海港薈

营业中

休息中

北京道高級中菜餐廳 坐擁海景銀稔作為餐前小食非常少見蝦籽蔥燒原條黃玉參 $268海參原條上 蝶下邊仲加上蠟燭保溫 非常貼心海參非常彈牙 好有營養充滿膠原蛋白 滋陰護膚非常適合女士食用金磚豆腐粒 $42金鑽豆腐外皮超薄又脆內裏豆腐非常嫩滑外面中加上芝麻增添香味口感配上喼汁食 一啲都唔油膩脆皮咕嚕黑豚肉 $128咕嚕肉係粵菜常見菜式但今次加入黑豚肉 確實非常有驚喜黑臀肉香味十足 有別一般豬肉肉質非常鬆脆 外皮亦做得好薄 非常值得一試粵式菜遠海鮮雙面黃 $138最後主食揀咗海鮮雙面黃雙面黃炸得好香脆 但配上醬汁之後又回復彈性香脆口感同彈牙口感都食到海鮮豐富包括大蝦帶子同珊瑚蚌

平日多數去旺角區飲茶，今日阿女話帶我哋去嗰靚環境嘅地方嘆茶，原來去尖沙咀海港薈，入到大堂見到佈置真喺好華麗，地方寬敞，坐得舒服時又可望到維港，心情都靚啲。看過點心紙，真的相比其它酒樓嘅款式多及精緻，樣樣都想試，後點咗幾款點心，小食及一款泡飯。鮑魚燒賣皇賣相幾矜貴，鮑魚腍滑有咬口，賣燒飽滿有肉汁彈牙。鮑魚花膠灌湯餃熱騰騰，內有花膠，鮑魚，隻餃飽滿有半手掌大，先喝啖湯，濃濃鮮甜又冇乜味精，鮑魚同花膠好好味及夠腍，嗰湯餃唔只看得并有內涵，魚翅肉碎等配料足，不知吃得幾滋味。西班牙黑毛豬叉燒包包身外皮軟熟，掰開見到义燒饀同嗰包比例適中，好味道。黑松露野菌餃外皮精瑩通透，真的皮薄餡飽滿，咬一口陣陣黑松露香氣味連同野菌喺口腔內溶化，好吃到不得了。蜜椒雞中翼雞翼煱得香脆，配以蜜汁，微酸，幾惹味。西班牙黑毛豬叉燒肥瘦均勻，肉質腍滑好嚼口，蜜汁又多，老幼都啱食。脆米海鮮泡飯海鮮飯砂鍋上熱騰騰，湯底鮮甜，加埋脆米，與湯飯撈起來吃脆卜卜，特別香口好吃。最後叫多客生磨黑芝麻糕，賣相靚，芝麻味道幾濃，不過太硬唔夠軟滑。

海港薈 - 尖沙咀星期日放假，專登帶咗爸爸媽咪去尖沙咀飲茶，揀咗呢間有海景嘅酒樓，除咗景色好靚，仲坐得好舒服。。餐廳係婚宴嘅場地，所以入到黎嘅裝修都好精緻，粉紅色嘅布簾裝飾，配上落地嘅玻璃，又開陽又光猛，特別係陽光燦爛嘅日子，真係令人心曠神怡。一邊飲茶，享用精緻嘅點心，一邊望住維多利亞港嘅景色，睇住輪船慢慢嘅行駛，個人立即慢活起來。。本來對連鎖式經營的集團酒樓沒有什麼好感，但是今天試過海港軒，令我對集團式經營的酒樓有所改觀，雖然價格比一般的酒樓略貴，但是地方較為光猛，服務也較佳。不過這裏有一個缺點，由於是婚宴場地的熱門地方，所以下午茶時分，大約三點半至四點左右，便要全面地清場了，不能夠好好地慢慢享用啊 。黑松露野菌餃（四件）$73鮑魚燒賣皇（四件）$48鮑魚花膠灌湯餃（四位）$48西班牙黑毛豬叉燒(例) $168脆米海鮮泡飯 $98。以上幾款點心，都係近來食過最高質嘅飲茶點心。黑松露野菌餃真正的皮薄餡靚，餃皮半透明的狀態，令人心動，雖然黑松露不算太濃郁，但是也很好吃。菌味濃但不會過咸。。鮑魚點心的賣相精緻，而且整粒燒賣非常飽滿，肉質非常彈牙，小小的鮑魚放着燒賣上，賣相和味道俱佳。。鮑魚

