渝痴漁醉

营业中

休息中

雖然天氣回至20度，但想吃雞煲的心情沒變，這間的烤魚雖然比較受歡迎，但朋友說它們還有羊腩煲和雞煲的，所以今次就來試試雞煲。兩款小食：紅莓和蠶豆有紙巾和清水供應，很細心《花膠雞煲 $298》配上了醬香味，十分香濃惹味。雞件多而且肉嫩，當中加入了不少花膠，但在烤煮時要記得不停撈起拌混以防花膠黏底或煮焦。另有多款配料供選擇，因為雞煲份量多所以只點了花菜和茄子。職員建議自吃完雞煲的材料才加入配料再煮。花菜和茄子都吸了醬汁變得很惹味。飲品 《Somersby Crush配提子味 $38》選擇了提子味，份量足夠二人共享。韓式的這類飲品通常都以塑膠鯨魚作裝飾，但此杯就用了一條小小的鯨魚橡膠糖代替，十分可愛，哈哈。甜品《紅糖桂花水果冰粉 $26》冰花的紅糖糖水味道較淡，不會甜膩，正合我口味。西瓜是送的，很解熱。

今日又行銅鑼灣，一直都知金百利中心好多餐廳，樓下咁啱有人派宣傳單張，見到個名幾得意，又想食辣嘢，一如就呢間「如癡如醉」吧！餐廳喺8樓，雖然已8點幾，都仲係滿座，不過好彩有位唔洗排隊。原來除左烤魚，都有特色麻辣鍋同雞煲，仲有炒菜，人多可以一次過食晒唔同款。烤魚有5-6種魚揀，口味有辣同唔辣，麻辣、酸辣、醬香，選擇頗多。我地叫左大廚推介的「清江魚」，因有小小咳，唔敢食太辣，店員推介鮮麻味，好多花椒，但很鮮香，麻得好爽雖然好多辣椒同花椒，但味道很合適，又麻又鮮，唔會太鹹，湯底仲有芽菜。如果你唔食得辣又口痕，推介呢個花椒味！不愧是大廚推介，魚肉十分鮮嫩，飽滿，整條魚份量十足，最緊要冇骨！啖啖魚肉，淋上鮮麻的烤魚汁，非常滿意！配菜叫左「花膠」同「萵筍」，份量足，菜品新鮮，賣相很好。花膠不太入味，但萵筍配烤魚，蔬菜清新又唔會太辣，絕配。追加了一客「黃糖糍粑」，反而特別驚喜！糍粑外層香脆，內裡軟糯，清甜黃豆粉再點點紅糖漿，甜度啱啱好。條條糍粑幼切，易入口。食辣後食甜嘢又十分解辣餐廳贈送了每人一客甜品「桂花冰粉」，好開心😃 以前其他餐廳食過的冰粉一係好凍一係好硬，今次仲係流質，最緊要係唔甜！我覺得冰粉

位於銅鑼灣金百利中心的這間餐廳，非常就腳，地鐵站轉右直上8樓就係。之前食過兩次，這間餐廳，火鍋、以及蒸魚都非常出名。今次我就打算試下其他四川菜。附送的小食係味豆、以及梅乾。左手邊有一大煲凍水、以及紙巾一大包，自助自取，非常貼身，放心，等一下你一定會用到的。前菜叫了，麻辣青瓜（$38）。這一道菜不錯，可是如果前菜的說，我認為有點太過辣。其實店方可以考慮可以再清一點。可是喜歡超辣的朋友，應該不會介意。蔬菜叫了筍炒木耳（$68），這道菜非常清甜，亦是唯一的不辣的菜，作為平衡其他菜式。飲品叫了金橘青檸梳打（$28）。四川菜，當然少不了麻婆豆腐（$68），另外叫了白飯（$10）配吃！豆腐與肉的絕妙味覺，來自辣椒所表現的辣、小山椒辣得舌頭發麻、豆腐的「白」，用來拌飯就是一流！豆腐一磚、一個方塊，沒有炒散，保持著漂亮的感覺。大口大口伴白飯吃，然後來自辣椒、山椒的麻辣感覺，很快就令你流出很多汗，感覺就是爽。幸好餐廳有一包紙巾送給你擦乾汗。主菜叫了水煮安格斯牛肉（$268），看看圖片紅色一鍋非常漂亮。等了20分鐘是值得的，一大鍋上來，紅通通的辣椒，令人食指大動。牛肉口感一流，爽滑、冇渣冇筋、香氣迫人。鍋

