海鱻城

营业中

休息中

呢間位於聯合道198號樂富廣場二期UG2樓U206-209號舖，店名海鱻城，由於疫情，好耐沒有一家外出食飯，打左疫描，可以坐埋一齊一張枱食飯，又甘巧合適逢政府派消費券，所以大家話食要好d，我都是第一次去呢間店食飯，聽朋友介紹燒鵝、奄仔蟹係呢間酒樓著名菜，所以我地決定叫來試下，由於大家不是大食之人，燒鵝叫半隻，奄仔蟹開邊鹽焗，每人半隻、炸子雞半隻、蘇格蘭聖子煎米粉底，每人一隻、海星班一條、燉湯等等。所有食物都算好味，服務態度亦很好，是值得一試的。

每次路過這食店都勁多人等位，試過多次等位，等咗好耐都無位，次次都要轉場，今日（29/7/2021）閒日放假，決心等一次，十點等，等到十點五終於有位。入座後發現，內有多張枱，食客已離座，但無侍應有空執枱。點咗2份早市優惠孖寶及二個點心皮蛋瘦肉粥，淡而無味，唔好食叉燒包，肉汁多，好食潮洲粉果，皮硬，勁多唐芹，唔鍾意牛肉球，肉太鬆金勾咸水角，皮好厚，同埋炸起了一段時間蝦餃皇，算係咁多個點心中最好食的一個

係呢到飲過好幾次下午茶，食物都ok，雖然唔算平不過都叫對得住個價錢但係最大問題係小動作多多，由於算係附近比較好食既一間，日日都好多人飲下午茶，基本上入客入到差唔多3點，最少都2點9先入哂然後就黎料，3點收點心紙，唔夠3點半推隔板，跟住就開始吸塵，試過一次又吸塵又吸冷氣槽，附近啲客都仲食緊，部吸塵機又周圍走，吸塵機啲風就周圍吹，今時今日都仲咁做野當然唔會開口叫你走，但係就小動作多多逼你走，基本上成個黃大仙區淨係得呢間係咁如果你用食M記既速度飲茶係絕對無問題，不過如果你想坐耐啲就諗清楚先，因為基本上坐唔到4點你就會被逼走

外子喜歡吃海鮮，後輩有孝心，一早打聽了樂富海鱻城海鮮又靚又值價，立即託熟人訂位，怕父親節當天太多人，所以提前一天慶祝。我們六點去到，已見人頭湧湧，好不熱鬧。我們沒選擇當天提供的套餐，而是請相熟經理發板，替我們安排嘗試他們的拿手菜式。結果，菜單如下：1. 排翅雞腳豬𦟌清補涼燉湯——超足料靚湯，清甜潤肺，吃不完的湯渣打包回家，翌日再吃，仍然好味。2. 脆皮燒鵝——外脆內嫩，微微焦香味，很有水準。3. 白雲鹵水雞腳——朋友極力推薦，的確美味。4. 椒鹽五頭南非鮑魚——鮮甜有咬勁但不韌，乾身，椒鹽調味，豐富了味道，比平常果皮清蒸更好吃。5. 避風塘瀬尿蝦——大大隻，微微辣更突出蝦肉爽甜。6. 盬焗奄仔蟹——滿滿金黃蟹膏，令人齒頰留香。7. 煎墨魚餅——啖啖墨魚香味，外脆內爽甜。8. 清蒸大東星班——鮮嫩肉滑，火候掌握恰恰好，薑葱絲及悉心調教的醬油，提升了魚肉的味道。千多元一條，頗貴但值得的。9. 蒜蓉水東芥菜——爽脆清甜，味道清新。10. 甜點——益力多甜糕、紅棗糕及楊枝甘露。樣樣精彩，味味可口，外子大快朵頤之餘，頻説這是他近年來吃最好的一頓海鮮餐，後輩雖花費不菲，但能使長輩心滿意足，享受美食