年近春節一家人提早輕輕鬆鬆吃團年飯，今晚訂了在北京道一號的海港薈吃團年飯，這裡環境不錯地點方便，樓底也夠高，還有落地玻璃靚海景。我們點了兩個小食及燒鮑魚, 再加一餸一飯份量剛剛好。先來了兩份小食黑松露煙薰蛋和腐皮素鵝。黑松露煙薰蛋 一口咬落去已吃到煙薰味道，蛋上面黑松露香味，加上蛋漿濃郁流心口感不錯。腐皮素鵝一層層腐皮炸到金黃色而且很薄身鬆脆，餡料味道濃郁。鹽燒六頭鮮鮑魚把鮮鮑魚外層鹽燒製法，鮑魚厚肉咬口彈牙還有點椒鹽和蒜蓉粒粒味道香口，也不失鮮味。避風塘牛柳粒避風塘口味的牛柳粒帶點微辣好惹味，口感外脆內軟，牛肉也不韌還有肉質鮮美。鮑魚堤岸炆飯炆飯底層是薄薄的蛋片，內裡粒粒鮑魚，蝦仁，還有帶子，材料相當豐富，炆飯乾濕度平均飯粒和配料吸收了鮮味精華，越食越有胃口。這餐團年飯我們都很滿意。

位於北京道1號的海景薈，提供一系列精緻中式佳餚，用餐環境華麗，平日亦會舉辦婚宴等活動。〔蝦籽蔥燒原條黃玉參〕 $268原條黃玉參分量十足，跌下放置蠟燭保持溫度，別具用心。海參厚肉彈牙，加入蝦籽及醬汁更添咸香鮮味。〔黑松露煙薰蛋〕$42煙薰蛋口感軟綿綿，蛋汁加上黑松露的味道份外香郁。吃想去有淡淡的煙薰味，無論口感及味道都很特別。〔脆皮咕嚕黑豚肉〕$128黑豚肉鮮嫩多汁，而且脆皮做得非常出色，實在太香脆了。我也挺喜歡這個醬汁，因為不會過濃，搶奪了豬肉的鮮味。〔醬皇海鮮千層腐皮〕$128熱鍋菜式非常暖胃。一層層的腐皮吸盡了海鮮的精華，口感柔軟。海鮮種類非常豐富，帶子、鮮蝦、魷魚及珊瑚蚌都很鮮甜。

今日有其他親友喺外國返港，所以我們就約埋一齊去尖沙咀北京道一號嘅「海港薈」飲中午茶！一入到去就見到店內嘅環境裝修相當舒適寬敞，而且我們咁啱坐喺落地大玻璃窗口位置，一邊望著窗外嘅無敵維港海景，一邊享用精緻好味嘅點心，感覺真係好正呀！由於他們話有超長時間無食過港式點心，所以我們就叫咗好多唔同款式嘅點心嚟食！豉汁蒸鳳爪燜得好腍好入味，醬汁嘅味道惹味得嚟唔會過鹹！豐料珍珠鷄嘅糯米煙韌度啱啱好，唔會過度腍身，餡料亦好足料豐富！鮮蝦菜苗餃嘅餃皮相當煙韌薄身，可以好清晰咁睇到入面青嫩嘅菜苗餡料！蟹粉小籠包嘅肉質好鮮嫩多汁，肉汁嘅味道亦相當鮮甜！西班牙黑毛豬叉燒「例」嘅肉質非常鬆化軟滑，肥瘦度適中，而且畀香甜嘅蜜汁包著，最好仲要係我們最鍾意嘅厚切，所以口感特別好！脆米海鮮泡飯嘅海鮮湯味道好鮮甜香濃，加埋啲脆卜卜嘅脆米一齊食，口感真係相當豐富！黑松露煙燻蛋煮嘅時間啱啱好，做到有流心嘅效果，質感亦非常軟滑，而且有黑松露舖面，雖然黑松露嘅味道好香濃，但都掩蓋唔到濃郁嘅煙燻香味，至於擺設賣相亦相當精緻吸引！