呢幾日天氣超凍﹗食SPICY FOOD 一流特登同朋友去食烤魚炸魚選左清江魚 $298,店員推介比較少骨<岩曬我呢種懶人識,我真係食唔到多骨既魚好驚卡骨,所以叫清江魚FIT曬選拌菜都好重要，配埋條魚一齊食, 正撞岩特價,鹿兒島和牛A4-A5 黑毛和牛做緊特價食烤魚可以加錢 $98炸緊係加啦, 好抵食食物未到之前, 都有小食食下, 頂下肚先都幾香口同特別 野飲方面 緊係要點番杯有酒精成份架啦(提子味)﹗ 份量大大杯, 又精美, 岩曬影相打卡娃娃菜,最能夠吸收精華^^ SPICY烏冬,包肚食物,又能夠索汁腐皮,新鮮,份量抵和牛, 色澤均衡, 新鮮, 份量又抵條魚大大條, 肉質好滑, 好好食價錢合理,地點又近,好食又暖胃^^冬天食真係一流

兩個人去銅鑼灣食晚飯，又想坐得舒舒服服，又唔想等位等咁耐既話，就梗係上樓上鋪進餐啦。今次我地去哩間餐廳食川菜。渝北涼粉$42哩款既涼粉本身是沒有味道的，味道來自醬汁（芝麻，辣油，蔥花），雖然說味道是靠配料，但是我本人覺得涼粉的質地都好緊要！不能切得太厚，粉質太實。大碗花菜$78好夠鑊氣既椰菜花炒腩肉尖椒。味道有點濃，畢竟是川菜吧，比起廣東菜的口味是會濃一點。朝天門水煮魚$218水煮魚片，好大碟，建議4-5人點這個菜！看它辣椒好多喔！魚肉比較鮮嫩。配菜有粉皮（粉皮煮再軟身一點會更好），芽菜和青瓜。麻辣蘿蔔糕蝦球熱辣辣的蘿蔔糕好好味，配點芝麻味道更香。還有炸蝦粒🍤。蜂蜜柚子梳打$28柑桔青檸梳打$28

呢排天氣凍，諗起一星期後冇啖好食，就約左寶寶出來食烤魚行街。今次黎左金伯利既<<渝痴漁醉 >>而家仲有全單九折，即係免加一啦，正。 呢度雖然唔大，但都坐得幾舒服。 我地叫既魚係，清江魚，配老壇酸菜味底，入口魚肉夠滑又冇骨，食得夠暢快。加上辣辣地既酸菜，就更加惹味。 我地加左<<牛丸>>來做配菜，因為冇咁易熟，所以一早就放左落去。入口夠彈，加上D湯底入哂味，所以都辣辣地，食到我熱騰騰。 我地仲叫左碟<<乾煸四季豆>>黎送飯，除左健康之後，小小辣都好開胃。 最後點左<<薑茶小豆子>>，薑湯底，加上細細粒既小丸子，入口煙韌，好有冬天既感覺，又可以驅冬。 飲品就點左一杯凍<<蜂蜜柚子梳打>>，可以解解口腔中既油膩同氣熱感。

天氣開始轉冷，又是時侯來一個熱辣辣烤魚了。說起吃烤魚，想起以烤魚為主的渝痴漁醉，這𥚃的魚類選擇多之外，鍋底味道選擇也不少，有辣有不辣。 魚類選擇有：鯇魚、凌波魚、清江魚、桂花魚和深海石班。鍋底味道有：渝翁招牌豆花烤魚（辣）、秘製麻辣味（麻辣）、特色鮮花椒味（麻辣）、老壇酸菜味（辣）、濃香孜然味（辣）、經典泡椒味（辣）、金牌蒜香味、風味醬香味。不同魚類配合不同鍋底味道選配，變成多種組合口味，烤魚愛好者必有一款合心水。餐前小吃（免費）蠶豆和紅梅乾渝翁招牌豆花烤凌波魚 （$278）👍👍👍👍我今天選了凌波魚配渝翁招牌豆花烤魚，我其實不太清楚淩波魚是什麼魚，只是純粹覺得牠的名字很特別。一條原條開邊的凌波魚，煎後在放入重慶招牌火辣辣湯底內。魚身上舖滿大量炸過的辣椒和其他香辣配料。魚肉結實鮮嫩，不多骨，除了主骨外，沒有太多幼骨，適合喜歡吃魚又容易噎骨的人。大量的辣椒和泡椒底下是觧嫩的魚肉，湯底在火爐下越加濃縮，今辣味加倍提升。烤魚火鍋內的豆花更是滑不溜口。鹿兒島A4-A5黑毛和牛（$98）👍👍👍👍原價$298的鹿兒島A4-A5級黑毛和牛，震撼價$98一碟，但就要惠顧烤魚或雞煲一隻才可以優惠價享用。黑

