海鯛魚湯專門店 (已結業)

位於鰂魚涌海堤街6至16號海鯛魚湯專門店鯛魚是魚類中充滿各種營養的食材之一，低脂肪、高蛋白、能夠消除疲勞、促進血液循環等等益處。我本身喜歡飲魚湯，煲魚湯功夫又多，今日收工抽時間黎飲返碗。下午茶由2點半至6點而食物份量係同午餐份量相同非常抵食今日我叫左東京燒雞扒魚湯烏冬$48，三色蟹子丼$68飲野方面加$3可以有柚子茶，日本直送蜜瓜梳打，汽水等等東京燒雞扒魚湯烏冬$48魚湯非常濃郁湯有海帶絲，油揚烏冬係扁身非常煙韌雞扒非常厚，而且皮脆肉嫰燒汁甜甜地再配搭芝麻醬沙律三色丼蟹子飯$68有三文魚，油甘魚鯛魚大大塊，好有鮮味果然係招牌壽司飯有蛋絲醋飯好黏口軟熟味噌湯有油揚店內裝修好有日本feel有掛畫面口是用趟門形式職員好友善餐廳份量足又抵食

朋友在鰂魚涌地鐵站呢頭返工，今晚約咗佢喺呢度附近食晚飯，見到呢間<海鯛魚湯專門店>係新開張，門面非常光猛，餐牌上面嘅日式鯛魚湯烏冬，同埋日式定食、刺身丼飯等，價錢同款式都非常吸引，當然要試下啦！餐廳入面環境確係唔錯，座位非常寬敞舒適。先來一客<鯛魚片湯烏冬>，價錢都係六十幾蚊，份量唔少，魚片都有好多塊，又厚又多肉，魚嘅肉質入口非常之嫩滑，而且仲要冇骨，食落去啖啖肉，配埋奶白色嘅新鮮魚湯，非常鮮甜，而且烏冬入口亦都煙韌彈牙，整體嚟講非常好食。<三文魚赤蝦丼飯>赤蝦非常之大隻，蝦肉亦非常鮮甜彈牙，而且三文魚都非常新鮮，最重要係連飯都可以加大，而且唔需要額外加錢，配埋麵豉湯，非常完美。小食叫咗<日式炸餃子>，外面炸得非常香脆，入面嘅肉仲好juicy。<日式炸雞>同樣炸得香脆金黃，而且雞肉非常之嫩滑，重帶有肉汁，抵食又好食！另外仲叫咗杯日式咖啡，咖啡味香濃，帶有咖啡同埋奶嘅香滑味道。整體來講，餐廳嘅食物質素確係非常之唔錯，而且價錢亦非常抵食，環境氣氛舒適，值得再來！！

又到牛媽去覓食嘅時間啦，今次牛媽午飯時間同朋友仔食咗碗熱騰騰嘅魚湯烏冬，叫咗個廣島蠔加牛肩肉既魚湯烏冬，蠔肉非常飽滿，配以鮮味嘅魚湯，更加鮮甜。一向養生嘅牛媽亦都加配左一杯薑茶。餐廳座位坐得闊落，同朋友仔食嘢傾偈非常開心！

最鐘意飲魚湯🐠，自己唔識煲，見到餐廳酒樓有魚🐠湯，一定不會放過。好友住鰂魚涌，話附近開左間魚🐠湯專門店，她也很喜歡魚湯，相約一齊來試。餐廳就在海堤街口，紅綠燈旁邊，很容易找到。日本🇯🇵風格裝潢，不會找錯地方，木欄柵大門，餐廳裡白色做主調，方形木紗燈飾，魚🐠形裝飾物，墻上傳統日本畫，呈現典型東瀛風。⛩️掃碼點餐，當然是點魚湯烏冬，好友喜歡花膠，花膠魚🐠湯滋補養顏，我喜牛肉🐮鮮上加鮮，我們點了一個招牌花膠扒鯛魚烏冬138元，一個牛肩片鯛魚湯烏冬68元，再加六隻日本餃子38元，心想食完唔夠再點。點知烏冬超大碗，額外驚喜，🤩🤩奶白色魚湯，香氣四溢，烏冬呈半透明，面香依韌，湯入邊有昆布同埋木耳，牛肩片軟滑鮮嫩，份量超多，食不停口，最後連湯都飲哂，是我試過最好味的魚湯。好友的花膠魚湯烏冬，塊花膠大得驚人，簡直可以用刀叉來享受，她說以前都試過第間花膠魚湯，但塊花膠就好細，今次真是大快朵頤過足癮。😘😘食完大碗烏冬，仲有六隻日本餃子，煎得好香，配有香醋同沙律，因為烏冬太大碗，食得好飽，餃子最後都要食剩一只，可見份量超大，這裡的性價比超高，是魚湯烏冬的不二之選。

