影片
更多
2025-07-07
0 浏览
銅鑼灣要搵到 $150有找嘅放題，仲要地點方便，有熟食、有烤魚、有火鍋、有啤酒飲，都真係好難。今日就搵咗呢間個人心目中嘅銅鑼灣性價比之王同大家介紹下，餐廳裝修簡單，唔係打卡型但坐得舒服，枱與枱之間唔迫，冷氣亦夠。自助區設計清晰，夾餸、攞飲品都唔會阻嚟阻去。揀咗皇牌烤魚放題（老壇酸菜魚）。魚係先煎後煮，肉質滑溜，湯底酸香開胃，唔會死鹹，食完魚個鍋底可以再落料打邊爐。熟食算不上多款，但唔Hea，有驚喜位。潮式煎蠔餅：外脆內嫩，唔會太多粉，食到蠔鮮味金沙雞翼：咸蛋黃味濃郁，炸得香脆唔油膩。仲有啲梅菜扣肉、栗子炆雞等等呢啲熱葷，全部都質素唔錯，唔係求其整嚟交數。自助火鍋配料基本嘅食材都有，例如貢丸、魚蛋、豆皮、粟米、雞件、豬肉片、粉麵等等，無話咩上等驚喜食材，全部都係貼地野，但呢個價錢，食完魚仲有咁多野可以食，都真係好OK。PS：提提大家6：30後經常要等位，最好提早預約。單據價錢比大家參考：
銅鑼灣要搵到 $150有找嘅放題，仲要地點方便，有熟食、有烤魚、有火鍋、有啤酒飲，都真係好難。
今日就搵咗呢間個人心目中嘅銅鑼灣性價比之王同大家介紹下，餐廳裝修簡單，唔係打卡型但坐得舒服，枱與枱之間唔迫，冷氣亦夠。自助區設計清晰，夾餸、攞飲品都唔會阻嚟阻去。
揀咗皇牌烤魚放題（老壇酸菜魚）。魚係先煎後煮，肉質滑溜，湯底酸香開胃，唔會死鹹，食完魚個鍋底可以再落料打邊爐。
熟食算不上多款，但唔Hea，有驚喜位。潮式煎蠔餅：外脆內嫩，唔會太多粉，食到蠔鮮味金沙雞翼：咸蛋黃味濃郁，炸得香脆唔油膩。仲有啲梅菜扣肉、栗子炆雞等等呢啲熱葷，全部都質素唔錯，唔係求其整嚟交數。
自助火鍋配料基本嘅食材都有，例如貢丸、魚蛋、豆皮、粟米、雞件、豬肉片、粉麵等等，無話咩上等驚喜食材，全部都係貼地野，但呢個價錢，食完魚仲有咁多野可以食，都真係好OK。
PS：提提大家6：30後經常要等位，最好提早預約。單據價錢比大家參考：
张贴
