渝痴漁醉

营业中

休息中

這幾天香港的天氣驟降，當然係想食暖笠笠既食物啦，渝痴漁醉其實已經不經不覺成為我既其中一個飯堂啦，今次係第三次去，星期五晚上8時多仍然多人，相信係高水準的菜色吸引了吧，但店員都十分快手，大概等了十分鐘就可入座。照舊點了漁翁招牌豆花烤魚，選了清江魚，少辣。每台都會附上免費的前菜。魚會先煎好及開邊，店員上魚後要等大概8分鐘讓湯滾。等的時候已聞到香香的香辣味道，魚上面佈滿辣椒及配料，十分吸睛。清江魚魚肉十分滑嫩，亦較鯇魚少骨，絕對適合懶惰既人，啖啖肉呀而四角放了豆花，極滑，豆花吸了湯底的精彩，十分惹味當魚吃到差不多時，就可以加湯打邊爐，我地點了午餐肉，海蝦及金針菇，這些都是麻辣火鍋必嗌咖啦，襯到絕晚餐吃畢後，店員會送上生果跟冰粉作飯後甜品，甜甜的解辣一流

行經東角，見到呢間渝痴漁醉個招牌，好特別，今晚終於可同嗜辣友一齊嚟醉吓...喜歡佢特別為客人預備嘅圍裙、手套🧤及濕紙巾，俾我哋貪食之人大飽口福之餘，又不失整潔～剁椒魚頭要有雙色椒先夠香，要新鮮及煮得恰到好處，先滑，先好食～渝蝦漁蟹，淨睇個名，都知道係必食推介啦，仲要係我最鍾意食嘅蝦同蟹，即點... 香辣麻，全部知味出晒嚟... 香口惹味～見到隔離枱杯特飲好靚，我哋又叫返杯... 嘩... 啲有LED燈冰閃閃下，仲有條鯊魚係上邊呀... 好有心思，超吸睛嘅Apple Cider~😍冰粉同西瓜，甜甜地、凍凍地剛好解辣，滿足嘅一餐～❄️😀

✿╮❤╭✿ ✿雜感女生 好味日記✿ ˚*•✰。渝痴漁醉．醉在羊腩煲中鮮！。✰•*˚ ✿✿Dolce Vita@銅鑼灣✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 天氣這麼冷，我想吃重慶菜 口水這麼多，就去食羊雞！ 近日香港已進入單位數溫度期，想吃辣和羊保暖的願望大增 朋友不吃辣，卻想和我一起探探重慶菜的味力 我們就上了「渝痴漁醉」！ 重慶菜之中，我真愛「渝痴漁醉」 不只店員服務態度好，食物更可自選辣與不辣！ 不似一般的辣店，只強調勁辣狂辣，非常適合★初辣者★ 上台先送免費小食開開胃，朋友說，有辣香，非常易入口 我們點了2杯蜂蜜柚子梳打，清甜好飲，適合配吃辣物 主菜未上，店家先每台送上★新鮮出爐炸豬手★ 驚喜的見面禮！食落是高手水準 香脆可口，外脆內嫩，帶有香辣調味 店員說廚師是當地人，口味非常正宗，果然是沒話說！ 小龍坎口水雞 香鮮嫩辣，肉質入口香滑，味道是出色的辣香四溢 朋友開始小口，然後是大口大口的吃，點開了吃辣的穴，就是味力所在！ 重慶涼麵 此道是乾貨，涼麵一向以香辣為爽，此碟配有雞絲 麵質卻是取勝

經朋友介紹話呢間好正，系深圳就食得多，系香港就真係未試過！今日就同男朋友黎撐枱腳我同男朋友兩個人叫左一條孜然味既清江魚，好大條魚，清江魚本身較其他魚少骨，好厚肉啖啖肉，魚係煎過先再煮，更加香口，而且魚既肉質十分嫩滑！湯底唔會好辣都唔會過咸，味道似燒烤既味另外叫左一d配料放入去一齊煮，d蝦好大隻好新鮮，肉質實實的，仲好鮮甜！素食愛好者既我，叫左金菇、萵筍同埋娃娃菜，蔬菜都新鮮，份量都唔少，放落湯底度，索晒d味，好正！我就叫咗一杯蜂蜜柚子梳打，蜂蜜柚子本身酸酸甜甜，加上梳打有助消化，更加開胃。總括而言，呢間既食物質素高，而且價錢便宜，服務員都非常有禮。約埋三五知己一齊食，一大班人仲可以試多啲唔同嘅味道！

