海鯛魚湯專門店 (已結業)

一向都好鍾意魚湯架我，見到鯛魚湯專門店咁吸引嘅野不得不黎試下😍餐廳地方好闊落，雖然menu有好多飯嘅定食，仲有日式咖哩定食，但我地都係堅持轉做鯛魚湯烏冬～呢兩碗分別係東京燒雞扒定食 & 日本刺身帶子鯛魚湯烏冬🍜想話個湯底真係無得輸,好夠濃郁，真正淆出鯛魚鮮味，都幾肯定真係唔係味精野，因為飲完啲湯係一啲都唔會覺口渴架！照燒雞扒由其大份（厚砌都有6-7舊），仲有埋沙律。三粒帶子亦都大大粒好鮮！！比d湯浸過後變左半熟狀態～野飲大家都係嗌左日本果汁。呢餐人均都係$100左右，性價比都幾高！

鯛魚湯最重要就係講求一個鮮字，如果講到鮮，睇住個奶白色既湯底，治癒感一流，不過魚湯都要講求配搭，如果你整到好似部隊鍋咁，就真係狗也不…反而配搭返海鮮呀，烏冬呀，瞬間變成人間美食！👇🏻📌鯛 魚 湯 烏 冬 - ▪️ 廣島日本蠔鯛魚湯烏冬 - $88▫️ 我朋友就嗌左「廣島日本蠔鯛魚湯烏冬」入口淡淡鮮甜味，質感非常濃稠，加上兩大隻日本廣島蠔，食落口感軟糯，好食；加埋烏冬非常彈牙，吸收哂湯底精華，夠哂入味。▪️ 魷魚筒鯛魚湯烏冬 - $68▫️ 而我呢個「魷魚筒鯛魚湯烏冬」要大讚係魷魚筒煮到非常軟腍但保留到彈牙口感，而每碗烏冬既配料，都有海帶、豆卜絲、木耳，增加成碗烏冬既層次感，唔錯。📌小 食 - ▪️ 炸 餃 子 - $38 ▪️ 唐 揚 雞 塊 - $38▫️ 小食方面就叫左個「炸餃子」、「唐揚雞塊」，餃子煎得外脆內軟，又唔會太油膩，岩岩好；雞塊食落仲新鮮滾熱辣，外層夠鬆脆唔會太淋，好食。

今日老公生日，同佢去左鰂魚涌食日本野，呢間餐廳新開張，裝修日系化，簡潔明亮。餐牌有好多選擇，除左招牌鯛魚湯烏冬，仲有定食、魚生飯、咖喱類，試業期內，全日免加一，好抵食。三文魚赤蝦丼飯：三文魚好厚身，新鮮肥美，魚油味重；赤蝦色澤艷麗，口感鮮嫩，蝦頭有豐富既蝦膏，甘香鮮甜，配埋帶醋味既壽司飯，好開胃。牛肩片鯛魚湯烏冬：牛肩片肥瘦適中，肉質軟嫩；烏冬煙韌彈牙，仲有木耳絲同海帶；呈奶白色既湯底，魚味非常濃郁，每啖都鮮味十足，真材實料。唐揚雞塊：炸得酥脆，雞肉嫩滑，配上芝麻醬田園沙律，不油不膩。芝士蛋糕：蛋糕質感比較挺身，帶有濃濃奶香味，而且唔會太甜，餐後唔少得既甜品。總結，食物新鮮美味，店員服務好，坐得舒服，性價比高。

今日嚟鰂魚涌做野，晏晝好熱見到呢間餐廳有鯛魚湯底，諗住清清哋食返餐，而且呢間餐廳價錢係呢區嚟講算係好抵食。呢度主打鯛魚湯底配料有好多選擇，誇張嘅係除左配料可以揀花膠，仲有成個手掌咁大嘅花膠魚扒，不過我就揀咗個人比較鐘意嘅牛肉同埋魷魚筒嘅鯛魚湯底烏冬，再要左份唐揚炸雞。呢間餐廳係新開張但係都已經有唔少客人，過一陣下午茶時間都見到陸續有客人。轉頭好快麵就送上，見到佢奶白色湯底已經流晒口水，飲落好有魚湯味道，但佢係香濃得嚟唔會覺得腥，反而係鮮甜，好好味，我基乎飲晒成個湯，而且係唔會口渴，真心好飲！其次係佢嘅牛肉配料都好多，食落好有牛肉味，又唔會好肥，魷魚筒份量都唔少而且夠新鮮，食落彈牙爽爽口感，鮮味十足，夾埋日本烏冬滑溜彈牙，好味道！至於份唐揚炸雞，同樣令人滿意，外皮炸到薄脆又夠香，內面雞肉嫩滑，令人一啖接一啖咁食，一口大細，方便易食，伴碟有麻醬沙律再配埋日本提子梳打，夠氣又清新，滿足嘅一餐！

