海鯛魚湯專門店 (已結業)

🍜鰂魚涌鯛魚湯烏冬刺身丼飯店🍱呢間餐廳裝修行日式風格，除左鯛魚湯烏冬外，仲有刺身、丼飯同小食。座位好闊落，好多卡位，用QR落單既，上菜都好快手。🐟招牌花膠扒皇鯛魚湯烏冬🍜兩大塊原塊花膠，夠厚身，口感食落係爽口個種，誠意十足；奶白色魚湯香濃，不會太咸，味道岩岩好，重點係！飲晒成碗之後都無口渴feel；烏冬口感煙韌，同個魚湯好夾。🍣三文魚赤蝦丼飯 🍚用料新鮮，刺身份量都算多，又厚身，擺盤都唔錯，跟碗味增湯。小妹平時鐘意食蝦頭，如果隻蝦唔新鮮，食落會好苦，呢次一啲都唔苦。🐓唐揚雞塊熱辣辣炸雞，肉質嫩滑唔乾，配埋蛋黃醬，唔錯！ 

一人優惠套餐❤️三文魚二切吉列日本蠔配沙律菜鯛魚片湯飯 $138套餐好抵食🤩小食竟然有三文魚刺身，同埋日本吉列蠔～兩樣都新鮮☺️而且都大大件，絕對唔係hea你嗰種😍湯飯好鮮甜，送飯一流，再加上唔少嘅鯛魚片😋味道更加豐富，再加上紫菜芝麻等等嘅配菜，就更加好食😆吉列豬扒咖喱定食炸得唔錯，咖喱係日本咖喱嗰種，唔會好辣，甜甜地非常開胃😛煙肉蠔串 $42精緻好食另外店舖特別為60歲長者提供優惠 如果佢哋過嚟食嘢嘅話會免費送嘢飲☺️

今日去咗一間呢間專係食鯛魚魚湯烏冬舖，性價比幾高。呢間舖嘅裝潢好日式風格，好整潔又舒服。氣氛都好溫馨，位置多得來唔會太迫。呢日星期六大約下午一點黎，人唔算多，都坐得幾舒服。 播住輕快既音樂，感覺輕鬆。餐牌上，除咗有海鮮類嘅烏冬之外，亦都有其他定食既選擇，種類頗多。都有魚生食除咗海鮮魚湯選擇之外，可以轉做豬骨湯底。今日試左一個牛肩片鯛魚湯底烏冬。，只係$68, 以呢個質素嚟講價錢好實惠，好抵食。另外加咗+$28 order 八爪魚，有三粒八爪魚，幾有嚼勁，啖落好爽口！烏冬口感幾彈牙，好好食另外$15 加左一杯蜂蜜柚子茶, 味道清新。總括嚟講，呢間日式烏冬舖真係值得一試。下次先會試埋佢個魚湯，而價錢亦好實惠。如果你鍾意日式烏冬，咁呢間舖絕對係唔可以錯過嘅好去處。

平時都鍾意食湯麵，烏冬等嘅菜式，今日搵咗間鯛魚湯烏冬試吓，舖頭好光猛整潔，坐得舒服，仲有一條大魚坐陣打開餐牌原來價錢唔貴，揀咗個招牌花膠扒鯛魚湯烏冬，估唔到塊花膠扒係好厚，好足料，花膠係女性嘅滋補寶物，食完可以提升骨膠原花膠吸收晒啲湯嘅鮮味，提升左一個層次，而且烏冬嘅軟硬度適中，好好味朋友揀咗個八爪魚鯛魚湯烏冬，一樣好出色，八爪魚肉質鮮嫩，再加錢配上鯛魚片，魚質好嫰滑，鮮味十足，配上啲魚湯食係絕配員工嘅態度好親切有禮貌，以晚市嚟講價錢超值，下次會再嚟試吓其他菜式原來仲有刺身食