近排阿囡愈來愈鍾意食辣野，係屋企我就梗唔識煮，所以今晚出街食飯就順佢意去食吓川菜由於今日要去銅鑼灣宜家入貨關係，就係附近搵食，行行吓就去左去金百利，睇睇吓見到呢間餐廳既招牌，於是就決定上去望吓得唔得！眼看環境幾好，唔太多人(因為已經8點半，人是較少呱)，無油煙味，價錢都合理，於是就坐低左未點菜已有紅莓乾及甜蠶豆小食，仲有紙巾添，小食都幾好食，好快已被我同阿囡KO左點菜後無耐，仲送多左個椒鹽豬手小食俾我地，味道唔太咸，口感好煙韌，好多膠原，好QQ，豬手又夠入味，都算多肉，真係好好味道~無耐就到左我地點既菜登場！就係我同阿囡都好想食既香辣蝦干鍋！而且仲叫左肥牛、萵筍、茄子、魷魚、寬粉加埋入去一齊煮！未食已期待，一食不得了！個蝦超級入味，唔會得個死辣，蝦肉夠晒彈牙，很是好味另肥牛也切得厚薄適中，入味非常，而茄子則完全吸收晒辣得適中既醬汁，用來餸白飯食真是very good萵筍及魷魚都很爽甜，同時也切得厚薄適中， 口感很滿足食吓食吓我地終於叫左個1個白飯伴住一齊食，再食食吓就終到主角中既主角寬粉出場了！口感煙韌彈牙，又完全吸收晒整道菜的精華在內，美味得我同阿囡都係咁食，更有一刻想再order多

首先覺得個名改得幾好，好配合餐廳食品亦好有詩意。餐廳內亦主要以魚為主提嘅裝飾，連杯杯碟碟都係魚，好襯。點菜期間上了小食，有兩款...提子乾丶秘製蠶豆。又幾得意，味道都幾好。燒魚選咗鮮花椒味少辣，魚係石班。相信比較少地方以石班作為燒魚，無論湯底配魚，我都係第一次食，幾特別。好多花椒鋪咗上魚面，亦唔算好辣。日本A5黑毛牛，都幾抵食又滑，唔錯。肥瘦適中。加娃娃菜同芽菜，比較適合燒魚嘅湯，可以一直浸起度都唔怕。加咗個白飯，D飯有D似印度定泰國米，比較尖同長。

呢個冬天打得太多邊爐 但係又想食暖粒粒既野 於是就黎試下烤魚！一坐得就即刻有豬手畀我地做前菜 辣辣地 食完開晒胃 原來烤魚有好多選擇架！我地就揀左清江魚 同埋特色鮮花椒味！一上菜我地都忍唔住嘩一聲 成條魚上架！魚肉好滑 而且辣得黎都保留到魚味 仲好麻 超正呀！我地仲嗌埋牛肉 響鈴 同娃娃菜打邊爐 牛肉超級好味呀！不過娃娃菜吸晒d味 超級辣haha 搞到我地噴晒火食烤魚或者火鍋加牛肉有優惠價 必食👍🏻👍🏻餐廳環境都唔錯 坐得幾舒服 會介紹畀朋友！

銅鑼灣的川味好地方，一坐下就有免費小食，今次仲推出新菜品「川味豚之手」免費試吃，酥炸入味，少少辣帶味，好正👍「懶人炒飯」絕對強推，粒粒飯，關鍵有肥美蝦粒，材料好足，口感好豐富，可以媲美酒樓d炒飯。「魚香茄子」辣中帶少許甜，口感比較特別，肉碎特別好吃，送飯好味。「爽脆豬耳」確實爽脆，切得好薄，少許辣，作為小食分量都好足。餐後仲送特色冰粉和西瓜，冰粉有桂花，偏甜。飽到扶墻走，免加一服務，好好味的再次光臨😉每一次新嘗試都驚喜，期待下次再食🤓

