海港薈

营业中

休息中

今日同同事喺尖沙咀傾完個大project, 又差唔多到晚飯時間，就喺附近揾間好少少既食店幾個同事慶祝下！我哋一行4 人7 點幾嚟到已經人頭湧湧，好彩同事有幫手訂定檯，唔係睇怕再大地方同多檯都要等位，環境靚，樓底夠高，仲要有個落地玻璃靚海景，相信呢度周末都係婚宴好場地！地方真係好大，怕張全景相睇下就可以感受到！環境就唔錯啦，到底食物質素又點呢？ 同事叫左兩個小食，先嚟到既係酒糟鴨舌，淡淡酒香，配上爽口既鴨舌，非常開胃！跟住係近排大熱既人氣小食咸蛋黃魚皮，估唔到呢度都有得食，仲要係新鮮炸起，聞已經夠吸引，呢個咸香味十足又香脆既組合，好快就俾我哋清晒食完小食，主菜出場！ 先嚟到既係陳皮豆豉炒蝦球！豆豉同陳皮都係重口味既調味料，令到爽口彈牙既蝦球除了鮮甜味外，多了分惹味！跟住出場既有醬皇海鮮千層腐皮，面頭鋪了桂花蚌鮮蝦等海鮮，蝦仁同蚌同樣爽口彈牙，要讚既係千層腐皮淡淡豆香，香甜又嫩滑！我哋今晚都仲有叫左個麵，就係粤式海鮮菜遠雙麵黃，估唔到佢個'海鮮' 用料十足，都係有蝦仁同蚌，仲帶帶子，魷魚等！ 之前食左兩道菜都有蝦仁同蚌，所以都唔點介紹，最正係個脆口既麵底，加埋新鮮既海鮮，一啖脆，一啖爽口

海港薈之前去朋友飲宴覺得食物不錯，在尖沙咀北京道一號，地點易搵而且場內又大，坐得舒服又不用同人塔枱，所以同屋企人來呢度食晚飯。鹽燒六頭鮮鮑魚$88 鮑魚好大份而且肉質爽口彈牙，帶點鮮味！避風塘牛柳粒$118 第一次食用避風塘口味的牛柳粒，口感外脆內軟，牛肉一d也不韌，吃完令人難以抗拒再食。惹味醬爆西班牙黑豚肉$148 這個黑豚肉炒到好香口，咸香配上生菜一齊食，好正磯燒魚乾$42 帶點甜甜的魚乾，用來餸酒一流。鮑魚提岸炆飯量多，有瑤柱粒，鮑魚粒，用蛋花炒成，味道不錯。總結：抵食之選，家人聚餐好地方！

呢間海港薈有間好靚嘅維港海景，如果能夠坐近窗邊一邊欣賞海景一邊食飯，都真系幾有Feel...... 閒日夜晚都有幾多客，但就唔洗等位，裝修幾新淨，畢竟都系2018年先開業，質素同樓上東海薈差唔多，但就平少少。游水阿拉斯加長腳蟹 (228/斤) - 呢排酒家極力推阿拉斯加長腳蟹，我地選擇半隻，以及凍食。店方已預早切至合適嘅size同敲碎蟹殼，食起黎非常方便！呢隻游水長腳蟹好新鮮，蟹肉夠鮮甜，而且肉質都幾爽實，好少食蟹可以食到好似蟹柳甘多肉，真系非常邪惡，正啊！金磚豆腐粒 (42) - 外脆內軟，豆腐超級幼滑，沾少少喼汁更好食。虎皮椒炒西班牙黑豚肉 (138) - 少部份虎皮椒帶辣味，而西班牙黑豚肉十分爽嫩，肉味都幾香。鮑魚提岸炆飯 (148) - 呢款炆飯好好食，炆飯濕度適中，飯粒亦有咬勁。加少唔少鮑魚及肉粒，連同上湯，鮮味十足，有少少似福健炒飯嘅高級炆飯版本！