住在海外的表弟跟死黨來香港旅行，兩姐弟難得相逢，得安排一頓中菜讓他滿足一番。鹽燒六頭鮮鮑魚鮑魚個子足六頭，外層香口，肥美厚肉，彈牙無比，鮮味十足，少許咸香更顯原汁原味。磯燒魚乾入口香噴噴，卜卜脆，燒得惹味，比平常的更可口，十分有口感，沙律醬夠多，如有旦黃醬就更佳。惹味醬爆西班牙黑豚肉有菜包著吃，就像生菜包原理😋和蒜粒葛粒韭菜洋蔥等等爆炒，炒得香辣爽口，豚肉肥瘦參半，肉質有少少脆，內𥚃鬆軟，一點也不肥膩，醬汁又滋味，不得不試。鮑魚堤岸炆飯男生無飯不歡，有米落肚才稱得上合格，於是要了這道。用了香菇西芹瑶柱蝦仁帶子雞肉等一起炆，飯粒吸盡鮮味，又帶有蒜片香，足夠三人吃呢😂當中的鮑魚粒甚彈牙！！食後感：擁有開揚氣派的裝潢，面對維港靚景用餐格外愉悅。

今日同女朋友去飲茶，約埋女朋友屋企人一齊飲茶，想有好印象所以一早做好功課，上網搵左一間環境好吸引既酒樓。女朋友負責點餐，佢好鐘意餐廳又大又舒服，空間感十足。鮑魚燒賣，原隻鮑魚夠貴氣，鮑魚香軟夠彈牙，不失口感，味道算入味，燒賣蒸得唔會太乾，豬肉餡豐富，半肥瘦豬肉，入口肉香重。黑松露野菌餃，薄薄粉果皮夠通透，唔會太厚皮，中間野菜餡料非常豐富，松露味道濃郁。花膠鮑魚灌湯餃，水餃大大隻，仲有花膠鮑魚夠哂足料！黑毛豬叉燒好厚份又厚肉，燒得香脆香口，外層焦脆口感佳，中間肉質非常爽嫩。叉燒包用上黑毛豬製成，麵包鬆香，吸哂豬肉香味，肉餡同樣出色。湯飯加上脆米口感好特別，湯汁濃香，唔會太咸。最後有個芝麻糕，芝麻味濃郁，糕感鬆軟。女朋友同屋企人都好滿意！

同事跟朋友食飯訂了枱卻被放飛機, 臨時拉夫做了登腳, 今晚在北京道一號的海港薈, 地點方便之餘, 還有遠望海景, 正是又食得又睇得小小前菜同事點了小食及燒鮑魚, 再加一飯一餸, 見有黑松露煙薰蛋見獵心喜叫了來試試, 蛋漿馥郁很不錯; 餐前小點 - 磯燒魚乾,  魚乾燒得香脆,  跟日式河豚干有點相似但咬下去有 juicy 口感, 點上少少沙律醬  粵式食材日式處理, 有趣兼好味, 佐酒一流鹽燒六頭鮮鮑魚 - 九孔鮑魚烟韌有質感, 鮑魚味算濃, 加上用鹽燒製法, 吃下去竟有點椒鹽味道, 額外香口; 醬爆西班牙黑豚豬-梅菜以泰式油炸, 再加XO醬調味, 非常惹味; 用生菜包形式吃下去更加好味鮑魚堤岸炆飯 -  口感是在炒飯與燴飯乾濕度之間, 味道不算太鹹, 用來佐餸更佳; 內裡粒粒鮑魚, 還有帶子, 材料豐富; 單吃一個飯也非常滿足雖然只試了幾款, 但味道都非常滿意, 餐牌內還有太多其他, 相信會再來試多幾款滿足胃口了. 