同一個超愛食川菜既朋友食飯，今次都去左金百利呢一間渝痴漁醉啦，朋友最愛食辣同食魚，岩哂佢既要求啦~上到去已經差唔多都滿座，好彩都唔洗等位~~餐牌既選擇非常之多，種有一款自己既，又可以自選食物首先椒拌松花蛋，呢個係我既最愛，蒜粒和蔥粒配上松花蛋一齊食，好美味又夠辣萵筍炒木耳，萵筍和木耳都好爽口，一邊食辣野 一邊食萵筍感覺會無咁辣呢七星崗辣子雞，超大既一碟，夠哂麻辣，雞粒砌到細細咁炸好香口，而且外層脆口，雞肉嫩滑~食極都停唔到口李家沱酸菜魚，魚肉好多又嫩滑大大塊，酸菜湯又濃又香，入面仲有金菇食辣野點可以少得凍飲呢~柑桔青檸梳打，柑桔味比較重。蜂蜜柚子梳打，柚子好多甜味岩岩好~~

天氣轉眼變得寒冷，沒有什麼比熱辣辣的食物更吸引吧！但吃火鍋真的吃到嘴吧都歪歪了...咦？烤魚這個提案不錯哦！今晚晚餐就來暖一暖胃，還要辣到爽爽的！放工後就跟師姐到這間她非常推介的烤魚餐廳 - 渝痴漁醉 ！光聽名字就覺得很特別，品嚐了的話會否也令我如痴好醉呢？剛拿起餐牌打算點菜，店員忽然送上一碟特別的前菜「川味豚之手」- 是今天限定的！這不是必然的，我們今天似乎非常幸運！川味豚之手瘋狂了，這個豬手味道真的味美到要流眼淚了。皮烤得脆脆的，而且相當彈牙，一點點誘人的辛辣，而且完全沒有任何的肥膩感覺，又香又正！光是這個我就給這店印象分加了五十分！皇牌烤魚 - 濃香孜然味烤青江魚 (辣) 主菜來了！經店員悉心的講解每款魚的特色，就選了這款骨少的青江魚，而且他比較肉質细膩，味道鮮美！本意就想來吃辣的，也又想香一點，就選了濃香孜然味來烤這個魚。烤魚的湯底濃而香，微辣的味道相當醒胃，不錯！魚肉相當嫰身，果然骨也不多，吃得津津有味。孜然味跟烤魚也是一個非常值得提及的賣點，令人想起串燒燒烤的中國味道，吸引！有烤魚，有湯底，又怎可以少了他們！重要的配料 - 炸嚮鈴 & 萵筍！炸嚮鈴 -- 沾著烤魚的湯泡三秒

呢兩日天氣真係好凍，本人脂肪不少，好耐冇試過喺香港都覺得咁凍，連續兩日都去左打火鍋同烤魚，呢間位於金百利嘅渝痴漁醉我之前都食過lunch，覺得唔錯，琴晚同朋友一齊過黎試下烤魚，大約8點鐘黎到，餐廳都有唔少客人，因為樓下都有啲姐姐派下傳單，相信都會有唔少walk in客。餐廳位置都幾多，有卡位，有普通枱，但我覺得咁，如果有位嘅情況下，而你知道自己會食雞煲、烤魚而不是小炒的話，大可以同店員講聲，睇下可否安排到大小小嘅枱。因為2人枱食烤魚有機會放唔落啊~升地去嘅時候咁啱有張4人枱，所以就冇呢個問題。餐牌供應烤魚、雞煲、羊腩煲等，烤魚方面，可以先選魚類，有鯇魚、清江魚、石班等，定價$238-338，然後可以自選味道，例如招牌豆花烤魚、花椒味、酸菜味、麻辣味、泡椒味等，咁每個鍋底本身嘅配料唔多，所以可以再追加啲配料食完烤魚之後淥黎食，有牛肉、丸類、海蝦、蔬菜等等，價錢唔貴。前菜：渝翁招牌豆花烤清江魚 $298我地揀左豆花烤，魚就揀左清江魚，兩個人食非常足夠。湯底鋪滿辣椒、花生，但就唔係好多花椒，所以食落香辣不麻，亦都唔算好油膩。雖然冇問我地辣度，但一般食到辣嘅都應該接受到，身邊唔係好食得辣嘅朋友