海港薈尖沙咀店位於北京道一號九樓，開業約半年多，平日中午因有六折，所以人也常來飲茶，但晚飯也是第一次。此是婚宴場地，樓底高，亦能遠眺維港海景，環境極佳。凍食阿拉斯加長腳蟹 ($228/斤): 這碟是半隻長腳蟹，足夠4-5人享用，坊間價錢一般由$188-$288/斤不等，但通常$188也是較下價的，所以海港薈的確實具性價比。長腳蟹肉質爽身有肉汁，味道蠻鮮，整體非常新鮮，而且啖啖肉，令人感到十分滿足！酒糟鴨舌 ($52): 酒味香但不會過於濃郁，鴨舌也蠻入味，作前菜不錯。脆皮咕嚕黑豚肉 ($128): 以黑豚肉作咕嚕肉，肉味更香濃，肉質更幼嫩。甜酸汁稠度適中，能牢牢地包著脆皮咕嚕肉。海港薈燒鵝皇 ($220/半隻): 海港的燒鵝皇從來也是招牌菜，店方放蠟燭在底部，作保溫之用。燒鵝皮脆肉嫩，肉味適中，即使不加酸梅醬也夠惹味。

細個嗰陣，總覺得飲茶係老人家專屬的活動。人大左，就不知不覺愛上左呢個玩意。而且近年仲越來越有要求，放假會同朋友去一啲靚景靚場好服務的酒樓飲返杯。朋友仔知我心意，特意約我去北京道1號新開的酒樓。裏面環境好靚好華麗，好適合婚宴。而且地理環境非常之優越，可以望到海景。由於我當日遲到的關係，一坐低已經見到滿滿的食物。入口更加令我驚喜！無論包點、點心、湯品、飯麵，每一樣都好高質，而且價錢亦相對實惠。當中有幾款食物最令我難忘。黑毛豬叉燒好高質，肥瘦均勻，而且蜜汁味道濃郁。每一啖都好juicy。灌湯餃一向係我的最愛，而且呢度的灌湯餃更加係超出我期望。除咗傳統的湯包外，佢哋加入左鮑魚同花膠，貴氣十足。湯汁味道亦好香濃，非常足料。脆米海鮮泡飯以一大鍋的方式呈上，侍應姐姐會喺我哋面前幫我地分飯。脆米泡飯係一個好特別的組合，脆米粒粒有咬口，但又用上湯造成泡飯，口感好特別。而且當中亦見到唔同的海鮮配料。整體來講，呢間新酒樓係一間好高質的酒樓，令人有豐富的飲食體驗。

北京道一號內，海港薈和東x薈午市點心推廣，樓上樓下齊齊鬥得火熱，點心六折，但海港服務明顯勝過東X , 上兩次在東x 那處吃得一肚火，後來朋友介紹說海港薈也同樣有折，一向有冒險精神的我，決定過來薈一薈。在北京道一號飲茶，如果坐窗口位，天氣好的話，心情晴朗過晴朗。這裡只是點心六折，午市粉麵飯和燒味是正常收費的。如果大伙一起來吃，午市精選組合再加一些點心都比較化算。筆者寫食評經驗尚淺，到現在也仍未習慣每碟點心都影，結果吃了才記起，罪過⋯⋯滷水豬腳仔$58~原先我們點的是三層肉，但當差不多端上檯面時，經理立即說三層肉賣晒，請點另外一樣，筆者即是望一下，發現原來燶了，自知自覺，一讚。於是我們改吃豬腳仔，足分量，抵食之選。碧綠炸兩腸$33海港一向腸粉做得出色，所以炸兩外層的腸粉也嫩滑，可是筆者發現當日點心師傅可能心事重重，炸兩內的油炸鬼也是有油味的。大部分都是海港質素點心，所以也算有一定水準，不過不失，唯獨是當天所有的炸物一一打回頭，全部過火，而且還用上了千年油，一律勁深色，反式脂肪萬歲。脆米海鮮泡飯$98~份量足，脆米脆卜卜，可恨的是太多味精了，在味美過很⋯⋯極之口渴。黑糖馬拉糕$30~

