海港薈

皮蛋尖椒同埋鮑魚，鮑魚$58.4片 酒味清香唔錯皮蛋酸薑係一隻皮蛋開出嚟，我幾鍾意食皮蛋唔錯正常質素，酸薑都係唔會太酸太甜燒味雙拼好快上枱呢個係白色皮嘅靚雞，唔算太多肉，但係都唔錯有幾嚿白肉仲有雞髀 🍗燒鵝就比較少肉皮為主 不過朋友好鍾意呢個菇菌浸生菜好多油， $88唔值得，唔算太多呢個同平時食開海港嘅一樣，先有新鮮好味 不過一樣嘅質素呢度就要成$48一樣 楊枝甘露試咗朋友一啖幾好味呢個又係同平時海港嘅一樣😂😂😂咁時揮霍啲試吓燉湯，冇咗我想要嘅羊肚菌花膠燉螺頭，就試吓呢個爵士蜜瓜花膠燉螺頭 好香濃，唔會太鹹好清有一大舊瘦肉 一嚿唔太厚嘅花膠同埋好細粒嘅螺頭 $88嚟講個份量好似爭少少 🤏湯料應該多番少少唔記得咗影個蝦腸粉，呢度嘅腸粉皮好難今日 腍pat pat但係個蝦嘅質素非常唔錯好大隻唔記得講嗰個陳皮牛腱，之前都食過，但係今次勁出色勁多陳皮，我諗過廚師進化咗，牛腱夠晒腍 而且好少嘅酸醋味好清好少嘅花椒味 麻麻哋條脷但係又完全唔辣，又有好多陳皮 溝得非常出色，第一次食嘅朋友超級鍾意仲嗌多客 $58超值燕窩燉蛋白會太甜，有椰皇椰子水味， 好味過平時平民海港好多環境一流，對住過海服務就爭少少廁所尚算乾淨 呢樣都好睇，食客質素都幾多遊客 經濟開始旺盛了…查看更多

有幸在香港尖沙咀的海港薈餐廳享用了一場難忘的晚餐。這間餐廳以其精緻的粵菜和優雅的環境聞名，坐擁維港景色的窗邊座位為用餐增添了視覺享受。這次體驗包括花雕蒸帝王蟹、蟹膏炒飯、蒸海星斑及黑松露蟹餅。以下，我將詳細回顧這頓晚餐的點滴。#### 環境與氛圍海港薈的裝潢以現代中式風格為主，搭配精美的吊燈和落地窗，夜晚的維港夜景與室內柔和燈光交相輝映，營造出高雅舒適的用餐氛圍。餐廳內座無虛席，圓桌上擺放著精緻瓷器和茶具，展現濃厚的中國飲食文化氣息。服務員態度專業，動作流暢，為每道菜的上桌增添儀式感。#### 主菜：花雕蒸帝王蟹第一道亮點是花雕蒸帝王蟹（見第一張及第五張照片）。這道菜以一隻完整的帝王蟹呈現，蟹身鮮紅，蟹腳修長，浸泡在濃郁的花雕酒醬汁中，散發出酒香與海鮮的融合香氣。蟹肉嫩滑鮮甜，醬汁帶有花雕酒的微甜和濃郁，與蟹肉的鮮味相得益彰。蟹腳肉質飽滿，輕易可享，展現廚師的高超技藝。旁邊的小碗醬汁或許為蘸食之用，增添用餐樂趣。#### 主菜：蒸海星斑另一道經典是蒸海星斑（見第三張照片）。魚身覆蓋翠綠蔥絲和嫩姜，底下熱氣騰騰的醬汁散發魚香。魚肉新鮮彈牙，蒸得恰到好處，保留原味，醬汁鹹香與魚肉完美融合。綠蔥與褐色醬汁的視覺搭配令人食慾大增，味道清新脫俗。#### 配菜：蟹膏炒飯蟹膏炒飯（見第七張照片）以花蟹殼裝飾，別出心裁。飯粒分明，混雜蝦仁、青椒和胡蘿蔔丁，色澤金黃，帶蟹膏濃郁香氣。口感鬆軟，每口皆有海鮮鮮味，與花雕蒸帝王蟹遙相呼應，顯露廚師精心設計。#### 小食：黑松露蟹餅黑松露蟹餅（見第四張照片）外皮酥脆，內裡軟嫩，頂部點綴奶油和黑松露，增添層次感。旁邊的生菜和香草葉平衡油膩，清爽可口。小份奶黃燉蛋（見第六張照片）表面撒配料，滑嫩甜美，為晚餐添溫和餘韻。#### 價格與服務收據顯示總計約2529港幣，包含多道菜和10%服務費。價格高端，但菜質新鮮、環境優雅，性價比合理。服務員專業及時，補茶清理桌面表現優異。#### 總結海港薈的這頓晚餐是味蕾盛宴。花雕蒸帝王蟹的酒香鮮味、蒸海星斑的清新、蟹膏炒飯的濃郁及黑松露蟹餅的酥香，每道菜皆展現廚藝極致。配以維港夜景，這裡是享美食與文化的理想之地，適合特別場合聚會，值得一試。…查看更多

