海鯛魚湯專門店

平時都鍾意食湯麵，烏冬等嘅菜式，今日搵咗間鯛魚湯烏冬試吓，舖頭好光猛整潔，坐得舒服，仲有一條大魚坐陣

打開餐牌原來價錢唔貴，揀咗個招牌花膠扒鯛魚湯烏冬，估唔到塊花膠扒係好厚，好足料，花膠係女性嘅滋補寶物，食完可以提升骨膠原

花膠吸收晒啲湯嘅鮮味，提升左一個層次，而且烏冬嘅軟硬度適中，好好味

朋友揀咗個八爪魚鯛魚湯烏冬，一樣好出色，八爪魚肉質鮮嫩，再加錢配上鯛魚片，魚質好嫰滑，鮮味十足，配上啲魚湯食係絕配

員工嘅態度好親切有禮貌，以晚市嚟講價錢超值，下次會再嚟試吓其他菜式

原來仲有刺身食