海港薈

营业中

休息中

今日應承左屋企人請佢地一試出名海景薈飲茶一到步酒樓環境好有西式田園感覺當日仲又人包左半場擺酒一坐底已經可以欣賞到一片維多利亞港可以望住海景嘆住茶食點心 真係好寫意環境果然一流當然亦都要試下佢地既招牌點心西班牙黑毛豬叉燒包黑毛豬肉大大粒而且醬汁香濃鮮竹牛肉球一入口有好香陳皮香味牛肉球夠彈牙 春風得意腸入面原來用脆網包住炸蝦腸粉皮軟綿綿嘅先軟後脆既口感令人一試愛上脆米海鮮泡飯份量好足有粒粒帶子 蔬菜粒泡飯吸收哂龍蝦湯最後再灑上脆米一齊食非常滋味呢度飲茶環境一流而且唔會太嘈價錢亦不貴可以舒舒服服共享家庭之樂

從親友口中得知,位於尖沙咀區內的海港薈是非常值得一去的餐廳式酒樓;於是碰上我在這個非週末而悠閒的放假日子當中,與家母來享受一個令人心曠神怡的午膳!雖然感覺食肆所處的北京道一號大廈離地鐵有點兒隔涉,但跟著Openrice大神的地圖功能,就可走一條最快的路到達;大廈本身佔盡了位於尖沙咀海旁的地利,在上面的餐廳可說是有極大的優勢!經過扶手電梯與升降機,來到餐廳的入口;從門面上看,已給人的感覺是非常舒服,米白色的拱門加上綠樹的襯托,整個佈局帶點中西交融的況味!室內的裝修與佈置更是不得了!開揚的無敵維多利亞海港景緻盡入眼簾,以白色為主調的天花,牆身,餐桌椅,帶點宮庭式的隆重感;配以柔亮的燈光,寬敞的行間,置身其中確讓人心情舒暢!在這寧靜逸致的環境中,得以細味著佳茗來看著餐牌精挑一下此店午膳主打的點心;經一番斟酌後,選好食物後就落單了;等待食物上來的時間,對著透過落地玻璃幕牆呈現出的開揚維港景色,可和家母靜靜地欣賞著,讓人有種幸福感!待侍應遞上的點心一一被我們開懷地品嚐後,發覺從侍應的殷勤而細心的服務態度,食物的質高而價錢合理,配上優美舒適的環境,無怪乎此店作為海港集團的旗艦店,實在是親友間聚餐的

超新鮮生猛阿拉斯加大隻巨型牆腳蟹！$228一斤，職員會帶你自己去揀蟹，一般四至五斤，揀咗幾隻都要五斤左右，最後揀咗一隻五斤二兩，揀咗清蒸！非常鮮味！肉質鮮嫩，完全唔使點汁，食落，非常鮮甜，拆蟹拆到手軟。加$100就可以將蟹膏炒成飯超級大碟呀，一啲都唔欺場配料，甚多有十幾粒帶子鮮蝦蟹肉炒食，擺設亦有看頭，用阿拉斯加蟹學做伴碟，但可惜個職員十分不小心一上菜便將蟹殼跌咗落地下度！！三個人食勁飽！望住尖沙咀維港落地玻璃仲可以睇埋幻彩詠香江，以北京道1號呢個地段計，呢個價錢抵食！