為免冬至正日酒樓人多又加價，提早平日跟家人做節。之前媽媽跟親友在海港薈飲過下午茶，說味道不錯，想做冬晚餐定在這裡，老人家既然有這要求，為有遵旨。＊＊＊＊＊＊＊＊＊＊＊＊＊海港薈所在的北京道1號，出名多高質中菜廳，而海港薈竟敢落戶於此，想必也有一定份量。’海港薈走新派酒樓路線，因為要配合平日的婚宴場地要求，牆上藍底花卉圖案，令具氣派的裝潢多了一份田園風格，透過落地玻璃，食客還可以俯瞰璀璨的維港夜景。餐具都有花卉圖案，跟酒樓的裝潢互相呼應。餐牌內全部餸菜都圖文並茂，令食客對餸菜更清楚。除了常見的中式小菜外，這裡亦有不少新派中菜，如以羅馬生菜、黑豚肉、黑松露......入饌。金磚豆腐粒($42)金磚豆腐炸皮夠薄，內裡的豆腐夠滑，椒鹽味突出，鹹鹹香香，很惹味。陳皮豆豉炒蝦球($168)這個炒蝦球絕對是無可挑剔，因為蝦球本身非常新鮮，蝦肉超級爽彈結實，陳皮和豆豉的味道亦點到即止，不會過重搶去蝦球的鮮味。蝦籽蔥燒原條黃玉參($268)黃玉參足有一隻前臂般長，份量十足，旁邊再以大蔥和西蘭花作伴碟。黃玉參放在小火爐上奉上，所以能一直保持熱度。黃玉參煮得夠腍又入味，只是略嫌過了一點火喉少了黃玉參的彈口感

很久沒有一家人去飲茶了！北京道一號上上下下的餐館也吃過，今天揀了這間無敵海景飲茶，對住海景真是心曠神怡。西班牙黑毛豬叉燒: 叉燒肥瘦適中，表層的蜜糖令义燒賣相更吸引。黑毛豬肉質鬆軟肉味香濃，老公讚不絕口👍。西班牙黑毛豬叉燒包： 包夠鬆軟，义燒夠蜜味，味道不錯。黑松露野菌餃: 餡有各類菇菌，水晶皮晶瑩剔透煙韌感😋。鮑魚花膠灌湯餃: 湯底清甜，有鮑魚有花膠，夠哂滋養。鮑魚燒賣皇: 鮑魚，感覺高級Ｄ，價錢也貴Ｄ😄，燒賣大大粒，蝦肉鮮味，很有以前的風味。蜜餞雞中翼: 蜜餞過於太甜，雞翼味道不錯，没有冷凍味。脆米海鮮泡飯: 炸過的米脆脆乾爽，加入泡飯内增添令口感，泡飯内有 蘿蔔·蝦·帯子，所以湯底很鮮甜😋👍，不過要快吃，因為泡飯會發脹。黑芝麻糕: 一般都是圓圓的皮很光滑，但這款做法不同，而且還掃上金，馬上貴氣哂！

這間位於北京道1號的海港薈，聽個名都已經很霸氣，位處1881隔離，落地玻璃對正維港，遠眺港島區高樓大廈的景色，景觀一流。食物方面，款式不算太多，主打新鮮海鮮，如長腳蟹、東星斑等。酒糟鴨舌：鴨舌爽口，酒味濃郁，滷得十分入味。醬皇海鮮千層腐皮：海鮮有多款，包括了蝦肉、帶子、魷魚、珊瑚蚌等，海鮮新鮮，其中蝦肉爽彈，帶子鮮甜，另外還有冬菇等配料，而千層豆腐即是腐皮疊製而成，一層一層，煙煙韌韌。鮑魚堤岸炆飯：除了有鮑魚粒外，還有些蝦肉、帶子及炸瑤柱等，飯粒爽口，有很香的瑤柱香味，還帶點鮑汁香。