最近返工好忙好多嘢做，今晚難得唔洗OT，決定食好啲慰勞吓自己。最近朋友介紹咗呢間間鯛魚湯專門店，喺鰂魚涌地鐵站行3分鐘就到，非常就腳方便！餐廳環境舒適，內部裝潢簡潔時尚，用餐區域寬敞，燈光柔和，有種日式小店嘅風情。我哋叫咗鯛魚片湯烏冬、牛肩片鯛魚湯烏冬、吉列日本蠔2隻、同埋三文魚腩2切。落咗order後唔洗5分鐘已經齊晒四樣嘢，真係超快手！鯛魚片質地鮮嫩，口感豐富。湯底清澈，帶有濃郁魚香味，非常新鮮，唔係味精沖出嚟嗰啲，重點係一啲都唔腥，感覺大廚係用新鮮鯛魚片熬製出來！牛肩片肉質柔軟多汁，同鯛魚湯嘅鮮味好夾。烏冬非常彈牙，口感有層次。不得不提超好食嘅吉列日本蠔！簡直令我對炸蠔改觀！平時食啲炸蠔一係腥一係臭一係就偷工減料得勁細嚿，但呢間店嘅蠔真係令我眼前一亮！大大嚿，一咬落去，熱辣辣，超酥脆，蠔味濃郁鮮美，外脆內軟、一啲都唔腥。再加埋酸酸甜甜嘅沙律醬，真係超好食！ 三文魚腩夠肥美，肉質鮮嫩，而且冇根，咬落好滑好柔軟，細膩豐潤，而且完全冇雪味！仔細睇餐牌仲有好多唔同類型嘅食物，會再黎幫襯

今日想食返啲清清地嘅野，上OpenRice見到有間新開食花膠鯛魚湯嘅「海鯛魚湯專門店」，主打日式鯛魚湯烏冬、定食、刺身丼飯，花膠簡直係女士嘅恩物，食完皮膚靚靚☺️鮑魚花膠魚肚鯛魚湯烏冬一上枱已經聞到香濃嘅魚湯香味，有2隻鮑魚、魚肚、花膠仔、海帶、腐皮，湯底鮮甜香濃，帶有淡淡嘅胡椒味，鮑魚軟稔美味，魚肚厚身爽脆，花膠仔雖然細細隻，但又稔又滑，烏冬亦非常滑溜，成碗湯都比我飲晒，健康又冇味精👍🏻泡菜豚肉定食+$15轉鯛魚湯飯湯飯係用砂煲仔上，下面仲點咗火熱住架，咁就唔怕食食吓會凍咗，鯛魚湯泡飯一樣咁好食👍🏻泡菜炒豚肉份量非常多，半肥瘦嘅豚肉，配上泡菜肥而不膩，旁邊配有芝麻醬沙律菜，新鮮又清爽📍海鯛魚湯專門店 (鰂魚涌)鰂魚涌海堤街6-16號龍景大廈地下4號舖人均消費：$100-150食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐

風先生喜歡喝魚湯，特意和他到訪鰂魚涌「海鯛魚湯專門店」，港鐵鰂魚涌站B出口，直出芬尼街右轉海堤街，3分鐘內可達。🔸餐廳裝修帶簡約日風，光潔明亮，空調充足，除設有卡位雅座，亦有空間併桌共8-10人一同用餐；🔸 「海鯛魚湯專門店」除了主打鯛魚湯外，還有提供日式料理，例如：刺身、咖喱定食與丼飯，餐廳亦使用手機自助點餐，非常方便；🔸入座後，侍應主動詢問要熱茶還是凍水，非常貼心雜菌炒牛肉定食，轉鯛魚湯烏冬 $83鯛魚湯鮮味而濃厚，烏冬烹調到剛好，煙韌不會過淋；雜菌炒牛肉配和風甜醬油，味道超夾，配大量沙律菜，健康之選；魷魚筒鯛魚湯烏冬，加配赤蝦 $96魷魚筒與赤蝦均新鮮爽口唐揚雞塊 $38炸雞肉質嫩滑帶汁配麻醬沙律菜，清新不油膩，推薦總結：用心製作的魚湯烏冬，而且份量足，侍應好客有禮，若大家經過鰂魚涌覓食，可以前來一試

公司附近通常都係小店，外賣居多。但係呢一間係少有有堂食嘅餐廳，中午有時都見有人要等位，今次就夜晚嚟試吓。夜晚食好少少，叫咗招牌花膠扒皇鯛魚湯烏冬😮😮😮嚟到嘅時候俾花膠嘅大細嚇親，🤤好厚肉好大塊，充滿骨膠原！🐟🐟鯛魚湯有獨特嘅鮮甜味，食得出唔係用味精開。配埋滑身烏冬清清地，一流。不過如果唔鍾意食魚湯，都可以食其他日式定食，價錢都比較經濟，選擇都唔少。叫左吉列豬扒定食，吉列豬扒炸得鬆脆，唔會好粉，🐖豬扒好大塊亦冇雪味。跟嘅飯都好大碗而呢個價錢($68)嚟講算唔錯👍 小食叫左炸餃子($38/6隻)，餃子皮唔會好厚，肉同菜嘅比例都唔錯，值得試下。