今晚收工同屋企人係尖沙咀食飯，之前同朋友食過海港薈，所以今次都帶埋屋企人去食我地叫左金沙炸魚皮，其實係我自己本身好鍾意食炸魚皮，然後見到又係金沙，咸蛋好平均咁係炸魚皮上面，每塊魚皮都有咸蛋包住，好好味！鍾意食重口味既千萬唔好錯過然後黑松露煙燻蛋，蛋上面見到黑松露，入口有黑松露既香味，然後蛋黃並唔係熟晒，煮既時間岩岩好，味到好濃郁！脆皮咕嚕黑豚肉咕嚕肉煮得真係剛剛好，口感好軟熟，唔會咬唔開，而且酸酸甜甜，好開胃。黃金有米魚我地全部都鍾意食魚，而佢係用東星班，黎到果2陣上面有d似米通既係魚上面，職員現場煮湯再裝成一碗碗，而且現場煮起，魚肉好鮮湯好甜。醬皇海鮮千層腐皮黎到既時候熱辣辣，冬天食佢一流，有滿滿既海鮮配料，有蝦，有帶子，而佢既腐皮係厚身，唔係一塊塊，索晒汁，配飯真係無得頂最後鮑魚堤岸炆飯好大一煲飯！入面好多配料，不飯果陣原來煲底重有隻蛋！鮑魚一粒粒配飯好有口感，正

今日同屋企人去食飯，大家都想飲茶，我地去左尖沙咀海港薈。我地鐘意環境又大又靚，我地叫左幾款食物。黑松露野菌餃，香軟又薄既粉果皮，晶瑩剔透，中間有豐富既野菌餡料，一口一件，入口濕潤夠咸香。鮑魚燒賣，賣相吸引又高貴既鮑魚燒賣，鮑魚香軟入味，燒賣蒸得剛好，入口彈牙。灌湯餃入口軟腍，我超愛湯底好咸香足料，香甜濃郁。黑毛豬叉燒厚切，燒得外層香脆焦香，中間肉汁豐富。黑毛豬叉燒包，麵包軟熟，醬汁香甜肉粒又多！雞中翼肉質好滑溜，屋企人剛剛好一人一隻，蜜汁味甜甜地，好開胃。芝麻糕芝麻味香濃，入口煙韌鬆香，甜度又唔高。湯飯加脆米夠哂特別，屋企人好欣賞湯底夠濃郁而不膩，加左脆米口感更加有趣，每一口都脆卜卜。

上個星期六同家姐補足生日，幾姐妹一齊嚟到尖沙咀行街兼食Lunch～平時成日係屋企樓下飲，都飲到悶！一於出嚟食餐好！#西班牙黑毛豬叉燒包 $48睇外表真係無咩特別，一搣開包嘅內餡，就見到貴價嘅西班牙黑毛豬，口感更加軟腍香甜，絕對係一家大細都啱食嘅點心之一。#鮑魚燒賣皇 $48好隆重嘅鮑魚燒賣皇！！鮑魚同燒賣size相約，一啖放入口都覺得奢侈lol，燒賣肉質彈牙﹐上面嘅鮑魚唔會蒸到硬晒，味道好好！#鮑魚花膠灌湯餃 $48少有會飲晒啲湯嘅灌湯餃，湯底集鮑魚花膠於一身，湯底一啲都唔咸，灌湯餃偏軟腍，味道絕對貨真價實！#西班牙黑毛豬叉燒(例) $168食完叉燒包見到原來叉燒有得單點！！忍唔到手又落單了，厚切、有咬口，被香甜嘅蜜汁包住，淨係睇相以為好瘦？啖啖油香嫩肉，停唔到口！#生磨黑芝麻糕 $30姐姐們大愛嘅芝麻糕，黑炆炆嘅佢查實係禾桿冚珍珠，咬落香濃嘅芝麻味化於口中，食到成口都黑晒都唔後悔！lol#脆米海鮮泡飯 $98人多嘅關係我哋最後追加咗泡飯，以為係小砂鍋，點知我哋四個人食都有突？！炒米會嚟到客人面前先放落泡飯，食落脆脆哋，仲好足料！