放工同屋企人去左呢間日式食店食晚餐。外表睇夠哂日式感覺。裡面座位好多，卡位睇落都好好坐。一坐低店員就奉上檸檬水一杯。呢到主打鯛魚湯，睇餐牌有好多選擇，丼飯、定食、咖哩飯…就咁睇好高級同夠哂吸引。仲可以QR code落單，夠哂方便。點完餐，好快已經可以上餐。我點左花膠扒王鯛魚湯烏冬，第一次見咁大舊花膠，食落好有口感，充滿膠質🤭鯛魚湯味道都夠濃，感覺都夠鮮甜，而且新鮮熱辣，呢個天氣食真係好爽呀。烏冬都夠彈牙，另外仲有啲木耳絲同海帶。屋企人就叫左海膽海鮮丼飯，睇落夠豪華同足料，食落都新鮮，另外仲配有味噌湯。

尋日食完大餐今日想食得清清地 就去鰂魚涌呢間餐廳食烏冬個人覺得烏冬同魚湯係最佳配搭最鐘意鮮甜既湯底😋餐廳係海提街 鰂魚涌地鐵站出黎過天橋 落黎就到 好方便 餐廳除左魚湯烏冬 仲有丼飯、定食、小食、刺身而最出名當然係烏冬我就試試佢地招牌花膠扒皇鯛魚湯烏冬上菜果陣睇到湯底既顏色就知道湯底一定好濃郁果然湯底鮮甜又唔腥 配料有豆卜絲同木耳主角花膠扒足足有手掌咁長 仲幾厚身添滿滿骨膠原😍女仔食岩哂烏冬滑捋捋 又有口感 三文魚赤蝦丼壽司飯帶有小小蛋絲 刺身好新鮮 特別係赤蝦 好肥美鮮甜炸餃子餃子外皮炸到好脆 咬落去有肉汁咇出黎皮薄餡多 好足料👍🏻跟餐可以優惠價加配飲品+$9就飲到日本既蘋果汁.整體黎講 價錢親民 性價比幾高會再黎試下其他野

一向都好鍾意飲鯛魚湯，最近從朋友處得知海堤街新開咗間「海鯛魚湯專門店」， 趁今日收早專登過嚟試下。餐廳裝潢雅致，店內佈置簡約，白色牆身、梳化座椅襯以木系餐桌，格調清新，帶日本小店風情。餐牌選項豐富，除了主打嘅鯛魚湯烏冬，另外亦有定食、丼飯、一品料理、刺身、甜品及飲品等供應。點咗花膠扒皇鯛魚湯烏冬 同 和牛粒咖喱定食。汁燒和牛粒咖喱定食 ($108)  和牛粒燒得啱啱好，夠香又唔韌，食落牛味好濃郁，啖啖肉，勁 Juicy，加上脂肪含量比較少，食多幾粒都唔怕膩滯。咖喱汁辣度十足，入口香滑濃稠，撈埋啲飯同蔬菜一齊食，好醒胃，有營又健康！附送嘅味噌湯，味道亦唔錯，內有油揚、海帶，真材實料。招牌花膠扒皇鯛魚湯烏冬 (138)  接著送上，湯身呈奶白色，無花無假，甫上檯已聞到其魚香。先嚐一口，魚味很濃郁，味道既鮮且甜。花膠扒超大塊，闊如手掌，厚肉唔瀉身，食落質地好爽彈，加上蘊含豐富骨膠原，非常滋補，配埋滑溜煙韌嘅烏冬吃，口感一流！下次要叫埋朋友一齊嚟試多啲款式。