叫咗隻五斤一兩嘅阿拉斯加蟹，本來懷住好大期望，點知最後慘變大失所望。•蟹的份量明顯不足，本來隻蟹應該好大份，但開蓋一刻，第一眼已經覺得細過預期。•只得半隻蟹鉗，食完先發覺只係有半隻蟹鉗，正常應該有兩隻蟹鉗完整呈上，呢個擺明係唔合理。•蟹身肉量遠少於一隻蟹，無論點拆怎樣搵，蟹身啲肉都唔夠分量，根本唔夠一隻五斤一兩重蟹份量。一向幫襯海港多年，估唔到連佢都會偷工減料。提議大家如果一定要叫蟹，最好原隻上，不要斬件，避免商家偷起部份食材。…查看更多

今日嘅時候先打電話嚟book位，嚟到嘅時候要等一陣佢未有枱，但係等一陣有張海景枱我哋兩個人勁開心質素唔錯 不過呢一間如果有金錢肚就好五香牛腱$58幾特色，幾好味一粒一粒佢燒味雖然貴但係超靚😍😍😍腸粉麻麻哋，但係又油油地 青瓜海蜇唔得，撈咗太多油同埋好少海蜇大量青瓜 呢個後悔嗌咗隔籬枱嗰個黑松露炒飯我哋嗌呢個蛋白炒飯炒得好靚，啲飯係平時啲硬硬地嘅飯海味雜菜煲都好大煲好重要😍😍🥰呢度有啲位置真係冷氣偏強，大家要帶定外套整體而言食得好開心 因為環境好靚😁食物又唔錯…查看更多

響尖沙咀海港薈訂咗兩席慶祝爸爸生日。酒樓服務同食物都好好，整體好滿意。只係場地set up同最初討論有少少唔同，例如枱布顏色以及備菜枱同麻雀枱嘅位置，酒樓都好快因應我哋嘅要求調整，所以冇乜問題，無傷大雅。如果好緊張場地佈置嘅朋友，可以預早少少時間到酒樓check下以防萬一。酒樓嘅維港海景真係好靚，我哋廳房嘅位置對正文化中心，食嘢、打麻雀同影相都覺得有文化啲哈哈。菜式每碟都好食，幾款餐前小食幾好味；乳豬香脆唔算肥；龍蝦同3.6牛乳一齊食，有啲似燉奶咁樣，煮法幾清新同新穎；翡翠螺片帶子、炸蟹鉗同魚翅都有水準；紅色東星斑零舍覺得喜慶，同埋好味；鮑魚黃玉參、黑松露醬燒雞同炆伊麵都唔錯；最驚喜係壓軸嘅鴛鴦大蟠桃，嘩嘩嘩好大個好開心經理同各位侍應都好好，有咩問題同要求都好快同準確咁回覆，見到有咩需要都好快幫手，好細節嘅嘢，唔使我哋出聲都主動幫忙，例如搵張細蛋糕枱俾我哋切生日蛋糕，見我哋想黐裝飾氣球就俾啲blue tag我哋，服務細心周到。主力負責我哋廳房嘅侍應係一個後生女，斯文有禮貌、快手同埋盡力，幫我哋影大合照完全冇問題，態度好好。多謝酒樓團隊令到我哋各位親戚有一個盡興同好飽飽嘅晚上！最重要係主角，即係在下嘅爸爸好開心哈哈哈…查看更多