<海鯛魚湯專門店> 📍鰂魚涌🔸目測20cm 📏 花膠扒 🤩🔸甜而不腥日本蠔 🦪🥴廣島日本蠔鯛魚湯烏冬($88) — 三大粒珍寶蠔 🦪 Size驚人！！！本身都好驚會有腥味，估佢唔到鮮甜無比 😍😍😍 另外都要一讚，鯛魚湯清澈鮮美，略略大有胡椒味。烏冬麵筋道有彈性，搭配湯汁入口滑嫩。招牌花膠扒魚湯烏冬($138) — 目測20cm長嘅花膠扒令人嘆為觀止 🤩 滿滿骨膠原嘅花膠扒，食落好Gel口，不過略嫌口味略淡，如果可以用蠔炆/醬汁就更上一層樓。+$28 牛肩片，無薄切切！數量都幾多下 😍 牛味足！抵食！值得加錢！

餐廳裝修簡潔，座位好多，空間感充足，用左日式趟門，仲播放住日式音樂，有和式居酒屋既感覺。餐牌除左招牌鯛魚湯烏冬，仲有丼飯、定食、咖喱、刺身、小食、甜品，選擇多元化。招牌花膠扒皇鯛魚湯烏冬：餐廳用鱈魚花膠扒，巨型厚身，目測都長過手掌，突顯鮮甜、充滿骨膠原；烏冬爽滑彈牙，掛湯力強，而且份量好多；最精彩就係鯛魚湯底，大火熬足5至6小時，湯底呈奶白色，清甜而不濁，真材實料；配料有海帶、木耳絲、油揚豆腐，最後成碗湯都飲哂，滋補養顏。雜菌炒牛肉定食：每份定食都有沙律、麵豉湯、白飯。沙律有車厘茄及新鮮爽脆既沙律菜；麵豉湯風味十足，有海帶、蘿蔔、豆腐；牛肉加左雜菌、燒汁炒，鮮嫩入味，質素唔錯。總結，餐廳食物質素高，店員態度親切，真心推介。

天氣太熱胃口麻麻，行過見到有魚湯烏冬/刺身飯，就入嚟試下。餐廳環境光潔舒適，似是新裝修，牆上掛起條魚好靚❤️餐牌上龍蝦同蟹都幾吸引，但今日唔想剝殼，所以點了一份招牌花膠魚扒鯛魚湯烏冬 + 雜錦刺身拼盤。花膠魚扒湯烏冬，同餐牌顯示的一樣，塊花膠真係好誇張，大大大塊，夠厚身，食落爽口。烏冬是偏幼身，食落口好爽滑，而重點魚湯真係好好飲👍🏻❤️，奶白色夠香濃，真材實料，同烏冬真係絕配，食完好滿足又唔會覺得油膩，好想飲多2碗湯😆而個刺身拼盤一上枱好有驚喜，有帆立貝x2, 劍魚腩x2, 三文魚腩 x2, 三文魚 x2, 油甘魚 x 2。 帆立貝中間夾片薄青瓜，食落好清新。三文魚腩係厚切，比起出面是一開二的size., 新鮮肥美！想讚一讚呢度服務好好，可以選擇熱茶或凍檸檬水，店員亦主動加茶水，服務態度好好👍🏻滿足的一餐，下次試吓鯛魚片烏冬先！