慶祝自己生日，加上朋友知我鐘意食重口味食品，所以再次來到渝癡漁醉吃魚煲。 🌶夫妻肺片🐄（$62） 有牛肚、牛𦟌，冰涼美味之餘，調味一流，作涼菜最好不過！ 🐟金牌蒜香味鯇魚🥘（$238） 辣辣魚、煲吃過幾次，今次就試試其他口味的呢！ 金牌蒜香味固名思義是不辣的，反之是充滿蒜香味道的蒜香味道。 魚質方面，選了鯇魚，魚骨雖多，但也不難挑刺，肉質非常嫩滑，而且份量十足，非常推介！ 吃完魚後還可加入不同配料打邊爐！最愛打邊爐，所以都多選配了幾款配料！ 🌯響鈴（$28） 響鈴索左濃郁的蒜香魚湯底後味道超級香濃！ 🌭芝士腸（$32） 芝士腸比一般的大條，香脆可口，芝心滿滿，正！ 🍜寬粉（$26） 寬粉是我的最愛，不可不點呢！ 🍃娃娃菜（$28） 娃娃菜浸在魚鍋中夠曬好味，正！ 🍯蜂蜜柚子梳打（$28） 朋友點了個推介飲品之一—蜂蜜柚子梳打，酸甜開胃，味道不會太甜，不錯啊！ 最後，餐廳還準備了甜品和水果給每位客人，非常窩心！ 🌼冰粉充滿桂花香味，冰涼易入口！ 西瓜🍉 . 📌店名：渝癡漁醉‘

服務越來越差，對獨自一人用餐的客人極度歧視，明明大把位，偏偏讓客人坐在門口位吹冷風，點了個鮮椒魚套餐，看似分量十足，不過是好大碗湯里四五片魚肉，少許豆芽黃瓜、幾根粉條，套餐里的熱奶茶，更是到買單時都沒送來……

上次同朋友去銅鑼灣金百利 8 樓的渝痴漁醉吃過午飯，感覺意猶未盡，所以今次我們決定夜晚來，品嚐其他的獨特美食 ~一進入餐廳，看到牆上的食物圖案設計，生動趣緻，令人食慾大增。餐牌裡有雞煲、鮮活烤魚、特色川菜、家常小炒、風味涼菜、主食、甜品及飲品等，菜式特別，款式不錯，而且有很多的選擇。青江魚 (金牌蒜香味)       $298這裡有幾款魚供應，鯇魚、凌波魚、清江魚、桂花魚和深海石斑，烹調方面，自己可任意選擇麻辣、豆花、花椒、酸菜、孜然辣、泡椒、蒜香和醬香辣等味道。遠處已聞到濃濃的香氣，大大條的青江魚，表面香軟，肉質嫩滑，鮮味十足，而內𥚃較少骨，易於進食。我們不是吃得太辣，所以揀了金牌蒜香味的青江魚，魚的底部有豆芽作配料，湯底不是辣，吃起來濃郁的鮮魚香蒜味，很惹味。另叫了潮州牛丸  $32 和 稻庭烏冬  $28 作伴魚輔菜，牛丸爽口彈牙，牛味濃郁 ; 烏冬爽滑順喉，有彈性。小龍坎口水雞     $78口感微凍的雞肉，嫩滑彈牙，鮮味可口，沾了辣油就更惹味，醬料香濃，是我最喜歡吃的涼菜，非常美味。蜂蜜柚子梳打    $28冰冰涼涼，清清甜甜，潤而不膩。可樂     $15冰凍解膩，爽 ~在

又係去金百利食lunch的時候今次去八樓試渝痴漁醉到食午餐，一點鐘到都不用等位，坐下看見餐牌好多選擇，最好當然食麻辣味啦點了個麻辣味的饞嘴牛腩麵。鋪內都好大而且又坐得舒服，不過會發現好多人都點了辣的明火魚食，好香的。下次人多的話要試下先，好快～麻辣味的饞嘴牛腩麵送到面前。牛腩如果大件點會更好咬口，麻辣好香好麻，好味到湯都飲了。麻得來剛好不會覺得味重太咸，麵都吸收了湯的味道一流，連同配料(芫荽，芝麻)一同食,可以話超爽口，整體服務會慢了一點但食物滿意度極高，會再黎光顧

