海鱻城

营业中

休息中

家人住樂富偶爾都會去呢間酒樓食野，質素尚算ok；今早再同老媽子飲早茶，疫情下兩人一枱，安排得好好。到我埋單時，眼見一位老人家唔帶口罩去沖茶（前面放左好多茶具 碗碟），我見到一位樓面姐姐，便跟她說：果邊有位長者，麻煩你叫佢帶番口罩先出黎沖水！樓面姐姐聽後 異常激動 超大聲同我講：關我咩事，佢地唔帶又唔係我唔比佢地帶，佢地唔聽我地講，你黎話我仲咩！我即刻〇哂咀，一來我態度有禮、沒大聲，為何姐姐如此激動，守護店舖衛生問題應該都是員工責任，難道她唔應同？於是，身邊出現了另一位穿黑色西裝褸張經理，問我發生什麼事？我便一一道來，張經理聽到後都沒什麼事反應，看來應該是她們已習慣與客人的溝通方式，對衛生防疫方面，看得很輕！我第一次寫評語，我只想表示疫情嚴重，食店都應該好好守護員工及食客安全，再想可能員工是有工作壓力，就趁疫情請管理層好好的安排她們放無薪假，放鬆一下！再強調一間食店食物質素好，但若果服務態度質素惡劣，環境衛生不重視，再好食都不會再光顧！