今日同屋企人嚟到呢度飲茶~我哋叫咗好多食物呀﹗最鍾意係鮑魚花膠灌湯餃，原本以為正常一碗既份量，上枱先發現原來份量都唔少架~而且好足料，好好味呀﹗之後仲有媽媽最愛既芝麻糕，好香呀，帶點懷舊既味道，又唔會甜。而脆米海鮮泡飯四個人食每人都有成一碗半，抵食呢~今次都係我第一次食黑毛豬叉燒，唔會太肥又唔會太瘦，有口感呀。仲有我最鍾意既蟹粉小籠包，薄皮之外，仲有蟹黃、蟹肉同肉汁裡，食完都好滿足﹗下次可以再黎食呢~

食得多西式野都好想食下中菜, 今日去咗酒樓食閨蜜的團年飯, 發現喺北京道1號 這裡竟然有個小天堂。 環境靚,是看著維港無敵境還可以看幻彩泳香江。地方好寬落, 報局是長型婚禮擺酒好地方, 所以坐得舒適。海港系列其實不只食阿拉斯加蟹嘅,哈(雖然眼見枱枱都食) 但得我同閨蜜二人, 就有食海港另外一樣招牌 > >>>燒鵝!這個燒我敢說好食過曬深井那邊的所有... 燒鵝皮是脆的, 真的可以聽到咬下一刻的爽脆聲音。 肉質嫩口多汁,完全沒有膻味, 就算少少肥的位置都充滿是燒鵝油香。就算我食一輪其他餸時 隔左一陣再食D 燒鵝皮仍然脆。真心讚。其他小菜方面一樣算出色:惹味醬爆西班牙豚肉- 配料多,有韭菜,菜餔,雪菜,洋蔥, 蝦米等等... 個醬汁好似xo 醬咁,好正好惹味又小小辣, 豚肉都被切得細小, 再包住生菜食係一流的。不過偏咸, 唔包生菜就適合配飯。金湯野菌雨衣甘藍- 是南瓜肉的上湯菜, 味道清淡, 羽衣甘藍煮得恰到好處，沒有渣。磯燒魚乾- 佐酒小食一流。菜遠海鮮雙面黃- 外表似傳統的炸麵,但麵質比一般幼細,吃下感覺更覺鬆脆而且不會油膩。整體都算係高質酒樓水準, 份

同三五知己收工食晚飯，估不到尖沙咀有間海港薈小菜又幾出食，價格又合理，四人食埋單都是每人四百元。六日多數做婚宴，平日就多數做小菜。一開始我們選了二個小食，我們揀了酒糟鴨舌，有濃郁嘅酒香味，指甲留香，感覺自己置身在台灣。第二碟是金沙炸魚皮，用上鮮製嘅魚皮加上鹹蛋黃沙一齊食，10分美味，因為熱食更添美味。到主角出場，黃金有米魚-紅色東星班切件再即場沸好魚湯加飯脆卜卜好新𩓙食法，魚湯非常出色，魚肉好滑是上菜之選。出面多數清蒸，這個食法同樣美味及別具特色。陳皮豆豉炒蝦球，每隻蝦都非常大隻，再加上陳皮豆豉洋蔥非常醒胃。醬皇海鮮千層腐皮-入邊除咗有大隻蝦,帶子，冬菇及貴妃蚌，仲有主角嘅千葉豆腐，非常好味的一個大鍋。粵式菜遠海鮮雙面黃， 面底好趣，配上海鮮配料又是好味小菜。仲有一啲平價小菜及12人圍餐， 價錢都非常合理。