第二次黎，第一次寫食評，啲野食都正常既！但因為大家宜家都好著重衞生，但呢間酒樓既侍應就無乜衞生常識，所以寫出黎，希望有所改善！我地嗌左龍蝦伊麵，因為師傅都無扑開啲龍蝦既鉗同肩膊位，所以自己用鉗爆開，個殼都好厚同硬，所以都要用啲時間同力水去爆，幾經辛苦咁鉗好，滿心歡喜同期待咁放係隻碗度，諗住鉗多一舊先一次過食，當時有個侍應出於好意黎幫我地換碟，咁我當時左手拎住隻鉗，右手拎住舊龍蝦，係隻碗上面，於是我縮手俾佢換，點知佢竟然將檯面污糟既野用手拿起掉入我隻碗度我話：「我仲食緊架喎！」個侍應就用手指係我隻碗入面，舊龍蝦上面，拿起返果舊野⋯我話：唔使啦！唔該你！我隻碗同舊肉都唔敢要啦⋯咁污糟明白侍應係出於好意，但建議要留意下客人既碗有無食物，換碟/碗前問一問，職員要多加強衞生意識！最後我地食左大約一個鐘左右，可能係星期六啦，岩岩食完野，就有個經理開口話想做多轉客，叫我地埋單咁我地都即刻埋單走了下次假期應該唔考慮呢間，因為食中菜都希望可以有返兩個鐘時間，同親友慢慢食下飯同傾下計，飲杯茶，咁趕時間就唔考慮呢間，加上價錢都唔係好平，但好似食快餐咁！

公司食飯，4人一枱照食！頭盤：豬腳仔，好入味夠淋！小食：椒鹽豆腐，外脆內軟豆夠juicy主食：龍蝦刺身，12個人一人有3片左右，塊塊都大塊彈牙而且堅甜一大盤上完，姐姐幫我分一枱一碟👍🏼豉汁龍蝦頭腳米粉底，米粉煎到脆撈埋啲汁好惹味鹽焗奄仔蟹至愛登場見隻蟹唔係好大，但夠實肉爆膏！唔洗開蓋已經可以啜到膏，好甘香又有少少酒香。嘩～蓋入面啲膏好似咸蛋黃咁，我都驚膽固醇超標😂避風塘癩尿蝦拎住交剪剪嗰陣個殼仲好鬼熱，個殼都炸到脆哂其實可以食。不過食落啲肉散咗啲，我個人好實肉。椒鹽鮑魚，招牌菜必食山楂骨，切到細細條基本上冇骨益力多榚同桃膠糖水作結，今餐都好完美。重點係老闆出錢

尋日收工去開樂富廣場買 D 野, 順便食埋個 Dinner 先返屋企 ! 上次係呢度食特價原隻長腳蟹, 再加小菜都唔錯, 今次見到做澳洲龍蝦特價 $168 一斤, 於是乎再入去試下服務方面比起上一次好好多, 可能客人唔多,  一直都有 2-3 個人埋來打點, 睇完餐牌想點菜, 就輪到黑衫埋來, 差 D 以為自己係 VIP, 哈哈 ! 經理一開口就再介紹澳洲龍蝦, 話每隻大概 1斤 11-2 兩左右, 相信應該唔會太多, 就點左一隻, 用芝士焗加伊麵底 (+$50), 另外再加個薑蔥花膠雞煲過左大概 15-20分鐘, 先上薑蔥花膠雞煲, 一見個煲以為自己叫錯, 點解呢個雞煲係炸雞, 而唔係炆既, 因為本身唔太喜歡食炸野,  後來先明天薑蔥煲真係炸上, 食左幾舊 D 雞都係又乾又無咩味, 仲差過 KFC ! 但自己無睇清楚 order 左, 唯有唔好食都慢慢消滅佢啦, 再過左陣就係今晚既主菜, 芝士焗龍蝦, 好熱好新鮮, 芝士味非常濃而且唔會咸, 加上係完全覆蓋哂整隻龍蝦同埋伊麵, 伊麵軟硬度適中, 龍蝦肉新鮮爽口同好入味, 呢個係無揀錯, 依家做特價, 又足秤, 真係幾抵食, 好值得推介

飲茶基本上係屋企嘅放假指定節目（除非屋企人各有節目啦🤣）因為我老豆陳生係流住飲茶嘅血😂呢日我哋又去飲茶喇😆呢間喺屋企附近，之前都幫襯過好幾次喇，翻兜係因為食物質素一向有保證，服務又唔錯👍🏻燒賣大大粒，仲有粒蝦仁喺面，好有誠意😂食落去豬肉同蝦比例剛剛好，真心好味😋咸水角，係我由細到大都最鍾意食嘅點心之一。呢度嘅咸水角，我比好高評價😍因為佢一直都係漲卜卜㗎，就算咬一啖，D皮都唔會好似淋晒咁，餡料又多，皮薄，唔會成層厚漿住個口😋平時嗰D，上檯都已經扁晒🥲金錢肚，汁料濃，都有6-7塊，爽口😋墊底蘿蔔索晒汁都好好食😆之後嚟嘅腸粉同排骨都係水準之作，腸粉皮薄餡多，好重黑松露味，夾住叉燒滑蛋口感超正😍😍排骨份量都多，好味🤤最後我哋仲叫咗碟滑蛋蝦球炒河，個汁剛剛好，唔太杰，D河粉炒過都唔油woo🤤蝦仁就夠晒爽口，有5粒🤤👍🏻