星期日同屋企人飲茶, 來到尖沙咀北京道一號的海港薈, 發覺這真是個飲茶的好地方, 環境闊落, 仲可以望到對面海灣仔的景像, 有煙花放的日子這裡都是一個絕靚的睇煙花的好地方. 不但止環境靚, 飲茶的食物亦都相當之唔錯! 我們order了幾款點心, 有XO醬炒腸粉, 鮮蝦菜苗餃, 松露野菌餃, 西班牙黑毛豬叉燒包, 原隻鮑魚燒賣皇及黑毛豬叉燒腸, 款款都好食, 水準超出我們預計之外, 首先上枱的XO醬炒腸粉, 醬色的腸粉, 條條都色澤均勻, 每條腸粉上面都沾有蔥花及XO醬, 食落口, 腸粉外層有少少脆而且入晒味, 好香口, 好好食! 松露野菌餃上枱已聞到松露香, 食起上來外皮煙韌, 裡面的雜菌鮮香又有咬口, 再加上有松露醬特有的香氣, 這款松露野菌餃好食得不得了, 一人都可以食下一籠, 但因為同家人一齊, 唔好意思整籠食咗去, 雖然是素餃, 但真的好好味. 仲有黑毛豬叉燒包, 熱辣辣的叉燒包外層鬆軟, 裡面的叉燒香甜, 食起上來個叉燒肉的質感是爽的, 有咬口,而且在口腔中是越嚼越有豬肉香, 叉燒包我食得多, 但這間的叉燒包我認為是我食過其中數一數二好食的,真的超好食! 黑毛豬叉燒腸都一樣,

今天陪媽咪及阿姨到尖沙咀購物，行程第一站就是到酒樓叉足電然後展開數小時的購物旅程。 這家海港薈座位之空間十分足夠。一列寬大窗戶遠眺對岸港島和會展的美麗景緻 ，的確令人心情舒暢。這裏的侍應服務很到位又有禮。這天我們吃了幾個點心和兩個甜品。鮑魚花膠灌湯餃 $33 有原隻小鮑魚和花膠，真材實料，高湯底鮮香惹味，只見亞姨食到心心眼。原隻鮑魚燒賣皇 $38 原隻小鮑魚有鮑魚很可爱，燒賣内的蝦肉爽彈鮮甜。 翡翠筍蝦餃皇 $38 蝦餃皮薄，蝦肉新鮮爽彈、有蝦味。豐料珍珠雞(兩隻) $30 珍珠雞材料新鮮，不會太多汁以致過於濕笠，以紅、白兩種米代替糯米，不會有飽滯感，個人感覺比傳統珍珠雞更好吃。黑毛豬叉燒腸 $48 豬肉的肉香及口感爽實，油脂不多， 腸粉質地幼滑有米香。楊枝甘露 $30 桂花椰汁糕 $30 這甜品以清香的桂花與香甜的椰汁製成，媽咪和亞姨也很喜歡。

星期日一朝早就同屋企人去飲茶因為太早所以無咩人，員工都唔太多對住中環維港個景食野的確係唔錯西斑牙黑毛豬叉燒包&黑毛豬叉燒腸黑毛豬同普通豬真係唔同，唔會乾仲有個包同腸粉都有好多函，不錯不錯燕窩蛋撻蛋撻略嫌甜左啲，不過有燕窩咩都抵返晒啦新派馬拉糕馬拉糕都幾鬆軟，但我就覺得甜左少少鮑魚汁鳯爪鳯爪食得出好新鮮，煮既時間岩岩好，唔會煲到淋晒，鮑汁唔會濃到好咸個隻原隻鮑魚燒賣皇隻鮑魚好大粒，隻蝦幾爽口，又唔會好多肥豬肉總括黎講，環境配埋食物質素，性價比幾高。係上菜速度有點慢，其他都很好一家大細去飲茶

清假當然要同媽媽去飲個茶食個包，來到北京道一號，對住維多利亞海景食，又一享受。蟹肉粟米羹粟米羹老少咸宜，一向都是我的最愛，今次加埋蟹肉，加分。招牌三色包三色包為合桃包，奶皇包，豬仔奶皇包造型趣致可愛，三款包不算太甜，合桃包仲有合桃粒粒。恩愛天鵝酥不單止做型好可愛，吃下鬆脆，叉燒汁亦夠惹味。原只鮑魚燒賣皇燒賣豬肉鬆軟，鮑魚放在燒賣上，飽魚甜甜的蠔皇味，好豐富。鮑魚花膠灌湯餃灌湯餃用料充足，竹笙，蝦膠，瑤柱，還有鮑魚花膠，上湯鮮味十足。椰皇燉官燕椰皇熱騰騰，打開椰皇的蓋，椰香撲鼻，燕窩加埋燉蛋白好滑，在椰皇內燉，夠養顏。媽媽對呢餐飲茶好滿意，她還拍了很多照片，點心得意又好食。