今晚同老公一齊再光顧這間我們結婚擺酒的酒樓，原來已經改了做海港薈，佈置同之前的分別不大，都是有無敵維港景。酒樓主要以散叫小菜為主，另外臨近冬至，還有些做冬套餐。店員先送上小食醃酸蘿蔔，蘿蔔爽脆，酸酸甜甜幾開胃。金磚豆腐粒豆腐炸至表面金黃，外面香脆，裏面嫩滑，而且新鮮即炸，咬入去還冒煙。蝦籽蔥燒原條黃玉參原條海參表面灑上蝦籽，海參煮得又腍且入味，質感腍中帶點爽，蝦籽卜卜脆。陳皮豆豉炒蝦球以陳皮及豆豉去炒都是第一次見，但味道竟出乎意料地夾，豆豉咸咸香味跟陳皮甘香滲入蝦肉內，蝦球新鮮大隻，爽口彈牙，送飯一流。

今年提早同屋企人做冬， 第一次到海港薈吃晚飯， 我們一行十二人訂了一圍冬至宴， 提早落定原價再減$300，每席全包$3888送特級紅酒一支和橙汁兩渣。冬至宴入面包括有上湯焗波士頓龍蝦伊麵底， 喜慶金豬全體，西蘭花炒帶子螺片，蟹肉海皇燴生翅，百花炸釀蟹鉗，原條遼參扣花菇，清蒸沙巴金花尾斑，一品醬燒雞， 本身甜品是歡樂紅棗糕，但我們改了壽桃包， 還有佳節時果。喜慶金豬全體 ~ 皮脆肉滑，好味！上湯焗波士頓龍蝦伊麵底 ~ 龍蝦份量多，還有我最喜愛的伊麵！西蘭花炒帶子螺片 ~ 帶子和螺片都有鮮味。百花炸釀蟹鉗 ~ 啖啖肉出面還有一層香噴噴的 杏仁片，令到蟹鉗更有口感。中間有一碟沙律，中和返蟹鉗的熱氣感。原條遼參扣花菇 ~ 遼參味道淡咗啲，冬菇大大粒有咬口，底層還有菜苗。蟹肉海皇燴生翅 ~ 味道清清哋唔錯， 但我本身不太贊成食翅， 如果可以改用第二種食材會比較好。清蒸沙巴金花尾斑 ~ 烹調的時間剛剛好， 魚肉好滑又新鮮。一品醬燒雞 ~ 同炸子雞的感覺差不多，外皮卜卜脆，雞肉嫩滑。壽桃包 ~ 有蓮蓉和奶黃兩種味，我咁為食當然兩種味都有試下啦！ 我都係比較鍾意蓮蓉餡， 蓮蓉做得好滑又香，其實奶黃餡都

✿╮❤╭✿ ✿雜感女生 好味日記✿ ˚*•✰。海港薈．用料高質-食得滋味。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 尖沙咀海港城附近有眾多食店 朋友在該區工作 力推我一試「海港薈」 見地點非常就腳 一於聽話一吃 想不到出品質素相當高 一入內就覺裝修亮麗 燈光光猛，非常適合擺酒喜宴 位置夠大，可以連開30多圍 不少食客是一家大細 想必有一定水準 經典小食：仁稔 好有橄欖涼果的口感 是兒時吃過的酸甜味道 很特別，很有意思 桂花鮮淮山 香甜養生，鮮淮山其實很粉很好吃 比一般煮湯用的更適合入饌 加了桂花蜜的點綴，是一道不錯的甜食 鹽燒六頭鮮鮑魚 新鮮彈牙爽口多汁 香口的外層包裹鮮肉的內在 朋友的推介不錯，味道確有水準 脆皮咕嚕黑豚肉 香脆香脆香脆 重要的事情說3次 脆皮在醬汁之內仍是脆 黑豚肉汁多而有咬口 所用的菠蘿、士多啤梨都是新鮮貨 果汁甜美，令醬汁的甜度更新鮮自然 避風塘牛柳粒 惹味又香辣，牛柳粒用料高質，保持嫩滑多汁 另一個重點是用了茄子切粒椒鹽炸香

