦鍋）（$138）和食㛇鍋（紅顏花膠鷄鍋）（$138）菁英鍋有肥美的波士頓龍蝦配上原粒燕麥加上紅蘿蔔、西芹等配菜熬製而成，湯底鮮味濃郁！食㛇鍋足料豐富，有花膠、鮑魚、雞肉、花菇等等，湯底龍厚鮮美，加上花膠鮑魚等矜貴食材熬出了濃厚的膠質，不但好味，還很滋補美顏！😋吃火鍋一定少不了牛肉，牛肉方面也有很多選擇，我們點了美國特選級牛板腱（$118）、湊湊精選肥牛（$98）和日本和牛牛肉粒（$98），牛版鍵牛味較濃郁，特選肥牛脂肪和肉的比例剛好，入口甘香軟滑，和牛粒雪花均勻，侍應還特意提醒我們和牛粒的烹調時間，4分鐘剛剛好，保持肉質嫩滑又不失有口感！海

貼心台式火鍋上星期和朋友去尖沙咀買野，順便去了k11晚餐，天氣冷最好食火鍋。去了這間台式火鍋，有辣湯底，可暖身。我們2人叫了鴛鴦鍋，一邊是台式麻辣鍋「勵志鍋」，一邊時燕麥龍蝦鍋「菁英鍋」。勵志鍋小小麻辣味，香辣味，有紅棗，杞子，幾補身。任添的鴨血同豆腐落這個鍋，更入味，好食。菁英鍋，似西式龍蝦湯，濃味，湯內入面有半隻龍蝦，我們各人也飲了2碗。火鍋料叫了牛上腦，肥牛，松阪豬，烏雞卷，羊肉，白鱈。牛上腦，第一次食，都嫩，牛味都濃，比肥牛好食。精選肥牛，肥膏多dd，輕輕一碌就熟。松版豬，其實是豬頸肉，整到成朵花咁，份量多，厚厚地，口感好。烏雞肉，喜歡這個，很彈口，$58抵食，底下的菜也可食。羊肉，還可以接受，碌落勵志鍋到味再好點。白鱈，有8舊鱈魚，肉厚，碌耐也不會散開。每人醬料費包埋水果前菜白飯任食，餐中沙冰同梅子茶凍，貼心服務。

新年少不了同朋友聚會今次選左一間新開嘅台式火鍋😍每人加$19就可以任食前菜、生果同白飯，仲有無窮無盡嘅醬料供應😍抵！而湯底我地選左鴛鴦鍋：菁英鍋（燕麥龍蝦鍋）和食㛇鍋（紅顏花膠鷄鍋），頭啖湯好好飲又足料！餸菜選擇好多，推介嘅有以下幾款：加拿大係松板肉加拿大松板肉上枱精緻地被砌成2朵玫瑰花，口感有一點像厚切的豬頸肉，肉質爽脆，腍滑好味！海鮮棒棒糖海鮮棒棒糖是墨魚滑和鯪魚滑製成棒棒糖模樣，得意有趣，賣相與味道俱佳！蛋餃蛋餃皮薄餡靚，吃一口滿口濃濃蛋香！牛黃喉、風味鴨腸還有一些特較傳統的火鍋配料選擇，牛黃喉爽脆有咬口，風味鴨腸好味又不覺肥膩！

打邊爐有台式飲品，所以就去試吓。一去到即刻買大紅袍奶茶黎飲，做緊買一送一，好抵! 我地叫左紅顏花膠雞鍋(又名食妝鍋)，個湯底真係好杰，膠質好重，證明係好足料。另一款係台式麻辣鍋(又名勵志鍋)，我個人黎講覺得可以辣d。鴨血同豆腐係無限refill。食物方面，我們點了一個叫"山海一盤", 其實係海鲜和肉類拼盤，有三文魚，蝦，牛肉，蜆，鮑魚，扇貝，材料新鮮，份量夠4個人食。另外點了一份鱈魚。飯後仲有甜品送，係梅子茶凍，酸酸的，都幾消滯。我見餐廳仲pack左好多鴨血豆腐送比客人帶回家品嚐，好窩心。

因為肺炎被封關無得去原先book 好曬的台灣旅行，唯有食返個台式火鍋彌補下心靈嘅空虛！火煱一定要選間環境乾淨的！入座前職員會先幫食客量體溫！確保大家食得安心！環境十分寬敞！鴛鴦鍋選左麻辣鍋同花膠鍋打邊爐前一定要試吓飲個湯先！花膠有肉碎，味道濃郁！一定要點！美國特選級牛小排淨係睇啲雪花分布平均就知係正野！勁有牛味！滾10秒即食！羊肉片夠新鮮，有羊so 味！伊比利亞黑豬肉驚喜之豬肉，估佢唔到咁有肉味！蔬菜拼盤咩菜都有！全部都好新鮮！店員會送上沙冰同甜品！大紅袍珍珠奶茶大大杯解辣一流！生果任食蜜瓜超甜！值得推介台式火鍋店！

服務，環境都唔錯，除左個座位逼少少之外。食物係不錯吃的。杯冰沙食辣野既時候特別解辣，最衰冇得額外叫。叫左杯奶茶份量都大杯，飲完都飽😑好飲兩個人大概食550遲啲場疫完之後先再食。

作為一名健身教練，除左教班之外，我真係好鍾意打邊爐!頭先同學生上堂，傾開邊間邊爐正，佢就介紹湊湊火煱，又話有果d咩咩和牛牛粒、酸菜魚湯底、海鮮滑好食到爆。。。又話食到頭中尾既時段有果d唔知咩咩既service。。。都唔知係咪真上完佢都收工，whatsapp女朋友叫佢拎定位等我，當我去到門口既時候，帶位員由頭介紹到落張枱。。。唔錯。就叫學生介紹既酸菜魚先! 落左order就出自助bar, 店員岩岩refill生果, 又有好多唔同既醬料, 仲有白飯任裝, 最緊要係企企理理酸菜魚好香帶少許辣, 魚滑滑溜溜份量都好多, 入面仲有d芽菜~ 湯底確係好香濃, 酸酸辣辣好過癮食食下望下menu, 原來鴨血豆腐鍋可以無限追加, 下次一於叫個雙併鍋先先!鵝腸掛滿條條鵝腸, 彈牙肥瘦適中日本和牛牛肉粒粒粒都好靚仔, 肥瘦相間咁, 肉質軟腍一d都唔韌, 有牛香!美國特選級牛上腦依份牛就無和牛粒咁多脂肪, 食落無咁彈牙但係牛味都好出松茸菌菇海鮮滑學生推介既海鮮滑, 有菇同松茸既香氣, 食落甜甜地又彈牙, 真係好食!炸響鈴湯底咁正唔係唔叫響鈴呀麻?!食到咁上下staff比左每人一杯冰沙話解油膩, 之後又有梅子茶