今日嚟到鰂魚涌呢一邊返工，之前都冇見過呢一間舖頭，今日就決定試吓食！佢哋晏晝都有好多唔同嘅選擇，呢一間餐廳係出名魚湯嘅烏冬，今日就同朋友叫咗兩個烏冬，大家share！餐廳等候時間都唔算太耐，可以接受！首先想讚吓佢呢一個花膠烏冬，冇諗過呢一個價錢都可以食到咁大塊花膠，CP值非常高，一嚟到忍唔住攞電話出嚟即刻影相！魚湯嘅味道，非常香濃，而且冇腥味，啱晒鍾意食魚嘅我同埋我個朋友！湯底嘅味道係冇味精，食得出非常新鮮嘅魚湯精華，加埋烏冬食嘅味道非常夾！烏冬嘅份量，亦都非常多，亦都非常好食，食得出烏冬嘅質素都非常高，拍得住喺日本食嘅烏冬嘅質素，冇誇張！朋友就叫咗牛肉烏冬，牛肉嘅份量都唔算太少，而且食落去牛肉都唔會有好鞋嘅感覺，朋友都覺得牛肉烏冬好食！ 總括嚟講呢一間餐廳都幾好食，鍾意食烏冬既朋友絕對唔可以錯過，而且CP值非常高！

終於終於Happy Friday喇, 放工順路就去左鰂魚涌dinner 經過見到有間專鯛魚湯烏冬ge日式鋪頭 見都幾特別 所以揀左黎試試 廣島日本蠔鯛魚湯烏冬$88好足料呀 大大隻ge日本蠔 有成4，5隻 而d配料就有海帶 炸豆腐卜條等 都幾好味ge 同埋都食得出鯛魚湯ge味道 而d烏冬都好滑同埋彈牙ge 整體都唔錯 不二家白桃果汁$15天氣太熱 跟餐加左不二家白桃果汁 透心涼 仲飲到d果肉tim 三文魚刺身（2件） $28見到都唔少人點左刺身飯 搞到我都心郁郁 最後加左個三文魚刺身 一解我想食魚生ge慾望 好感足 好味道 環境方面 都好舒適 有卡位 同埋 成個佈置都好日式 總括而言 呢餐dinner都唔錯 睇到餐牌仲有好多野想試 例如花膠 龍蝦 蟹腳烏冬 都好吸引

［日本菜🍛] 海鯛魚湯專門店 (鰂魚涌)評分：🌝🌑🌑🌑🌑新開業既餐廳。佢同隔離兩個鋪位開咗好耐嘅餐廳一樣都係sell鯛魚湯，魚湯菜式幾乎80%一樣。問題係一樣得黎但質素咁差，成間餐廳又一浸酸臭味，真係不會再去了。❌吉列豬扒咖哩定食 ($78): 咖哩份量非常少，不過可能係好食，因為味道係微波爐叮飯質素，極度單薄既味道，完全唔係日本咖哩甜甜既感覺。吉列豬扒雖然層炸皮ok，但舊豬扒偏乾，有啲韌。❌燒雞扒咖喱定食 ($78): 一樣咖哩少，雞扒好乾。✅雜菌炒牛肉定食 ($68): 算係比較正常既菜式，有沙律菜同份量唔少既牛肉同雜菌。味道正常。係牛肉有少少韌。環境🖼️：一大股酸臭味，令人冇咩胃口。而且啲卡位好窄，坐得唔係好舒服。服務🧍🏻：正常。

鰂魚涌新餐廳，專食日本烏冬，特別在用鯛魚湯底配料又鮑魚又花膠咁😮不過見到有兩極端嘅評語：一係就話湯底鮮甜，一係就話湯底好腥臭搞到我抱住試伏嘅心態去食一入舖頭已經聞到陣獨特嘅氣味👃🏻Menu除咗湯烏冬、仲有刺身飯、定食▶️ 鯛魚片湯烏冬 ($68)湯底奶白色帶少少啡色粉狀嘅物體味道上好重胡椒粉味，可惜食唔到鯛魚鮮甜味🙁不過又未去到人哋講嘅臭咁嚴重湯底有海帶、竹笙、油揚豆腐令佢冇咁單調烏冬幾好食，偏幼同扁身，口感彈牙有嚼口👍🏻應該係稻庭而唔係讚岐烏冬鯛魚片份量多，但肉質唔夠爽彈新鮮，冇咩魚味-烏冬除質感外，湯底同材料都有待改善😅服務幾好，唔知係咪老闆嚟？見有個年紀大啲嘅男人好用心做上菜速度好快，QR code落完單轉個頭就上本身舖頭入面幾大，座位甚多，但枱與枱之間太近，俾人感覺擠迫唔太舒服價錢唔算平，加埋一大概$80/人，只係呢個烏冬如果屋企自己煮可能只需$20🙃不過佢lunch hour生意唔錯，不斷有客人入