接近年尾聚會特別多，今日約了一班友人茶聚。酒樓位處尖沙嘴一商厦內，有無敵大海景伴美食，眾人非常興奮。西班牙黑毛豬叉燒表層蜜糖好香甜。叉燒肉質軟熟肉味香濃，果然黑毛豬品質係上乘。黑松露野菌餃晶瑩剔透的餃皮，嘴嚼有煙韌感，餡料豐富飽滿，充滿松露優香。鮑魚燒賣皇賣相高雅好吸引。雖然不是名貴鮑魚，心理上己滿足。燒賣大大粒，嚐到肉餡香和蝦肉鮮味。鮑魚花膠灌湯餃湯底鮮甜，有鮑魚有花膠，滿足感爆棚。蜜餞雞中翼啖啖肉，蜜餞過於甜膩，有點膩感。脆米海鮮泡飯炸過脆米意外不油膩乾爽，混入泡飯增加了嚼口。泡飯湯底好鮮甜，採用大量帶子，蝦隻，好正！

之前曾經到過這裡，一個婚宴場地，舊同學在這裡擺酒，招呼服務都唔錯，而且環境舒適，加埋一排窗望主個維港，真係唔錯！今晚就係同家人食飯之前訂了枱，這裡食個晚市四人套餐都幾抵食$1398，已包茶芥及加一，有半隻阿拉斯加長腳蟹，兩款小食，兩款小菜，加埋1款主食，計落比單點還便宜，落單後等了一陣，半隻阿拉斯加長腳蟹就上枱，因半隻嘅關係個蟹蓋都只有一半，但仍然充滿蟹膏，而大大條蟹腳嘅肉質爽口鮮甜，撕出來真係一條大蟹棒，十分好味，啖啖肉！小食選了金磚豆腐粒，炸得十分香脆，外脆內軟，一口一粒夠晒野味！而另一款小食就係人氣高嘅金沙炸魚皮，炸得香脆嘅魚皮上沾滿了流沙嘅咸蛋黃，入口個種香脆帶點咸嘅感覺真係超正！小菜家人就喜歡陳皮豆豉炒蝦球，因蝦球大隻彈牙爽口之餘，入口還有陣陳皮香味，十分醒神開胃！而我就喜歡惹味醬暴西班牙黑豚肉，入口豚肉軟熟香滑，加埋個菜一齊入口味道夠晒濃郁野味！主食就係個鮑魚堤岸炆飯，一個鍋上，配料已經切成粒粒混埋在炆飯中，入口啖啖配料，當然鮑魚粒夠晒彈牙爽口，今晚家人都好滿意呢個餐，質素高味道好！

我有一班識飲識食的好姊妹，今晚我哋睇完燈飾就行咗過去北京道1號，原來今晚嘅主角係一個蟹 fans, 提議我哋一齊食游水阿拉斯加長腳蟹 。地段矜貴而且店內坐擁180度維港大海景，空間十足，以高雅歐洲格調裝潢，原來平時係擺酒婚宴嘅場地。總之坐得係好舒服。第一眼就見到 menu 有游水嘅阿拉斯加長腳蟹，如果一班人嚟食就可以嘆番個長腳蟹全包宴，現場見到好多人食呢個，可惜我地人比較少所以唯有散叫。朋友話秋天是食蟹好季節，於是由他發板我們想也不用想，叫了阿拉斯加長腳蟹，大家都鍾意凍食因為可以食得到原汁原味。這裏的煮法有不同風味，而且每隻蟹腳size都好大好多肉，蟹腳非常鮮味而且肉汁豐富，蟹肉鮮甜結實味道恰到好處。另外我哋都點了小食，金沙炸魚皮真係食到舔舔脷，魚皮夠薄夠脆口，加上最潮嘅鹹蛋黃，有創意！ 小菜就揀咗惹味醬爆西班牙黑豚肉，用生菜切成花瓣形狀，黑豚肉已切成粒再有啲配菜炒得十分惹味， 用生菜包在一起口感更加豐富，而且亦可以減輕油膩感！飯桶門主食點了鮑魚堤岸炆飯，用煲仔上特別熱辣辣，鑊氣十足材料非常豐富，鮑魚口感煙靭而且充滿鮮味，加上冬菇、元貝這些喜慶食材用料，炆飯顯得特別矜貴，而且份量大大家