都未到7月已經熱到個人無晒心機成日都無胃口咩都唔想食今日黎到鰂魚涌搵朋友食Lunch朋友就帶左我黎呢間海鯛魚湯專門店食烏冬呢間小店環境好新淨重點係價錢親民！ //廣島日本蠔鯛魚湯烏冬 $88//見佢最出名係魚湯烏冬夏天飲魚湯感覺冇咁飽臍就叫左呢個廣島蠔鯛魚湯烏冬大大隻日本廣島蠔入口鮮甜配料有海帶、豆卜絲、木耳魚湯湯底飲落香濃鮮甜烏冬爽口彈牙而且好掛湯吸盡湯底精華，夠哂入味//花膠魚肚鯛魚湯烏冬 $68//花膠同魚肚口感新鮮，切片方便進食夠細心配上這個呈奶白色既魚湯湯底魚味非常濃郁，每啖都鮮味十足，真材實料呢個價錢有這高級享受，正！ //炸餃子 $38//餃子皮薄餡靚煎得好脆口，外脆內軟，又夠多汁伴碟有麻醬沙律 //唐揚雞塊 $38//外皮炸到薄脆又夠香，外層夠鬆脆內面雞肉嫩滑最欣賞是每件炸雞都切成一開二一口炸雞方便易食伴碟有麻醬沙律 跟餐加$9有飲品我們叫了熱日式咖啡及凍蜂蜜柚子茶

我同同事諗住見到有新餐廳，就諗住試下。我同同事去到就分別叫左燒雞扒咖喱飯定食同日本刺身帶子鲷魚湯鳥冬黎試下。佢係一間日式料理餐廳，好自然以為佢既咖喱係日式咖喱，但係佢好有'驚喜'同喜出望外。因為佢係印度定泰國咖喱黎，好fusion 。雞扒都正正常常，但係咪要78蚊就見人見知。佢既日本刺身帶子鲷魚湯鳥冬係死鹹同魚味一般 佢係冇魚湯獨特既鮮甜。其實就咁睇係好唔吸引人地去食，佢既烏冬要98蚊，我就覺得唔係好值得。

太耐冇去鰂魚涌搵食，原來開咗間新嘅食店，佢主打係用鯛魚嚟做湯底嘅烏冬，仲有咖喱定食，刺身，海鮮丼等等。佢環境裝修都唔錯，坐得幾舒服，用qr code 落單夠晒方便，我叫咗佢哋推薦嘅鮑魚花膠魚肚鯛魚湯鳥冬，啱晒女士，可以成機補吓骨膠原烏冬都好大碗, 配料又多，木耳豆腐卜同紫菜，花膠同魚肚都有幾舊，至正係兩隻鮑魚，雖然鮑魚唔太大隻，但佢勝在夠冧身，煮得好入味，花膠大小剛剛好，好爽口好冧身，我好怕食太大舊嘅花膠。烏冬咬落都彈牙，唔太粗身，至最要同最正係佢個湯底係用鯛魚去煮....好濃嘅魚湯.....正呀....好好味，我食到最尾連湯都飲埋，唔好嘥嘢總括嚟講可以再試，下次要試吓刺身同埋定食先得

最近熱得交關，好似點都冇咩食慾。朋友就介紹可以試下呢間海鯛魚湯烏冬，新開勁新鮮不特止，魚湯係夏天飲下又有益又冇咁飽臍。今日襯未係好多人，一放工就過黎。坐底又幾舒服，可能係新開既關係，周圍都好乾淨既感覺。見佢雖然最出名係魚湯烏冬，但都有刺身飯食。仲要都好大眾化價錢，都幾值得試。就叫左個三文魚粒粒丼飯。都好多料，三文魚，甜蛋，鯛魚，希靈籽魚。都擺得好滿，好唔錯。仲有鯛魚魚湯烏冬再加魷魚筒。魚湯果然好香濃，鯛魚片都算大件。而且魷魚筒好大件，冇骨又爽口，好似打邊爐咁。而佢既烏冬都幾Q彈，冇酸味。果然係本店出名。佢既煎餃煎得好脆口，又夠多汁。最鍾意佢夠皮薄，煎得咁靚都好講功夫。炸吉列蠔都好新鮮同大隻。 好怕會炸得過熟入面會爛或唔夠熟又會腥，佢就剛剛好。

