渝痴漁醉

营业中

休息中

我係一個勁中意食烤魚既人，所以又試下呢間烤魚，去到都唔洗等就已經有位了，坐低後店員會遞上點菜既紙等你叫左條魚先。佢地除左烤魚之外，仲有d小炒，小食俾你選擇，樣樣都好吸引，所以決定左下次再黎食小炒，今次就食左烤魚先🤤🤤叫左條清江魚，因為佢紙上面寫住推介，湯底味道就選擇左漁翁招牌豆花，佢帶有辣味，店員就幫我地揀左小辣，其實都夠辣，因為佢滾得耐d辣味會走晒出黎，湯底味道濃郁，最得意既係佢每隻角都有舊豆腐花做配菜，當中亦都有小量芽菜，魚肉鮮嫩，亦都好滑，魚過屬於大條，所以唔會怕難挑骨👍🏻👍🏻👍🏻果然係推介。至於配菜，就叫左鮮蝦，有4隻，肉質彈牙，再配埋d汁簡直一流👍🏻蓮藕片，又係再點埋滾出黎既汁🤤👍🏻👍🏻👍🏻最後叫左呢份和牛，份量唔算多，但都夠2個人食，佢呢個和牛係如果你叫左烤魚或雞煲就可以用優惠價格98蚊order，其實都幾抵，肉質又唔會太硬身，幾好味，不錯👍🏻值得推介🤤🤤🤤最後食完所有野，仲有返個甜品送添，今日呢個就係桂花糕配西瓜，西瓜好甜，而桂花糕都唔差好香桂花味👍🏻👍🏻👍🏻值得再幫襯。另外值得一提既係佢去會有條即棄圍裙俾你套上身免得整污糟d衫，呢樣野好細心，食過咁多間，係得呢間會咁做👍

喺銅鑼灣返工 平時晏晝都會同事嚟呢度食飯 我同我啲同事都食到上哂癮 貪佢夠辣 又唔貴 但係食晚飯就未試過啦難得今日一齊收早 book定枱 一班人柴娃娃食嘢係開心嘅 試下晚餐係點先晚市餐牌選擇非常多 烤魚 雞煲 小菜 小食 一應俱全我哋幾個人都好食得辣 一於叫佢嘅小菜試下 多人可以試多啲唔同款式乾扁田雞$138覺得非常乾身 鑊氣十足 又麻又辣嘅味道 完全可以刺激我嘅食肉田雞依然保持肉汁 肉質細嫩唔嚡口椒伴松花蛋$42金黃色嘅皮蛋賣相比黑色嘅好看 中間是留心的 獨特嘅口感 配合辣椒醬及青椒 味道相當配合麻辣青瓜$38味道又麻又辣 配合清新爽脆嘅青瓜 解滯消暑山椒木耳$38木耳爽脆 本身冇乜味嘅木耳 配合自家製嘅醬汁 酸酸辣辣夠曬開胃麻辣豬爽肉$48非常喜歡這個豬爽肉 口感非常彈牙 入口不油膩食咗咁多味辣嘅菜式 食番一味唔辣嘅平衡下先清炒萵筍絲$68萵筍絲爽口清甜 清淡的味道正好配合之前較為濃味的 清新健康嘅選擇提子味果汁酒$38造型非常精緻 杯中有條小海豚橡皮糖在暢泳估唔到除咗午餐得之外 晚餐都好得 最緊要價錢唔貴食物大大碟 味道仲要好好味 鍾意食辣嘅朋友仔一定要嚟試下

同閨蜜行完街 我哋決定黎金百利搵嘢食 食肆聚集於一棟大廈之中 千挑萬選之下 我哋揀左渝痴漁醉渝痴漁醉主要係食辣嘢同埋烤魚 但係我喉嚨唔爭氣有啲喉嚨痛 所以就唔食辣晚市時間人流非常多 氣氛熱鬧 每枱桌子上都有一盤大大 而且熱騰騰的烤魚 賣相吸引 很想快點開動餐廳非常貼心 有埋個人化嘅圍裙 讓客人食得放心又安心由於喉嚨痛嘅關係 所以點咗個唔辣嘅烤魚(金牌蒜香味)$298有意外驚喜 蒜香味 好吃好吃魚汁湯底非常惹味濃郁 炸過嘅蒜頭香味沒法擋清江魚我都係第一次食 確實讚不絕口 先說說魚皮 魚皮較為厚身 魚油味香魚肉多肉質比較紮實 冇腥味 而且條條大骨 容易吃食完烤魚之後就可以點配料打邊爐午餐肉$48滷香豬手$48豬手先用滷水煮過 滷得入味 雖然冇乜肉 但有 厚厚的豬皮 豬皮彈牙 充滿骨膠原見個湯底咁惹味 當然要點響鈴 吸收所有湯嘅精華柑桔青檸梳打 夠曬冰凍 對住熱熱的火爐 飲住杯凍冰冰嘅梳打 簡直一絕 而且柑桔潤喉 啱曬我