位於北京道一號九樓的海港薈擁有無敵維港景，座位寬敞，加上優雅的裝修和擺設，給人一種舒適的感覺，絕對是飲茶和晚膳的好地方。今天十一時許已抵達海港薈，時間尚早，所以便可即時入座。打開餐牌，林林總總的特色點心、小食、午市粉麵飯、小莱和廚師推介，選擇很多。最後我們二人點了些點心小食和一個廚師推介，大快朵頤。～鮑魚花膠灌湯餃（$48）真材實料的濃湯喝起來一點也不膩，鮑魚仔有咬口，薄花膠又爽口，再來一個灌湯餃，感覺滿足。～原隻鮑魚燒賣皇（$38）原隻小鮑魚味鮮有𡁻口，燒賣皮內的餡料豐富，蝦和肉亦爽口，味道適中。～翡翠帶子腸（$38）翡翠帶子爽口，腸粉皮不厚並有少少煙韌，沾上豉油來起，味道更鮮甜。～香煎蘿蔔糕（$26）蘿蔔糕煎得恰到好處，內裏的臘腸粒惹味。沾海鮮醬來吃，味道變得多層次。～恩愛天鵝酥（$33）賣相吸引，天鵝造型的叉燒酥滋味無窮。伴碟的鵪鶉蛋是我們很久也沒有吃過的，所以我們一定不會放過這兩隻雖然膽固醇高但又美味和營養價值高的小蛋。～脆皮咕嚕黑豚肉（$58）這廚師推介果然令人一試難忘，黑豚肉淋滑又有𡁻口，新鮮菠蘿清甜，再配清新的紫洋蔥和青椒一起炒，味道甜甜酸酸，極為醒胃。面對著窗外的藍天碧

今日跟家人到尖沙咀逛街，臨近五一黃金週，四處都是遊客，我們想找個高級靜一點的酒家飲茶，所以到了北京道一號海港薈。時間大約十二點，尚未有大多人，都不需要排隊，樓家面積很大，任何位置都可以飽覽維港風景，而且不像其它別的樓家坐得很擠迫。點心紙上有很多特式點心，如招牌三色包、鮑魚燒賣、黑毛豬叉燒包等等......我們最後點了鮑魚燒賣、香茜牛肉腸、鮮蝦菜苗餃、豉汁香芋蒸排骨、西班牙黑毛豬叉燒包、龍門炒鴛鴦米。鮑魚燒賣 - 蟹籽燒賣就吃得多，鮑魚真是第一次吃，賣相已很吸引。西班牙黑毛豬叉燒包 - 用上黑毛豬肉，油潤甘香，肉嫩多汁，有別於一般叉燒包。香茜牛肉腸 - 牛肉腸不會太死死實實，蒸的時間剛剛好，配合芫茜一絕。豉汁香芋蒸排骨 - 味道不錯，但個人覺得略肥，但都好好味。龍門炒鴛鴦米 - 用了粉絲、米粉、雞蛋等材料，味道相當惹味，份量足夠。總評：不論環境、味道、服務都一流！