今日睇完戲之後就同老公鰂魚涌食lunch！原來有間食魚湯烏冬架，我哋就入去試下啦🥳啱啱入去原來已經做緊下午茶先，所以我哋叫咗一個牛肉烏冬，牛肉都幾多😆烏冬係扁身嗰隻，食落係好滑的😽 魚湯湯底好香，真係飲哂都唔過分！另外點左招牌花膠烏冬😆花膠十分厚呀，食落充滿collagen 🥰🥰值得一試呀😀小食分別叫左炸雞同餃子，兩款都係即叫即整，新鮮脆卜卜😝😝#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

今日去咗一間呢間專係食鯛魚魚湯烏冬舖，真係好驚喜嘅體驗。呢間舖嘅裝潢好日式風格，好整潔又舒服。氣氛都好溫馨，位置多得來唔會太迫。令人覺得好放鬆。餐牌上，除咗有海鮮類嘅烏冬之外，亦都有其他定食既選擇，種類頗多。手機落單好方便。除咗海鮮魚湯選擇之外，可以轉做豬骨湯底。佢哋嘅豬骨湯底，唔會太濃味，飲落肚非常舒服。嗌左呢個牛肩片豬骨味湯底，只係$68, 牛片唔會太硬，幾軟熟，以呢個質素嚟講價錢好實惠，好抵食。另外加咗+$28 order 八爪魚，有三粒八爪魚，幾有嚼勁，啖落好爽口！另外$15 加左一杯提子梳打汽水, 味道清新。總括嚟講，呢間日式烏冬舖真係值得一試。下次先會試埋佢個魚湯，而價錢亦好實惠。如果你鍾意日式烏冬，咁呢間舖絕對係唔可以錯過嘅好去處。

每個月都有一個星期一要去鰂魚涌上堂，好期待呀！但期待唔係上堂…係去鰂魚涌搵食，少去鰂魚涌，所以好有新鮮感。見到間門面滿有和風色彩嘅小店，原來是鯛魚湯專門店，一於試下。裡面都幾多位，環境好新淨，簡約企理，感覺舒服。除咗有鯛魚湯烏冬外，仲有唔少選擇，有刺身、一品料理、咖喱定食、定食、丼飯、甜品、飲品等。用QR code 落單，叫咗碗花膠魚肚鯛魚湯烏冬加鯛魚片 （$68+$28），好夠熱。黃白色的鯛魚湯，味道鹹鮮，好喝！烏冬滑嘟嘟，木耳絲和豆卜絲夠爽，連住魚湯食更正。花膠和魚肚都好爽口，有獨有的鮮味；鯛魚片都厚薄適中，肉嫩鮮味。加咗份劍魚腩刺身（$38/2切），都幾厚切，爽口油潤，好新鮮。

特登出去鰂魚涌等朋友放工食飯,佢話附近呢頭好多新開餐廳質素唔差,問我想食日本定泰國菜,見好耐都冇食刺身飯所以最後決定去佢推介嘅日本菜餐廳😂Qrcode落單,原來仲有學生餐價錢～不過門口冇名比較難認少少,有張紅紙住,餐廳仲係試業階段—————————————————————📍 海鯛魚湯專門店地址: 鰂魚涌海堤街6-16號龍景大廈地下4號舖✍🏻/食評/◍ 海膽海鮮丼飯 $168本來以為呢個價錢嘅海鮮飯應該唔會特別好surprise,意想不到地第一啖食落去嘅海膽係唔苦澀,再試埋其他魚生一律都冇筋,飯都唔算少,性價比不錯！◍ 蒜片和牛粒定食 $98呢個價錢都多和牛粒,眼見都有15粒以上,份量偏多價錢又平,不過和牛粒嘅軟硬度不一,食到有好幾舊都有少少過熟,其他嘅都係好淋身！