烤魚其實有的似食雞煲，食左部分魚後，就可以係2邊淺水位置燙野食！呢間係金百利，銅鑼灣最熱鬧既美食地方，無人唔知。呢度除左有烤魚，仲有其實熟食粉面同小炒，比其他食烤魚餐廳多好多選擇！落單後，會送上小食，食住等，岩哂我呢啲收工就好肚餓而又未有野食既人！🤣蜂蜜柚子梳打:甜甜地，普通野。睇餐牌完全唔知佢咩味，其實飲落都唔知咩味😂，但個樣好得意，入面有條鯊魚軟糖，游下游下咁，仲有發光冰塊，好過癮！但呢杯野有少少蠢，飲左半杯後，都唔識自己向下流，要人手整😅麻辣豬手送架！送架！送架！即炸完，成盆拎出黎，每個人都分一舊，食落有麻辣味，唔油膩，好香口！主角終於黎啦👏🏻，原條魚開一半，都幾多肉，唔太多骨，怕有魚骨人，可揀呢款魚！味道係麻辣味，略嫌唔夠辣，我諗大約譚仔既10少辣再辣少少。呢個爐唔錯，都幾深水，我之前係荃灣食既烤魚個爐好淺水，只係夠燙到片肥牛深dd，呢個起碼燙到豬紅豆腐個d！配料叫左豬紅，黑毛牛，炸嚮鈴同寬粉。豬紅好夾味，黑毛牛同炸嚮鈴都可以，寬粉我好喜歡，似酸辣粉d fd，煮得耐會入味後，所以好好食！糖水同西瓜都係送架！呢間餐廳真係超大方！價錢唔算太貴，但我覺得抵食，2個人食，都食到超飽咁走

今日天氣比較凍，同朋友決定去食烤魚，暖笠笠~金百利上面的渝痴漁醉位於金百利8/F好似很多食物選擇呢~卡位寬敞前菜最好是有圍裙提供, 不會弄髒衣服先叫了一個菜萵苣炒木耳$68萵苣好爽口呀~我地叫既魚係清江魚$298選了漁翁招牌豆花烤魚，叫左店員少辣, 湯底好濃味， 魚肉入口非常香滑，又冇咩骨, 非常惹味。魚大條又肥美很多香料, 濃味得來又不會很口喝我地加左98元這個鹿兒島A4-A5黑毛和牛$99真係好抵，係頂級靚，見D紋就知, 做promote 先咁平好香好滑入口即溶我地叫左其他配菜打邊爐 腐皮$28非常滑呢somerby crush  提子味$38有的我最喜歡的Apple Cider再加埋提子味，味道好夾好fresh, 大大杯，好清新 入面仲有D得意野原來係會發光的裝飾唔好食左佢~食飽仲送埋糖水呢

又係我大食妹帶大家食好野時間，今次係位於銅鑼灣的重慶麻辣菜餐館，因為依到出晒名就係食麻辣野，所以今次真係唔麻都唔食。香辣蝦：用上大量的指彈椒，子天椒炒製而成，所以食落真係麻辣味十足，但係麻辣既味道會令人只會越麻越想食，所以會不停咁食。再者d蝦絕對係用上新鮮海蝦炒製而成，蝦肉不但結實，爽口彈滑，入唔唔會霉，絕對係用上新鮮材料去炒作。懶人炒飯：用上午餐肉，魚片，蛋，去炒作而成，加上用上少許麻辣醬料去炒，所以食落絕對有重慶風味，係必叫的炒飯。黃糖慈杷：將糯米搓到長方形，再用油炸到金黃香脆，用上黃糖煮到糖水一樣，食時點一點黃糖汁，甘甜十足，絕對係重慶必食的甜品。柚子穌打：用上正宗柚子肉來製造，加埋穌打水，絕對係食麻辣野之必叫飲料。最後，我大食好今次俾4粒星，因為依到食到既麻辣小菜係重慶正宗，而且份量又大，價錢合理。

最近，得知銅鑼灣開左間重慶麻辣野好出名既餐廳，所以今晚特意去試一試佢地既麻辣食物。老壇酸菜魚：叫了桂花魚來做烤魚，桂花魚不但肉質肥美，而且肉質爽嫩，加上大量酸菜去烤，酸菜既味道滲入了桂花魚中，令到肉味帶點酸甜，加上一邊烤一邊食，魚既味道十濃香，肉質保持嫩滑，加上用上特別重慶泡椒，辛辣合時，絕對係來到必食既烤魚之一。手打牛丸：用上新鮮牛肉，手打而成，所以入口彈牛，牛味十分重，證明用上絕頂牛肉打造而成。金菇菜：用上本地自家種植的金菇菜，入口比平時爽脆，加埋酸菜汁，令到金菇菜入晒味。麻辣青瓜：用上正宗重慶的麻辣醬汁醃漬而成，所以青瓜吸晒麻辣醬汁後，將味道更為突出，爽口好味，加上雪凍後，絕對係飯前必食之小食。總括來就，這裡食物正宗，品質又高，環境又大，絕對係聚會必到之地。