假日想搵個地方食好嘢兼扮下飲食達人。「海港薈」真係無得輸！環境呢，一個字：靜，兩個字：舒服，三個字：傾計首選！望住個海景食嘢，成個人都高級咗幾班咁～講到食物，呢度絕對係「舌尖上嘅享受」！個*雪山叉燒包*正到痺，上枱一陣就俾人搶曬，手慢真係食自己㗎！個「少爺炒飯」個名夠盞鬼，飯粒粒分明又夠鑊氣，食落仲有啲住家飯嘅溫暖。最正係個*鮑汁鳳爪*，淋滑入味，食到嘴lam lam脷，膠原蛋白多到以為自己後生咗幾歲！總括來講，海港薈唔單止係填飽個肚咁簡單，直頭係生活享受！無論係拍拖、家庭gathering定係自己獎勵自己，嚟呢度包你滿意！…查看更多

今次同蕃薯去到北京道一號海港薈飲茶，地方闊落夠光猛，坐窗邊仲可以飽覽維港海景。🍠翡翠荀蝦餃皇 $44一共有4粒，蝦餃size正常唔算大粒，但食落蝦都幾爽🍠腐皮素鵝 $68素鵝價錢正常，竟然上面附有一點點的黑松露，又幾有新鮮感。外皮香脆，餡料豐富👍🏻🍠雞絲脆春卷 $40春卷外皮脆口，味道一般🍠紫米春風得意腸 $48紫米做的腸粉皮顏色鮮艷，裡面有豐富蘿蔔絲，沾上豉油，味道不錯🍠蝦子乾燒伊麵 $148伊麵做得不錯夠乾身，蝦子份量頗多，拌埋一起好香幾惹味👍🏻📍海港薈尖沙咀北京道1號9樓…查看更多

上星期和朋友六人去飲茶，叫個四人點心餐再加一碟X 0醬炒腸粉，碟炒腸粉$68但份量極少，每條手指咁長的腸粉10條都無，完全唔值68蚊（仲要加一，即75蚊）。個餐都係極細份，呢個份量2個人食就差唔多。50蚊得3粒普通size燒賣。最後找數差不多8百幾蚊但完全唔飽，要立即落對面M記醫肚。去呢度比昂貴金錢唔係食嘢，而只係食＂景＂，但個玻璃好污糟又朦，望住個景係望污積多啲😂呢度的存在只有真闊太先會去得起，或用來劏遊客。難怪個個北上。…查看更多

間間海港分店都好食過佢！蟹唔足斤両上枱冇左碗蟹膏問待應佢話我哋係咪叫左炒飯！都冇咪老作！未食過咁難食嘅燒鵝冇味似有醃過肉好硬！$差唔多$200碟安格斯牛柳粒得幾粒入面有血水配菜雞髀菇多過牛三倍！其他碟頭細碟！漏單但埋單時照收錢！冷氣太凍！6大5細食左$46xx，唔知食左乜！一肚氣！…查看更多

本來想訂灣仔那邊的海港薈，由於太遲訂没有位，所以就訂了尖沙咀，上到去有個紫菜小食，不過我覺得有啲苦，可能我食唔慣，但我地都叫咗個合桃同炸豆腐，個合桃炸得脆卜卜，小食價錢都合理，我地打電話時都已經話留定隻六斤嘅蟹，不過當時其實都有好多蟹，不過穩陣起見都係留咗先！大鄉里原來是自己揀蟹，但係我哋唔識，所以叫了服務員幫我哋揀咗隻大約五斤四，叫咗個啫啫芥蘭，花雕蒸魚，碌柚皮鴨掌，有個例牌燒鵝！花雕蒸魚鋪底嘅粉皮就入晒花雕味，但係魚冇入到味但都好食嘅，不過就多骨啲！碌柚皮就好似薯蓉咁好特別！燒鵝就一般！咕嚕肉好食，隻蟹真係好鮮甜好多肉！最後叫咗楊枝甘露蛋白杏仁茶紅棗糕燕窩燉奶！楊枝甘露而家呢個季節有啲苦碌柚，蛋白杏仁茶都值得食，燕窩燉奶啲奶都好滑，六個人大約$2600平均每人四百幾蚊做節！侍應生好服務，坐得都舒服，如果中菜嚟講我會首選！…查看更多