朋友在尖沙咀工作，找我幫忙看看他的保單，雖然我不彈此調久矣，但仍可以幫他看看。他約了外在他公司附近的北京道一號九樓的酒樓，說點心不錯，亦曾在此觀看維港的煙花匯演。因為訂了位，所以來到就可以內進了。我們點了翡翠筍蝦餃王、春風得意腸、馳名燒鵝皇(例牌)及安格斯牛肉炒河。翡翠筍蝦餃王一籠有四隻，每隻都有幾隻蝦，加上筍絲，爽口有鮮味，亦能做到皮薄餡靚，蝦餃皮不糊口。春風得意腸內脆外軟，裡面脆的不是用春卷皮，而是像芋角外層的那種，所以非常鬆脆。外層的腸粉，以一些生菜相隔，隨了可以令腸粉不會黏在一起外，亦增加了點心軟中帶脆的層次感。馳名燒鵝皇(例牌)果然燒得不錯，熱辣辣的，皮脆肉嫩，肉質豐厚，雖然略嫌油份多了些，但亦帶出鵝香。還有安格斯牛肉炒河，牛肉有鮮味而鬆軟，有用XO醬一類來調味，甜中帶少許微辣，朋友就覺得味道濃了些，而炒河粉也難免用油多一些。兩個大男人也吃不了這麼多，朋友不想浪費，將半碟牛河及一隻燒鵝髀打包回公司。我只是舉手之勞，這餐由朋友埋單，下次我來結。

一有假期就最啱去飲茶食下點心咁先至享受，是日就去左尖沙咀飲茶，飲完茶又可以係附近行下街夠晒方便，就去左北京道呢間酒樓飲茶，一入去已見落地大玻璃可以望見維港海景一邊食冇得輸，坐低先飲番啖茶再攞張點心紙再揀心愛美食，係點心紙有多款美食，有精美點心、香滑腸粉、炸焗點、甜品、小食推介、味部推介、午市粉麵飯同廚師推介有咁多選擇，就點番幾款美食大家品嚐，先來有係小食推介XO醬炒腸粉，入口食到熱辣辣嘅炒腸粉，腸粉炒得夠乾脆每條都沾滿XO醬，食落特別香辣又惹味，再來有點心鮮竹牛肉球，入口啖啖肉又多汁，另一係款西班牙黑毛豬叉燒飽，會同平時食開嘅叉燒包有D分別，因為用左西班牙黑毛豬，肉質會更細嫩食到啖啖香甜肉汁正，接住有櫻花蝦椰菜炒粉絲，粉絲炒得好爽滑吸收晒所有精華，加上櫻花蝦同椰菜嘅鮮甜食落更滋味，品嚐完一輪美食後，再食埋甜品桂花椰汁糕已經滿足晒所有食慾。

飲茶可以話係中國人嘅傳統，尤其是孝順父母第一種表現，每星期抽點時間出來跟父母飲茶溝通一下近況，也是父母擦存在感的一個指標呢！星期天一早起床到尖沙咀北京道1號海港薈，預早訂好海景位置，跟父母來個一盅兩件。飲茶顧名思義茶是很重要的，爸爸喜歡喝龍井，這裏的茶高質素又香濃。點心價錢親民，還有很優惠的孖寶，享受靚景服務之餘還有高質素的點心食物最後埋單每人消費在$150 以下，這裡喝茶也不貴哦！西班牙黑毛豬叉燒包 $48爸爸很喜歡吃叉燒包，他跟我說這裏有一個必食推介，就是西班牙黑毛豬叉燒包，果然係非同凡響，叉燒包都做到流心的感覺，西班牙黑毛豬肉質特別鮮甜柔嫩，叉燒包一口咬下去有爆炸的感覺，包包熱辣辣口感柔軟，吃一個已經滋味無窮。超值孖寶 $98/份這個認真超值，兩個點心嘅價錢已經可以吃得飽飽的。脆皮醬燒雞半隻 + 手打魚腐勝瓜。媽媽愛吃雞髀，口感脆皮，醬燒雞令雞肉味濃郁惹味，肉質鮮嫩又夠多汁，半隻雞很快比我們一掃而空，非常美味。有一點喉嚨痛的我想吃清淡一點， 手打魚腐吸收了湯汁的精華，勝瓜軟腍整體味道感覺清新又健康。蟹肉瑤柱蛋白炒飯 $128蟹肉真材實料十分豐富，瑤柱蛋白增加口感，炒飯粒粒分明，每