我同舊同事雖然只係半個月無見，但都已經好似仿如隔世嘅感覺，咁啱我地其實都好有興趣食麻辣火鍋，於是就search一間近排都幾大熱嘅渝痴漁醉食，貪佢近我地嘅目的地 - Dustykid Pop-up store ~ 我地入到去見到個menu ，先知道原來係食麻辣魚架! 由於我地都係得兩個女仔，所以我都係叫啲好齋嘅配菜 ~ 不過店方就送咗個辣子豬手我地，賣相都炸得幾脆，而且又有幾多乾辣椒，入口好有鬆脆嘅口感，十足辣版嘅德國豬手咁。連啲肉都勁煙韌~ 我地仲叫咗兩杯特飲 Somersby crush提子味同埋curacoa blue somersby ~ apple cider 味道幾乎都唔多飲得出，都幾解渴，特別係食辣嘅時候。主角嚟啦~ 佢就係呢度嘅招牌名菜- 渝翁招牌豆花烤魚 ，我地叫咗桂花魚，貪佢夠滑~ 的確，呢度嘅烤魚實在唔似出面嗰啲只係得個湯辣魚係無味，呢度就連條魚都入埋味，入口已經有滿滿的麻辣味。最近我先知其實食麻辣火鍋加土豆片係一個絕配，所以我地都叫咗一碟。不負所望的，真係超入味，好爽，切得又薄~ 另外，同事亦叫咗蓮藕片，不過相較土豆片就難少少入味咯。同埋要煮耐少少時間先淋~ 兩個

位於銅鑼灣金百利廣場8樓的渝痴漁醉，主打四川菜及雞煲，之前來過這餐廳吃四川客飯，味道值得推介。牆上有著一些卡通，色彩繽紛，這裡的招牌菜是烤魚，所以卡通上有不少烤魚的圖案。點了一客金牌蒜香味的桂花魚。餐廳有五款魚可選擇，點了中上價錢的桂花魚，選好魚後便可選湯底的味道。湯底有八種、各有辣、麻辣和不辣的類別，金牌蒜香味是不辣的。之後還可按需要加一些蔬菜或配料。招牌烤魚來到了，食物來到時頗為震撼。魚有預先烤過，所以表皮微脆。魚肉味道頗甜，來貨頗新鮮。愛蒜之人應該會喜愛香口的炸蒜，份量多得蓋住了半條魚。湯中還會有少量大荳芽菜可以享用。😋如果是兩位食量較小的女士前來享用，吃完整條魚後其實已飽了八成，頗為抵食。之後也點了少許秀珍菇，平衡一下。煮熟後的菇吸了香蒜湯，味道也十分不錯呢。

女友想食辣野，睇到呢間店嘅食物相片好多都係紅色嘅，就黎試試啦，諗住挑戰下自己辣嘅底線。酸辣土豆絲 - 是熱炒出來的，見佢面頭咁多辣椒，看似好辣，但食落又唔係咁辣，只係略帶酸味，都幾醒胃。重慶雞絲涼麵 - 呢個不得了啦，我同女友都覺得好食。上檯賣相唔錯，麵條軟硬適中，而且夠乾身，唔會有水滴滴嘅情況，個醬汁係重慶酸辣，撈埋都真係野味，份量都算多。夫妻肺片 - 味道正常水準，牛肚整得軟稔，有咬口！食到呢個嘅時候，先至發現原來叫咗3樣野都係帶酸辣味嘅，不過三樣嘅酸辣程度同味覺口感都不同，哈哈。麻辣味羊腩煲 - 呢餐唯一冇酸味的，紅色同青色嘅辣椒都有，仲有生菜送添，令個羊腩煲睇落好有色彩。羊唔膻，味道不算好麻辣，小小辣，非常惹味。食辣野成日要飲野，今次要特別讚下餐廳非常細心，提供水畀大家自己斟，非常方便！ 今次挑戰辣既底線又向前邁進一步，下次再嚟可以再食得辣d!