呢晚得氣溫急降得返7-8度炸，咁就梗係最好食啲暖笠笠既野啦所以呢夜就帶埋家中既大帝同女皇去食烤魚暖下身先睇完meun，我地就決定要一條金牌蒜香味既“鯇魚”HKd$238+10%先哇....原條鯇魚超大條，大帝佢地話條魚起碼有兩斤！！！！雖然呢晚因為女皇喉嚨有少少唔舒服而無嗌到辣，但蒜香原來都超級野味就係呢啲經過爆炒既蒜子蒜頭同蔥花豆芽既調味經已足夠兩老立刻order兩碗白飯啦鯇魚雖然比較多骨，但魚肉嫩滑配上惹味既香蒜，令我都無停過咁夾黎食，而魚頭就更加入味兼有滿滿骨膠原食左一陣，我地所點既配料都上檯啦當中叫既“花菜(椰菜花)”HKd$28+10%係煮既時候吸入唔少湯汁，吃既時侯既有濃濃既蒜香又不失蔬菜既甜味更加唔少得既就係盡吸精華而口感煙韌既“寬粉”HKd$26+10%，必點！！！食住啲咁重口味既野，呢啲肥仔水就少不免一人一罐啦最後仲有冰冰涼涼既桂花冰粉同西瓜送俾我地做甜品埋單先知依家係試業所以有9折添呀

喺渝痴漁醉剛開業時，已經試過招牌烤魚，今次與友人再度光臨就選擇麻辣雞煲試試麻辣雞煲 (半隻)因不太清楚辣度，於是選擇了小辣，對我地黎講係剛剛好麻中帶辣，但又不會蓋過本身雞煲既鮮味，肉質滑嫩，推介食飯中途店員逐張枱推介佢地既會員制，要join就要有微信，係我第一次既做會員方法，做左會員後每次惠顧都會有免費特飲，水果及飯後甜品。做會員後送的柚子特飲，喺食緊雞煲時送上簡直係雪中送炭，解渴一流另外，店內仲有不少小菜選擇，因為想食菜就嗌左碟炒花菜，其實就係有時會喺街市見到既福花，炒得十分惹味，讚而飯後甜品就係一細碗冰粉，口感有啲似蘆薈，就係甜甜地既，唔錯

上次嚟呢度已經食左烤魚今次嚟到就試下其他，所以叫左蝦蟹鍋由落單到正式上菜都等左幾耐架！好在有啲小食食下咁有手套方便食！終於嚟到喇！好大盤，而且好多蝦蟹啊蟹殼有啲痴，比較難去脫殼味道有啲避風塘feel如果再辣啲就正！不過本身以為好似烤魚咁有汁，所以一早叫左兩碗白飯哎呀 唔緊要喇，都ok嘅食食下口渴叫左杯凍柚子蜜飲！今次同上次唔同，是關食完有驚喜！竟然有水果、糖水！上次係送風扇嘅，而今次就冇咗風扇變野食都好啊啲酉瓜好甜，而酉瓜糖水食落又幾好味喎！

有時食得火鍋太多都想轉下食烤魚，而今日正好喺甘百利門下水牌見到呢間渝癡漁醉，於是就搭𨋢直上8樓！油煙邊爐味道亦唔大，抽煙都算幾好。食烤魚識食當然食比較正宗、大陸通常會食既《清江魚 金牌蒜香味 $298》。呢種魚既肉質好嫩，有種獨特既魚脂香，而且烤極都唔會變老，其實魚好難做得到。有好多蒜粒同蒜碎提味，令烤魚愈烤愈香口惹味。烤魚除左可以淨食，都可以好似火鍋甘有好多配料，我就叫左以下8款：《稻庭烏冬 $28》和《寬粉 $26》都係麵類，很吸湯同掛汁，變得好入味。無鴨血所以叫左《豬紅 $22》，唔鬆散都幾好。一片片既《萵筍 $38》熟左變得好鮮嫩，又易熟。《潮州牛丸 $32》幾正宗因為好多肉汁又夠肉味。《腐皮 $28》好滑，煮耐左連個湯底都滑溜d。《海帶 $26》雖然無咩味但營養價值好高又健康，必點。《蓮藕 $28》好爽口新鮮。《紅糖桂花水果冰粉 $26》店員送生果比我地清下熱氣都幾好。3個人大約每人$150，食到飽飽都幾抵。