約咗朋友到尖沙咀飲茶， 上網search到尖沙咀北京道1號這間海港薈， 上到9樓打開門是全層的，全海景環境非常舒服。點心種類都非常多選擇，這個西班牙黑毛豬蜜汁叉燒包，包身鬆軟內裏蜜味黑毛豬叉燒肉味濃，值得一試。小食嗌咗四喜烤麩， 這個烤夫做得好入味， 朋友食到讚口不絕。看見這個"粽有你" 好吸引, 一於試個鴛鴦糯米粽， 糯米好紮實口感又煙韌，味道非常唔錯。鮑魚燒賣大大粒， 鮑魚仔好鮮甜。黑松露素餃皮薄餡靚。還有這個迷你菠蘿咕嚕肉和鮮茄魚腐浸時菜都做得唔錯。這裏的食物質素和環境，性價比高。

呢日嚟到北京道一號嘅海港薈同屋企人飲茶～一上到去就覺得好靚，望住個無敵大海景，又有好多花花裝飾，同埋成個店面都冇柱，所以一眼望晒，擺酒都應該唔錯～呢到嘅點心幾特別，比較新式，好精緻～南美花膠煲螺頭（$58）花膠湯，味道清甜！好足料，好大塊花膠，仲有螺頭、鮑魚仔、雞腳。恩愛天鵝酥（$33）個樣好靚，好啱打卡其實係叉燒酥嚟嘅～外層好脆，唔厚，滿料～燕窩蛋撻（三隻）（$33）蛋撻皮比較鬆軟，而個蛋仲朗下朗下嘅，好滑～仲配埋矜貴嘅燕窩waaaaaa! 黑毛豬叉燒腸（$48）腸粉皮好薄好滑，而料都好足～XO醬炒腸粉（$58）熱辣辣，唔會好快凍晒硬晒，好味道西班牙黑毛豬叉燒包（$48）叉燒包料好滿，又多醬新派馬拉糕（$26）上湯珍菌浸白菜仔（$58）除咗上菜有啲慢之外，其他嘢都唔錯～呢到行嘅路線比平時嘅海港高檔次，所以價錢會偏貴，但相對上質素都高好多，唔錯唔錯menu：

以前讀書時常常與家人到北京道1號飲早茶，都很多年沒來了. 這天因事要和家人到尖沙咀，順道來飲早茶，原來9樓的酒樓現在已轉為海港薈.酒樓裝潢以白色為主調，配以北京道1號的特高樓底以及金碧輝煌的巨大水晶吊燈，感覺相當華麗; 而且枱與枱也有適當距離，環境空間感覺份外舒適. 如果能夠坐到靠窗位置，更能近距離望到維多利亞港的景緻，環境方面絕對吸引!茗茶每位$15; 點心價格方面: 小點$22、中點$26、大點$30、精點$33、特點$38香茜牛肉腸 (精點) 即叫即蒸的牛肉腸，腸粉皮相當嫩滑，當中的牛肉餡料也多，配以甜豉油已經很好吃!翡翠筍蝦餃皇 (特點) 一籠4隻大大隻的蝦餃，外皮煙韌且晶瑩，內裡是爽甜彈牙的蝦肉，是飲茶不能缺少的點心!!西班牙黑毛豬叉燒包 ($48) 特別用上西班牙黑毛豬弄的叉燒包，肉餡甘甜配以半肥瘦叉燒，水準也不俗~栗子鮮蝦腐皮卷 (精點) 喜歡吃炸物的我，見到這款特別的栗子鮮蝦腐皮卷，當然要點來一試~ 即炸的腐皮卷鬆脆且油份不多，內裡是蝦肉以及栗子粒，是一客頗特別的腐皮卷呢!吃過4款鹹點，有點意猶未盡，再點來2款飯後甜品. 該2款同樣是黑色的點心令送餐的姐姐都感覺