海鯛魚湯專門店鰂魚涌海堤街6-16號龍景大廈地下4號舖海鯛魚湯專門店，魚湯十小時慢火熬製這海鯛魚湯專門店除了各款鯛魚湯烏冬/飯外，還有壽司丼飯，定食，咖哩定食，刺身，小食等。今天叫了個$68 泡菜豚肉定食，定食SET 可以加$15 轉做店家自豪的鯛魚湯飯/ 鯛魚湯烏冬添，泡菜酸酸辣辣好夠刺激食慾，味道有點似咕嚕肉$68 八爪魚鯛魚湯烏冬，來到點都要試佢魚湯，煮到奶白色的。八爪魚陣牙，仲有些木耳同海帶。另外$28加牛肩片，增加滿足感。小食$38 炸餃子即叫即炸，味道不錯，不用點醬都夠味#香港旅行 #香港探店 #香港美食 #hkfood #hkfoodie #hktravel #yummy #foodporn #delicious #cuisine # #restaurant #dining #打卡 #網紅餐廳 #dinner #central #supper #香港必食 #高CP #海鯛魚湯專門店 #魚湯 #noodle

新開張嘅海鯛魚湯專門店，一定要試下！不過真係好麻麻，先唔講食物，啲枱放得太迫，入到去迫到都出入唔到😅😅一行就要麻煩其他客起身，上菜啲店員係要你自己接，放唔到落張枱度，真心迫死，迫過茶記。🍴吉列豬扒定食＋轉鯛魚湯烏冬 $83 (3/10)個湯聞落去有浸臭腳味😂唔知係咪魚湯太濃定點了，好怪，飲落好大浸白胡椒味，辣辣哋又鹹鹹哋，好奇怪，完全唔似魚湯！烏冬係扁身都幾煙靭，炸豬扒係外脆內軟，炸得唔會太乾，有日式酸汁同埋沙律醬點，沙律用咗芝麻醬，欣賞佢有沙律幾好！推薦指數: 3/10以海鯛魚湯專門店作為生招牌，個湯唔得已經扣曬分😂😂希望小店做返好，利申隔離嗰間好食好多，會去隔離食。

參觀完葛量洪號， 沿海邊行咗去鰂魚涌街上唔係好多鋪頭有開門見到有魚湯專門店現正試業， 免收加一就入去食下坐下手機落單我自己揀咗牛肩片鯛魚湯烏冬， 朋友就揀咗鯛魚片湯烏冬， 加罐可樂都只係加8蚊牛肩片份量充足，牛味濃郁，而且唔會過熟可以同朋友互相分享鯛魚片份量多，而且食落完全冇骨另外叫咗一客三文魚、三文魚腩同帶子非常肥美新鮮，帶子非常大隻配埋兩片蘿蔔仔，口感更佳，三文魚腩油花濃郁，完全沒有骨整體刺身比較好食，餐廳仲有魚生丼可以選擇選擇都不少有興趣可以嚟試下

今日去鰂魚涌太古坊開完會經過這間新店覺肚餓，見到店外宣傳品頗吸引，而且試業中免收加一，便决定入內試下。店環境整潔，座位舒適。顧客可自己用barcode落單，方便快捷。侍應有禮，主動添茶給客人。這海鯛魚湯專門店除了各款鯛魚湯烏冬/飯外，還有壽司丼飯，定食，咖哩定食，刺身，小食等。今天叫了個蒲燒鰻魚定食，個定食份量足，珍珠米飯晶瑩有咬口，好食，鰻魚夠味道，肉質嫩滑，麵豉湯也不錯。小食唐揚雞塊一份有6件，還有沙律伴菜。炸雞即叫即炸，味道不錯，不用點醬都夠味，沙律菜新鮮。食完飯和炸雞，飲番罐可樂，增加滿足感。下次有機會，可以試下招牌鯛魚湯烏冬。這店鄰近學校，學生午丼餐限定八折優惠，免費附送飲品。外賣自取預先落單唔駛等。

見新鋪開張走去試試，叫左個魚湯烏冬，魚湯底聞落好臭，就好似臭鞋臭襪嗰種臭味，忍住試左一啖湯，味道好淡完全無味！至於烏冬如何就真係唔知道了，試左一啖湯已經係本人極限，其他根本已經食唔落，成碗無再掂過就埋單走人。我好想知，仲有無其他人覺得臭？