今天天氣寒冷，老公想食暖笠笠的食物，剛好有同事提及昨晚去銅鑼灣的渝痴漁醉食烤魚火鍋，味道很好，老公一向喜歡食魚，又有熱騰騰的火鍋和川菜食，佢一定喜歡，今晚我們就一同前往試試吧！先選魚類，多款魚中，我們選了鲩魚。再選味道，也有很多種口味，有辣有吾辣，因為我不食辣，所以選了金牌蒜香味，其實當你選左魚之後，店員會介紹那款味道和你選的魚是最佳配搭！金牌蒜香配鯇魚:魚和湯底一起用鐵盆盛載上枱，盆下有明火，保持熱騰騰，完條魚已開邊，魚的兩邊已煎香過，放入有蔬菜和大量炸蒜的湯底內，邊食邊滾，魚肉嫩滑又吸收了有蒜香的湯汁，十分惹味！貢丸：將貢丸放入有魚香和蒜香的湯底內一起滾，爽口彈牙，好味！豆卜：湯汁惹味，所以叫了豆卜，放入湯裏滾幾下，豆卜吸收了蒜香湯汁，美味可口！小龍坎口水雞：望落見到有辣油浮面，以為好辣，其實麻味比較重，不太辣。雞肉嫩滑入味，不錯！懶人炒飯：夠穫氣，材料豐富，飯軟硬適中，香口夠味。青島啤酒和雪碧

和朋友行完年宵，當然吃餐好的賀新年，這次到了銅鑼灣的金百利，又發掘了一間新的烤魚店！十分驚喜！渝翁招牌豆花烤魚—凌波魚（$278）在上菜的一刻已經十分驚訝，因為真的好大條魚！而且，魚的肉質鮮嫩，意外地少魚刺，辣度適中，對於嗜辣的我剛剛好！娃娃菜（$28）、金針菇（$28）吃到一半，是時候放其他配菜打邊爐，菜類都幾抵食，金針菇和娃娃菜很入味，愛食菜的朋友，十分推介！寬粉（$26）個人最怕沒有嚼口的寬粉，幸好渝記用的是好吃的，非常爽口彈牙！整體來說，店鋪格局幾好，有很多卡位，幾合適朋友聚會聊天！加之食物質素高，店員十分友善，絕對可以有下次呢！

前幾天下午去找吃的，因為朋友知道我喜歡吃辣的，所以推薦我來吃。我點了招牌渝翁麻辣小麵，要冷的檸檬水。份量不太多，吃完也不會很飽，但真的有麻的味道，之前在這裡吃另外一間完全沒有麻跟辣的味道，所以這次覺得沒有來錯。因為還在試業階段，所以有9折優惠，而且會送甜點。

近呢幾日天氣比較涼，所以都經常打邊爐，不論係兩口子食飯定朋友聚會都係例牌火鍋。禮拜尾溫度回升番少少，暖啲，我地就揀左銅鑼灣嘅渝痴漁醉食晚飯。其實之前都已經黎過，亦試過佢地嘅烤魚，挺出色；不過見過有人食小炒，都覺得幾吸引，今次就試試小炒。因為係星期五晚，餐廳客人都非常多，keep住有客人入座，我地就好彩，估到佢地都會爆滿，一定會先訂位一心黎食小炒，就冇特別再留意烤魚、雞煲嘅選擇。小炒以川式為主，有涼拌、蔬菜類，主食有例如酸菜魚、水煮魚、牛肉、炸子雞、大蝦球，以酸酸辣辣嘅香口野為主。小炒價錢合理，份量很足，所以如果人少，未必試到咁多款喇，三、四個人黎就可以試多幾款李家沱酸菜魚 $218除左酸菜魚，仲有蒸魚頭、水煮魚、鮮椒魚等，定價$168/218，我地揀左酸菜魚。酸菜魚賣相吸引，同食開嘅差不多，大窩上，明顯見到大量魚片，墊底有咸酸菜、金菇、蒜頭等，面頭仲灑少少菊花，擺盤認真，亦聞菊花香氣湯底酸度十足，容易入口，裡面都見到有少量辣椒、花椒粒，仲有少少白芝麻，十分香口。始終唔係水煮魚，所以辣度都挺溫和，一般人都可以接受；呢類酸菜魚湯或多或少都帶點油份，個人就唔會拎黎飲用。魚片切得薄身，食落相當

呢到既lunch set真係好抵食，嗌麻辣水煮魚$76，跟餐仲有飲品 甜品送。我食果日仲每人送一份麻辣炸豬手，炸到脆卜卜 好香口，送酒一流。水煮魚大碗到可以兩個人share，魚片好有魚味，大塊又厚肉，間唔中一兩舊有小骨，即使我係一個怕lun骨既人都接受到。湯底是小辣，唔會過鹹，麻而不苦 油而不膩。底下仲有薯粉。跟餐加$5，可配紫菜麻辣牛丸湯，雖然牛丸幾有咬口，但係味精湯，可以唔洗試。另外加$26 既口水雞好正，雞肉好滑，仲嗦哂麻辣汁 好入味。呢個價錢有咁既質素，仲要係銅鑼灣旺區，真係完全無得挑剔👍