又係辣媽好介紹🤗同父親大人慶祝父親節,當然揀爸爸媽咪至啱食嘅中菜｡🎉🎉🎉🎉🎉《海港薈》環境舒適﹑海景靚(雖然天陰),食物都唔錯,適合一家大細!👅味道：好食到個個都讚📸賣相：靚到爆！💰價錢：合理😌服務：唔錯，柯打算跟得足！🎉氣氛：今次坐corner位好靜局，一家人一齊慶祝，氣氛熱鬧歡樂！🥳🤩整體評分：⭐️⭐️⭐️⭐️#甜品 #放題 #日本菜 #中菜 #火鍋 #自助餐 #日式料理 #香港美食 #豬骨煲 #燒肉 #hkfoodie #九龍美食 #擦餐勁 #春日賞櫻 #全民打卡企劃 #UCreator #食勻全世界 #社群歎世界 #您去玩我找數 #辣媽好介紹…查看更多

好耐冇食長腳蟹，幾間港式大酒樓都試過，今次再嚟海港集團旗下海港薈。環境都算舒適，算係有海景view, 雖然天黑之後玻璃反光睇唔到出面。😆1️⃣清酒蒸阿拉斯加長腳蟹：蟹肉鮮嫩多汁，搭配清酒更加帶出蟹肉鮮味，咬落去啖啖肉好滿足。不過大家記得要提前預訂時留蟹。🌟🌟🌟🌟🌟2️⃣一口豆腐：外層炸得金黃酥脆，豆腐內部柔軟細嫩，口感極為順滑，送酒一流。👍🏼👍🏼👍🏼3️⃣椒鹽鮑魚：呢道菜係我平時去西貢或者三聖邨海鮮舖好鍾意點嘅，見到有就點嚟試吓。鮑魚肉質鮮嫩，口感彈牙，搭配椒鹽的香辣味道，使得整道菜更加提升。👍🏼👍🏼👍🏼4️⃣呠酒焗桶蠔：蠔肉鮮嫩多汁，搭配呠酒的醬料，整道菜更加有鑊氣風味。👍🏼👍🏼👍🏼5️⃣爵士湯：都算好足料，有齊鮑魚螺片花膠等等，湯的口感濃郁，充滿層次感，每一口都能品嚐到不同的食材風味。👍🏼👍🏼👍🏼6️⃣素鵝：純粹諗住叫個香口野餸下走，點知佢同上海餐廳嘅素鵝完全唔係嗰回事，係就係好脆口，不過呢種炸皮有啲食唔慣😅😅。見到之前啲評語都係話服務唔好，今次同屋企人嚟都有啲擔心遇到嗰個奇怪店員，好好彩服務都正常，喺尖沙咀呢個地段呢個價位，食物質素都算唔錯。…查看更多

早一個星期前訂位為慶祝今日母親節。之前只去過青衣城既海港薈，但見到尖沙咀海港薈食評高，所以便決定今日同屋企人黎飲茶。佢地無論食物，服務都藉得一讚，再加上佢地有靚維海景。我會同朋友或屋企人再黎試晚飯👍👍…查看更多

今日同同事去飲茶，呢個係我地嘅首選，赽方乾淨，點心都精緻，價錢合理。係尖沙咀飲茶人均都係150左右,其實真係好實惠，點心姐姐們重好細心，見我地夾唔到炒面，好主動比把較剪我地，服務值得一讚。唔好成日都話香港無好嘅服務業員工嗱❤️…查看更多

住在附近上班，每次飲茶指定都是呢一間。吃過好多點心和小菜都非常值得推薦，今日簡單吃午餐，吃了幾個小點心。環境還可以看到維港，真係好舒服，朋友也吃得好滋味，兩個人叫的菜剛剛好的份量。職員的服務態度都好好！…查看更多