一到凍嘅時候，晚晚唔係打邊爐就烤魚，都係圍爐，我地今日黎到銅鑼灣嘅渝痴漁醉，月初有朋友黎過，大讚好食，我地跟風。平日晚上都全場滿座咁滯，7點8點呢啲時間好旺場，夜少少就唔洗等喇。事後聽到店員同後面枱講先知，原來佢地都有房可訂，下次人多可以考慮下。餐廳環境都唔算好逼，有卡位，有梳化位，有一般四人枱，不過枱面唔算好大，放一個爐幾碟配料已經滿。好在我地早到左，店員安排到張卡位俾我地，值得一讚，佢地態度幾好的，雖然個個都好忙呢度主要供應川菜，有烤魚、雞煲、羊腩煲、海鮮、蟹煲等，可追加多款配料，價錢唔貴。另外唔想食煲嘅，可以點小炒，例如酸菜魚、麻辣牛肉，叫餸食飯都得，仲有幾款涼菜。我地人少少，點左條魚，加左幾款配料，非常滿足秘製麻辣味烤凌波魚：佢地有幾款魚，鯇魚、凌波魚、清江魚、桂花魚、石斑魚，價錢$238-338，同一般嘅烤魚店差不多，至於口味方面都可以自選，有豆花烤魚、麻辣、花椒、酸菜、孜然、泡椒、蒜香、醬香味等。我地怕鯇魚骨多，揀左凌波魚，配麻辣味。我地唔算話好食得辣果種人，呢隻麻辣帶香唔會太麻，容易入口，雖然眼睇到湯底都係紅色，又有咁多辣椒，不過都唔會太辣，又或者入唔到口。條魚都幾大條喎

今日係拍拖日！ 同男人出街食飯！行過見到大大既招牌！咁就入去試下啦！有雞煲烤魚小菜！今次就試下小菜先！坐底就送左個小食俾我扡泡椒鳳爪一般啦！唔辣既！嗌左個鮮椒魚！份量好多！又夠辣！仲有扁薯粉添！ 好好食！魚又滑又少骨！依個四季豆好惹味！加碗白飯正到呢！ 炒得好香口！麻婆豆腐又係送飯之選！ 好正！好好食！ 食到汁到撈埋！我地仲嗌左依杯 38蚊！依個價差唔多啦！甜品生果就送既！ 依碗係冰花？ 好食啊！入面嗰啲似啫喱！ 依餐飯都不錯！係好食既！ 下次再戰！

香港真係乜都有得食~大概兩年前去成都食過地道嘅烤魚，估唔到喺香港都有得食，試過好幾間，呢度嘅味道暫時黎講係最好嘅。最穩陣就梗係叫舖頭嘅招牌啦(呢度叫大推)!先黎揀魚~大推清江魚，鍋底係渝翁招牌豆花烤魚。清江魚係咩魚？其實佢並唔係一種特定品種嘅魚，而係長陽清江庫區嘅魚類品種，江團、銀魚、白甲、鱘魚、鯉魚、鲶魚。。。。我當日所食嘅雖然唔知係咩品種，不過肉質真係好細嫩、又無泥腥味，正所謂《長陽山水美，清江魚蝦鮮》!鍋底都係靈魂~渝翁招牌豆花烤魚，一上枱見到個鍋舖滿晒辣椒都有啲擔心(因為我地之後先醒起無特別要求辣度)，但食落又發覺個辣度好怡人，完全唔係死辣~又香又麻好野味!重有啲少驚喜嘅係擺喺個鍋果四隻角嘅豆腐，好滑~一擺落口就滑左落喉嚨!區區一條魚點會滿足到我地，見到個鹿兒島黑毛和牛做緊優惠價$98，牛癡嘅我又點會錯過?!雪花分佈好平均，雖則未至於入口即溶，但肉質好淋，一啲筋都無，只係咬兩三下就可以吞晒佢落肚，好好食!其次係寬粉~十分十分推薦。。。因為佢真係一條條好粗嘅薯粉，煮一陣就食得~夠煙韌，如果鍾意濃味啲嘅煮耐啲吸多啲湯仲好食!佢個menu仲有好多野吸引我~可惜兩個人食嘅胃口有限~下次

銅鑼灣金百利廣場食肆林立，呢期就新開左間專食麻辣既渝痴漁醉，即刻要去試下🤤🤤🤤Menu有好多款式選擇，包括雞煲，烤魚，麻辣香鍋等等，亦有好多小菜飯麵，一定會搵到岩食既野！有選擇困難症既我最後就選擇左佢地招牌菜-渝翁招牌豆花烤魚，係香辣味既🌶🌶🌶 因爲唔知佢地辣既程度，就先嗌小辣試試先！條魚黎到，嘩！都幾大條喎！而且好厚，好多肉😋小辣對我黎講剛剛好，有辣味得黎唔會搶左魚肉既鮮味～每邊角都會有一舊豆花，滑滑的！超正！唔想浪費左啲湯就緊係要嗌埋啲料放落去打邊爐啦，菇類真係無得輸，入晒味🙈其實食到一半就會開始覺得辣，要飲野，要一讚既係佢無靠飲品劏你一筆，絕對抵飲👍🏻 另外可能因為新開將，服務態度十分唔錯，希望遲啲愈做愈旺都keep到啦👍🏻👍🏻