很久沒有晚上堂吃，刚開放4人一枱至十点，便來附近樂富商場吃差點遺忘了味道的海鮮。三個人，只可以點了幾個菜安慰下自已。煎墨魚餅一碟6大件，買相漂亮，經理說是用菲律賓大墨魚自家厨房制作。果然香口Q彈，粒粒墨魚有口感。鹽燒南非五頭鲍鱼烤得乾身，灑上炸蒜椒鹽，味道很香，火候恰當，肉不韌。不防一試這鹽燒的做法。上湯南澳洲大龍蝦伊麵底二斤多些南澳洲新鮮大龍蝦，龍蝦肉鮮甜爽彈，真的比其他產地的龍蝦好吃很多，伊麵也炆得入味。很久沒有吃南澳龍蝦，三人清碟。潮蓮碳燒鹅例牌燒鹅下庄暖暖的，皮脆肉嫩，醃得入味，我覺得比深井名牌店更好。下次人多使點一全隻，看看會不會熱些，那便一定更好吃。薑汁炒芥蘭這炒芥蘭便是這頓飯最差的菜。火猛炒得有些過火，菜葉有燶味，芡似糊。貼心的是芥蘭莖上的硬皮已經削去，如果用心炒這簡單的菜應該不錯的。

此餐是未有二人限聚令時，相約我男人的一家大小一同用膳的。當天因不想外出至太遠地方，便選擇於我男人住家附近的商場用餐，專做粵菜的海鱻城正好適合男女老幼，因而挑選了它。到達餐廳便首先看見有大型魚缸養殖各款海鮮，入內空間寬廣闊大，坐位數量眾多，提供有電視予客人收看，整體走簡約風格，但其天花頂和牆上的大量魚隻裝飾卻甚是吸睛，且正如其名。五指毛桃山藥燉豬前赤廚師用上五指毛桃、山藥、瘦肉、紅蘿蔔、粟米熬製而成，當中五指毛桃又名五爪龍，是近年時興的食材之一，加入湯底可令味道增添淡淡椰子香氣，整體足料清潤，甘甜清香，五指毛桃香味濃郁，更具有補肺益氣、健脾改倦等功效。黃金大蝦球黃金大蝦球使用炸製的假碟脆片盛載上桌，相當用心，內裏的蝦球主角外形大顆，炸得色澤金黃，入口粉漿用量控制恰到好處，香脆酥爽，鹹香滋味，蝦肉結實彈牙，鮮嫩清甜。當紅炸子雞 雞隻選擇了半只份量，外表可見炸製得金黃亮麗，帶有油份光澤，不禁讓人垂涎欲滴。雞皮入口爽脆薄身，皮與肉質中間的肥脂甚少，較為健康，雞肉方面則不夠嫩滑，肉味亦不算出眾，介乎於中級水平。而伴碟灑上炸蒜片，為味道增添了惹味香濃。海南文昌走地雞 海南文昌走地雞同樣點選了半只份

家人住樂富偶爾都會去呢間酒樓食野，質素尚算ok；今早再同老媽子飲早茶，疫情下兩人一枱，安排得好好。到我埋單時，眼見一位老人家唔帶口罩去沖茶（前面放左好多茶具 碗碟），我見到一位樓面姐姐，便跟她說：果邊有位長者，麻煩你叫佢帶番口罩先出黎沖水！樓面姐姐聽後 異常激動 超大聲同我講：關我咩事，佢地唔帶又唔係我唔比佢地帶，佢地唔聽我地講，你黎話我仲咩！我即刻〇哂咀，一來我態度有禮、沒大聲，為何姐姐如此激動，守護店舖衛生問題應該都是員工責任，難道她唔應同？於是，身邊出現了另一位穿黑色西裝褸張經理，問我發生什麼事？我便一一道來，張經理聽到後都沒什麼事反應，看來應該是她們已習慣與客人的溝通方式，對衛生防疫方面，看得很輕！我第一次寫評語，我只想表示疫情嚴重，食店都應該好好守護員工及食客安全，再想可能員工是有工作壓力，就趁疫情請管理層好好的安排她們放無薪假，放鬆一下！再強調一間食店食物質素好，但若果服務態度質素惡劣，環境衛生不重視，再好食都不會再光顧！

話說前兩日同媽咪湊埋2個小朋友去飲茶。2大2細點左五樣嘢。上點心時發現多咗龍雞腳，之後仲不斷送錯嘢來我哋張檯。同佢哋所謂個女經理講啦，女經理拎住我哋張單同我哋對質，語氣差到好似我哋叫完D食物唔認數咁。仲叫埋個落單姐姐過來大大聲用手指指住我媽咪話係我媽咪口頭點嘅。我媽就話「我哋2大2細點會叫八九樣嘢呀！我都冇同你講過嘢」原來其實係個落單姐姐搞錯左，係我哋隔離檯落嘅order，寫左落我哋張單到。OK！唔緊要！落錯單都好正常。但個所謂女經理語氣差，諗都唔諗係咪落錯檯號，就一直啄住我哋。最後連一句「唔好意思或者對唔住都冇」麻煩你哋公司記住你哋做嘅係服務性行業，連最基本尊重禮貌到唔識就培訓下啲員工。因為係你哋啲員工代表緊你哋間公司。

食品我不敢評論，因沒有機會嘗試 話說我同朋友在星期日 一點半等緊位時，突然酒樓知客叫啲客人交回所有號碼飛， 話要準備下午茶，但是當時係沒有枱可以給客人的，這種安排要啲客人企曬喺佢前面等，又容易引起混亂真不知所謂

由於疫情關係，多咗喺屋企食同買外賣。你間酒樓開咗有年紀，但係因為之前係另一間連鎖式酒樓，我哋食過一次怕怕，之後冇再嚟過。估唔到原來開咗一間高質美味嘅海鮮城。第一次嚟海鱻城買外賣嘅時候，我覺得經理好面熟，但係唔記得係邊度見過，後來醒起原來喺以前喺西貢乘機做嘅，早幾年每個星期六去西貢都會去勝記食午飯，等仔女附近學畫畫。同經理傾完先知道原來呢間酒樓係佢哋過嚟呢邊開嘅，咁我哋就有口福啦。由於疫情關係，外賣菜式每一款都只買$60，大大盒仲可以走味精，我哋一個星期起碼有兩三晚嚟呢度買外賣。中秋節同屋企人嚟呢度堂食，四人一台，我哋要分開坐。原本諗住叫套餐，但係因為兩個小朋友話唔想食，於是乎我哋就叫咗三寶，有鮑魚、燒鵝同龍蝦伊麵，再加個雞湯翅煲，10分滿足嘅一個晚飯。個雞湯翅真係冇得頂，雞湯味濃郁順滑，翅份量十足，食完飽咗一半。龍蝦伊麵係小朋友最愛，燒鵝香脆肉味濃。

疫情未爆發前，大家都好開心，對 2020年是充滿了憧景的。在農曆新年之前，我們依然開心地大魚大肉，暢飲暢談。誰知道，一個病毒，令香港，甚至是整個世界停止了營運。這一個聚會，就是農曆年前的一個老同學聚會，大伙兒，來到樂富的《海鱻城》開一圍，來一個以海鮮為主的小小席宴。農曆年前，各大小家庭、商戶同眾首一堂，所以成間酒樓都擺得密密麻麻。當晚，同學一早就訂好餐了，我們坐下吃就好了。首先來的，是餐前小食，其中的一個是鹵水豬腳仔。很香豉味的豬腳，沒有太咸，而且皮同肉都爽口，充滿了膠質口感。一咬，肉立即離骨，很不錯。七味鹽燒豆腐，外皮脆，內心嫩滑已經令人感覺到其功架所在。而且，這豆腐在烤製的過程中，加了鹽，加了七味粉，令到出來的口感更香，也有少少辛口感。作為一個餐前伴茶、伴酒的小食，滿分。主食來了，首先有一個豉汁蟶子。把所有蟶子起肉，再用豆豉爆炒，就成為一個香口得非常的鑊氣炒海鮮。連帶了幾個蟶子殼來證明這是新鮮的。此席珍用上了細隻的蟶子，肉質比較嫩滑，吃入口時，既鮮美又香滑，很不錯。之後來了一碟椒鹽鮑魚。單是賣相已經令大家非常之開心。又是起肉再用椒鹽爆炒的原隻鮑魚。入口味道濃，肉質是帶爽脆的。細味這